مريم الفصول من 1-8
باسل بقلق:ماما م شوفتيش مريم؟؟ ناهد بضيق:ليه بتسئل؟؟هى مش قايلالك انها خارجه؟؟هى لسا م جتش؟؟ باسل:خرجت!!خرجت راحت فين؟؟ ناهد:هو انت متعرفش ولا ايه؟؟هى م قالتلكش؟؟ باسل:لا..لا ماقلتش..هى ازاى اساسا تخرج منغير م تقولى!!وهتكون راحت فين اساسا وهى متعرفش حد. ناهد ببرود ممزوج بفرح فى مريم:الله اعلم. وطلع موبايله وكلمها بس لقا الموبايل مقفول..فزاد قلقه اكتر وناهد قاعده بتتفرج عليه وهو رايح جاى رايح جاى قدامها وهى مبسوطه وقاعده معاه مخصوص عشان تشوفه هيعملها ايه لما ترجع.
باسل فى باله:ياترى انتى فين ياروما..روحتى فين بس ياحبيبتى؟؟ده انتى مالكيش غيرى.. وفاق من شروده على صوت جرس الباب.. فتحت الخدامه ودخلت مريم. باسل جرى عليها ومسكها من دراعها جامد وقالها بقسوه ممزوجه بلمسة حنان:كنتى فين؟؟ مريم بهدؤ:كنت عند جيهان. باسل:ومبترديش ليه على الموبايل ؟؟و ازاى تخرجى منغير م تقوليلى اصلا؟؟ مريم لسا هتتكلم..قطعها فى الكلام وقالها:تعالى هنتــ. ــحاسب فوق. وخدها وطلع بيها الاوضه..وناهد قاعده فرحانه فيها هى متوقعه انه ممكن ياذيها. ……………………………………………………………………………………………………………………………………………………………………………………….
دخل باسل ومعاه مريم الاوضه وقفل الباب ولفلها وقالها:من امتى ياروما وانتى بتخرجى منغير اذنى؟؟ ومن امتى كنتى بتخرجى اصلا؟؟ مريم بهدؤ:ياباسل انا كنت متفقه مع جيهان من بليل انى هاروحلها النهارده الصبح وكنت هقولك الصبح قبل م تروح الشركه بس صحيت ملقتكش. باسل:طب م كنتيش بتردى ليه على موبايلك؟؟انتى مش عارفه انى بقلق عليكى؟؟ مريم:سامحنى والله البطاريه فضيت. باسل قرب عليها وحــ . ــضنها جامد وقالها:حرام عليكى..عيشتنى فى رعب الشويه اللى غبتيهم دول. مريم:انا اسفه ياحبيبى سامحنى.
باسل:روما بالله عليكى م تعملى فيا كده تانى..ده اسواء شعور حسيت بيه..لما حسيت انك مش معايا. مريم:م انا معاك اهو هاروح فين يعنى وانا ليا مين غيرك. باسل بصلها وقالها:بجد ياحبيبتى..يعنى مش هتفكرى تسيبينى ابدا؟؟ مريم:لا طبعا..الا اذا كنت انت طلبت منى ده. باسل:ده يبقى اخر يوم فى عمرى. مريم:بعد الشر عليك. ………………………………………………………………………………………………………………………………………………………………………………………………………………………………………………………….. اما يارا ف بتحاول تتصل ب فارس كتير لكنه م بيردش ف فضلت قلقانه وحاولت تتصل تانى لكن مافيش اى رد برده.
