ريم 1

• الفصل الاول • في صباح يوم جديد الشمس طلعت ونورت المدينه بأكملها • بتفتح الستائر وتنادى على بنتها • حنان:يالا يا مريم قومى بقى الساعه بقت واحده وعشره • مريم بصدمه:يالهوى يا ماما انتى سبتينى نايمه لغايه دلوقتى ليه • حنان:انا صحيتك كذا مره انتى ال من ساعه ما خلصتى الجامعه وانتى بتسهرى ومبتعرفيش تصحى بدرى • مريم:مش هخلص منك يا ست ماما انا يدوبك الحق البس وانزل عشان نسمه زمانها مستنيانى دى هتنفخنى

• حنان:ليه انتو خارجين والا ايه • مريم:اه رايحين نجيب فساتين عشان انهارده خطوبه ساره صحبتنا • حنان:الف مبروك عقبال يا رب انتى وهى • مريم:ههههههههه يالهوى عليكى يا ست ماما عايزه تخلصي منى مانتى عندك سمير وشادى اشمعنا انا • حنان: والله اخواتك دول تعبولى قلبى • مريم:ههههههه ليه بس كده يا ست ماما • حنان:سمير ١٠٠مره اقوله على صافى بنت عمتك مجدى وهو رافض • مريم:انتى عارفه يا ماما ان صافى كانت عايشه بره مصر ودلوعه جدا وسمير جد جدا ومش هيعرفو يعيشو مع بعض

• يقطع حديثهم رنين هاتف مريم ويكون المتصل نسمه وترد عليها • مريم:الو • نسمه:بتستهبلى حضرتك ؟احنا مش متفقين اننا نتقابل الساعه ١١مش كفايه انك ماخراته لغايه يوم الخطوبه • مريم:معلشي بقر يا نسومه راحة عليا نومه • نسمه:دا العادى حضرتك يالا بسرعه قدامك نص ساعه لو مجتيش هسيبك وامشى • مريم:طيب خلاص هلبس وانزلك اهو • تقوم جرى على الدولاب تطلع هدوما وتدخل الحمام وتجهز وتنزل • #فى مكان تانى فى جامعة القاهرة • جايه من بعيد بتجرى ووقفت قدامها وبتنهج

• فتون:هدير قاعده انديكى مش سمعانى • هدير:معلشي يا هدير ماخدتش بالى والله • فتون:انتى رايحه فين كده • هدير:انا مروحه اخيرا المحضرات خلصت كان يوم طويل • فتون: طب متيجى نقعد على الكافيتريا نشرب حاجه على بال ما السواق ياجى واوصلك معايا • هدير:لا انتى عارفه انا اما بصدق اخلص محضراتى وامشى جرى عشان احضر الغدا لماما والحق شغلى البردو بوصله متاخر 😔 • فتون’خلاص يا حبيبتى ربنا يعينك سلميلى على طنط مديحه وخدى بالك من نفسك

• يقطع حديثهم واحد من بعيد بيشاور لفتون وهى ترد عليه باشاره من ايدها • فتون:اهو طارق جه يالا تعالى نوصلك فى طريقنا • هدير:مش عايزه اتعبكو معايا • فتون مفيش تعب هو احنا هنشيلك دا احنا هنركب العربيه يالا يالا • وتشدها وتجدى بيها ناحيه طارق • فتون:ازيك يا طروقه عامل ايه • طارق:قولتلك ١٠٠مره قبل كده اسمى طارق وبطلى الدلع دا فى الشارع • فتون:هههههه ماشي يا عم البزنس مان تعالى يا هدير اركبى