نرمين من 7-12
شويكار : حايفضل كده لحد إمتى ؟؟ وبعدين هو لسه شاب مسيره يتجوز. معلش يا حنان هو كمان راجل وليه متطلبات وانت فاهمه. فليه مايتجوزش بنتي، هي أولى بتربية بنت اختها الله يرحمها، وكمان زي ما انت عارفه هي بتحبه. ساعديني يا حنان، انت حترتاحي وانا كمان حارتاح، اطمن على بنتي و وبنت بنتي. البنت عدت 30 ولسه من غير جواز. حنان : إن شاءالله يجي نصيبها. شويكار : ما نصيبها موجود. حنان : حاقوم اشوف سيلا بتعمل ايه.
فعلا قامت علشان تبعد من حصار شويكار في الموضوع دا، لان هي عارفه رده فعل ابنها. جا طارق، اول ما شاف حماته قلبه اتقبض. مابقاش بحب يشوفها من كثر زنها إنه يا يتجوز بنتها يا تاخذ سيلا. طارق : اهلا شويكار هانم، اخبارك ايه؟ شويكار: والله يا طارق يا بني حماك تعبان وراقد في السرير بقاله كام يوم. طارق : الف سلامة عليه، حابقا اروح انا وسيلا نطمن عليه شويكار : ما انا جيت آخد سيلا تقعد معانا شوية.
طارق : لا ولو سمحت، من غير ماتقولي ليها حاجة وتزعل بنتي ماتبعدش عن حضڼي، كفاية امها الي جيتي اخذتيها وانا ماكنتش راضي تبات بره بيتها، وحصل الي حصل بنتي لأ فاهمه؟؟ بصوت عالي وقام وسابهم. دخل غرفته قلع البليزر الي كان لابسه والكرافاطه. دخلت حبيبة قلبه… سيلا : بابي وحشتني. طارق : وانت ياروح بابي وحشتيني مۏ.ت. تعالي عندي راحت تجري عنده ح.ضنها جامد وهو بيفتكر الکابوس اللي عاشه من 3 سنين، وشدد في ح.ضنه لبنته لحد ما قدرتش تستحمل
سيلا : بابي انت بتوجعني. طارق: انتبه لنفسه، آسف حبيبتي مش قصدي اوجعك، بس انت وحشتيني. سيلا : بابي هو انت ممكن تجيب مامي ثانيه ؟ طارق باستغراب. طارق: مامي ثانية ؟!!!! مين قالك الكلام دا ؟ سيلا : من غير ما تزعل مني، اصل سمعت تيتا شويكار بتقول لنانا إن انت حاتتجوز وتجيب مرات اب ليا وممكن تض.ربني و تبهدلني. طارق: لا يا حبيبتي اطمني ومټخافيش. بالليل فوق السطوح عند زهرة…. عماد : اخيرا حانتجوز!!
وداد : مش مصدقة نفسي بجد. عماد : من حقك ماتصدقيش نفسك مين كان حيبص ليك. وداد: انت بتقول ايه؟؟؟ لما انا مش عاجباك عايز تتجوزني ليه ؟!؟! عماد : اهي جوزاه و السلام يا بت افرحي مالك قلبتيها نكد وداد : هو انت مش حاسس بنفسك قلت ايه؟؟ عماد : بهزر معاك. وداد : عماد، هو انت بتحبني؟؟ عماد : ايوه يا وداد، انا مش بعرف اقول كلام حلو، بس الحب حييجي مع الجواز و العشرة والي حايحصل بينا اكيد.
