جديدة
– لا طبعًا ماينفعش, طيب طمني عليه هو عنده ايه يعني؟
– ابدًا يعني زي ما انتِ عارفه هو كان عنده مشاكل في القلب وعامل دعامات قبل كده, فرجعت المشاكل دي تاني بس بشكل اكبر.
-يا حبيبي ربنا معاه, طب انا هاجي معاك اشوفه.
توتر جامد وهو بيرد في محاولة منه انه يرجعها عن قرارها:
يا حبيبي ربنا معاه, طب انا هاجي معاك اشوفه.
توتر جامد وهو بيرد في محاولة منه انه يرجعها عن قرارها:
-لا لا بلاش, قصدي يعني مش مهم, المشوار بعيد عليكي, وكمان عندك شغل.
-عادي يا حبيبي ممكن اخد يومين إجازة, او اقولك اخد أسبوع واجي معاك ازور باباك وكمان تفرجني الأقصر انا عمري ما روحتها.
همس بينه وبين نفسه بغيظ:
-يعني حبكت تشوفي الأقصر دلوقتي؟
-بتقول حاجه؟
-ابدًا.. بس بقول مش هبقي فاضي خالص المرادي اوريكِ حاجه, خليها مرة تانية.
بانت الحيرة عليها وقالت:
-ماشي, بس واجب عليا ازوره و…
-يا ستي مش واجب, هم عارفين ظروفك والمشوار بعيد, متشغليش بالك انتِ يا حبيبتي.
-خلاص اللي تشوفه.
اتنهد براحة انها اقتنعت بكلامه وبص قدامه بشرود وهو بيفتكر المواجهة اللي حصلت بينه وبين هالة قبل سفره
———-
-هالة انا للأسف مش هينفع ارفض لاسباب كتير, مش مهم هم ايه بس كلهم بيقيدوني, وهيعملوا مشكلة كبيرة اوي بيني وبين اهلي, لكن انتِ تقدري ترفضي عادي, محدش هيجبرك.
بصتله بهدوء وسألته:
-وانا ارفض ليه؟
بصلها بصدمة من سؤالها وقال:
-يعني ايه ليه؟ انتِ عارفه اني متجوز!
وببرود صابه بالدهشة ردت:
-دي مشكلتك انتَ مش مشكلتي انا.
-مشكلتي انا ازاي؟ انتِ عادي تتجوزي واحد متجوز؟ قابله تبقي زوجة تانية؟
-بص يا يونس, انا عيشت عمري كله منتظراك, كل عيلتي بتعاملني اني خطيبتك, واني مش مسموحلي ابص لحد غيرك ولا اعجب بغيرك, لحد ما بقيت متأكده اني لو اعجبت مثلاً بحد هيبقى خيانة ليك, مفيش راجل دخل بيتي ولا حتي أتكلم عني من بره عشان عارف اني تحت اسمك, فدلوقتي وانا عندي 26 سنه جاي تقولي ارفضي؟ ارفض ايه! ارفض اللي عيشت عمري كله مقتنعة بيه بسبب كلامهم! ولو رفضت يبقي انا بحط نفسي اني استنى اكتر ويمكن ميجيش حد ليا انتَ عارف كويس ان في بلدنا اللي بتتخطب مره وتفشكل ولا اللي بتكون مكتوبه لحد ومتكملش معاه حالها بيقف, فانا عن نفسي مش مستعده أعيش ولا حاجه من دول, ولا حتى مستعده اقف في وشي أهلنا عشان مصلحتك انتَ, لو عندك مشكلة يا يونس حلها انتَ بعيد عني, انا معنديش مشكلة انك متجوز, المهم انك تعاملني كزوجه وتعاملني كويس وتعدل بينا.
