رواية جديدة جدا 2الاخير
بس وقتها ي هيثم انت مدتش لحد فرصة يبررلك انت ترجمت من نفسك كدا ومصدقتش حد غير نفسك
قرب هيثم ل سيف
” انت بتقول الحقيقة؟”
طلع سيف فونه ودور على حاجة وجابها
” بص
دي تذكرة الطيران
ودي الفيلا الي بابا حجزهالك هناك
ودي الجامعة الي كنت هتقدم فيها
قفل فونه وحطه ف جيبه بعد م هيثم شاف كل حاجة
” بابا عمره م نسيك لحظة وكان بيفكر فيك آكتر مني انا
حتى انا كنت بكثف شغلي عشان محتاجكش واعطلك عن حلمك
محدش فينا كان ضدك
انت ال عادتنا ي هيثم”
“ازاي
طب لي مقولتوليش”
“انت ادتنا فرصة؟
انت كنت طايح ف الكل ومسمعتش اي تبرير
ف بالتالي بابا منعني اقولك المفاجأة الي كان عاملهالك
وهي انه حجزلك التذكرة
بس انت بغبائك ضيعت كل حاجة”
” يعني طول الوقت دا بابا كان شايل همي ونا اذيته”
” للأسف دا الي حصل
وبابا بعدها تعب وطلب مني مقولكش على تعبه
ونا كنت جمبه طول الفترة دي
ونت بردو ترجمتها ان بابا بيحبني اكتر منك”
حط هيثم ايده على جبهته من كتر الغباء الي كان فيه
كان هيخسر كل حاجة حتى حلمه الي اوريدي هو خسره
بسبب شيطانه وأصحابه الي سمع منهم
قرب سيف حضن هيثم غصب عنه
” إحنا بنحبك
عارف ان صحابك الي وزوك علينا
بس في فرصة تصلح كل حاجة
ولو كان ع الصفقة ف ياسيدي مش عايزها
استلمها انت ونا هفهمك فيها كل حاجة”
خرج هيثم من حضن سيف
“لا انا مش بأخد حاجة مش من حقي”
ضيق سيف عنيه بهزار
“ي راجل”
“ايوا
انت تعبت ف الصفقة دي اوي
كنت بشوفك ونت سهران عليها ورغم دا كله روحت بكل غباء سرقت التصاميم”
” خلاص حصل خير الي حصل حصل
مش ب أيدك تغير الي فات
بس ف أيدك تغير الي جاي”
بصله هيثم
“اوعدك اني هعمل كدا”
سيف بذكائه قدر يكسب هيثم من تاني
ورجعو مع بعض
ووالدهم اتفاجئ انهم مع بعض لا وبيضحكو
فهموه كل حاجة وان الوضع بقا تمام
كلهم نزلو وصلحو الامور وكانو مبسوطين اوي من علاقة هيثم وسيف اي رجعت
بس نيلي كانت رغم انبساطها
لسة حزينة
كان نفسها هيثم يبصلها او حتى يلاحظ وجودها
________________________
مر ع اليوم دا سنتين
سنتين كانو من أجمل سنتين ف حياة نور وسيف
والد نور اتحبس وخد جزائه
وهيثم اتغير وبقا هو واخوه ايد واحدة ف الشركة والشركة اتطورت عن الاول بكتير
والدة سيف اه مقبلتش نور بس بدأت تتأقلم عليها
