مريم ج2
شهد : انا مش عارفه اقولك ايه يامريم .. ربنا يصبرك ياحبيبتي
مريم : خدي الفيلم بتاع الصور اهو … عايزاكي تطبعي ف اقرب وقت عشان نودي الصور للمطبعه تنزل ف العدد اللي جاي
شهد : اكيد ده هاينقلنا نقله تانيه
مريم : طيب روحي شوفي هتعملي ايه وابعتيلي شريف ….
———-
السيده : اللي عملته ده غلط يابني… انت ظلمتها معاك ولسه بتظلمها
عمار : طب اعمل ايه بس ياامي .. اي حد مكاني كان عمل كده واكتر
السيده : المفروض كنت تسمعلها وتحتويها خصوصا انك بتقول انك عارف تربيتها كويس
عمار ناظرا للارض: غصب عني … قوليلي اعمل ايه طيب
السيده : اوعي تطلقها اوعي .. هاتلها هديه حلوة وفاجئها .. اعملها اي مفاجأه فرحها بيها
عمار : صح … انا هعمل كده … انا بجد حبيتك اوي ربنا يخليكي .. اسف اني دوشتك وشغلتك
السيده : كحكحكحكحكحكح بالعكس يابني .. انت ز ي ابني بالضبط ربنا يحميك ويهديلك الحال يارب
عمار : يااااارب هابعتلك الاكل .. متهيالي عدي 20 دقيقه ع معاد الدوا .. عن اذنك
السيده: اتفضل يااحمد
———–
( منزل عمار )
– دخل عمار بهدوء وفتح غرفة مريم ليجدها تجلس ع الفراش تتصفح اللاب توب الخاص بها ولم تنتبه لوجوده
عمار : احم … ممكن ادخل
مريم ….. خير في حاجه
عمار : ممكن تقبلي مني الهديه دي
مريم ناظره ليده : اسفه .. مش بقبل هدايا
عمار : انا اسف بقي يامريم بس ارجوكي سامحيني واديلي عذري .. مش كفايه انك كنتي مخبيه عني
مريم : واللهي دي اسرار شغلي
عمار : طب انا اسف .. حقك عليا
مريم : مممم شكرا …متقلقش مش هقول لعمي
عمار عاقدا حاجبيه : بابا … انا مش بعتذر عشان بابا انا بعتذر لاني غلطت ف حقك
مريم : شكرا بس …… ( تررررررررررن )
عمار : اووووف مش وقتك ياصادق … معلش عن اذنك
مريم : اتفضل
عمار : ايوة ياصادق … الحمد لله وانت … واللهي بجد … طب ايه الجديد …. انت بتقول ايه …. مستشفي ايه ….. طب وبنتي جرالها حاجه …. هي جرالها ايه عشان تدخل مستشفي …. انا كده لازم اجيلك امريكا … لالالا اقرب وقت هكون عندك متقلقش … حح حاضر سلام
مريم بقلق : في ايه ؟
عمار : انا لازم اسافر امريكا … في اسرع وقت
(تررررررررررن )
مريم : الو …. اهدي ياشريف اهدي … انا مش فاهمه حاجه …. اييييييه طب وطنط كويسه … ازاي الكلام ده …. طب انا جيالك حالا جيالك
( فلاااااش باك )
