الفصل الثالث عشر بعد حوار دام حوالي ساعه محسن بهدوء … انا خلصت كلامي اكيد انتم التلاته عارفين اني عايز مصلحتكم واكيد يا زهرة انتي و هايدي عارفين كويس اوي أني بحبكم زي مكة بالظبط واي حاجة قولتها نابعه من حبي ليكم وخوفي علي مصلحتكم مكة بتردد … بس يعني يا بابا مش غريبه شوية محسن … ايه اللي غريب يا مكة مكة … يعني انا جوزي اتجوز عليا عرفي وحضرتك شايف اني مطلقش وهايدي جوزها بيحب طلقيته وحضرتك طلبت بردو منها متطلقش وجيت عند زهرة اللي بس شوية زعل وعمار اتاسف وبتقولها هطلقك منه طب ازاي انا مش فاهمه ؟ محسن ابتسم ابتسامة صغيرة واتكلم … تفكيرك زي تفكير اغلبية الناس دلوقتي يا مكة أن الست تتطلق لما تنضـ,ـرب أو جوزها يتجوز عليها أو يخونها لكن طالما معملش حاجة من دول يبقي تعيش وترضي وتسكت ودا بردو علي فكرة كان تفكير زهرة دا كان الكلام اللي كانت ديما بتقوله لنفسها عمار لا بيضـ,ـربني ولا بيخـ,ـوني ولا متجوز عليا يبقي ارضي واسكت مش كدة يا زهره زهرة عينيها دمعت وسكتت ومحسن كمل كلام محسن … هو معلمش كدة فعلا بس عمل شيء اصعب جدا في غفرانة يا مكة … محترمهاش واستقل بيها من جواه كان عارف انها آخرها كلمتين حلوين وتسكت لأن ملهاش ضهر ولا سند كان مستقوي نفسه عليها كل دي حاجات لو اتكسرت جوة الست مبتتغفرش يا مكة مهما كان في حب هايدي … مع حضرتك حق في كل كلمة احنا بس كان صعبان علينا قصه حبهم تنتهي بالشكل دا محسن … مش هتنتهي يا هايدي بس هتتعدل هتقوي هتمشي في مسار مظبوط بدل التخبط اللي هما فيه هايدي … طب وانا يا عمي … انا فعلا لسه كنت بحكي للبنات اني مش مقررة حاجة بشكل نهائي فرضا حتي بعد ما عملت اللي حضرتك طلبته مني حسيت اني مقفولة لسه من عدي وعايزة انفصل هبقي كدة عذبتة و عذبت نفسي علي الفاضي محسن بثقه … لا اطمني مش هتتعذبو علي الفاضي ابدا انا عارف انا بعمل ايه كويس اوي مكة … بابا في حاجة عرفتها امبارح وحضرتك لازم تعرفها محسن … حاجة ايه ؟ مكة بحزن … خالتو امبارح شدت علي انس في الكلام وبعد ما خلصت هو تعب واتنقل المستشفي وبردو طلع الضغط عالي عندة محسن برفعه حاجب …. و يا تري بقا هو اللي قالك عشان يستعطفك تاني ؟ مكة بنفي … ابدا والله هما قالو له نقولها ولا لا وهو رفض وقال عشان ميبقاش كل مرة بيضغط عليا بموضوع تعبه انا عرفت من صابرين هي اللي قالتلي من وراه والله محسن بتفكير … مممم تمام يا مكة انتي هتاخدي تالا وهتسافري البلد قاطعته مكة … يا بابا انا مش برتاح هناك والله محسن كشر … ممكن تسكتي وتسيبني اكمل كلامي ولا لا مكة … اسفة يا بابا اتفضل بالخارج كانت ابتسام قاعدة هي وإيمان بيشربو الشاي سوا علي ما محسن يخلص كلام مع البنات ابتسام … تفتكري اللي محسن ناوي يعملو دا هيجي بفايدة يا ايمان ايمان … أن شاء الله هيجي تفائلي بس خير انتي ابتسام … تعرفي انا ايه اكتر حاجة واجعه قلبي ايمان بحزن … سلامة قلبك يا حبيبتي قولي ايه هي ابتسام 🥺…. لمار بنتي … حسه بالذنب في اللي هي وصلتله دلوقتي ايمان باستنكار … ذنب ؟ ذنب ايه دا ؟ دا انتي طول الوقت مغلطاها و مغلطة عمار كمان وعمرك ما سكتي ابدا ولا قولتي دي بنتي ودي مرات ابني ابتسام ابتسمت بحزن … الذنب مش علي اللي بيحصل دلوقتي يا ايمان الذنب علي اللي عملتة من زمان ايمان قاطعتها … بقولك ايه يا ابتسام انا مبحبش اسمع منك الكلام دا انتي اختي اسمعي انتي مني اللي بنتك فيه دا طبع فيها مش لانك انتي وأخوها كنتم خايفين علي مشاعرها ومراعين يتمها لا لا والله بنتك طبعها صعب ومهما كانت اختلفت المعامله كانت النتيجة هتكون واحدة بردو ابتسام … والحل يا ايمان انا قلبي وجعني عليها دي بنتي مهما عملت ايمان … ادعليها يا ابتسام ربنا يهدلها نفسها صلي وادعي يا اختي ابتسام … بدعيلها والله يارب انت العالم بحالي يارب متوجعش قلبي علي ولادي واهديهم واصلح حالهم يارب ❈-❈-❈ عمار نزل الصبح من البيت مخنوق مقدرش يقطع الإجازة اللي خدها مش حاسس أنه قادر يرجع شغله دلوقتي فضل يلف كتير بالعربيه لحد ما لاقي نفسه قدام مقابر أبوة … التربي اول ما لمح عربيته جة وسلم عليه وفتحله الحوش وسابه وخرج عمار بحزن …. وحشتني اوي يا بابا عارف اني مقصر في زيارتي ليك سامحني يا حبيبي حقك عليا انت عارف الدنيا مشاغل وتلاهي …. اااه انا تعبان اوي يا حج مش عارف طريق ل راحتي مش عارف انا فعلا كنت غلط ولا اللي حواليا اللي مش مقدرين أنه كان غصب عني … بنتك تعبتني اوي يا بابا من بعد وفـ,ـاتك وهي تعباني في حياتي حاولت كتير اخليها راضيه حاولت اعوض غيابك عنها حاولت احسسها ديما أنها اهم حد في حياتي بس كل دا كان مش كفايه ديما وانا تعبت يا حج تعبت وشكلي كدة بخسر زهرة مراتي وحبيبتي … قولي انت يا حج اعمل ايه ؟ قولي اتصرف ازاي ؟ انا حاسس ان دماغي وقفت ومش قادر افكر محتاجلك جمبي اوي محتاج تقولي اعمل ايه وحشتني يابا عمار عينيه دمعت فضل كتير قدام قبر أبوة ولما حس انه خلص كل الشحنة اللي جواة وقام وقفل وراة ومشي وقبل ما يوصل البيت لاقي ليستة طلبات من ابتسام بعتهالو علي الواتس وبتاكد عليه ميرجعش الا لما يجبهم كلهم لف ورجع علي اقرب هايبر ماركت وبعد ما خلص اخيرا رجع البيت فتح ودخل لاقي ابتسام قاعدة في الصاله ومعاها محسن وإيمان عمار بهدوء … السلام عليكم جميعا محسن وإيمان وابتسام … وعليكم السلام محسن … حمد لله على السلامه يا عمار انا قاعد مستنيك من بدري عمار … الله يسلمك يا عمي خير في حاجة ولا ايه ؟ محسن … زهرة مصرة علي الطلاق وعايزة تسافر انهاردة لخالتها في اسكندريه عمار كشر … مفيش الكلام دا انا لا هطلق ولا هي هتسيب البيت وتسافر محسن بحدة … ايييه ؟ هتجبرها يعني ولا ايه ؟ هتقبل علي نفسك تعيش مع واحدة رافضاك عمار … يا عمي الله يخليك بلاش انت كمان تبقي معاهم عليا انا بحبها ومش عايز بيتي يتخرب اقف جمبي محسن … اتكلمت معاها بس هي رفضت وحاولت كمان امنعها تمشي بس محدش فينا قدر عليها عمار بدهشه … نعم !!! مشيت فين ؟ وازاي محدش كلمني ؟ محسن … كنت هتعمل ايه يعني ما بقولك احنا التلاتة حاولنا نمنعها ومقدرناش عمار بغضب … راحت فين ؟ و ازاي اصلا وهي تعبانة كدة سبتوها تمشي اكيد مش هتقدر تسافر (طلع تلفونة واتصل علي رقمها ادالو مغلق ) تلفونها مقفول (بص ل ماماتة ) فين رقم خالتها معاكي ؟ ومشيت من امتي بالظبط انا بجد مش مصدق انتم ازاي هاديين كدة ابتسام بدموع … من قالك اني هاديه ربنا يعلم بلي جوة قلبي ايه ورقم خالتها عندك علي تلفوني بس احنا مش مستنينك تقولنا نتصل بخالتها اكيد انا عملت كدة وقالتلي اول ما توصل هتتصل بيا تطمني عليها عمار بضيق … بقالها اد ايه ماشيه ؟ محسن … حوالي ساعه ونص كدة عمار … ساعه ونص ؟ ساعه ونص ومحدش فكر يعرف الحمار اللي هي متجوزاه أنها مشيت هو في ايه بالظبط محسن بحزم … قلتلك ميت مرة لما تتكلم معانا تتكلم بأدب وصوتك ميعلاش وبعدين عايز الصراحة احنا قصدنا اه منكلمكش بصراحة كلنا كدة موافقين علي قرارها دا عمار خبط الحيطة بايديه من شدة غضبه حاول يهدي نفسه حاول يفكر بعقله عمار … ماما لو سمحتي لو تعرفي عنوان خالتها هاتيه انا مش هستني لما هي تتصل بيا انا هسافر لها ابتسام … طيب استني بس نص ساعه كمان نطمن أنها وصلت وبعدين ابقي روحلها انت عمار لسه هيعترض لاقي تلفون ابتسام بيرن وهي ردت علي الرقم بلهفه شديدة ابتسام … الو … أيوة يا ام رامي طمنيني وصلت عندك ؟ … كلام ايه دا هي متفقة معانا من هنا أنها هتجيلك …ازاي يعني … طب هي فين دلوقتي ؟ … يعني اية اعفيكي ؟ دا كلام يا ام رامي يعني دي جزاتنا أننا ساعدناها تسافرلك وعملنا كل اللي طلبته وقالت إنه هيريحها ؟ …. طب يا ام رامي عرفيها أن انا وعمها محسن زعلانين منها اوي لأنها أخلت بكل اللي وعدتنا بيه تشكرو يا ولاد الأصول تشكرو … مع السلامة عمار بترقب … فهميني كدة بهدوء معني اللي انا سمعتة دا عشان لو اللي فهمته صح والله يا امي لهزعل منك ليوم الدين محسن … استني انت دلوقتي … في ايه يا ابتسام ابتسام بتوتر … ام رامي بتقول أن زهرة كلمتها وطمنتها عليها وعرفتها مكانها وحلفتها أن محدش يعرفه غيرها هي وبس وبتقولك اسفة يا عمي مش هقدر انفذ اللي حضرتك طلبته مني ولما قلتها دا جزاتنا قالتلي هي بتتاسف لكم وطلبه الطلاق بشكل نهائي ومدية عمار فرصه اسبوع يا يطلقها و ورقتها تروحلها علي عننا خالتها يا هترفع عليه قضيه خلع محسن بغضب … ازاي دا احنا متفقناش علي كدة هو لعب عيال ولا ايه عمار بغضب وصوت عالي … انا اللي محتاااااج افهم هو في ايه ؟ انتم كنتم عاملين خطة عليا معاها و الهانم بوظتها وقررت تكمل لوحدها ولا ايه ؟ وخلع ايه ؟ دا انا هجيبها لو في سابع ارض وأقسم بالله وقتها للكل هيتحاسب عمار مستناش يسمع تفسير من اي حد وخرج بسرعه ابتسام بحزن … وبعدين يا حج أن مش مطمنة ل اختفاء زهرة كدة هي ممكن ترفع قضيه خلع علي عمار فعلا وبعدين انت مش متفق معاها تروح عند خالتها ليه الكلام اتغير دلوقتي ؟ فهمني الله يخليك محسن بحيرة … لما افهم انا يا حجة افهمك انا فعلا اتفقت معاها علي كدة معرفش غيرت كلامنا ليه بس يمكن خافت عمار يتصرف تصرف طايش وهو عارف هي فين بالظبط ف حبت تأمن نفسها عموما انا واثق أنها هتكلمني اكيد هتكلمني زهرة بنت اصول مش ممكن تغير كلامها معايا كدة ابدا ايمان …. يارب هون علينا الايام الجايه دي يارب سلم ❈-❈-❈ مكة اخيرا وصلت البلد هي وبنتها كانت علي تواصل طول الطريق بصابرين عشان تعرف انس خرج وبقي في البيت ولا هيستني لسه في المستشفي وقبل وصولها ب نص ساعه كان هو وصل بيته ف هي طلعت علي هناك انس في اوضتة واحلام جمبه بتحاول تخليه ياكل انس كشر … يا ماما الله يخليكي كفايه والله شبعت احلام … بقولك ايه متتعبش قلبي معاك يلا كمل طبقك انس ابتسم … ايه كمل طبقك دي يا ماما هو انا لسه عيل صغير احلام بحب … انت هتفضل في نظري طول عمرك ابني حبيبي ونور عيني صغير بقا ولا كبير صابرين وهي بتدخل من الباب … الله الله ولما هو حبيبك ونور عينيك انا ايه بقا أن شاء الله هه انس … انتي مش هتبطلي العادة اللي فيكي دي مش قلت ميت مرة تخبطي قبل ما تدخلي صابرين … كدة يا انوس وانا اللي جيبالك مفاجأة معايا لا لا بقولك يا مفاجأة لفي وارجعي عشان اخويا جاي بعد العمر دا كله يغيظني ويعملني الادب ارجعي يلاااا بيتك بيتك احلام ضحكت … يا بت اكبري واعقلي شوية انس اتوتر وحس أن المفاجأة دي وجود مكة وعينيه فضلت علي الباب صابرين بصت ل اخوها بحب وبعدين بعدت عن الباب وظهرت مكة وهي شايلة تالا احلام قامت بسرعه ناحيتها …. يا مرحب يا مرحب ايه المفاجأة الحلوة دي يا حبيبتي اهلا وسهلا نورتي ( اخدت منها تالا ) حبيبة تيته وحشتيني مكة وهي بتهرب من عيون انس … اهلا بيكي يا خالتو احنا جينا نطمن علي انس الف سلامة عليه انس بص ل صابرين بلوم فهي ردت بسرعه … بقولك ايه متبصليش كدة هي اللي اتصلت بيا وكان باين علي صوتي اني معيطة وفضلت تزن تزن تزن روحت قولتلها بقا اعمل ايه طيب مكة اخيرا جابت عينيها في عينيه … ايه مكنتش عايزنا نيجي ولا ايه ؟ انس بصوت مهزوز … اكيد لا مقصدش كدة انا .. انا بس مكنتش عايز اتعبك احلام وهي بتشد صابرين اللي واقفه تتفرج كأنها في فيلم سينما ومبتسمة اوي … قدامي يا آخرة صبري نشوف الاكل اللي ف المطبخ دا اكيد مش هيسوي نفسه هه يلا يلا يا بت اتحركي صابرين وهي خارجة … بقولكم ايه اجلو كلام لحد ما اعمل الغدا ما الست دي وارجع هه اوعو تتكلمو مكة وانس ضحكو عليها وهي خرجت وقفلت الباب وراها وفضلت مكة واقفه عند الباب بتوتر مش عارفه تقول ايه وانس متابعها وحابب كسوفها واحراجها دا جدا اخيرا حس أن اللي واقفه قدامة دي حبيبتة الخجوله الرقيقه مش اللي ديما عندها طاقه غضب كبيرة انس بهدوء وابتسامة … هتفضلي واقفه عند الباب كدة كتير تعالي يا مكة مكة قربت وقعدت علي الكرسي اللي قصاد السرير وفضلت ساكتة انس … مكة انتي اكيد عارفه كويس انا مكنتش حابب اعرفك ليه بموضوع تعبي … انا مش حابب اللي حصل يتكرر تاني مش هقدر اشوفك في الحاله اللي كنتي فيها دي تاني واكون انا السبب مكة بدموع … اومال هتقدر تبعد عني يا انس ؟ هتقدر تطلقني فعلا ؟ انس بصلها شوية كانة بيحفظ ملامحها و بعد نظرات كلها شوق وحب وعتاب وندم اخيرا نطق يتبع …… الفصل الرابع عشر انس بصلها شوية كانة بيحفظ ملامحها و بعد نظرات كلها شوق وحب وعتاب وندم اخيرا نطق انس … انا عايز اريحك يا مكة قوليلي انتي ايه يريحك وانا هعملو فورا مكة بدموع … مش عارفه صدقني طول الطريق وانا بفكر انا جايه هنا دلوقتي ليه ؟ عايزة ايه ؟ وايه هيريحني ؟ ولاقيت نفسي مش عارفه إجابة لاي سؤال منهم انا مش عارفه اعمل ايه غصب عني شلل مش قادرة اسامح مش قادرة انسي انك لمست ست تانيه غيري مش قادرة انسي الشات والفويس اللي كانت بينكم مش قادرة انسي الايام اللي كنت بتقولي متأخر في المستشفي وانت بتكون معاها واخر الليل ترجع وتنام جمبي عادي مش قادرة اتخطي كل دا وفي المقابل يا انس مش قادرة ابعد عنك مش متخيلة حياتي من غيرك انا وعيت علي الدنيا ومش شايفه راجل غيرك فيها طول عمر اسمي مرتبط ب اسمك مكة لانس مكة و انس انا بحبك مجروحة منك اوي بس بحبك اوي يا انس قولي انت اعمل ايه انا مش عارفه مش عايزة ارجع ل مكة العصبيه اللي كانت ديما تقل منك لأن دا بردو مش صح انا عايزة مكة يا انس مكة حبيبتك اللي حبتها عايزاها وعايزاك ومش عايزة الوجع اللي في قلبي دا شوف طريقه وخليني انسي والوجع دا يروح من قلبي يا انس اتصرف انت اتصررررف انس شدها من علي الكرسي وخدها في حـ,ـضنه جامد وهي في اللحظة دي انهارت تماما نسيت اي اتفاق اي كلام اتقال بالعقل نسيت كل حاجة ولاقت نفسها بتقول كل اللي جواها حقيقي كان نفسها تلاقي حل يريحها ويريحه أما انس طول ما كانت مكة بتتكلم وهو موجوع من قلبه عليها كل كلمة قالتها كانت أشد الف مرة من اي عتاب قاله هو بينه وبين نفسه ومع انهيارها في اخر كلمة لاقي نفسه بيخدها جامد جوة حـ,ـضنة و يطبطب عليها عينيه لمعت بالدموع عايز يتكلم عايز. يواسيها أو حتي يطمنها بس صوتة مخنوق مش راضي يطلع وعشان صوتة يطلع سمح ل دموعه أنها تنزل الاول انس بصوت باكي … حقك عليا حقك عليا الف مرة واسف الف مرة والله العظيم انا ندمان فوق ما تتخيلي وبحبك لا لا بحبك دي قليلة علي اللي في قلبي انا بعشقك يا مكة ومش عارف ازاي اراضي قلبك ازاي تنسي بس اللي عارفه انك لازم تعرفي اللي خلاني اعمل كدة مكة بعدت عن حـ,ـضنة وبصلتة بصه هو مفهمهاش انس … ايه النظرة دي معناها ايه ؟ مكة … عايز تقولي ايه انا معرفوش يا انس ؟ عايز تقولي انك عملت كدة بسبب احساسك انك أقل مني ؟ انس بصلها بدهشه و خجل وسكت مكة بحب … مش فاهمه ازاي انت شايف نفسك كدة ومش فاهمة ازاي مشفتش انا شيفاك ازاي يا انس تعرف … مرة و انا في في ثالثه جامعه واحدة صحبتي سالتني انتي ازاي بتحبي انس ابن خالتك اوي كدة رغم انك اعلي اوي منه بصيت لاقيت السؤال دا في عيون الشلة بتاعتي كلها وبصنلي باهتمام وتركيز اوي عارف قولتلها ايه انس باهتمام … قولتلها ايه ؟ عشان بحبه مبصتش للفرق اللي بينا صح ؟ مكة … لا يا حبيبي مقلتش كدة … قلتلها انا غير اني وعيت علي الدنيا علي حبه جوة قلبي بس كمان انس مش قليل ابدا انس راجل لما باباه تعب وهو في جامعه بقا ينزل يراعي الأرض بنفسه ويقف وسط الفلاحين ويشوف ايه ناقصهم و محتاجين اية قبل ما يسأل علي إيراد الأرض فين وكام انس اللي مهما كبر مش بيخجل أنه يبوس ايد ماماتة قدام اي حد انس اللي دخل طب وكل سنة يطلع بتقدير جيد جدا انس اللي جمب البيت والأرض والجامعة وانا كمان خد كروسات في الانجليش والكمبيوتر لمجرد أنه يكون ملم بيهم مش اكتر انس اللي تفكيرة سابق سنة وكتير ناس اكبر منه بتلجاء له عشان يحل ليهم مشاكلهم انس اللي عندة طموح وروح وحياة مش موجودة في ناس كتير اوي وقبل كل دول بحبه اوي كدة عشان انس ل مكة ومكة ل انس وبس انس بحب … بجد بجد يا مكة انتي شايفاني كدة ؟ مكة … السؤال الصح يا انس انت ليه مش شايف نفسك كدة كل اللي حواليك شايفينك زي ما انا شايفاك ليه انت الوحيد اللي مستقل بنفسك دا اللي انا نفسي أفهمه انس فضل باصص لها و مردش مكة اتنهدت بحزن … لسه هتخبي عليا تاني يا انس ؟ انس بتردد … مش عايز اخبي بس مش قادر احكي … مكة لو في فرصه تانيه نكون سوا لو وافقتي تديني الفرصه دي تاني اول حاجة هعلمها اني يعني انا يعني لو انتي كملتي معايا انا مستعد قاطعتة مكة … حبيبي براحة خد نفس كدة واهدي واتكلم وقول ال جواك انا سمعاك انس بهدوء … لو قررتي تكملي معايا انا هروح ل دكتور نفسي عشان نبدء المرة دي صح ايه رايك ؟ مكة ابتسمت … راي أن حضرتك تقوم عشان نتغدي ونسافر سوا قبل الليل ما يليل اوي انا مش بعرف انام هنا من الناموس بياكلني طول الليل انس ضحك … ناموس بيفهم قدامة الحلويات مياكلش ليه دخلت صابرين وهو انس بيقول اخر جمله صابرين كشرت … ايه الالش الرخيص دا يا انس تؤ تؤ تؤ وحش اوي ليك في الالش يا معلم قولي وانا أعلمك بدل ما تطفشها منك واحنا ما صدقنا جرينا رجلها تاني وهي هبله واتجرت علي طول مكة بصدمة … انا هبله ؟! وايه جريتي رجلي دي ؟ ( بصت لانس بشر ) انت مكنتش تعبان وكنتم بتشتغلوني عشان اجي يا انس ؟؟؟ انس كشر … ربنا يهدك يا صابرين عجبك كدة اهي صدقت ام هزارك الثقيل زيك يا ثقيلة ( بص ل مكة ) والله بتهزر انا فعلا بيت ليله كامله في المستشفي تحبي نعدي عليهم واحنا مسافرين عشان تتاكدي بنفسك؟ مكة … لا خلاص مصدقاك انا عارفه أن صابرين شريرة وبتحب تهدي النفوس ديما صابرين ضحكت … حبيبة قلبي الله يخليكي دي شهادة اعتز بيها ضحكو كلهم ف دخلت احلام اللي اول ما شافت ابتسامة مكة و انس حست أن روحها ردت ليها تاني احلام بحب وفرحة … ربنا يديم الضحكة علي وشوشكم حبايبي يلا الغدا جاهز يا حلوين مكة …. معلش تعبتك معايا يا خالتو اومال فين تالا احلام … انا مش هرد علي الكلمتين ال في الاول دول وبالنسبة تالا ف هي سبقتكم يا ستي وأتغدت من ايدين ستها ونايمة دلوقتي انس … تسلم ايدك يا حبيبتي احنا أن شاء الله بعد الغدا هنتحرك علي طول قبل ما الوقت يتأخر علينا احلام … طب كنت خليكم انهاردة يا حبيبي هتسوق ازاي وانت تعبان كدة ؟ مكة ردت ببتسامة … وانا روحت فين يا خالتو هسوق انا طبعا احلام حست أنهم متفقين محبتش تضايقهم هي بس كانت قلقانة علي انس لكن. الفرحة اللي شيفاها في عينيه دي ضيعت اي احساس بالقلق عندها احلام … وماله يا حبايبي زي ما تحبو يلا بقا الغدا زمانة برد ( بتبص حواليها ملقتش صابرين ) ايه دا فين البت صابرين مش كانت لسه هنا صابرين من برة … بتاكل صابرين جعانة وانتم بترغو جت هي تاكل ضحكو كلهم عليها وقامو يتغدوا في جو جميل لاول مرة انس يحس بالراحة دي من وقت اللي حصل وقرر أنه يحافظ علي الفرصه دي المرادي بكل قوتة ❈-❈-❈ محسن لما نزل شقتة كان حاسس ان لي في حاجة غلط لو زهرة ناويه تغير الاتفاق مقالتش ليه ؟ هو ماجبرهاش علي اي حاجة طب ولو بعد ما بقت لوحدها في الطريق جة في بالها حاجة معينه متصلتش بيه ليه تعرفه ؟ كان قلقان ومحسن لما بيقلق يعني في حاجة وحشه حصلت قرر يتصرف ويحط اي عقاب أو خلاف دلوقتي علي جمب طلع تلفونة وطلب رقم عمار وانتظر الرد عمار بضيق … أيوة يا عمي محسن بحزم … تعالي لي حالا عشان نسافر اسكندريه دلوقتي عمار … عمي انا مش حمل خطط وحوارات الله يخليك انا قاطعة محسن … مراتك في حاجة يا عمار انا مبحورش عليك انا فعلا مش هنكر اني ساعدتها تسافر اسكندريه لأن دي كانت رغبتها لكن كلام خالتها وتلفونها اللي اتقفل دي حاجات مش طبيعيه نهائي ف تعالي بسرعه خلينا نلحق نفهم حصل ايه انا مش مرتاح لكلام خالتها دا نهائي عمار بشك … ولا انا يا عمي انا عملت تتبع للتلفون بتاعها واخر مرة كان مفتوح كان في عنوان خالتها اللي اتصلت خدتة من ماما وبعدها اتقفل طب هيكون حصل ايه ؟ يمكن مش عايزة تتكلم وحبت تكون مع نفسها شوية بس هي كويسه صح ؟ محسن بضيق … لا يا عمار انا قلبي مش مطمن ابدا تعالي يا ابني خلينا نسافر نطمن بنفسنا عليها انا مستنيك عمار بتوتر… حاضر يا عمي حاضر تلت ساعه واكون عندك محسن بلغ ايمان وابتسام أنه هيسافر مع عمار اسكندريه وطلب منهم ميعرفوش عدي دلوقتي اي حاجة لحد ما هما يوصلو و يتصلو بيهم وفعلا خلال وقت بسيط اوي كان محسن وعمار في طريقهم ل اسكندريه ❈-❈-❈ عدي كان في شركتة مندمج اوي في شغله وقطع تركيزة دخول السكرتير بتاعه محمد … اسف يا عدي بيه في واحد برة مش واخد معاد سابق ومصر يقابل حضرتك وبيقول موضوع شخصي عدي باستغراب … موضوع شخصي !! اسمة ايه يا محمد محمد .. اسمة وليد سيف الدين عدي سمع الاسم وملامح وشه كلها اتقلبت عدي … خليه يدخل يا محمد ومش عايز اي تلفونات طول ما هو هنا مفهوم محمد … حاضر يا فندم مفهوم محمد خرج و دخل وليد بكل ثقة وبرود المكتب وقف عدي وحط ايديه في جيبه وبصلة هو كمان ببرود متبادل عدي .. خير ؟ وليد بسخريه … في حد يقابل ضيف عندة لي في مكتبه بالطريقه دي ؟ عدي … وليد ياريت تنجز لاني ورايا شغل كتير مش فاضي جيالي لحد مكتبي ليه ؟ وليد بهدوء … ممممم جاي يا سيدي عشان تحددلي يوم كامل اقضيه مع هايدي وكريم عدي بغضب … نعم يا اخويا !!! تقضيه مع مين ؟؟؟ وليد ببرود وهو بينطق الاسم ببطيء … مع ها يدي و كر يم ايه السمع عندك بعافيه ولا ايه ؟ اصل طلبت كدة من هايدي بحكم أن كريم مش بقعد يعني يوم كامل من غيرها وهي وافقت بس طلبت مني أخد الاذن منك الاول فقلت يا وليد بدل الاتصالات بقا اجي بنفسي واستاذن منك ها اختار اليوم وياريت يا بكرة يا بعدة بالكتير عدي بغضب … انت مجنون ؟ وهايدي ايه ال كلمتها و وافقت كمان وانت باي حق تتصل بيها هه متصلتش ب عمي ليه وهو حددلك وقت مع كريم زي ما بيحصل كل مرة بتيجي ؟ وليد … وايه المشكلة لما اكلمها هي علي طول هاكلها يعني ولا ايه ؟ و بعدين ايه الغضب دا كله اهدي شوية بس قولي يا تري الغضب دا غيرة ولا قلة ثقه ؟ عدي في اللحظة دي مقدرش يسيطر علي نفسه وراح ناحيه وليد وضـ,ـربه بالبوكس ف وشه وليد بعد خطوة وحط ايديه علي دقنة مسح دم ال نزل من بؤة و بص ل عدي وضحك وليد وهو مبتسم … تمام يا عدي انا مش هردلك الضـ,ـربة دي بس عشان خاطر هايدي عموما انا بلغتك وانت بقا بلغ ديدي المعاد وهي تعرفني هسيبك لانك مش فاضي ومشغول كان الله في العون سلام وليد خرج و عدي خبط علي المكتب بكل قووووتة كان غضبان وحاسس أن في نار بتاكل فيه خد تلفونه ونزل جري علي بيتة عشان يفهم من هايدي ايه حصل بالظبط هو لازم يتأكد من كلام وليد قبل ما ياخد أي رد فعل الأمور بينه وبين هايدي مش هتستحمل اي غلطة منه دلوقتي ❈-❈-❈ اخيرا محسن وعمار وصلو اسكندرية عند خالة زهرة طلعو وخبط عمار وفتحت شابه في العشرينات تقريبا عمار … السلام عليكم البنت … وعليكم السلام مين حضراتكم ؟ عمار … مش دا بيت الحجة ام رامي ؟ البنت … أيوة انتم مين ؟ صوت من جوة … مين يا راويه اللي علي الباب ؟ راويه … معرفش يا ماما بس بيسالو عليكي جت ام رامي واول ما شافتهم عرفتهم .. مين .. اهلا اهلا اتفضلو اتفضلو ايه النور دا اوعي يا بت كدة دا حضرة الظابط جوز زهرة بنت خالتك و الاستاذ محسن عمه اتفضلو تعالو دخل محسن من غير ولا كلمة وعمار رد السلام ل ام رامي وقعدو كلهم في الصاله ام رامي ( خديجة ) … اهلا وسهلا تشربوا ايه ؟ سخن ولا ساقع ؟ عمار … اهلا بحضرتك واعفينا مش هنقدر نشرب اي حاجة احنا بس عايزين نطمن علي زهرة هي فين عمار اول ما نطق اسم زهرة لاحظ الارتباك علي وش راويه لكن خديجة كانت عاديه جدا خديجة … والله يا بني انا ما عارفه اقولك ايه بس عمار .. الحقيقه واللي حصل فعلا يا ام رامي خديجة كشرت … ايه الحقيقه دي هو انا كنت كدبت ولا ايه زهرة جت وقعدت وحكتلي أنها علي خلاف معاك وأنها متفقه مع عمك أنها تيجي هنا رحبت بيها وقلتلها لو مشالتكيش الأرض اشيلك انا فوق. راسي ويادوب قمت احضر الغدا واتغدينا لاقتيها ماسكة شنطة هدومها تاني سالتها في ايه قالتلي انها فكرت تاني ومش عايزة تعمل مشاكل بينك وبين عمك لما انت تعرف أنه بيساعدها وأنه هتروح تقعد ف اوتيل يومين تلاته لحد ما أمورها تستقر ولما رفضت فضلت تعيط جامد وتترجاني أنها محتاجة تكون لوحدها وافقت بشرط اعرف هي فين وخليت راويه و رامي نزلو معاها و وصلوها بنفسهم للاوتيل ورجعو وطمنوني عليها عمار بص ل راوية … فين الاوتيل دا ؟ اسمه ايه وعنوانه ايه ؟ راويه بارتباك … ا ا انا مش حافظة اسمة والدنيا يعني ك كانت ليل محفظتش الطريق ر رامي اللي عارف كل حاجة محسن بخوف … زهرة فين انطقي ؟؟ انا قلبي مقبوض وقلقان عليها فين هي ؟ من غير كدب ولا حوارات عمار بهدوء وهو باصصلها بتركيز … اخوكي وداها فين يا راويه متخافيش اتكلمي خليني بس اطمن عليها مش عايز اكتر من كدة راويه فضلت ساكتة شوية وهي بصلهم بحيرة و خديجة مش فاهمه ايه اللي بيحصل حواليها وليه القلق والتوتر دا كله واخيرا راويه نطقت راويه … انا هقولك قاطعها دخول رامي من الباب شاب في الثلاثين ملامحة جامدة رامي … تقولي ايه ؟ ومين دول اصلا ؟ في ايه ؟ عمار وقف في وشه .. زهرة مراتي فين ؟ رامي بقوة … معرفش روح دور عليها في حتة تانيه ملناش دعوة بيها خديجة بضيق … عيب كدة يا رامي حضرة الظابط من حقة يطمن علي مراتة قوله العنوان اللي هي فيه أو روح يلا وصلهم بنفسك رامي بهدوء. .. انا قلت اللي عندي يا امي انا معرفش مراتة فين لما نزلنا وقفت تاكسي وطلبت تبقي لوحدها وانا سبتها براحتها اكتر من كدة معنديش محسن … انت كداب ( بص ل راويه ) قولي انتي يا بنتي زهرة فين ؟ الله يخليكي اعتبريها اختك دي لسه خارجة من مستشفى وعمليه رامي كان باصص ل راويه بتحذير وغضب عمار … لو مبطلتش تبصلها كدة هعدلك انا وانتي اتكلمي متخافيش انا اقدر احميكي ومحدش هيقرب منك بس اعرف مراتي فين ؟ راويه بارتباك … ا اصل زهرة يعني يتبع …. الفصل الخامس عشر قاطعها دخول رامي من الباب شاب في الثلاثين ملامحة جامدة رامي … تقولي ايه ؟ ومين دول اصلا ؟ في ايه ؟ عمار وقف في وشه .. زهرة مراتي فين ؟ رامي بقوة … معرفش روح دور عليها في حتة تانيه ملناش دعوة بيها خديجة بضيق … عيب كدة يا رامي حضرة الظابط من حقة يطمن علي مراتة قوله العنوان اللي هي فيه أو روح يلا وصلهم بنفسك رامي بهدوء. .. انا قلت اللي عندي يا امي انا معرفش مراتة فين لما نزلنا وقفت تاكسي وطلبت تبقي لوحدها وانا سبتها براحتها اكتر من كدة معنديش محسن … انت كداب ( بص ل راويه ) قولي انتي يا بنتي زهرة فين ؟ الله يخليكي اعتبريها اختك دي لسه خارجة من مستشفى وعمليه رامي كان باصص ل راويه بتحذير وغض/ب عمار … لو مبطلتش تبصلها كدة هعدلك انا وانتي اتكلمي متخافيش انا اقدر احميكي ومحدش هيقرب منك بس اعرف مراتي فين ؟ راويه بارتباك … ا اصل زهرة يعني رامي بحدة … ما قلنا منعرفش هي فيييين هو عشان انت ظابط جاي بيتنا تهددنا فيه ولا ايه ؟ عمار بغض/ب …. انا لحد دلوقتي بتكلم معاكم بأدب هتقل انت ادبك وربنا أخفيك ومحدش يعرفلك طريق العمر كله خديجة بخوف … لا لا الله يخليك احنا ناس ملناش في المشاكل والله (بصت ل رامي برجاء ) يا ابني انطق وصلت بنت خالتك فين امبارح ؟ خلينا نخلص من ألموال اللي ملناش دعوه بيه دا لا من قريب ولا من بعيد رامي بقوة…. معنديش حاجة أقولها غير اللي قولتة عمار في لحظة كان مطلع مسد/سه وخبطة بيه علي رأسه وقع رامي فاقد الوعي راويه وخديجة صوتو وجريو عليه محسن بحدة …. الله اية اللي بتهب/به دا يا عمار اهدي شوية مش كدة عمار وهو باصص ل خديجة و راويه .. انا هادي جدا يا عمي بس الواضح أن في كلام هما مش عارفين يقوله بسبب البيه دا فسكتة شويه علي ما اعرف اتكلم معاهم هو مغم عليه مش اكتر ها زهرة فين ؟؟ راويه خدت نفس واتكلمت مرة واحدة بسرعه عشان متتراجعش … لما ماما دخلت تحضر الغدا رامي زعق ل زهرة وقالها أنها انانيه عشان تيجي لحد هنا بعد المدة دي كلها وتجيبلنا المشاكل معاها وطلب منها تمشي بهدوء من غير شوشرة خصوصا أنه شغال مع جماعه شغلهم مش مظبوط وهو خاف أن كل شوية انت تفضل رايح جاي علينا والناس ال شغال معاهم يفكروه باعهم وشغال مرشد للبوليس … وفعلا بعد الغدا زهرة قالت ل ماما اللي قالته ليكم ونزلنا ع اساس هنوصلها ل فندق بس بس يعني رامي طمع في التلفون اللي كان معاها ف خدة منها بالعافيه و وقفلها فعلا تاكسي وقالها تغ/ور لي في داه/يه اللي جت منها و الله ما نعرف حاجة من بعدها عنها وانا انا خفت اقول ل ماما عشان قبلها الضغط والسكر كانو عاليين عليها مكنتش هتستحمل ف طلبت من زهرة تأكد الكلام ال انا قولته ل ماما انها راحت اوتيل محسن بدهشه وحزن … ايه القسوة دي ؟ حرام عليكم دي كانت بستنجد بيكم دي ملهاش غيركم ليه كدة عمار بتركيز … في حاجة غلط لو ال انتي بتقوليه دا صح كانت رجعت ع البيت تاني هو خد التلفون لكن معاها فلوس تركب وترجع ودا محلصش ومتصلتش بأي حد محسن .. يا بنتي انتي متأكدة أن دا ال حصل لو في حاجة مخبياها قولي الله يرضي عليكي خديجة في حاله صدمة شديدة مش مستوعبه اللي ولادها عملوه هي كانت حسه أن رامي شغله مش مظبوط بس ديما كانت تكدب احساسها دا ديما تدعيلهم في صلاة الفجر كل يوم ازاي اللي عمرها وصحتها راحو عليهم يكونو بالجحود والقسوة دي ازاي قدرو يعملو كدة في بنت خالتهم اللي كان باين عليها الحزن والقهرة والتعب ازاي هي محستش بكدبهم دا لحظة واحدة فاقت من كل دا ع صوت راويه وهي بتتكلم وتعيط راويه ببكاء … والله العظيم دا اللي حصل كله والله ما بكدب انا اسفة اني سكت بس انا خفت علي ماما والله اسفه بجد عمار كان هيتجنن اومال راحت فين ؟ حصلها ايه ؟ ومحسن كمان القلق كان مسيطر عليه وقبل ما عمار أو محسن يقولو اي حاجة تاني تلفون عمار رن برقم غريب رد بسرعه وهو عندة احساس أن التلفون دا هيعرفو مكان مراتة فين ❈-❈-❈ عدي وصل البيت في وقت قليل جدا اول ما دخل لاقي كريم نايم علي رجل هايدي اللي ساندة دماغها علي الانتريه ونايمة هي كمان والتلفزيون مفتوح قدامهم وقف شويه يبص عليهم … ملامحهم بريئه وهاديه مريحه ل نفسه جدا الابتسامة اترسمت علي وشه تلقائي دي عيلتة الصغيرة اللي لازم يعافر لاخر نفس لحد ما يرجعو لحض/نة من تاني قرب منهم بهدوء وشال كريم براحة دخله اوضتة و غطاه كويس وخرج قرب من هايدي ونزل بوشه قصاد وشها ونطق بصوت هامس وهو ايديه بتمشي براحة علي خدها …. عدي … ديدي حبيبي اصحي هايدي هايدي فتحت عينيها لاقت عدي قدامها وقريب قوي منها استغربت وهو ابتسم واتكلم بنفس الصوت .. عدي … مش بتحلمي لا انا جيت لاقيتكم نايمين دخلت كريم اوضته ورجعت عشان اصحيكي يا حبيبي هايدي بهدوء .. رجعت بدري يعني ؟ في حاجة حصلت ؟ هنا عدي افتكر وليد وزيارتة الابتسامة اختفت من علي وشه وكشر وحاول يتكلم من غير عص/بيه بس غصب عنه كان باين في نبرة صوتة أنه مضايق وبيحاول يتماسك عدي … اه في حاجة حصلت … وليد جالي الشركة انهاردة واتخ/نقت معاه وضر/بته هايدي بخضه … ايه !!! ضـ,ـرب/ته يا عدي !!!! انت اتجنن/ت من امتي وانت بتمد ايدك علي حد هه ودا مش اي حد دا ابو كريم يا عدي عدي بضيق … عصبني واستفزني يا هايدي وبعدين معلش انا عايز اعرف حاجة هو فعلا طلب منك تقضو معاه يوم كامل وانتي وافقتي وطلبتي بس اذني ؟؟ حصل دا ولا هو بيالف من عندة عشان يضايقني ؟؟ هايدي ببرود… لا هو مش بيألف ولا حاجة إلي قاله حصل عدي بغ/ضب وهو بيقف وبيشدها من دراعها تقف قصاده…. نعم !!! عيدي تاني كدة يا هايدي عشان أنا حاسس اني بسمع كلام غريب هو ايه ال حصل بالظبط عايز اعرف دا بعد اذن سيااااادتك يعني هايدي بهدوء … انا مش فاهمه ليه العصبيه دي كلها هو اتصل بيا وطلب أنه يقعد يوم كااامل مع كريم لأن اجازتة صغيرة اسبوعين وبس وانا اللي قلتله ع فكرة أن صعب كريم يفضل معاه يوم كامل من غير ما يعيط في هو اقترح عليا أن نروح كلنا انا وكريم وبابا وماما نعمل داي يوز في اي مكان من الصبح ل بالليل عشان يتبسط مع كريم قلتله مقدرش اقولك اه او لا الا لما عدي يوافق ياريت تستاذنه الاول قالي تمام بس دا ال حصل غلطت ف ايه انا بقا عدي بغضب … هااااايدي متستفزتيش اكتر من كدة انا عفاريت الدنيا بتتنطط في وشي انت عارفه كويس انك غلطانة ف بلاش تقاوحي هايدي لسه هترد تلفون عدي رن برقم عمار عدي … استني ارد الاول و بعدين نكمل كلامنا (فتح الخط ) آلو أيوة يا عمار عمار بتوتر وسرعه في الكلام… عدي اطلع بسرعه علي المستشفى اللي بعتلك اللوكشين بتاعها ع الواتس وخد ماما و معاك زهرة عمله حـ,ـادثه هناك وانا وعمي كنا ف اسكندريه وراجعين اهو ع المستشفى عدي بعدم فهم … اسكندريه ؟ بتعملو ايه هناك ؟ وزهرة خرجت امتي وازاي ؟ عمار بصوت عالي كله وجع وغضب … مش وقتة الكلام دا بقولك مراتي لوحدها في مستشفى ومش عارف حتي حالتها ايه روح الله يخليك بسرررررعه وطمني بسرعه يا عدي وخد ماما معاك هي اكيد هتحتاج لها واول ما توصل هناك تكلمني وتفهمني ف ايه ماشي عدي … حاضر حاضر مسافه السكة وهكلمك اطمنك يلا سلام هايدي بقلق … في ايه يا عدي ؟ عدي وهو خارج من الشقه … زهرة عامله حـ,ـادثه هاخد مرات عمي ونروحلها وبابا وعمار راجعين من اسكندريه ال معرفش راحوها ليه اصلا هايدي من علي باب الشقه… طب ابقي طمني يا عدي متسبنيش كدة الله يخليك ❈-❈-❈ عدي طلع وبلغ ابتسام اللي ف ثواني كانت نازله معاه علي السلم والخوف والقلق بياكل فيها قابلو انس و مكة وهما داخلين من باب العمارة مكة … في ايه بتجرو كدة ليه ؟ عدي … زهرة عملت حـ,ـادثه ف مستشفى وهي لوحدها دلوقتي انس … لا حول ولا قوه الا بالله اطلعي انتي يا مكة انا هروح معاهم عدي وهو بيركب ابتسام العربيه وهي مش بتتكلم دموعها نازله بدون توقف وبس … عدي … ملوش لزوم انتم لسه راجعين خليك انت هشوف الوضع ايه هناك واكلمك لو في حاجة انس وهو بيركب … اطلعي يلا يا مكة وانت يا عدي يلا أنجز خلينا نطمن عليها بسرعه انا هاجي معاك يعني هاجي معاك طلعوا علي المستشفي وسالو علي الاسم بلغوهم أنها في العمليات وان الحاله مش مستقرة طلعو التلاته قدام اوضه العمليات يدعو أنها تعدي علي خير وابتسام كانت منهارة تماما عدي مكنش عارف يتصرف ازاي أو يعمل ايه بعد عنهم شويه و اتصل ب هايدي هايدي بهلفه …. أيوة يا عدي طمني زهرة كويسه ؟ عدي … اهدي هي لسه في العمليات منعرفش اي حاجة بس مرات عمي منهارة هنا وبدأت تتعب وانا مش عارف اتصرف هايدي بتفكير … طيب انا ممكن اجيلك اكون جمبها بس كريم اجيبو معايا ؟ مش عايزة اقلق ماماتك عدي … سيبيه مع مكة اهو يتلهي شوية مع تالا بنتها هايدي … مكة مسافرة مش قاطعها عدي … رجعو قابلناهم واحنا نازلين حتي انس معايا هنا مرضيش يسيبني هايدي … طيب انا هسيب كريم مع مكة واجي ابعتلي لوكيشن بسرعه يلا هايدي عدت علي مكة وسابت معاها كريم وطلعت علي المستشفى بسرعه عمار طول الطريق وهو مع عدي علي التلفون الاحساس اللي كان حاسس بيه ميوصفوش اي كلام ومحسن جمبة بيلوم في نفسه أنه وافقها علي سفرها ل اسكندريه ومتمسكش بكلامة فلاش باك محسن … يا زهرة انا مش موافق علي موضوع سفرك دا يا بنتي ما قلتلك الشقق موجودة وكتير هقعدك في شقه من اللي في العمارة التانيه عشان اطمن عليكي وسيبيني مني ل عمار مليكش دعوة زهرة برجاء … ارجوك يا عمي انا محتاجة ابعد عن هنا خالص ومش عايزة اعملك مشاكل كبيرة مع عمار انا كمان بقالي كتير اوي مشفتش خالتو هكون مبسوطة ومرتاحة هناك ارجوك وافق باك محسن بحزن لنفسه .. ياريتني يا وافقت يا بنتي ياريت في المستشفي الوقت بيمر ببطيء بعد حوالي نص ساعه كمان كانت هايدي وصلت وفضلت جمب ابتسام تحاول تهديها وعدي وانس مستنين اي حد يخرج من اوضه العمليات يطمنهم بكلمه حتي …. واخيرا اتفتح الباب وخرج الدكتور والكل جري عليه عدي … خير يا دكتور طمنا الدكتور … حضرتك جوزها ؟؟ عدي … لا انا اخوه هو جاي في الطريق خير ؟ الدكتور … طب احنا محتاجين إقرار بسرعه من جوزها أو حد من أهلها عشان نقدر نكمل العمليه اي دقيقه بتمر فيها خطر علي حياتها انس … اقرار بايه بالظبط ياريت تفهمنا الدكتور …. الكلية الشمال اتضررت بالكامل ولازم است/ئصال حالا ولازم إقرار من الأهل بالموافقه عدي …. طيب احنا موافقين احنا اهلها دلوقتي الدكتور … مينفعش يا فندم لازم الزوج أو الأب أو الأخ عدي بغضب … يعني اييييه هتسيبوها تمـ,ـوت عشان اهلها مش موجودين وجايين في الطريق هاتلي اي إقرار وانا همضي عليه اي ورق انت عايزة ضمان للمستشفي هاته وانا همضي عليه المهم تلحقوها انس بعمليه … جوزها ظابط في الداخليه وجاي في الطريق يعني بين لحظة والتانيه يكون هنا واحنا هنمضي أن العمليه ع مسؤوليتنا وهو أول ما يوصل مضوه علي اللي انتم عايزينه لكن دلوقتي بعد اذنك تدخل تكمل العمليه عشان في مريضه حالتها خطر جوة وانت واقف هنا تتكلم معانا عن إجراءات و مستشفي الدكتور … تمام انا هدخل اكمل وفي حد هيجي لحضرتك من الإدارة بالاوراق عن اذنكم انس وهو بيوقفه … ثواني يا دكتور حضرتك اتاكدت أن الكليه التانيه هتقدر تقوم بوظائفها كامله ؟ الدكتور ببتسامة بسيطة … اكيد طبعا … عن اذنكم الدكتور دخل يكمل العمليه والكل برة قاعد علي أعصابه وبعد نص ساعه تاني اخيرا وصل عمار ومحسن المستشفي والرعب والخوف كان باين علي ملامحهم عمار … ايه هي لسه جوة كل دا ليه في ايه ؟ عدي … خير أن شاء الله اهدي بس وخد نفسك ( بص لابوة ) تعالي يا بابا اقعد استريح هنا انس … الحاـ,ـدثه أثرت علي الكليه الشمال بتاعتها وكان لازم يستصئلوها واحنا مضينا علي إقرار بالمسؤولية كامله علي ما انت تيجي عمار كان حاسس ان مفيش كلام يقولو بيبص لانس ويبص ل باب اوضه العمليات ويرجع يبص ل ماماتة مش عارف يعمل ايه ولا يقول ايه وفي وسط تواهانه خرج الدكتور من اوضه العمليات وكان عمار اول واحد وصله عمار بصوت مخنوق … هي هي كويسه صح ؟ الدكتور فهم أن دا جوزها … متقلقش الحمد لله العمليه تمت علي خير هتفضل بس اول ٢٤ ساعه في العنايه المركزه تحت الملاحظه وان شاء الله خير عن اذنكم ابتسام بدموع … يارب كملها معاها علي خير يارب نجيها يا رب دي غلبانة وطيبة هايدي … أن شاء الله هتبقي زي الفل يا طنط هوني علي نفسك عشان متتعبيش انتي عمار وهو ماشي … انا نازل اعرف الحـ,ـادثه دي حصلت فين وازاي بالظبط وراجع تاني عدي وهو بيمشي معاه … استني هاجي معاك وهما معاهم انس و بابا ❈-❈-❈ الايام ال فاتت عدت علي لمار ومعتز بهدوء ماماته رجعت من المصيف وروتين حياتهم رجع زي ما هو لكن اللي معتز لاحظة أن أمه لا تتغير معاه ردودها غريبة نظرتها اغرب مكنش عارف يتأكد دا حقيقي بيحصل وهي متغيرة ولا هو بيتهياله بعد الأحداث الأخيرة ال حصلت معاه وفي يوم كان سهران في سطح البيت لوحدة بيشرب سيج/ارتة واز/ازة الب/يرة في أيديه تلفونه رن برقم بوسي اتاكد أن محدش علي السلم ورجع رد معتز … حتتي اللي وحشاني اوي بوسي … يا سلام وحشاك بإمارة اية بقا ؟ لا مكالمة ولا مقابلة تقلان عليا حضرتك معتز ضحك … انا اقدر اتقل علي القمر بتاعي بردو دا كلام انتي عارفه اني كنت بأمن بس نفسي مش عايزين مشاكل مع اللي ما تتسمي مراتي بوسي بضيق … ربنا ياخدها وليه بومة … المهم يا سيدي ها امنت نفسك ولا لسه معتز … كله تحت السيطرة يا قلبي واعملي حسابك علي الاسبوع الجاي هكلمك اكون ظبطت مكان ونتقابل بوسي بفرحة … بجد يا معتز معتز … بجد يا قلب معتز دا انا همـ,ـوت عليكي بوسي ضحكت بم/ياعه… وانا كمان يا بيبي معتز .. قلب البيبي يلا كفايه رغي بقا لحسن انا فوق السطح مضمنش الدنيا بردو بوسي … اوك يا بيبي هستني تلفونك باي معتز … باي كمل سهرته وهو فرحان حاسس أنه قدر يخلص من المشكله ال كانت هتحصل وحاليا كل حاجة رجعت زي الاول بالظبط بعد ساعه نزل ملقاش لمار في شقتهم نده عليها ودور ملقهاش نزل عند ماماته لاقهم قاعدين قدام التلفزيون سوا ودي يمكن من المرات القليلة جدا اللي يشوف فيها أمة ومراته سوا بيتفرجو علي حاجة ف استغرب معتز باستغراب… انتي هنا بتعملي ايه ؟ انا عمال ادور عليكي فوق توحيدة ام معتز … قاعدة معايا شوية في مانع ول اية ؟ معتز … لا طبعا يا ماما انا بس استغربت لأن عادة هي بعد ما بتخلص كل ال وراها هنا بتطلع فوق لمار … ما انت قاعد فوق السطح وانا قلت انزل ل ماما اشوف لو محتاجة حاجة بدل القاعدة لوحدي وهي مسكت فيا اتفرج علي تلفزيون معاها معتز بدهشه … مسكت فيكي !! لمار ببرائه .. اه مسكت فيا مالك مستغرب كدة ليه ؟ معتز … لا ابدا يارب ديما التفاهم ال بينكم دلوقتي دا عموما انا جالي تلفون شغل يوم الاربع الجاي هسافر شغل الاربع هرجع الجمعه توحيدة … هي ايه حكايه سفرك ال كتر دا ؟ معتز كشر… شغل ياما شغل حد يقول ل الشغل لا توحيدة … وهو الشغل ميجيش الا بالسفر يا معتز ؟ وبعدين ما انت ديما تقولي معيش فلوس اصل مفيش شغل ودلوقتي بتقولي هتسافر تاني وانت لسه جاي من كام يوم من سفر وقلت شغل بردو ايه بتشتغل لله وللوطن ولا ايه ؟ معتز … الراجل هقبضي السفريه دي ياما وهديكي الفلوس ال خدتها منك جزء ف جزء توحيدة … ماشي لما اشوف اخرتها معاك ايه معتز بصلهم هما الاتنين بضيق وخرج طلع شقتة تاني خلاص كل يوم بيتاكد عن اليوم اللي قبلة أن في حاجة غريبه بتحصل ودلوقتي لازم يركز عشان يعرف في ايه بيحصل من وراه نرجع ل عمار نزل هو وعدي وسأل في الاستقبال وعرف أن زهرة كانت راكبه تاكسي والسواق وقف بيها في حتة هاديه ثبتها ولما قاومت ضـ,ـربها بالمطـ,ـواة في جمبها وخد كل ال معاها وهـ,ـرب وهي قبل ما تفقد الوعي كان في عربيه معديه وقفت ليها قالت علي رقم عمار وبعدها راحت في دنيا تانيه وان الناس جابوها علي طول واتصلوا بالرقم ال هي قالته عمار في اللحظة دي طلب من عدي يطلع ويسيبه لوحدة شويه خرج وقف في حتة فاضيه شوية وعينيه بتلمع بالدموع وإحساس العجز مسيطر عليه ازاي عمل كدة في مراتة … ازاي مكنش السند والضهر ليها … طب ليه كان متمسك اوي بدوره ك اخ ل لمار واتنازل بكل سهوله عن دورة ك زوج وأب واخ لمراتة …. وزهرة بعد ما شافت القسوة عند اهلها وعنده هو قبل اهلها هتقدر تكمل معاه ؟ … هتقدر تنسي التجربه الصعبه اللي مرت بيها من قهر و وجع ل حرمان من طفلها قبل حتي ما تشوفه ل خذلان من أهلها اخيرا حـ,ـادثه اللي اتعرضت ليها والخوف والرعب اللي اكيد حست بيهم يعمل ايه عشان يعوضها ؟ يعمل ايه عشان يرجع زهرة حبيبته زي ما كانت …. وفجأة حس انه عرف أول خطوة لازم تتعمل ملامحة كشرت وطلع تلفونة وطلب رقم اختة وانتظر الرد لمار … حبيبي عامل ايه عمار … الحمد لله اسمعي يا لمار انا عايز اقولك كلمتين وياريت من غير معارضه يتنفذو لمار كشرت… في ايه يا عمار ؟ مالك داخل فيا شمال كدة ليه ؟ عمار … في أن بيت ابوكي مفتوحلك اي وقت لكن بيتي يحرم عليكي خلاص ومراتي لا هتجتمع بيكي تاني ولا ليها علاقه بيكي تاني منين ما هي تكون انتي متكونيش تمام اللهم بلغت اللهم فاشهد عشان أنا مش هستني لما تروح مني خالص يا لمار انتي عندك جوزك وبيتك وحماتك وبنتك اللي قربت توصل بألف سلامة وعافيه يارب أنا معنديش غير زهرة يا لمار ابعدي عنها احسنلك فاهمه …. لمار بصدمة …. ايه دا كله يا عمار ؟ انا عملت ايه لكل دا ؟ بتحرم بيتك علي اختك يا عمار هي دي اخرتها هي دي وصيه بابا ليك يا اخويا يا حبيبي بتنصف مراتك عليا وانا معملتش حاجة ولا جيت جمبها بتنفذلها اللي هي عايزاه يحصل من يوم ما اتجوزتك يا عمار خلاص كدة دوست علي وصيه بابا برجلك يا حضرة الظابط عمار بجمود .. خلصتي ؟ انا لا دوست علي وصية بابا ولا بنصف حد علي حد انا بعرفك وضع بعد كدة هيكون ثابت بينا عجبك عجبك مش عجبك يبقي متجيش خالص وانا هطمن عليكي بالتلفون كل يوم وطلباتك هتوصلك لحد عندك لمار بغضب … مين دي اللي متجيش ؟؟؟ لا انت ولا مراتك ولا اي حد خلقه ربنا هيمنعني اجي بيت ابويا يا عمار سامع ولا لا ولو عليك انت والمحروسه مراتك براحتكم مش هجري وراكم يعني لكن بيت ابويا خط احمر يا عمار تمام يلا مع السلامه يتبع …. الفصل السادس عشر سلاما علي من احببتة يوما فتركني وحدي في منتصف الطريق ….. مر حوالي اسبوع علي اخر مكالمة بين عمار ولمار ووجود زهرة لي في العنايه المركزه اسبوع كان هادي جدا في أحداثه لكنة كان موجع جدا زهرة اتحسنت حالتها ببطيء شديد لأن نفسيتها كانت مدمرة رافضه الحياة بكل أشكالها مش بتتجاوب مع أي حد منطتقش كلمة واحدة من وقت ما فاقت ولسه لحد دلوقتي في المستشفي مخرجتش …. وعمار رغم الوجع اللي حاسس بيه بسبب حالتها دي إلا أنه مش بيفارقها لحظة واحدة وطول الوقت جمبها وديما يسمعها كلام زي انا بحبك … انا اسف … هعوضك … سامحيني رغم عدم تجاوب زهرة معاه إلا أنه رفض يبعد أو يبطل يعتذر ويطلب السماح منها لمار مرحتش ولا اتصلت ب عمار تاني ولا حتي تواصلت مع ماماتها كانت مشغوله جدا في خطتها اللي بتنفذها بكل هدوء كانت عايزة تدي كل واحد وقتة بالكامل وتديلو كل تركيزها عشان اللي عايزاه يحصل صح واخيرا قربت اللحظة اللي مستنياها من وقت ما عرفت خـ,ـيانة معتز ليها وضـ,ـربه ليها مكة المرة دي كانت اهدي وانس المرة دي بدء صح حجز فعلا عن دكتور نفسي كويس وبدء يتابع معاه راحله في الاسبوع دا مرتين كان هادي جدا مع مكة مش بيحاول يضغط عليها في اي حاجة حتي لما طلبت أنها تفضل في اوضه تالا وهو في اوضتهم فترة مفتوحه لحد ما تحس انها جاهزة وافق فورا كان كله إصرار وعزيمة أن المرة دي ينجح ويخليها فعلا تسامحة وتقدر تنسي أو علي الاقل تتخطي ال حصل أما عدي ف كان هيمـ,ـوت من الغيظ وهو شايف هايدي بتتعامل بطريقه جديدة جدا عليه هاديه لدرجة البرود بتتعامل عادي جدا ولما يفهم العادي دا أنه خلاص ويحاول يقرب منها تبعدة بعنف عنها وتقولو احنا في فترة زي الخطوبه وانة لازم يعرف انها لسه مقررتش ويتعامل علي أساس دا ولما يبعد ترجع هي تتعامل عادي بشقاوة و حب لحد ما بقي محتار ومش فاهم هي عايزة ايه ولا هو بقا فاهم هو عايز ايه بعد الاسبوع دا كان المعاد اللي هايدي حددتة عشان تتجمع فيه مع وليد زي ما كان طالب واللي بسبب تعب زهرة أجلت اليوم دا وسمحتله أنه ياخد كريم لوحدة يخرج بيه كام ساعه ويرجعو تاني كانت بتحضر المايو بتاع كريم و شنطة صغيرة ليه وابتسمت لما افتكرت اللي حصل بينها وبين عدي امبارح لما عرف انها هتروح بردو تقضي اليوم مع وليد فلاش باك … عدي بغضب … هو احنا مش كنا قفلنا الحوار دا يا هايدي بتفتحيه تاني ليه ؟ هايدي بهدوء … الموضوع متقفلش يا عدي الموضوع اتأجل عشان الظروف اللي كنا فيها وبعدين وليد خلاص قرب يسافر من حقه يقضي يوم كامل مع ابنه وقلتلك انا مش هكون لوحدي والراجل كمان جالك لحد مكتبك عشان يستأذن منك ورغم انك زعقت فيه و ضـ,ـربته كمان إلا أنه معاتبنيش حتي ولا جبلي سيرة بلي حصل كل ال قاله انا رحت ل عدي زي ما طلبتي مني بس واضح أنه مش موافق ف شوفي ايه يريحك عدي كشر …. لا كتر خيرة والله اد ايه راجل شهم وجدع مش كدة ؟؟ هايدي … خلاص يا عدي ال حصل حصل انا مش فاهمه انت معترض ليه دلوقتي ؟ عدي … ميمشيش معاكي انك مراتي مثلا ودا كان جوزك ف يوم من الايام واني بغير عليكي ؟ هايدي برفعه حاجب… بت ايه ؟؟ بتغير عليا هههههههههههههههه عدي بضيق …. بتضحكي علي ايه دلوقتي متستفزنيش يا هايدي هايدي … بضحك علي بتغير عليا دي أصلها غريبه شوية يا عدي عدي … غريبه ازاي يعني ؟ انتي مرااااتي علي فكرة هايدي …. ممممممم يعني بتغير عليا عشان مراتك وشايلة اسمك مش عشان حبيبتك مثلا صح كدة انا ترجمت الجمله صح مش كدة ؟ عدي بهدوء … لا يا هايدي انتي ترجمتي الجمله غلط لان انا بحبك و اوي كمان اه غلطت لما فضلت حابس نفسي في قصة قديمة وفاشلة بس صدقيني مجرد ما حسيت انك ممكن تختفي من حياتي عرفت اني بحبك وبحبك قوي كمان هايدي كشرت … مفروض افرح واقتنع بالكلمتين دول بقا عدي كل الموضوع أن انت حسيت انك هتخسر وضع مستقر في حياتك أسرة صغيرة وبيت هادي زوجة بتحبك وابن بيحبك ف قلت تظبط كلامك و معاملتك اليومين دول لحد ما انا أوفق نكمل سوا لكن اللي في القلب لسه زي ما هو في القلب يا عدي فبلاش نكدب علي بعض لو سمحت عدي … انا مش بكدب يا هايدي واللي قلته هو اللي في قلبي عارف أن صعب تصدقيني بس والله بحبك هايدي … لو سمحت خلينا نرجع للموضوع اللي كنا بنتكلم فيه هروح بكرة مع كريم ولا لا ؟ عدي سكت شوية وبعدين اتكلم بغيظ … تمام يا هايدي بس هاجي معاكم مش هسيبك تروحي لوحدك ودا اخر كلام عندي هايدي ببتسامة جميلة… اوكي as you like باك خلصت تحضير الشنطة كانت فعلا حسه بغيرة عدي عليها وكل ما تبتسم ترجع تكشر مبقاش عندها اي ثقة في مشاعره ناحيتها والايام بتمر وهي مش قادرة تاخد قرار ❈-❈-❈ زهرة كان معاد خروجها من المستشفى انهاردة ابتسام كانت بتحضر في الشنط وعمار كان بيخلص في الإجراءات برة خبطت ايمان ودخلت ايمان … السلام عليكم ابتسام ابتسمت … وعليكم السلام تعالي حبيبتي اتفضلي ايمان … ايه الاخبار ؟ جهزتو كل حاجة خلاص ؟ ابتسام …. اه خلاص قفلت الشنط اهو وعمار بيخلص ورق المستشفي عشان نتحرك ايمان بصت ل زهرة وطبطت عليها … عامله ايه دلوقتي يا حبيبتي ؟ لسه بردو مانش الاوان تسمعينا صوتك يا زهرة ؟ زهرة بصتلها بهدوء ورجعت بصت قدامها تاني وابتسام ال ردت ابتسام بحزن … مفيش فايدة يا ايمان عملت معاها المستحيل وهي كدة تبصلي وترجع تبص قدامها لا راضيه تكلمني ولا تطمن قلبي عليها بأي كلمة حتي ايمان بحب … معلش بكرة تتكلم وتملي البيت ضحك و هزار زي زمان ابتسام هزت دماغها بقله حيلة والباب خبط ودخل عمار عمار … السلام عليكم… ازيك يا مرات عمي عامله ايه ؟ ايمان … الحمد لله يا حبيبي عمار … انتي جايه لوحدك ولا ايه ؟ ايمان … لا محسن باعت معايا السواق تحت انا قلت اجي اطمن علي زهرة وارجع معاكم علي البيت عمار … تمام انا خلصت خلاص (بص لابتسام) ايه الاخبار جاهزين ؟ ابتسام …. اه يا حبيبي خلاص الشنط اهي خدها وانا هسند زهرة لحد العربيه تحت عمار كان عايز يساعدها هو لكن خاف من رد فعلها لو لمسها من يوم ما فاقت وقعد جمبها محاولش يلمسها بسبب اول مرة جرب يعمل كدة انتفضت جدا و اتشنجت ودموعها نزلو وخدو وقت طويل علي ما عرفوا يخلوها تهدي تاني عشان كدة قرر يكون بعيد … من غير كلام هز دماغه و خد الشنط وإيمان وابتسام سندو زهرة وخرجو وراه ورجعو علي البيت العربيه اول ما وقفت قدام العمارة زهرة دموعها نزلو بوجع وحست انها مخنوقه مش عايزة تطلع مش عايزة تقعد معاه في مكان واحد في عمارة واحدة بس حسه بانكسار رهيب ملهاش مكان تروحه ملهاش حد اترمت في الشارع في ثانيه لحظات الرعب والخوف اللي كانت حسه بيهم وهو السواق بيثبتها كانت مخلايها مش قادرة تطلب الطلاق من عمار إحساسها بالعجز والوحدة كانو مسيطرين عليها كانت فاقدة الرغبه للحياة بكل حاجة فيها عايزة اربع حيطان تقعد بينهم وبس مش عايزة اكتر من كدة عمار عينيه كانت عليها حاسس انها موجوعه وعارف أن احساس أنها وحيدة وملهاش حد وجعها جدا متاكد أن لولا ال حصل عند خالتها كانت رفضت العيشه معاه تاني وكانت اكيد اتطلقت بس اللي مش عارفه هو أنه يعمل ايه عشان يصلح اللي انكسر بينهم ازاي يحسسها أنه استحاله يجـ,ـرحها تاني او يضايقها تاني ازاي يخليها متأكدة أنه هيكون سندها وعمر ما هيسمح ل نفسه أو لاي حد أنه يجي عليها تاني طلعو شقه ابتسام وقبل ما تسندها ابتسام ل اوضة عمار زهرة وقفت وهزت رأسها ودموعها بتلمع في عينيها وشاورت علي اوضه ابتسام الكل فهم أنها مش عايزة تقعد في اوضه عمار وابتسام طبطبت علي كتفها بهدوء و خدتها لاوضتها من غير اي كلام ايمان دخلت علي المطبخ تجهز الغدا هي وتسيب ابتسام مع زهرة وعمار بص لاوضه ماماته بحزن و خرج من الشقه كلها طلع شقتة وقفل علي نفسه وسمح ل دموعه تنزل بحريه ❈-❈-❈ عدي خد كريم و هايدي ونزل عدى علي بيت حماة وحماتة وخدهم وراحو علي الفندق اللي وليد قالهم عليه اول ما وصلو قدام البوابه كان وليد واقف مستنيهم وابتسامة كبيرة علي وشه خلت عدي ضم ايديه جامد لدرجة أن عروقه برزت جدا وهايدي لحظت دا بس سكتت وعملت نفسها مخدتش بالها وليد وهو بيسلم عليهم … حمد لله على السلامه اهلا اهلا ابراهيم والد هايدي … الله يسلمك يا وليد وليد ببتسامة … ايه دا عدي باشا بنفسه اهلا اهلا عدي كشر…. اهلا بيك يا سيدي وليد بنفس الإبتسامة…. ويا تري جاي توصلهم بنفسك بس ولا هتقضي اليوم معانا ؟ عدي بابتسامة رخمة … لا هقضي اليوم معاكم عندك مانع لا سمح الله ؟ وليد …. لا يا راجل مانع ايه بس انا مبسوط انك موجود صدقني طالما كريم وهايدي مرتاحين معاك ومبسوطين ف انا كمان مبسوط عدي جز علي اسنانة بسبب أنه كل مرة بيذكر اسم هايدي بالاسلوب دا وقبل ما يرد عليه هدي حبت تنقذ الموقف ف اتكلمت هي هدي…. طب ايه انا رجلي وجعاني يا ولاد مش هتقعدونا بقا ولا ايه ؟ وليد … طبعا اتفضلو انا عمالكم برنامج إنما ايه أن شاء الله يعجب الاستاذ كريم ويفرح بيه كريم كان ماسك ايد عدي يادوب سلم من بعيد علي وليد ورجع مسك ايد عدي تاني ومع جملة وليد الأخيرة اللي كان بيقولها وهو باصص ل كريم و مبتسم كريم ضحك ضحكة بسيطة من غير اي كلام ودا زود ضيق وليد من عدي اكتر واكتر وفرح عدي اكتر واكتر دخلو وبعد وقت بسيط كان عدي ساعد كريم ولبسه بنفسه المايو بتاعه ولبس هو كمان شورت وتي شيرت كت ونظارة شمس وخرجو سوا هايدي من بعيد بصت عليهم وتلقائي ابتسمت و وليد بردو تلقائي كشر ابراهيم .. الله الله ايه الحلاوة دي كلها يا كيمو كريم … شكرا يا جدو انت كمان حلو وليد … يلا يا كيمو ننزل الميه سوا ولا انت بتخاف من الميه ؟ كريم … لا مش اخاف بابا عدي قالي أن الميه حلوة ومش بتخوف وانا مش بخاف وهو معايا (بص ل عدي ) يلا يا بابا ننزل سوا عدي لسه هيرد وليد سبقه … بس بابا عدي مش هينزل دلوقتي تعالي انزل معايا وبابا هيجي ورانا ممكن ؟ هايدي فهمت أن وليد عايز يكون مع كريم لوحدة وحست أن دا حقه ف حبت تخلي الأمر يحصل بهدوء في الاول والاخر هي يهمها مصلحة ابنها مش عناد عدي و وليد قصاد بعض هايدي ل عدي بصوت واطي … ممكن تقنع كريم ينزل مع باباه لوحدة معلش عشان خاطري هو محتاج شوية خصوصيه بينهم خليهم لوحدهم شوية دا حق وليد ممكن عدي كان مخنوق لاقصي درجة مش بس عشان غيران علي هايدي لا . . عشان احساس اللي حسه دلوقتي أنه دخيل ودا اب وابنه وعايزين خصوصيه سوا يعني هو عزول بينهم هايدي كانت بتتكلم بتلقائية لكن هو الكلام جـ,ـرحة وعرفه أنه مهما قرب وحب كريم هو في الاخر مش أبوة عدي حاول يتحكم في صوته عشان ميبنش عليه أنه اضايق من كلامها عدي … ح حاضر نده ل كريم علي جمب وكلمة وأقنعه ينزل مع وليد لوحدة وهو هيعمل تلفون شغل ويحصلة في الاول كريم رفض لكن بعد محاولات من عدي وافق ونزل مع وليد والنظرة اللي شافتها هايدي في عين عدي وهو كريم نازل مع وليد البيسين عرفتها أنها جـ,ـرحتة من غير قصد وقبل ما تاخد أي رد فعل فاجاهم هو عدي بجمود … معلش يا جماعه انا افتكرت حاجة مهمة لازم اعملها وهضطر امشي ( بص ل هايدي ) اول ما تقربو تخلصو عرفيني هبعتلك هنا السواق بالعربيه يرجعكم زي ما انا جبتكم مفهوم ؟ هايدي برجاء . .. كمل اليوم معانا لو تقدر ونرجع سوا واوعدك مش هنتاخر بعد العصر نمشي عدي حاول يبتسم. … معلش مرة تانيه وبعدين طول ما كريم حابب يفضل ومبسوط سيبيه بس السواق ال يوصلكم يا هايدي تمام ؟؟ هايدي بحزن … حاضر يا عدي هكلمك قبل ما نمشي بشويه عشان تبعت السواق ابراهيم …. في حاجة حصلت ضايقتك يا ابني ؟ عرفني ؟ عدي … ابدا يا عمي مفيش حاجة انا بس افتكرت حاجة مهمة زي ما قلت متقلقش عدي رغم محاولات الكل إلا أنه صمم ومشي وهايدي كانت متبعاه بعينيها وحست أنه فعلا جـ,ـرحتة لكنها ابدا مكنتش تقصد ❈-❈-❈ معتز كان راجع من شغله مبسوط ورايق بوسي الفترة الأخيرة مدلعاه علي الاخر مش منغز عليه الفرحة دي غير إحساسه أن في حاجة بتم بين أمه و لمار وهو مش فاهمها دخل البيت لاقاهم قاعدين سوا ك عادتهم الفترة الأخيرة معتز … مساء الخير توحيدة بغضب …. اهلا بسيد الرجاله اللي مخلي سيرتنا علي كل لسان معتز كشر … في ايه ياما مالك ؟ وسيرة اي دي اللي علي كل لسان توحيدة وهي بتقف قصادة … سيرتك انت والمفضوحة بوسي يا سيد الرجاله ايه خلاص العك وصل بيك للدرجة دي وكمان عايز تبيعني البيت ال حيلتي و تديهولها عشان ترضي عنك اهو اديك اتفضحت و في فيديو ليكم مغرق الدنيا واكيد وصل ل جوزها دلوقتي والبيت اللي كنت هتديه للدلدوله ال كنت نايم معاها انا بعته خلاص وانت مبقاش ليك مكان فيه يا معتز معتز بغضب …. ايه التخاريف دي ؟ مين ال قالك الكلام الاهبل دا ( بص ل لمار بشر ) اكيد انتي يا وش المصايب اللي وقعتي بيني وبين امي مش كدة وربنا ما هرحمك المرة دي يا لمار ولسه بيقرب عشان يضـ,ـربها اتفاجا …. يتبع … الفصل السابع عشر القرار كتير بيتاخد في لحظة الحب البعد الغربه الخـ,ـيانة كلهم ممكن يحصلو في لحظة واحدة وبعدها حياتنا كلها تتغير معتز كان راجع من شغله مبسوط ورايق بوسي الفترة الأخيرة مدلعاه علي الاخر مش منغز عليه الفرحة دي غير إحساسه أن في حاجة بتم بين أمه و لمار وهو مش فاهمها دخل البيت لاقاهم قاعدين سوا ك عادتهم الفترة الأخيرة معتز … مساء الخير توحيدة بغضب …. اهلا بسيد الرجاله اللي مخلي سيرتنا علي كل لسان معتز كشر … في ايه ياما مالك ؟ وسيرة اي دي اللي علي كل لسان توحيدة وهي بتقف قصادة … سيرتك انت والمفضوحة بوسي يا سيد الرجاله ايه خلاص العك وصل بيك للدرجة دي وكمان عايز تبيعني البيت ال حيلتي و تديهولها عشان ترضي عنك اهو اديك اتفضحت و في فيديو ليكم مغرق الدنيا واكيد وصل ل جوزها دلوقتي والبيت اللي كنت هتديه للدلدوله ال كنت نايم معاها انا بعته خلاص وانت مبقاش ليك مكان فيه يا معتز معتز بغضب …. ايه التخاريف دي ؟ مين ال قالك الكلام الاهبل دا ( بص ل لمار بشر ) اكيد انتي يا وش المصايب اللي وقعتي بيني وبين امي مش كدة وربنا ما هرحمك المرة دي يا لمار ولسه بيقرب عشان يضـ,ـربها اتفاجا بتوحيدة بتقف قدامة توحيدة … اوعي تمد ايديك عليها كتر الف خيرها صانت العيش و الملح وقالتلي علي نيتك السودا معتز بسخريه … مين دي ال صانت العيش و الملح لمار !! وبعدين هي اي حاجة تقولهالك تصدقيها علي طول كدة وتكدبي ابنك توحيدة …. ومصدقهاش ليه وهي مورايني فيديو ليك انتي وبوسي من جوة اوضه اللي كنتو سوا فيها والفيديو دا للاسف اتسرب غصب عنها وبقت فضحيتنا علي كل لسان غير موضوع البيت كمان معتز كان فاكر أن لمار ضحكت علي أمه بكلمتين بس اتفاجا ب رقم بوسي بتتصل بيه كنسل عليها اتصلت تاني كنسل اتصلت تالت فتح الخط وهو متعصب اوي معتز بعصبيه …. في اييييييه زن زن زن ايييييه بوسي ببكاء …. الحقني يا معتز انا اتفضحت وابويا حالف يقـ,ـتلني لولا امي واختي كانو بيحوشو فيه خرجت اجري زي المجنونة في الشارع وبعدت عن البيت قولي اعمل ايه يالهوي يالهوي دا اكيد كمان صلاح واهلو عرفو يالهوي عليا اعمل ايه يا معتز اروح فين ؟ معتز اللحظة دي بس حس أن لمار لعبتها صح بدء يجمع هي عملت ايه كويس اوي بس كان ناقص يفهم موضوع البيت دا هو عمره ما اتكلم مع بوسي عليه ابدا قفل السكة في وش بوسي وفكر يجمع الأمور ببعضها كل دا كان بيحصل ولمار قاعدة علي جمب بتتفرج عليهم وخصوصا معتز بعد ما اتاكد من بوسي أنها فعلا فضحتهم … عينيهم اتقابلو سوا هي بصت له نظرة طويله كلها احساس بالنصر والشماتة وهو نظرته ليها كلها غل و كره وشر معتز قفل التلفون وفضلت عينيه متعلقه ب لمار شوية وبعدين بص لأمة واتكلم معتز … والبيت ؟ صدقتيها ازاي اني ممكن اعمل كدة طب بوسي و وريتك فيديو لينا سوا البيت بقا صدقيتها ازاي عايز افهم توحيدة لسه هترد عليه قامت لمار من مكانها بكل هدوء وبدأت تتكلم لمار بهدوء و برود … ما تسيبلي انا الطلعه دي يا معتز يا حبيبي ماماتك بردو ست كباره وكفاية انفعال عليها لحد كدة خليها تريح حبه عشان لسه ال جاي كتير اوي توحيدة … قصدك ايه يا لمار انتي مخبيه عني حاجة معتز وهو عينيه علي لمار … اتكلمي انا سمعك لمار وهي بتلف حواليه …. مممم ابدء منين ولا باية ابدء مثلا من اليوم اللي خبطني فيه علي دماغي بكل دم بارد ووقتها حلفت لادفعك التمن غالي اوي اوي ابدء باني نزلتلك برنامج تسجيل المكالمات وسمعت مكالماتكم سوا وعرفت اول معاد خدتوه ورحت وراك وعرفت المكان ودا بالنسبالي كان أهم جزء بعد كدة بقا رحت انا تاني لوحدي بعد ما بعدت لسلسه دهب من بتوعي وعمرت جيبي كويس وبقرشين حلوين علي العامل اللي في الفندق زرع لي كاميرا صغيره في الاوضه اللي هيحجزهالك وقالي مش هيشغلها الا لما انت تروح وفضلت مستنيه بقا وفي وسط الانتظار دا بدأت اقول ل ماماتك اني شكة انك ع علاقه بوسي جارتنا واني كاي زوجة مصريه بتحب جوزها ومش عايزة تخرب بيتها وقوليلي يا ماما اعمل ايه أحافظ علي جوزي حبيبي ابو بنتي ازاي وفضلت بقا كل يوم من دا لحد ما الواد بتاع الفندق كلمني وقالي انك هناك انت والمحروسه وأنه فعل الكاميرا نزلت دمعتين ونزلت جري لامك اقولها أن حد ابن حلال كلمني وقالي الحقي جوزك بيخونك وهيطردك انتي وامك من البيت طبعا امك سمعت هيطردك انتي وامك من البيت دي ومقلكش بقا اتحولت عليك ازاي بس يا سيدي ( قعدت علي كرسي جمب باب الشقه ) روحت وخدت الفيديو وطلعت علي مهندس كمبيوتر إنما ايه ايديه تتلف في حرير اديته اللي فيه النصيب وعدلي شوية في الفيديو وحطلي جملتين اتنين ( امتي بقا هنكون سوا علي طول ) ورد الراجل ال معاها وهو بيقول ( خلاص يا حياتي هانت انا جهزت الورق وهمضي امي علي التنازل قريب اوي واطرد الكل هانت ) وامك صدقت وقلتلها أن الراجل ال اداني نسخة من الفيديو دا ودي نسخة لاهل بوسي واني مليش ذنب خالص هههههههههههههههه وامك صدقت هههههههههههههههه معتز جري عليها بسرعه ملحقتش تفتح الباب زي ما كانت مخططة جابها من شعرها علي الارض ونزل فيها ضـ,ـرب بكل قوته توحيدة خافت تمـ,ـوت في أيديه قربت وحاولت تشيلها من تحت أيديه لكن معتز مكنش شايف اي حاجة غير الفضيحة زق أمه جامد وقعت واتخبطت واغم عليها سمع خبط جامد علي الباب ودوشه كتير لمار وهي بتصوت …. الحقوني هيمـ,ـوتني الحقوني ااااه في لحظة كان معتز ماسك راسها وبكل قوتة فضل يخبطها في الأرض كزا مرة ورا بعض في نفس الوقت الي الباب اتكسر ودخل أهل صلاح وأبو بوسي وأخوها والدنيا ولعت ❈-❈-❈ عدي خرج من الفندق مقدرش يرجع شغله فضل يلف بالعربيه وهو مخنوق واكتر حاجة خنقاه مش بس زعله هو هايدي ولا الحقيقه المطلقه ال شافها انهاردة أن كريم مش ابنه لا الخنقه ال جواه بسبب أنه مش واثق هو عايز ايه فعلا مشاعرة ناحيه طلقيته كانت وهم طب والكلام اللي كان بيكتبه في مذكراته كان ايه ؟ هايدي فعلا بيحبها بجد وميقدرش يعيش من غيرها ولا زي ما هي قالت هو عايز حياة الاستقرار عايز طفل يقوله يا بابا و زوجة بتحبه وبتهتم بيه ؟ كل الحاجات دي مع بعض خلته مخنوق اكتر واكتر وفي لحظة كان واخد قرار هيغير كل حياتة طلع علي شقتة وبدء يجهز شنطة صغيرة له و خد الحاجات الاساسيه اللي لما بيكون مسافر بيخدها معاه وقبل ما يخرج من الشقه مسك تلفونه و جاب رقم هايدي وكتبلها رساله ع واتس عدي … انتي طول الوقت مقتنعه اني مش بحبك واني حابب بس حياة الاستقرار واني اكون اب يمكن موضوع اني اكون اب دا مقلتهوش صريح بس انهاردة غصب عنك قولتيه طول الوقت كل كلمة كنت كاتبها موجودة بينا وعامله حاجز كبير وعشان انا مش عايز احلف واجزم بشيء في نسبه خطأ ولو بسيط وعشان انتي تتاكدي وتثقي اني فعلا بحبك انا هبعد يا هايدي هبعد فترة معرفش هتبقي كبيرة ولا صغيرة هختفي نهائي ومحدش هيعرف انا فين لو قدرت يبقي انتي معاكي حق وانا مبحبكيش وبحب الجو بتاع الأسرة وبس لو مقدرتش يا هايدي يبقي انا فعلا بحبك زي ما انا حاسس ونبدء مع بعض من جديد وتنسي كل الي حصل وانتي واثقه اني بحبك …. خلي بالك من نفسك ومن كريم وياريت بعد ازنك ترجعي علي بيتك الفترة دي تكوني في شقتك و جمب ماما وبابا خصوصا في الظروف دي ياريت محدش يعرف اكتر من اني مسافر في شغل مهم ومحددتش معاد رجوع انا عارف أن الست اللي حافظت علي سر جوزها ورفضت تتكلم قدام اي حد عن مشكلتها هتوافق تداري دلوقتي اني بعيد لاي سبب بالظبط هتوحشيني اوي انتي وكريم سلام حبيبتي عدي بعتلها الرساله وقفل التلفون و خد شنطتة ونزل سلم علي أبوة وأمه وقالهم أنه جاله سفريه شغل ضروري جدا ومقلش اي تفاصيل تانيه واصاهم علي هايدي وكريم ومشي ل جهه محدش يعرفها غيرة هايدي من وقت ما عدي مشي وهو مخنوقه ومضايقه عارفه انها جـ,ـرحتة لكنها كانت بتتكلم بتلقائية جدا ومخدتش بالها أن دا ممكن يوجعه طول الوقت قاعدة سرحانة مكشرة مهما وليد حاول يلفت انتباها إلا أنها في دنيا تانيه مع حبيبها اللي ديما واجع قلبها تلفونها كان في شنطتها مشفتش الرساله بتاعته الا اخر النهار لما مسكت الفون عشان تكلمه يبعتلها السواق قرت الرساله مرة واتنين وتلاتة مش عارفه تفرح ولا تزعل تخاف ولا تطمن جواها حرب مشاعر كلها عكس بعض ابراهيم لاحظ أنها ماسكة التلفون ومش بتتصل بحد ابراهيم باستغراب … ايه يا هايدي متصلتيش ب عدي ليه يا بنتي زي ما قالك ؟ هايدي بصوت مخنوق … هتصل اهو يا بابا حاضر هايدي اتصلت فعلا علي رقم عدي وكنسل عليها وبعت مسج تانيه عدي … انا مش ناسي والسواق بقاله عشر دقائق برة قدام الفندق معلش خلينا نطمن علي بعض رسائل بس الفترة دي استحملني للاخر هايدي ردت عليه … اوك يا عدي موافقه مع اني مضايقه جدا انك بتاخد قرارات لوحدك بدون ما تشركني فيها معاك بس عشان اخر كلمة قولتها ف المسج أنا موافقه وهستحملك للآخر يا عدي بعتت المسج وبعدين قفلت التلفون ورجعتو في شنطتها واتكلمت هايدي … تمام يا بابا عدي بيقولي أن السواق برة اصلا من عشر دقائق هدي باستفهام … قالك ازاي ما انتي متكلمتيش ؟ هايدي ابتسمت … لما رنيت عليه كنسل عليا عشان ف اجتماع مهم صعب يرد وبعتلي مسج قالي أن السواق برة زي ما قلتلكم هدي هزت راسها بتفهم و وبداؤ يتحركو ل برة الفندق في الوقت دا وليد استغل أن ابراهيم وهدي مشغولين مع بعض في الكلام وقرب هو من هايدي وليد … واضح أن عدي ديما مشغول مش كدة هايدي بعدم اهتمام … لا مش ديما وليد بسخريه …. ال انا شايفة غير كدا بس الحقيقه انا مستغربك جدا يا هايدي هايدي … مستغربني في ايه ؟ وليد …. يعني سبب انفصالنا هو طموحي وحبي ل شغلي وتخطيطي لمستقبلي اللي انتي متحملتيهمش واللي انا شايفه الإجازة دي أن عدي زي بالظبط مهتم جدا بشغله طموح جدا ف كان ليه من الاول تبعدي عني وانتي عارفه و واثقه اني بحبك وان انتي وكريم اهم عندي من اي حاجة تانيه ليه هديتي البيت وروحتي عمرتي بيت تاني الراجل اللي فيه عندو نفس الصفات اللي كنتي مش متحملاها فيا ؟؟ هايدي ابتسمت ابتسامة هادية وردت … معاك حق اه عدي مش مشغول بدرجة انشغالك انت وسفرك بس الباقي معاك حق فيه والسبب واحد بس ؟؟ وليد بصلها باستفسار وهي كلمت …. اني بحبه يا وليد بحبه ومستعدة استحمل عشانة اكتر بمن كدة بكتير وليد كشر …. نعم ؟ ما انتي كنتي بتحبيني ومستحملتيش هايدي …. ال بنا مكنش حب يا وليد ( وليد لسه هيعترض كملت هي ) خلاص لو سمحت كفايه كده كلام احنا وصلنا خلاص عن ازنك سبقت أدام خطوتين وسابتة يفكر في كلامها اللي ضايقه فوق ما هي تتخيل اول ما خرجو من بوابة الفندق ركبت هايدي علي طول عشان متديش فرصة ل وليد أنه يتكلم تاني وروحت وهي مش عارفه اللي بتعملو وموافقتها علي كلام عدي دا صح ولا غلط منها ❈-❈-❈ عمار قاعد في شقتة بيشرب في سيجارة ورا سيجارة تلفونة رن برقم غريب رد عمار … الو …. استاذ عمار عبد الله معايا ؟ عمار … أيوة انا مين حضرتك ؟ …. احنا مستشفي الاخلاص اخت حضرتك المدعوة لمار عبد الله جيلنا ف حـ,ـادثة اعـ,ـتداء من جوزها المدعو معتز سيف الدين وحاليا هي في العمليات بس الحاله مش مستقرة نهائي لزم حد من أهل ال مريضه يكون معاها ضروري ياريت حضرتك تيجي باقصي سرعه يتبع …. الفصل الثامن عشر الجزاء من جنس العمل وكل ساقي سيسقي بما سقي به غيره ( تقريبا بتتقال كدة عدوها ) عمار نزل يجري زي المجنون مكنش حتي شايف انس اللي كان شايل شنط وطالع بيهم ناحية الاسنانسير وخبط فيه عمار جامد وكل اللي في ايدية وقع منة انس بخضة … اااه مش تحاسب يا عمار … عمار رايح فين استني عمار كان وصل ل عربيتة وقبل ما يدورها ويمشي كان انس فتح الباب وركب جمبة وعمار طار بالعربية انس بقلق … عمار في اية ؟ عمار بصوت مهزوز … لما اختي في المستشفي وحالتها مش مستقرة ولا خطر انا مش فاهم حاجة محدش في التلفون رضي يفهمني حاجة اللي طالع عليهم حضرتك لازم تيجي فورا وبس انس بحزن … لا حول ولا قوة الا بالله ان شاء الله خير متقلقش يمكن حاجة بسيطة بس هما مستشفي مادية شوية ف خضوك كدة عشان ياخدو فلوسهم عمار بعد اقتناع … لا لا مظنش خالص ربنا يستر يا انس يارب سلم انس … ان شاء الله .. طنط ابتسام عرفت ؟ عمار … لا انا نزلت جري مقلتش لاي حد اروح واطمن بس وبعدين اشوف هعمل اية اطمن عليها بس يارب انس اامن علي كلام عمار و طلع تلفونة وبعت رسالة ل مكة انس … حبيبتي انزلي مدخل تحت هتلاقي شنط اللي كنت جيباها معايا خديها انا مع عمار ابن عمك في مشوار مهم شوية كدة وهكلمك سلام بعت المسج اللي مكة استملتها وكل اللي جة في بالها ان عمار مخنوق بسبب المشاكل وتعب زهرة وانس خرج معاه محبش يسيبة لوحدة نزلت جابت الشنط ورجعت والفكرة اللي انس قالها عليها بالليل مش راضية تسيبها نرجع ل عمار وصل المستشفي في وقت قليل جدا لانه كان سايق بسرعه جدا دخل وسال ف الاستقبال وبلغوة انها في اوضة العمليات لحد دلوقتي طلع هو وانس و وقف قصاد الاوضة وبدء يتكلم بصوت كلة وجع عمار … يارب انا تعبت مبقتش قادر علي كل دا انا الوجع اللي في قلبي اصلا قادر يخلص عليا يارب نجيها مهما كان دي اختي الصغيرة ( صوتة اتخنق بالدموع ) دي بنتي انا اللي ربتها وكبرتها وجوزتها يارب اختبارك ليا صعب اوي انا مش قادر عليه يارب يارب انس كان باصص عليه بحزن علي حالة بس محاولش يتكلم معاه او يمنعة بكلمات المواساة اللي لا بتقدم ولا بتاخر سابه يطلع الكلمتين اللي كاتمين علي قلبة يمكن وقتها يحس ولو بشوية راحة عدي حوالي نص ساعه كمان والباب اتفتح وطلع الدكتور جري علية عمار وانس عمار … طمني الله يخليك الدكتور بحزن … للاسف الحاله جيالنا صعبه جدا احنا حاولنا ننقذ الجنين لكن انا اسف البقاء لله انس .. طيب ولمار حالتها ايه ؟ الدكتور … المريضة بردو مش هخبي عليكم الخبطة كانت جامدة علي دماغها ادت ل نزيف شديد حاولنا نوقفة بكل الطرق الممكنة وحاليا هتفضل في العناية المركزة اربعه وعشرين ساعه لحد ما تفوق ونشوف النزيف اسثر علي مراكز اية ف المخ وعشان اكون صريح اكتر احنا متوقعين تاثير درجتة من شديد ل شديد جدا عن اذنكم عمار كان ساكت حاسس انة تايه مش مستوعب كم الاحداث اللي عمالة تحصلة ل تاني مرة يسمع كلمة البقاء لله ل تاني مرة يسمع الحاله مش مستقرة حاسس ان الدنيا بتلف بيه وقبل ما رجليه تخونة ويقع لحقة انس وسندة لاقرب كرسي انس بحزن … انا عارف ان اللي بتمر بية الايام دي صعب وصعب جدا كمان ان حد يتحملة بس انت لازم تجمد يا عمار لازم تفضل واقف علي رجلك لسة كمان لما طنط ابتسام تعرف واوعي تفكر ان عشان في مشاكل بيها وبين لمار ان دا هيقلل الخبر عليها ابدا يا صاحبي الام هي الام لازم تكون جمبها وبعدين انا مش شايف معتز ولا حد من اهله ولا عرفنا هي حصلها كدة ازاي يلا قوم ورانا حاجات كتير ندفـ,ـن الجنين ونطمن علي اختك ونشوف اللي حصلها ازاي وتجيب حقها ومتنساش حق زهرة من السواق ومن ابن خالتها كون ضهر وسند ليهم ولما تخلص كل دا يا عمار ابقي انهار وعيط براحتك لكن قبل كدة لا مش هسمحلك انت راجل العيلة دي محدش مسؤل عنهم غيرك دروك دلوقتي محدد ومعروف يلااا يلاا يا صاحبي ❈-❈-❈ مكة بعد ما طلعت ورصت الحاجات اللي كانت ف الشنط مكانها قررت تسمع كلام انس وتجرب فكرتة في انها ترجع شغلها تاني اللي سابتة بعد الجواز في وقت كانت ناجحة جدا فيه انس كان شايف ان دي خطوة هتساعدها انها تتعافي وتبطل تفكير في حاجات سلبية شوية وهي اقتنعت ومسكت تلفونها وجابت رقم منار صحبتها واتصلت وانتظرت الرد مكة بفرحة …. ميمو ازيك عاملة اية وحشاني منار بحب … الحمد لله حبيبتي انتي عاملة ايه وحشاني اوي يا ندلة يلي مش بتسالي مكة … معلش والله تالا والبيت واخدين كل وقتي حقك عليا يا ميمو انتي قلبك كبير طول عمرك عديها بقا منار … ماشي سماح المرة دي عشان خاطر السنيورة تالا بس مش عشان خاطرك مكة … تسلمي يا ستي بقولك ايه انا كنت عايزة منك خدمة منار … أموريني حبيبتي مكة … الامر لله وحدة انا يعني كنت عايزة رقم مستر سعيد مندور ممكن ؟ منار باستغراب … سعيد مندور ؟ ليه خير في حاجة ولا ايه ؟ مكة … ابدا يا ستي انا بس قررت ارجع الشغل تاني واقرفكم بقا بالصداع اللي بعملو بصي انا كنت هخليهالك مفاجاة بس اكتشفت ان رقم مستر سعيد ضاع من عندي ف عشان كد بوظت المفاجاة بقا منار سكتت شوية ومكة مكنتش فاهمة سكوتها دا اية مكة … الو الوووو منار انتي معايا ؟ منار بصوت باين فيه العصبية … ايوة يا مكة معاكي مستغربة بس من قرارك المفاجيء دا انتي مش قلتي مش عايزة حاجة تشغلك عن انس ودلوقتي كمان بقا في تالا ماشاء الله ازاي بقا هترجعي الشغل تاني ؟ مكة بحسن نية …. والله يا منار حصلتلي مشاكل كتير في حياتي وحاليا من القرارات الصح اللي لازم تتاخد عشان اتخطي الفترة دي واكمل هي رجوعي للشغل من تاني منار بسخريه … بقي مكة محسن عندها مشاكل محتاجة انها تنزل الشغل تاني قولي كلام يتصدق طيب مكة كشرت … بصي بغض النظر عن السخرية اللي في طريقة كلامك بس انا مقصدش مشاكل مادية مش كل المشاكل اللي في الدنيا مرتبطة بفلوس وبس يا منار منار … تمام يا مكة هبعتلك رقم مستر سعيد بس بعد ازنك لو باقية علي العيش والملح اللي بينا لو عرض عليكي ترجعي علي نفس المكان بتاعك اللي كنتي فية قبل ما تقعدي ترفضي مكة باستغراب … ارفض ؟ طب ليه مش فاهمة ؟ منار … لان دا بقا مكاني انا دلوقتي واكيد مش بعد ما تعبت و وصلتله تيجي حضرتك عشان عايزة تتخطي شوية مشاكل عندك ترجعيني خطوة ل ورا كدة حرام وميرضيش ربنا ع فكرة مكة بصدمة …. نعم ؟ حرام وميرضيش ربنا في اية ؟ منار انتي بتكلميني انا كدة ؟ انا مكة يا منار منار … اه بكلمك انتي يا مكة حرام عليكي تضيعي تعبي دا كله انتي عارفه أن مستر سعيد دا مبدء عندة لو حد مجتهد وناجح وحب يرجع الشغل تاني بعد ما سابه بيرجعه علي نفس مكانة يبقي دا ظلم ولا لا ؟ مكة … وتعبك دا كان مين ساعدك فيه ؟ مين علمك كل كبيرة وصغيرة في شغلنا ؟ مين اللي رشحك اصلا ل مستر سعيد انك تاخدي مكانة لانك شاطرة وذكيه ؟ مين ال حتي بعد ما قعدت من الشغل فضلتي شهرين كاملين ع تلفون معاها وزيارات ليها عشان تلمي بكل حاجة وتعرفي أدق تفاصيل وانا عمري ما بخلت عليكي بمعلومة عمري ما صديتك جايه دلوقتي وانا بقولك عندي مشاكل ومحتاجة الشغل دا تقوليلي اني لو رجعت هبقي ظالمة يا منار ؟ بدل ما تقفي جمبي وتسانديني منار …. اقف جمبك و اساندك لو مش هتقربي من مكاني انتي لو رجعتي مكانك دلوقتي انا هكون يادوب مساعدة ليكي أو هينقلني ليدر لفريق تعبان مش اد كدة و تارجت اكيد هيقل الا لو بذلت معاهم مجهود جبار طب وليه كل دا ما تشوفي انتي شغل تاني ما تنزلي مع اخوكي شركتة ولا مع أبوكي ف المعرض محبكش شركة دي يعني متبقيش انانيه مكة بصوت مخنوق … انا مش مصدقه أن دا الحوار ال داير بين اتنين مفروض أنهم اعز اصحاب اقفلي يا منار مبروك عليكي مكانك ومبروك عليكي خسارتي سلام قفلت مكة مع منار ودموعها نزلت مكنتش مستوعبه أن دي صحبتها اللي ياما عملت عشانها صحبتها اللي طول الوقت انس يقولها أنة مش مرتاح لها وهي تتخانق معاه وتقوله الا منار أنا استحاله اخسرها لاي سبب مهما كان فاقت علي صوت تلفونها بيرن برقم انس ردت مكة بصوت باكي … أيوة يا انس انس بقلق … مالك ؟ صوتك معيط ولا ايه ؟ مكة … مفيش حاجة كنت بس مخنوقة شوية عموما هنزل اقعد مع ماما بدل ما انا قاعدة لوحدي كدة انس … لا انتي هتنزلي تاخدي ماماتك و تطلعي ل طنط ابتسام تسيبي ماماتك مع زهرة وتجيبي مراة عمك وتيجي وعلي لوكيشن المستشفى اللي هبعتهولك مكة بخضة …. مستشفي ايه تاني في ايه عمار كويس ؟؟ انس … اهدي عمار كويس لمار هي اللي تعبانة وللاسف الجنين مات في بطنها و هي حالتها صعبه شوية مكة بحزن … لا حول ولا قوه الا بالله طنط ابتسام مش هتستحمل كل دا انا خايفه اوي عليها لا لا مش هقولها انا مليش دعوة انس بهدوء … حبيبتي اهدي مفيش غيرك دلوقتي قدامنا يقولها ويجيبها عمي في الطريق اصلا جاي لينا وعدي اخوكي قافل تلفونة ومحدش عارف يوصله ف اجمدي كدة وانزلي يلا عشان تلحقي تيجي مكة … حاضر يا انس حاضر هعدي علي هايدي اسيب معاها تالا كفايه ماما تاخد بالها من زهرة انس … تمام احسن بردو يلا حبيبي متتاخريش ❈-❈-❈ مكة قفلت مع انس وخبطت علي هايدي قالتلها وسابت معاها تالا ونزلت علي شقه ماماتها وقبل ما تخبط كانت امها بتفتح الباب وباين علي وشها أنها عرفت مكة … بابا اتصل بيكي مش كدة ؟؟ ايمان بصوت مخنوق … اه قالي بقولك ايه انتي اللي هتفضلي مع زهرة وانا اللي هروح مع ايمان السواق تحت مستني مكة اعترضت … ازاي بس يا ماما خليكي انتي يا حبيبتي مع زهرة وانا هكون مع طنط ايمان هزت راسها بنفي… لا لا اسمعي الكلام بقا انا اللي لازم اكون جمبها دلوقتي يلا خلينا نلحق وانتي جوة صحيح حضري اكل ع الغرف وحضري اوضه لمار احتياطي فاهمه متقعديش بروطة كدة مكة كشرت … حاضر يا ماما ايمان خبطت وبعد شويه ابتسام فتحت ابتسام … تعالي يا ايمان ادخلي ايه دا مكة معاكي تعالي يا حبيبتي اتفضلي ايمان … بقولك يا ابتسام ادخلي حبيبتي البسي العبايه وتعالي معايا هنروح مشوار كدة بسرعه و مكة هتفضل مع زهرة متقلقيش عليها ابتسام باستغراب… مشوار ايه دا اللي هنروحو دلوقتي ؟ ايمان … واحنا في الطريق هقولك بس يلا دلوقتي خلينا نكسب وقت ابتسام بتردد وخوف … اا ابني كويس مش كدة ؟ عمار كويس يا ايمان ؟ ايمان بدموع … كويس والله كويس وزي الفل ابتسام دموعها نزلت … يبقي لمار صح ؟ بنتي فيها حاجة ؟ انا قلبي مقبوض من الصبح والله فيها ايه قوليلي مكة قربت منها وطبطت عليها … طنط الله يخليكي اهدي شوية لمار بس تعبانة شوية و عمار معاها هناك وانتي هتروحي دلوقتي مع ماما وتتطمني بنفسك اهدي عشان خاطري ابتسام قعدت علي الكرسي وانهارت في العياط هي كانت خايفه علي بنتها كانت ديما تدعي ربنا انه يهديها وتبقي كويسه قبل ما عقابه ينزل عليها ايمان قربت منها وشجعتها تلبس عشان يكونو جمب لمار وعمار دلوقتي وبعد وقت بسيط كانو وصلو المستشفى واول ما ابتسام شافت شكل عمار عرفت أن بنتها مش كويسه ابدا قربت منهم بهدوء وبخطوات بطيئه كأنها بكدة بتاجل أنها تسمع الكلام اللي خايفه تسمعه لكن في النهايه وصلت قدامهم ابتسام … اختك فيها ايه يا عمار ؟؟ عمار باصص لأمة ومش قادر يتكلم انس حس بيه اتكلم هو و بدء يقولها نفس الكلام اللي الدكتور قاله وزود عليهم اللي عرفوه من الإسعاف اللي جابت لمار أن الجيران اللي اتصلو بيهم وأنهم لما راحو كانت الشقه مفتوحة و فاضيه ولمار مرميه علي الارض وبتنزف والجيران قالو إن كان في صوت خناقه كبيرة في الشقه وان في ناس جت و خدت معتز بالعافيه من البيت و امة نزلت وراه وسابو لمار في الوضع دا ابتسام كانت منهارة من العياط وبتردد دعاء واحد بس طول ما هي قاعدة … اللهم ان لا نسألك رد القضاء ولكن نسالك اللطف فيه كانت بتكرره كتير اوي وهي دموعها نازله بدون توقف عمار بعد مدة حاول يتماسك لما عرف أن قعدتهم كدة ملهاش لازمة الجنين ومش عارفين يخلصو إجراءات خروجة من المستشفي و دفـ,ـنة بسبب اختفاء معتز … لمار ومش هتفوق ولا هيطمنو عليها إلا بعد ٢٤ ساعه ف قرر عمار أنه يفهم مين الناس اللي هجمو علي الشقة وليه عملو كدة في اختة وجوزها وقاعدة كدة في المستشفي مش هيفيد باي حاجة طلب من انس ومحسن ان يفضلو هما مكانة ويتابعو معاه اي حاجة تحصل واتصل ب مكة اطمن منها أن زهره نايمة وطلب منها نفس الطلب أن تتصل بيه لو في حاجة حصلت مع زهره ونزل من المستشفي كلها وراح علي شقه اختة ❈-❈-❈ وصل هناك وطلع سال الجيران اللي عادو نفس الكلام وقبل ما يسألهم متصلوش بالشرطة ليه جاله الرد من حد فيهم أنهم بالفعل اتصلو بس بعد ما الإسعاف جت وخدت لمار لانهم كانو مترددين بسبب أن معتز وأمه مش محبوبين من الناس هناك بس حد من الجيران قال إن لازم نبلغ عشان المستشفي كدة كدة هتبلغ ف هما ميدخلوش في سين وجيم سال تاني مين جاب رقم وكلمة وازاي جاب رقمة اصلا ؟… وجاله الرد أن في حد اتطوع وطلع مع لمار للمستشفى وخد تلفونها الى كان جمبها وفتحة ببصمة ايديها وجاب من السجل اسم my brother amar واتصل بيه وبلغه وسأل عمار علي تلفون لمار و خدو ونزل نزل عمار وهو لسه مش فاهم ايه اللي بيحصل طلع علي بيت اختة لاحظ أن شقه ام معتز مفتوحة فعلا زي ما الناس قالو دخل وبص في الشقه كلها كان واضح أن في خناقه كبيرة بتحصل هنا قعد جمب الباب و بدء يحاول يفتح التلفون هو عارف أن لمار مهووسه بالتواريخ وكان واثق أن الباسورد تاريخ ل مناسبه مهمة عندها جرب تاريخ ميلادها مفتحش جرب تاريخ جوازها مفتحش سكت ثواني وجرب تاريخ ميلاده هو لاقاه فتح ولما فتح هنا كانت الصدمة ل عمار اللي عمرة ماهينساها ابدا عمار شاف الفيديو بتاع معتز وبوسي وشاف رسايل كتير بين لمار وموظف الفندق اللي ساعدها كانت الرسائل عبارة عن لمار … ها يا حسن قلت ايه ؟ هتساعدني مش كدة ؟ حسن … دي مخاطرة كبيرة الموضوع لو تعرف هخسر فيها اكل عيشي يا لمار لمار … ومين هيعرف بس انا هقول ان الفيديو جالي علي تلفوني من رغم معرفوش متقلقش وبعدين ما قلتلك هديك الفين جينه حسن … لا قليل اوي علي المخاطرة اللي هعملها دا انتي مش ناويه تكتفي بانك تفضحي جوزك لأمة وبس ناويه تبعتي الفيديو لاهل جوز البت اللي معاه واللي انتي بلسانك قلتي أنهم صعايدة مش هيسكتو لا لا مخاطرة كبيرة اوي دي لمار … اوف بقا طيب عايز كام يعني ؟ حسن … بصي انا عايز خمسه اخر كلام وعليهم ليله هدية بينا عشان اضمن انك مش بعد ما تخدي الفيديو تسوحيني انا وادخل في سين و جيم لمار … نعم انت اجننت ولا ايه هو انا عايزة اكشف خـ,ـيانة جوزي ولا اورط انا نفسي في خيـ,ـانة يا حسن انت تنسي اني اوافق علي كدة انا موافقه علي الخمس آلاف جنيه لكن اكتر من كدة لا بتحلم حسن … وانا قلتلك ال عندي بصراحة أنا مش عارف هو عمي في عينيه ولا ايه مش انتي حامل و بطنك قدامك شبرين بس بطل وربنا ومن يوم ما شفتك وانا مش علي بعضي وافقي بس وانا اوعدك مش هتندمي ابدا لمار … يا حسن متصعبهاش عليا بقا حسن … قلب حسن من جوة طيب بصي انا ممكن اسهلهالك شويه لمار … ازاي يعني قول حسن … تشوفي يوم جوزك هيتاخر فيه برة وتقفلي علي نفسك بالمفتاح ونقضي اليوم دا سوا فيديو كول تلبسيلي كدة حاجة حلوة وأشوف واحس كاني جمبك بالظبط واطولك حتي لو صوت وصورة مش حقيقي ها ؟ واعرفي انك لو رفضتي هعمل ل رقمك بلوك وهقول ل معتز كمان أن جيتي واره وكشفتيه ها لمار … بتهددني يا حسن ؟ حسن … بحاول اقنعك يا لولو بكل الطرق وافقي بقا ووعد مش هتندمي ابدا قلت ايه ؟ لمار … ماشي يا حسن موافقه لما اشوف اخرتها معاك حسن … اخرتها عنب أن شاء الله عمار كانت مصدوووووم في اختة مقدرش يقرأ أو يشوف حاجة اكتر من كدة عقله كان في حاله صدمة مستمرة مين دي اللي بتتكلم اختة الصغيرة ؟ ازاي وامتي بقت كدة ؟ ولا هي كول عمرها كدة وهو اللي كان راسم لها صورة تانيه وعايش وبيتعامل علي أساسها ؟ وهو قاعد مكانه لاقي توحيدة دخله تتسند علي الباب وباين عليها البهدله شعرها منكوش هدومها متربه جامد وفي كزا بقعه دم في وشها قام وقف بسرعه وساعدها تقعد وهي بصلته بعيون زايغه وكل ما تيجي تتكلم تعيط دخل المطبخ جابلها ميه و شربها ودلق شويه علي ايديه وغسلها وشها بأيديه كزا مرة ورا بعض عشان تهدي وتفوق وفعلا توحيدة خدت نفس عميق واتكلمت توحيدة …. ل لمار فين ؟ عمار … في المستشفي طنط لو سمحتي عرفيني ايه ال حصل ؟ وفين معتز ومين عمل فيكي كدة ؟ توحيدة بدموع … خطفو معتز جريت وراهم في الشارع بس ملحقتهموش جريت لما انقطع نفسي ملحقتش عمار … اهل جوز اللي كان معاها مش كدة ؟ توحيدة … انت عرفت ؟ عمار … اه كملي بس حصل ايه بعد كدة ومين ضـ,ـرب اختي كدة هما ؟ توحيدة … لا اللي ضـ,ـربها كدة معتز قبل ما يهجمو أهل صلاح جوز بوسي علي الشقه ويضـ,ـربوه ويخـ,ـطفوة وانا نزلت وراهم ولما ملحقتهمش طلعت علي القسم بلغت ووريتهم الفيديو ال فيه بوسي ومعتز لأني لا اعرف أهل صلاح فين ولا اعرف أهل بوسي فين مكنش قدامي حل غير كدة وفضلت قدام القسم كتير لما حسيت اني هقع من طولي وانا لا معايا تلفون ولا اي حاجة جيت عشان اكلم اخواتة يتصرفو معايا … طمني علي لمار وعلي البيبي ؟ عمار كشر … الجنين مات واختي بين ايدين ربنا دلوقتي توحيدة ببكاء … لا اله الا الله يارب لطفك بينا يارب عمار لسه هيرد عليها قاطعه تلفونة اللي رن برقم خديجة خاله زهرة استغرب جدا وكان هيطنش لكنة قرر يرد كدة كدة هو له حساب مع رامي لازم يصفيه عمار … الو راويه ببكاء … لو سمحت يا عمار بيه ممكن اكلم زهرة ضروري ؟ عمار بضيق … لا مش ممكن خير في ايه عايزين منها ايه تاني ؟ راويه … عايزة اوصلها رساله ماما قبل ما تمـ,ـوت ممكن عمار … ايه ؟ ماماتك ماتت امتي وازاي ؟ البقاء لله طبعا الاول راويه … تعبت بعد ما مشيتم جامد واتنقلت المستشفي واتوفت امبارح الصبح ارجوك ماما كل اللي طلبته قبل ما تمـ,ـوت أن زهرة تسامحها هي مطلبتش أنها تسامحني أو تسامح رامي هي بس عايزاها تسامحها أنها خذلتها من غير ما تقصد ارجوك تقولها كدة ارجوك انا مش عارفه هقدر اكلمك تاني ولا لا رامي واخد تلفوني اصلا وحبسني في البيت بس انا كنت مخبيه تلفون ماما وبكلمك منه مش طلبه منك غير توصل رساله ماما الله يخليك عمار … حبسك ليه وساحب تلفونك ليه ؟ دا وقت خلاف اصلا ف ظروفكم دي ؟ راويه بقهر … عشان كمان تلت ايام هيجوزني غصب عني للمعلم اللي شغال معاه عمار بغضب … يتبع ….
