وصية المرحوم 2

ليقاطع حديثهم مجئ عز الي سمع كل كلمه ملك قالتها ورقيه بقت واقفه مش عارفه تعمل ايه وملك التفتت الناحيه التانيه رقيه: طيب انا هسيبكم ملك: كنت صح لما قولتلي انك تستاهلي حد يحبك ويقدرك عز پحده وعينه كلها ڠضب من كلامها الي قالته لرقيه: انتي متستاهليش اي حاجه… وانا مش جاي ابرر بس كنت جاي اشوف عندك شك اني اعمل كدا ولا لا وطلعتي متأكده ملك الټفت له وعينها كلها دموع: اه متأكده…. متأكده ياعز

ثم هدأت نبره صوتها: لما قولتلك انا عايزاك رفضت وكأني عملت چريمه مع اني كنت عايزه حنيتك وحبك … وفي نفس اليوم انت الي تقول لرضوي عاايزك انت كسرتنيييي عز كان من جواه تايهه مش عارف هو عمل كدا ولا لا.. بس كلامها الي سمعه منها كان كأنه سهم في قلبه :

انا مش جاي اتناقش في الي قولتيه…هبررلك ليه، ولمين اصلا لوحده شيفاني بخدع وحده عشان اوصل لحاجه مش حقي، بعاملها قدامكم وحش عشان اكسب ثقتكم، لو بعرف اخدع كنت وافقت علي كلامك امبارح وسيبتك تتوهمي وتتوجعي لكن انتي متستاهليش خۏفي عليكي، مش عز الجبالي الي يعمل كدا، ولو انتي مش هتاخدي بالك من كلامك يبقي متتكلميش خالص ملك تقترب منه وحست بندم : عايزني اقول ايه وانا شايفاك ساكت كدا… مش بتبرر ولا بتكدب رضوي

عز: مش فاكر… قولت مكنتش في وعي عز: مش فاكر… قولت مكنتش في وعي.. ملك بصتله: مش فاكر ولا مش عايز تفتكر عز بنبره حاده: يوووه اعتبريها ذي متعتبريها.. عز استدار ليمشي ملك بۏجع ونبره ضعيفه ترتجف: طلقني ليلتفت لها عز وكأنها غرست سکينه في قلبه ثم يسكت للحظات ويقول: طلاقك جاي.. متستعجليش ومشي ملك اتجمدت مكانها مكانتش مستنيه الرد دا كان عايزاه يتكلم يقولها هو عمل كدا ليه، بس عز كان فعلا مش فاكر حاجه والي وجعه اكتر كلامها عنه هو كان سند ليها وكان بيصدقها دايما بس هي في اول مشكله قررت متصدقهوش

ملك فضلت مكانها ټعيط وعز نزل تحت ليجد رضوي لابسه ومستنيه عز بنبره حاده: يلا جليله: انا هاجي معاكم عز: محدش هيجي الي الدكتوره هتقوله هقولهولكم عز أخد رضوي وراحو علي الدكتوره وفياض اتصل علي عمها جلال وابن عمها سليم يجوا &&&&&&& في الطريق رضوي: عز ابوس ايدك رجعني انا مش عايزه اروح لدكتوره… انا بتحرج الله يخليك عز پحده وهو مركز في الطريق: ومتحرجتيش وانتي جايه عندي بعد نص الليل رضوي:حبي ليك هو الي ممعنيش