سلمي جديدة 2الاخير

_الو.... ااا معايا الراجل الاوبر قصدي اللي جه خد بنت بليل ضربت جبينها بغباء من اللي قالته فاهيا معرفتش اسمه لحد دلوقتي فا معرفتش تقول اي فا سمعت صوته واللي اكدلها انو هو =ايوه.. حضرتك نسيتي حاجه في عربيه وقت لما نزلتي فا رنيت عليكي اسألك لو عاوزها ضيقت حواجبها بتفكير عن اللي نسيته بس مش فاكره حاجه فقالت _انا نسيت حاجه.. هيا اي =سلسله كده لونها ذهبي بصت لفوق محاوله انها تفتكر عن اي سلسله بيقول عليها وبعد ثواني قليله افتكرت انها كانت ترتدي إسورة في ايدها وكانت واسعه شوية فقالت _قصدك غويشه... ايوه بس دي مش... وقفت عن كلام لحظه وهيا تتخيل لو قالت ان ده ليس بالمهماً فا مش هيوافق انو يجي تاني عشان ياخد حاجته فقالت سريعاً _ لا مهمه اوي عندي حضرتك ينفع تدهاني بكره لو سمحت =تمام عايزني بكره ادهالك فين _ااا في نفس المكان الساعه 10 صبح هكون في طريقي لشغل =تمام ماشي ابتسمت وقالت _تمام واغلقت الهاتف بحماس لا تدركه بس دي طريقه الوحيده عشان تقدر ترجعله اشياءه تاني او ربما شئ اخر ..... في ثاني يوم في الساعه 10 صباحا وهيا واقفه قدام نفس المحل ممسكا بي اشياء بيديها تنظر يمينا ويسارا مستغرباً من تأخره ده ومسكت تلفون وكانت هترن عليه بس سمعت صوت عربيه جايه عليها فا طفت تليفون بسرعه وهيا بتبص بي ابتسامه ليه... بس ما دمتش الابتسامه في وشها وهيا شايفه شخص تاني... من بعد ما حصل امبارح وقلبها لا يطيقه ابدا نزل من العربيه فا مشيت هيا علي طول و ملهاش رهبه ابدا في انها تكلمه نص كلمه حتي بس هو سبقها في وقوف قدامها وقال _لسه زعلانه مني يا دنيا قالت وهيا بتبص الناحيه تانيه =اللي جابك هنا يا زياد _جاي اصالحك يا ستي وعلي فكره انا مدخلتش الفرح امبارح عشان متفتكريش اني دخلت وامبسطت ومهتمتش بيكي لا ابدا... انا فضلت طول الوقت متعصب ومضايق كمان وحسيت اني غلطان كمان.. =معلش بس اللي قلته امبارح لسه بيرن في وداني ومش قادره انساه انت زودتها اوي اوي يا زياد _حقك عليا والله اوعدك انها مش هتكرر تاني والله =المرة اللي فاتت لما اتخانقنا قولتلي برضه إن الناس عندك أهم وحصل نفس الموقف ووعدتني إنها آخر مرة.. وأنا صدقتك وقولت مفيش مشاكل. وامبارح لما اتجادلنا على الفستان عشان كنت مكسوف مني قدام الناس بيه برضه اتغاضيت وقولت أعديها.. لكن اللي عملته قبل ما ندخل الفرح ده عدى فيه كل الحدود معرفش يقول ليها اي وفضل يبصلها من غير ما يكلم فا عدت هيا من جمبه وقبل ما تمشي وقف قدامها ثاني وقال _طب علي خليها اخر فرصه والمرادي وعدي هيكون جد وهحاول علي قد ما اقدر اني مزعلكيش تاني واحسن من نفسي بصتله بتردد من كلامه وقلبها مش واثق فيه لكن نظارته ليها برجاء خلتها تبص الناحيه التانيه وبعد دقايق تنهدت وقالت بأستسلام =تمام اخرج الخاتم سريعا من جيبه وقبل ما تمسكه هيا قال ليها بي ابتسامه خفيفه _معلش خليني البسه ليكي.. كا بداية جديده مابينا تاني اهزت راسها ورفعت ايديها ليه اتزامن بي قدوم سياره داخله عليهم فا بصت عليها دنيا و انصدمت بقدومه في وقت زاي ده في اللحظه اللي كان فيها زياد بيلبسها الخاتم فا بصت ليه وبعديها لي تاني اللي نزل من عربيه وتوجه ليه يتبع..... _معلش خليني البسه ليكي.. كا بداية جديده مابينا تاني اهزت راسها ورفعت ايديها ليه اتزامن بي قدوم سياره داخله عليهم فا بصت عليها دنيا و انصدمت بقدومه في وقت زاي ده في اللحظه اللي كان فيها زياد بيلبسها الخاتم فا بصت ليه وبعديها لي تاني اللي نزل من عربيه وتوجه ليها فا بعدت ايديها بسرعه بطريقه تفاجأ منها زياد وهو شايف الدهشه في وشها فقال ليها _اي في اي مالك كانت بصه للشخص ده وبعديها بصت عليه وقالت بأبتسامه متوتره =لا مفيش خالص... هو انت كنت رايح فين _كنت طالع علي شغلي بس مردتش اروح قبل ما أجي ارضيكي الاول بصت الناحيه التانيه بسرعه وبعديها ليه وقالت =تمام... وانا دلوقتي راضيه وجداً.. تقدر تروح شغلك دلوقتي عشان متتأخرش _تعالي معايا اوصلك في طريقي بدل ما تمشيها ردت وعيونها علي شخص اللي قرب خلاص منها فقالت بقلق شديد =لالالا مش مستهله روح انت بص في الناحيه اللي بتبص عليها وقال بأستغراب _هو في حاجه معاكي ولا مالك بتكلمي كده ليه.. وبتبصي في الناحيه التانيه كتير ليه قالت بصوت عالي قليلا بقلق =مفيش حاجة يا زياد انا كويسه تقدر تمشي دلوقتي... _إتفضلي السلسله بتاعتك يا انسه كان ده صوت الراجل اللي واقف وراها مباشراً، ومدد ايده بي الإسورة، وكانت هيا بصه قدام بصدمه وقلق ،ومش عارفه تعمل اي في موقفها المرعب ده، وعينيها مقدرتش تترفع تبص علي زياد وعلي نظراته ليها اللي اكيد كلها دلوقتي مليانه تعجب واسئله وضيق من شخص اللي واقف وراها ده اخذت نفساً عميق واسدرات له وابتسمت ابتسامه بسيطه ليه ومدت ايديها بتوتر وخدت منه الإسوره وقالت بصوت واطي _شكراً ليك =مين ده يا دنيا قال الجمله دي زياد وعينيه امتلئت بالغضب والغيره وهو شايف الشخص ده وهو بيسلم ليها الحاجه دي فقالت دنيا بهدوء ليه _فاكر اليوم اللي جيت خدتني منه ساعة لما رجعت من الشغل متأخر وكانت الدنيا بتمطر.. وقولتلك اني ركبت اوبر فا هو ده وشاورت علي اللي واقف جمبيها اللي متحركش ولا قال كلمه كأنه منتظر الاذن حتي يرحل، وكملت هيا =السواق اللي وصلني بص زياد للشخص ده بنظره حاده والتاني بدلهالهُ بنظره ليس لها اي معني فرجع بنظره ليها وقال _طب هو اللي جابه تاني واي الحاجه اللي ادهالك دي =وانا كنت ركبه العربيه الإسوره اللي كنت لبسها في ايدي وقعت مني فا كلمني وقالي هيرجعهالي _وجاب رقمك منين بصتله برتباك ومعرفتش ترد تقول اي فا تفاجئت برد التاني وراها قال =الانسه كان تلفونها بايظ ساعتها بسبب المطر فا مسكت تليفوني ورنت علي مامتها من عليه والرقم كان لسه موجود عندي فا رنيت عليها بعد مالقيت سلسلتها معايا وقالت انها محتاجها واني اجلها بكره في نفس المكان وادوهولها كانت بتبص ليه بدهشه وامتنان ليه من انقاذها من مصيبه كانت هتقع فيها ومجاش في بالها ابدا، انه كان يرد بدالها كأنه عارف انها معندهاش اجابه لسؤال فاجاوب مكانها، فا بصت لزياد وقالت _هو ده اللي حصل اهز راسه وعينيه مشالتش من اللي قدامه بضيق والتاني كان بيبصله بعدم مبالا وبرود ووضع يده في جيبه وقال مستأذنً =تمام انا استأذن بصت عليه دنيا وهو بيمشي ويلف وشافت الحاجات اللي مسكاها بيديها اللي كانت جايبها مخصوص عشان تدهالهُ بس بوجود زياد في وقت سئ يمناعها من انها تعمل كده _تعالي اوصلك معايا يا دنيا بدل ما تمشي لوحدك =مش لازم تتعب نفسك هيا كلها عشر دقايق واوصل _اركبي يا دنيا وبلاش مناقشه تنهدت منه وركبت وبعد عدة دقايق وصلت للمكان اللي بتشتغل فيه ونزلت وقبل ما تمشي ناده عليها زياد فا بصت ليه بتسأول وقال ليها =بعد ما تخلصي شغلك ابقي رني عليا اجي اخدك ضيقت حاجبها بتعجب من اللي قاله فهو من يوم ما خاطبها ولم يطلب منها طلب زاي ده، فا اي سبب اللي خلاه يقول كده... اهو بسبب ذلك الشاب _ليه يا زياد... متقلقش هحاول ارجع بدري شوية ومش هخلي اللي حصل معايا مره اللي فاتت يحصل تاني =انا قررت خلاص اني هاجي اخدك كل يوم وانتي راجعه من شغلك مش هسيبك ترجعي لوحدك تاني... ومتسألنيش ليه _لا منا لازم اعرف ليه.. لو قلقان او خايف عليا فا تقدر تتواصل معايا فون انما لو حاجه تانيه قول عليها تنهد منها وحرك العربيه وقال ليها بنفاذ الصبر =قولتلك مش لازم تعرفي يا دنيا وروحي الحقي شغلك وبعد عنها فيما هيا واقفه مستغربه من كلام اللي قالو ومن قراره اللي قاله بشكل حازم ذاك.. الا يمكن من بعد شوفته بي راجل ده والشك اترسم في عينيه اتجاها ولكن اي شك ده، فهيا معملتش شئ اللي يستهال الشك بها او يكون هو مجنون او ماشابه... .... بعد ساعتين من العمل قعدت جمبيها واحده من صُحابها وهيا شايفها سرحانه وبتبص قدام وعينيها واسعه فقالت ليها _الجميل بيفكر في اي... مالك انتبهت لها دنيا وقالت وهي بتتمطع بكسل =مفيش.. ضغط الشغل متعبني شوية قربت منها شهد بخبث وقالت _ضغط الشغل برضه احكي لي يا بت الحركات دي متمشيش عليا، فيه إيه تنهدت دنيا تنهيدة طويلة كأنها شايلة جبال فوق كتافها وقالت بصوت مجهد =مش عارفة يا شهد.. بس بصراحة بفكر أسيب زياد اليومين دول مش حاسة تجاهه بأي حاجة ردت شهد بكل بساطة _خلاص سيبيه دنيا ضيقت عينيها بضيق من بساطة شهد في رد وقالت =إحنا اتخانقنا تلات مرات وكل مرة لنفس السبب زياد مش واثق في نفسه ولا في اللي هو فيه بيحب المظاهر الخداعة وده اللي اكتشفته مؤخراً.. شايف نفسه دايماً ودي أوحش صفاته لو سألتيني عن الحاجات الكويسة هقولك ساعات بيكون حنين، وبيحب اللي حواليه، وغيرته عليا بتعجبني أحياناً.. بس عيوبه بقت مغطية على كل مميزاته _ممكن عشان الخناقات لسه مأثرة عليكي فمش حاسة بحبك ليه وده عادي. وبالنسبة لشخصيته تقدري تغيريها للأحسن الموضوع صعب شوية بس استحملي طالما مش عايزة تسيبي ردت دنيا بيأس =أغيره إزاي يا شهد ده عامل زي الثور كل ما أجي أجادله في حاجة ينفجر فيا وعايزني أمشي على مزاجه وخلاص. _يا ستي هما الرجالة كده اليومين دول.. بس لو تمادى وقفي عند حده، وهو لو بيحبك فعلاً ومش عايز يزعلك هيتغير سكتت دنيا وبصت في الأرض بتردد وبعدين رفعت رأسها وقال: =الصراحة.. أنا عملت حاجة خليته يشك فيا _عملتي إيه حكت لها دنيا كل اللي حصل مع "الشاب" لحد آخر مقابلة بينهم النهاردة وفضلت تبص لها باستغراب وسألتها _ورضيتي تاخدي الجاكت منه ردت دنيا بضيق =يعني بعد كل اللي حكيته ده ومسكتِ في الجاكت أيوه يا ستي خدته قولتلك كنت هموت من البرد وهدومي مبلولة وكنت هتجمد.. كان غصب عني _بس مقلقتيش تركبي معاه =كنت قلقانة طبعاً، بس مكنش قدامي خيار تاني والحمد لله ربنا عداها على خير _بصي يا دنيا لو بتحبي زياد بجد فكك من الخناقات دي كل ده بيحصل عادي لكن لو فعلاً باقية عليه مكلميش حد تاني مهما حصل إنتي كده كأنك بتلعبي بيه لو مش عايزاه قولي له 'كل شيء قسمة ونصيب' وامشي، لكن طول ما أنتي معاه، مدخليش طرف تالت بينكم.. فاهمة قصدي اهزت راسها بفهم وقالت =طب وبالنسبه للحاجه انا عاوزه ارجعهاله صراحه والحاجات صراحه باين عليها غاليه فا حرام _اديني رقمه وانا هتواصل معاه واديهالو واهو وكل حاجة اتحلت =تمام.. بس خلي بالك من نفسك _لي =معرفش بس حساه غريب شويه مش عارفه كانه طالع من فيلم اكشن _متقلقيش هسلم الحاجه علي طول وامشي من غير ولا كلمه ....... انتهت من عملها وكانت الساعه 12 صباحاً وفي طريقها للعوده وبعد عشر دقايق من سير افتكرت لما قال ليها زياد انها ترن عليه فا فتحت تلفون واتصلت بيه منتظره رده وبعد عدة ثواني سمعت صوت وقبل ما تكلم سمعت صوت شخص غريب ليس صوت خطيبها ابدا اللي تعرفه كويس فقالت _ايوه مين معايا في تلفون =صاحب تلفون عامل حادثه بالعربيه وحالياً مغمي عليه والناس بتحاول تفوقه.... يتبع =صاحب تلفون عامل حادثه بالعربيه وحالياً مغمي عليه والناس بتحاول تفوقه.... فتحت عينيها بصدمه من كلام اللي سمعته وقالت بصوت عالي وعقلها بيحاول يستوعب الكلام اللي سمعه _اي عمل حادثه طب هو.. هو فين دلوقتي =العربيه اتخطبت في شجر في شارع(...) الحادثه حصلت من 10 دقايق كده.. هو كويس اتخبط في راسه جامد بس شوية وبأذن الله هيفوق _طب تمام حضرتك انا جايه علي سريع ليه.. ولو فاق قوله ميمشيش حضرتك =تمام يا انسه قفلت التلفون ومشيت بسرعه بس فكرت في المسافه اللي ما بينها وبينه كبيره وتحتاج عربيه للوصول لهناك فوقفت وهيا بتبص حواليها لعلها تلاقي اي عربيه او اي وسيلة نقل توصلها لهناك ومعدتش دقايق كتير وسمعت صوت وراها و تفاجئت بيه... نعم كان هو نفس الشاب اللي وقف وراها وقال _محتاجه توصيله بصت وراها باندهاش بوجوده هنا وتعجبت من كثرة لقاءاته معاها كما لو انه يتبعها في كل مكان، و افتكرت كلام صاحبتها شهد عن انها توقف كلام معاه ولا تدخل طرفاً ثالث بينها وبين خطيبها وبصت قدام وحاولت تتجاهله بس وقفت تاني وهيا بتفكر في زياد وعن حالته ولازم انها تكون عنده في اسرع وقت فالتفت بسرعه وقالت ليه _عاوزاك لو سمحت توصلني في شارع(...) بس بسرعه لو سمحت هز راسه ليها فا ركبت في المقعد اللي وراه وكان الصمت حلّ ما بينهم..واصدر تلفون الشخص ده صوتا يدل علي اتصال حد بيه، حط تلفون في ودانه ورد = أيوة يا يارا.. بمجرد ما نطق الاسم ده بصت له بصدمة وعقلها لسه بيردد اسم "يارا" مكنتش تتوقع أبداً إن فيه ست في حياته فمن مظهره وطريقته كانت فاكرة إنه عايش حياته وحيداً منفرداً بسيارته بعيداً عن أي بنت غمضت عينيها وهي بتهز رأسها بتلوم نفسها على فضولها وتدخلها فيما لا يعنيها.. حتى لو كان متزوجاً، فده مش شأنها زادت حيرتها لما كمل كلامه في التليفون: =أنا جاي.. هوصل زبونه معايا وبعدها هجيلك على طول تمام يا حبيبتي.. عاوزة حاجة... سلام قفل الموبايل وكمل سواقة عادي فقالت له دنيا بفضول يقتلها _هو حضرتك متجوز رد بهدوء =ايوة، ومعايا ولدين آسر وياسين قالت بتفاجؤ حاولت تخفيه _بسم الله ما شاء الله ربنا يبارك.. يحفظهم ويخليهم لك يا رب ابتسم وقال =يا رب.. مكنتيش تتوقعي صح اتحرجت من سؤاله المباشر وردت بارتباك _الصراحة باين على حضرتك إنك صغير شوية.. بس عادي ياما ناس بتبان صغيره بس سنها كبير =أنا عندي 28 سنة _ما شاء الله.. العمر كله فضلت تفرك إيديها بإحراج وقلق، وهو لاحظ ده بس فضل السكوت لما وصلت العربية للعنوان اللي هي عاوزاه وقبل ما تنزل ناده عليها فا بصت ليه فقال لها بعيون حاده قليلا =نصيحة مني يا آنسه اعتبريها من أخوكي.. اللي بتحبيه متخليش عينك تيجي على حد تاني غيره مفيش إنسان كامل فارضي باللي ربنا قسمه ليكي ولو فيه مشاكل تقدري تغيريها طالما حبك ليه قوي كانت واقفة بتسمع كل كلمة منه وعينيها مبرقة من الدهشة.. مكنتش متخيلة أبداً إنه يكلمها بالطريقة دي، ولا إنه هيديها نصيحة لسه مش قادرة تستوعبها أوي. هزت راسها بتلقائية وهي ساكته وقفلت الباب وراها وهو دور عربيته ومشي كانت ماشية بتتلفت حواليها وكلامه الأخير بيرن في ودنها زي الجرس.. يا ترى كان يقصد إيه بكلامه.. هل يقصدها هي وزياد وافتكرت زياد والمصيبة اللي وقع فيها وضربت جبهتها بإيدها وهي بتلوم نفسها على غباء تفكيرها وسرّعت خطوتها لحد ما شافت عربية زياد راحت عندها ولسه هتفتح الباب، لقت العربية فاضيه قلبها قلق واتخيلت إن إصابته كانت خطيرة ونقلوه المستشفى. طلعت موبايلها ورنت عليه بس مفيش رد.. جربت تاني وتالت وبرضه مفيش فايدة وفجأة سمعت صوت من وراها _دنيا لفت ولقته واقف بعيد عنها شوية وجبينه بينقط دم نازل على وشه ببطء قربت منه وقالت =زياد أنت كويس حصلك اي مسح الدم بمنديله وقال بهدوء _ أنا كويس الحمد لله، بسيطة.. راسي بس اتخبطت في الدركسيون جامد ونزلت دم بس أنا بخير =طب نروح المستشفى نطمن بدل ما يكون فيه حاجة إحنا مش شايفينها _لأ مش مستاهلة أنا زي الفل.. وبعدين أنتي بتعملي إيه هنا في الوقت ده مش قولتلك تروحي بيتك بدري =أنا مخلصة شغلي من ساعة وكنت هروح بس رنيت عليك واتفاجئت بواحد غريب بيرد عليا وبيقولي إنك عملت حادثة.. شافت الدم بيزيد والمنديل اللي معاه اتملا دم فطلعت منديل نضيف من شنطتها وقالت له _خد ده امسح بيه.. ولما تروح ابقى طهر الجرح ببتادين واربطه بشاش وإن شاء الله هتبقى كويس ضحك بخفة وقال ممازحاً =عايزاني أنا اللي ألف راسي وأعالج نفسي أنا مبعملش الحاجات دي يا دنيا رفعت حاجبها وبصت له بسخرية _لا طبعاً إزاي زياد عماد بنفسه يعالج جرحه هي الدكاترة خلصت ولا إيه وبعدين جرحك ده مش أي شاش يتحط عليه جلدك مبيقبلش غير الدهب فنروح نجيب لك شاش دهب مخصوص يليق بمقامك.. مش كده ابتسم على تريقتها وهي حاولت تداري ضحكتها وبصت الناحية التانية بس هو فاجأها وقال _تتجوزيني الكلمة نزلت على ودنها زاي صاعقه بصت له بذهول وهو كان باصص لها بابتسامة هادية مستني منها كلمة "أيوة" الصمت طال بينهم لثواني وكلام الشاب بتاع العربية لسه بيتردد في دماغها.. الجواز مش كلمة سهل زاي نطقه دي حياة ومسؤولية وشراكة =موافقة.. بس محتاجة وقت استغرب وقال _وقت ليه مش أنتي خلصتي جهازك وكل حاجة في الشقة جاهزة =الموضوع مش موضوع جهاز يا زياد.. الموضوع إننا محتاجين وقت لبعض _وقت إيه إحنا بقالنا 6 شهور مخطوبين وطالما جاهزين يبقى نتوكل على الله ونتمم الجواز. تنهدت وقالت له =قصدي يا زياد إننا محتاجين وقت نفهم فيه بعض أكتر لان بكتر مشاكلنا دي مش هنعرف نعيش مرتاحين بعد الجواز لو فضلنا نجادل في كل حاجة حياتنا هتبقى صعبة. أنت لازم تحاول تحسن من طباعك.. لو مش عشانك يبقى عشاني _بس أنا وعدتك إن دي آخر خناقة ودلوقتي بحاول أغير أي حاجة بتضايقك مني.. قاطعته بإصرار =وبرضه محتاجين وقت يا زياد.. صدقني الوقت ده هو اللي هيفرق في شكل حياتنا بعدين. بص في عينيها وشاف إصرارها فمرضاش يضغط عليها وهز راسه بالموافقة وسكت و اتحرك من جنبها وهي فضلت واقفة مكانها بتراجع كلامها وهي متأكدة إنها أخدت القرار الصح اللي فيه مصلحة لعلاقتهم.. والله اعلم اللي هيحصل بعد بس هي متفائلة إن اللي جاي أحسن ....... بعد تلات شهور.. ـ بارك الله لكما، وبارك عليكما، وجمع بينكما في خير جملة المأذون لسه مخلصتش وكانت الزغاريط ملت المكان كله كانت هيا واقفة قدامه وهو باصص لها بابتسامة حنونة أوي وهي بادلته نفس الابتسامة بوش منور وفرحان قرب منها ومسك إيديها وهو يقبلهم بكل حب وقال لها _أخيراً بقيتي ليا يا دنيا.. بعد كل الانتظار ده. ابتسمت وقالت له =شفت الصبر حلو إزاي أنت اتغيرت 180 درجة في التلات شهور دول ويا رب تفضل دايماً للأحسن. زياد ضحك وقال لها بهزار _بس بصراحة لسه موضوع القاعة ده شاغلني.. ما كان زمانا دلوقتي في مركب شيك في وسط البحر، والناس كلها بتبص علينا ونبان مختلفين عن الكل وأحلى بكتير دنيا ضيقت عينيها وبصتله نص بصه وقالت بحدة مضحكة =زيااااد ضحك بصوت عالي وقال _خلاص خلاص.. بس نعديها المرادي وذوق قاعة 'اللؤلؤة' دي مش بطال بس خلينا متفقين إن ذوقي أنا كان هيبقى أحلى برضه.. من غير كذب يعني بصت له وسكتت لحظة وبعدين انفجرت في الضحك، وهو كمان ضحك معاها وأخدها في حضنه بحب وهيا استسلمت لحضنه وهي حاسة بسكينة وراحة كانت بتتمناها من زمان.. أهو الحلم اتحقق وبقى ليها شريك حنين بعد عقبات ومشاكل كتير خلت لحظة دي طعم تاني بره القاعة.. الناس كانت مشغولة بالفرح والأنوار لكن بعيد شوية كانت واقفة عربية وكان بصص على الأنوار والفرحة اللي مالية المكان وابتسم ابتسامة هادية وكأنه اطمن إن رسالته وصلت و دور عربيته ومشي في طريقه، وكأنه خلص مهمة من مهماته بسلام.. أو يمكن دي كانت مجرد محطة ومحدش عارف الأقدار مخبية اي بعد كده تمت الحمدلله بقلم سلمي ايمن بعتذر عن تأخير طبعاً هتسألوني عن هوية الشخص ده اللي حتى اسمه مذكرتوش ولا عرفتوا عنه حاجة غير إنه متجوز وعنده ولاد وظهر واختفى كأنه ضيف شرف. شخصيته غامضة شوية ومحيرة وعشان كدة قررت أعمل له رواية خاصة بيه وبشخصيات جديدة تماماً.. الرواية الجاية هتكون 'لايت كوميدي' وأحداثها لطيفة وجميلة ومختلفة عن جو الرواية دي خالص

مقالات ذات صلة

طردها ج3 الاخير

اعادة نشر 2

من 8*12

رواية رهيبة ج4

نرمين من38-50

موافق بشرط ج1

اترك تعليقاً إلغاء الرد