مريم الفصول من 1-8
بس مريم اساسا كانت صحيا مش نايمه..قامت وقعدت زيه وكانت تعابير وشها خاليه من اى شعور يعنى ولا فرحانه ولا زعلانه ملامحها فاضيه. باسل:روما انتى متاكده انك عايزانى فعلا اتجوز؟؟ مريم:اه ياباسل وده شرطى الوحيد لوكنت عايزنى افضل معاك. باسل مسك وشها وقالها:ياحبيبتى انتى ازاى بتطلبى منى كده..انا مش قادر استوعب اساسا..انا بحبك انتى وبس مش عايز حد غيرك. مريم بدموع:بس انت محتاج للامر ده عشان تقدر تجيب اولاد..انا انسانه عاجزه مقدرتش افرحك زى م انت ديما بتفرحنى..بالعكس انت من ساعة م عرفتنى وانا مسببالك متاعب ومشاكل.
باسل خدها فى حــ . ــضنه وقالها:انتى مش عاجزه ياحبيبتى وربنا كبير ومش هيسبنا. مريم:ونعم بالله..بس انت سمعت ب ودنك الدكتور قال ايه. فلاش باك. باسل بصدمه:يعنى مافيش امل يادكتور..مافيش علاج حتى باره؟؟ ايمن:للاسف يا استاذ باسل..الاحتمال ضعيف جدا ويمكن م يكونش موجود اصلا. باسل افتكر الكلام ده وقالها:بس انا برده مش هسيبك انتى روحى يا روما. مريم:ربنا يخليك..بس ممكن تقوم تنام بقى انت ارهقت نفسك اوى النهارده. باسل ابتسملها وباسها فى خدها..وقام غير هدومه ونام وهو حــ . ــضنها جامد وكانه خايف ل تروح منه.
…………………………………………………………………………………………………………………………………………………………………………………………………………………. اما فى الفيلا اللى عايش فيها فارس مع اصحابه كلهم قاعدين وطلع واحد منهم اسمه كمال قال. كمال:هو فين فارس ياجماعه؟؟ طارق:سيبه لوحده دلوقتى بالله عليك لحسن ده ملمس لوحده. كمال:اوه خوفتنى ياض..لا بجد فى ايه هو ماله؟؟ طارق:بقولكو ايه خلينا قاعدين حلوين هو قاعد مع نفسه شويه خليه على راحته. وطلع واحد اسمه مصطفى وقال. مصطفى:احنا كنا عايزين نتفق على شوية حاجات قبل العمليه الجديده. طارق:م اعتقدش ان فارس لى دماغ اليومين دول رايقه للشغل اطلعها انت وعادل.
عادل:لا ياعم الا العمليه دى..ده فارس مطلوب بالاسم وماينفعش نهرج مع الناس اللى طالبينه.. دول م بيهزروش وبعدين المبلغ اللى عارضينه كبير اوى احنا لو عملنا العمليه دى هنكسر ارقمنا القياسيه كلها دى اللى بتتسمى بضــ . ـربة العمر. طارق بتنهيده:طب سيبوه النهارده وبكره نبقى نشوف هنعمل ايه. ……………………………………………………………………………………………………………………………………………………………………………………………………………………………………………………………………… فى اليوم التالى. صحيت مريم وملقيتش باسل ف عرفت انه اكيد راح الشركه ف قامت ولبست وراحت ل جيهان. مريم اول م شافتها ارتمت فى حــ . ــضنها وعيطت.
