رواية جديدة جدا 2الاخير
قفل معاه ونام ب ارتياح
” انا هعرفك ي سيف من هيثم طارق
وكل حاجة خدتها مني هخدها منك اضعاف”
_________________
الصبح جه وجهزنا انا وسيف ومشينا
اول م وصلنا لقيت بابا هناك
وواقف ونظراته لا تبشر خير نهائي
يتبع
#
همست بخوف
” بابا! ”
بصلي سيف وهو مسندني واستغرب نظرة الرعب الي اترسمت على عيوني دي
سلم ع بابا ورحب بيه
اتفقدت المكان بعيني يمكن ماما تكون جت
بس مكانتش موجودة
“فين ماما”
قرب مني بابا و الابتسامة متمحتش من وشو
“مش تسألي عن بابا الاول”
حسس على كتفي بحنية غريبة
“بقا بتسألي على ماما لا وترني تطلبيها مخصوص ونا متعبرنيش”
كان جسمي بيرتعش
انا عارفة كويس
النظرة دي انا عارفاها كويس
الحنية دي
كل دول انا حفظاهم
صوتي طلع بالعافية
“انا
انا عايزة ماما
ماما وحشتني”
“ونا
انا موحشتكيش”
حاولت ارفع نظري ليه واحط عيني ف عينه عشان محدش يحس بالشحنة الي انا فيها
بس مقدرتش
شريط ال ١٦ سنة الي عشتهم معاه بيتعاد
الاسبوع الي قضيته هنا فكرت انه هينسيني وجع الماضي
بس واضح ان الماضي هيفضل معلم جوايا
ومهما مرت السنين
هيفضل سايب ندبة جوايا
ندبة مش هتروح للأبد
بصلي سيف
وركز على نظراتي الي كلها توتر وخوف
وهمسلي
“انتي كويسة؟”
بصيتله
“انا تعبانة عايزة اطلع ي سيف
طلعني”
بص سيف ل بابا
“هطلعها وانزلك
الكلام بينا مخلصش”
طلعني سيف ونا تعابير التوتر لسة مراحتش من على وشي
نيمني ع السرير وقعد جمبي
“مش هسألك عن حاجة
ولا هسألك لي شكلك أتغير اول م شوفتي باباكي كدا
بس لو في حاجة مهمة ي نور
يريت تقوليها
يريت متبقيش ساكتة
ملاحظ من وقت م عرفتك الخوف الي بيتملك منك مجرد م يتذكر إسم والدك او تشوفيه
عشان كدا بطلب منك لو في حاجة مهمة
يريت تقوليهالي
ارتاحي الوقت
هنزل وافهم منه جاي لي ومامتك مجاتش
يريت متتحركيش”
حاولت ابتسم عشان اطمنه
بس فشلت
هزيت راسي
وهو نزل
اما انا
ف شريط الذكريات كان بيتكرر قدامي
قعدت اعيط
يمكن أهدى
________________
“مقلتليش بردو يعمي
مامت نور مجتش لي
انت عارف ان نور طلبتها هي مش انت”
“الحقيقة
هي تعبت شوية
وكانت مصرة تسافر معايا بس انا منعتها
عشان متتعبش اكتر
مجرد م تبق كويسة
اوعدك هجيبها لحد عندك”
