اميرة 3

رفعت راسها اليه هاتفة _ليه يافارس

نظر لها بتساؤل لتكمل كلامها الغير مفهوم بالنسبة له

ليه وافقت اننى اقابل يوسف وانت عارف رايى فى الجواز من جديد وطبعا كنت عارف هو عاوز منى ايه

احم ايوة فعلا كنت عارف ومن زمان كمان مش من دلوقت حبيت انه ياخد فرصته معاكى يمكن يقدر يجذبك له مين عارف ها بقى طمنيني عملتى معاه ايه

مش مهم عملت ايه المهم حصل ايه

ازاى يعنى فزورة ديه

مروان كان بيراقبنا وھجم علينا وقال كلام كتير فى حقى وحق يوسف واخرتها اعترف لى انه رجعنى لعصمته قبل العدة ماتنتهى بيوم واټخانق مع يوسف واتشابكوا

—

بالايدي وطبعا انا هربت لاننى ماقدرتش استنى اكتر من كدة

انتفض فارس من مكانه غاضبا لتحمر اوداجه ليصيح _هو لعب عيال ولا ايه هو مش طلقك ورماكى وخانك رجعك ليه دلوقت

مش عارفة يافارس انا هتجن من امبارح مش قادرة اصدق اننى هرجع اعيش مع البنى ادم ده تانى ومش عارفة اعمل ايه

طيب اهدى ياحبيبتى خلينا نفكر بهدوء شوية

احنا دلوقت لو عصبنا وثرنا مش هنستفاد حاجة الا العند والاصرار منه ومش بعيد يطلبك فى بيت الطاعة كمان .. بصى احنا لازم ننتظر الخطوة الجاية منه هتكون ايه وعلى اساسها هنتصرف .. ولاخر مرة هسالك يااميرة انتى لسة بتحبى مروان او بتحسى باى مشاعر ناحيته

شعرت بخجل واسبلت اهدابها الى اسفل ولم تستطع ان ترد عليه

عينيها هاتفا _ اذن سيبينى بقى اتصرف معاه بمعرفتى هنعمله قرصة ودن صغيرة وطالما متمسك بيكى للدرجة ديه ولسة عاوزك وانتى زى مانا شايف كدة مش قادرة تستغنى عنه والفترة اللى فاتت كانت كافية انك تفكرى فيها فى حياتك كلها بدون ضغط من حد يبقى هنسامحه لكن مش دلوقت لما نتعبه شوية و يعرف قيمتك كويس

وانا قلت لك من قبل يااميرة البنات اننى هكون جنبك دايما فى اى قرار تاخديه وعمرى ماهسيبك ابدا او ابعد عنك تانى

مسحت دموعها باطراف اصابعها لتسأله _طيب قولى هتعمل ايه مع يوسف

لالا سيبى يوسف ده عليا ده حكايته حكاية انا قلت له من الاول يبعد عنك لان حكايتك معقدة هو اللى صمم بقى يروح ويعترف لك ربنا يسهل واقدر اخليه يصرف نظر ولو اننى عارف انه هيتعبنى معاه لكن فداكى ياقمر اى شئ يهون

ضحكت من بين اهدابها المبتلة بدموع السعادة وامأت راسها هاتفة _ربنا مايحرمنى منك ابدا يافارس ويديك على اد نيتك قولى بقى كنت فين طول الليل انا اتصلت بيك اكتر من مرة وكمان فى المستشفى