رواية جديدة جدا 2الاخير
سكت سيف شوية وهو بيبصله
“مين عمل كدا ف نور ي سيف”
“انت مفكر ان حد عمل فيها حاجة؟”
أتكلم ب استهزاء
” هتكون وقعت مثلا”
“مش مهم سبب الي هي في
المهم إنها بخير”
” طب كنت عايزك لوحدينا نتكلم”
بص سيف حواليه وخده معاه للمكتب
” اتفضل سامعك”
” عندنا ف البلد في جمعية شرعية لسة ف بدايتها
وبتلم تبرعات
ف انت جيت ف بالي وقولت لي مكسبكش ثواب
وتتبرع فيها بما ان ربنا يعني كارمك”
بصله سيف واستغرب طلبه بس هز راسه
” تمام
انا هتبرع بما إنها حاجة لله
شوف المبلغ الي هيحتاجوه ونا تحت امرك”
بص والد نور ب انتصار
” كنت عارف إنك مش هتخذلني يبني ربنا يباركلك”
____________________
“كويس اوي كدا
التصاميم كلها بقت عندي انا”
“هو مش ممكن يبق عنده نسخة تانية من التصاميم دي
وقتها هيبق شغلنا كله ضاع ع الفاضي”
بص هيثم ب ابتسامة
“متقلقش
عامل حساب دي كويس اوي”
“هتعملها ازاي”
” اول م الاجتماع يبدأ
هطلب من الوفد اني أقدم تصاميمي انا الاول
وبابا م هيصدق اني بدأت اهتم وهيوافق
بعدها سيف هيتصدم ان التصاميم دي بتاعته
ومش هيبق عنده اي حلول تانية غير إنه يقدم تصاميمه هو كمان
والوفد لما يلاقي التصاميم متشابهة
هبدأ اعرفهم مين سيف
وازاي سرق كل حاجة كانت ملكي”
” يخربيت دماغك يجدع اي دا”
” الي يدوسلي على طرف
اقسم بالله اطربقها على دماغه”
___________________
سيف كتب ل والد نور شيك ب مبلغ معين
ورجع بلده بعد م اطمن عليا
او عمل نفسه اطمن عليا
ف الاوضة عندي
دخل سيف وقرب مني
” انتي كويسة؟”
هزيت راسي وسألته بفضول
” بابا كان عايز اي”
قالي وهو بيقلع الجاكيت
” مفيش
اطمن عليكي
وطلب مني مبلغ معين اتبرع بيه لجمعية شرعية عندكو ف البلد
ف خده ومشي”
عقدت حواجبي ب استغراب
وقعدت افكر ف نفسي
بلدنا مفهاش اي جمعيات شرعية
انا متأكدة ان بابا ضحك على سيف
بس سيف لو عرف هيقلب الدنيا
اقولو
ول لا
قعدت أفكر كتير وهو لاحظ دا
” في اي بتفكري ف اي”
” ها
ولا حاجة ”
” تمام اثبتي بق عشان اغيرلك ع الجرح”
بدأ سيف يفك الرباط ويغيرلي
ولما خلص كنت لسة شاردة
بابا الي بيعملو غلط
غلط كبير
فيها حبس
لو سيف عرف هيحبس بابا
خصوصا لو عرف موضوع سني الحقيقي دا
“نور
احكي
لو في حاجة قلقاكي
احكي ومتخافيش
انا جمبك”
