اول يوم ليا ف الشغل3الاخير

أحمد بص للأوراق اللي قدامه، وبص لوجوه الناس اللي كانت بتبصله باحتقار مقزز. مكنش قدامه أي مهرب، الحبل كان ملفوف حوالين رقبته بإحكام شديد ومفيش قشاية يتعلق بيها. مسك القلم بإيد بتترعش زي العيان، وبدأ يمضي ورقة ورا ورقة، تنازل ورا تنازل، وشيك ورا شيك. كل شخطة قلم كانت بتاخد حتة من كبريائه المزيف وبترجّعلي حقي المسلوب.

بعد ساعة ونص في الشهر العقاري والبنك، كل حاجة كانت خلصت رسمي.

شقة زايد بقت ملكي لوحدي 100%. فلوسي بالكامل رجعت في حسابي الخاص وبزيادة تعويضات، ومنى خرجت بحكم اتفاقي ونفقة ملزمة لابنها تضمن له عيشة كريمة من غير ما تحتاج تمد إيدها للواطي ده تاني، وشركة «فيرتكس» اتلغت تراخيصها واتشطبت قبل ما تبدأ، وأحمد اتمنع من دخول الشركة عندنا واشتكاه شريف بيه في نقابة التجاريين وهيئة الرقابة المالية واتشطبت رخصته كمستشار مالي معتمد.

في نفس اليوم بالليل، كنت واقفة في بلكونة شقتي في الشيخ زايد.

الهوا كان بارد ومنعش، النجوم في السما كانت بتلمع لأول مرة أحس بجمالها من سنين. الموبايل بتاعي رن، كان مسج على الواتساب من المحامي: «قسيمة الطلاق صدرت رسمياً يا فندم ومسجلة في الأحوال المدنية، مبروك حريتك.»

مسكت المج بتاع الشاي، وأخدت نفس عميق حسيت بيه بيملى كل ركن في صدري بالراحة والنصر.

بصيت لشارع الشيخ زايد من فوق، وابتسمت ابتسامة حقيقية طالعة من أعماق قلبي. الخېانة كانت ۏجع يكسر أي ست، لكن الذكاء والصبر حولوا الكسرة دي لأعظم انتصار في حياتي. قفلت البلكونة، ودخلت

جوة، وأنا عارفة إن من الليلة دي بس… حياتي الحقيقية لسه بتبدأ، وعلى نضافة.
النهاية