سما من 21للاخير
نور بيتكلم ومستني سما تعترض تقول أي حاجة إنما سما ما اتكلمتش ولا باين عليها حتى الصدمة من كلام نور وفضلت على حالها ساكتة وملامحها خالية من أي تعبير
نور / ساكتة ليه يا سما
سما / عايزني ارد أقول إيه
أنت اتجوزتني وقت ما حبيت وأنا كنت ساكتة وهتطلقني وقت ما حبيت وأنا بردو هفضل ساكتة
نور برجاء/ يعني مش عايزة تقولي حاجة
سما ببرود / لأ أنا هجهز حاجتي على ما تيجي من الشغل
نور مشي بعد ما سمع سما بتقول كدة وهو حاسس ان قلبه بيتقطع وأنه خلاص روحه هتفارق جسمه
نور مشي على شغله وأبوه حصله وسما دخلت أوضتها علطول لمت هدومها وجهزت شنطتها وخرجت بعد ما سابت جواب لنور وركبت العربية وطلبت من السواق يوديها الفيلا الجديدة اللي أنس اشتراها
السواق قبل ما يتحرك أتصل على نور وعرفه
ونور قال لنفسه للدرجة دي كنتي مستنياني أقولها علشان تمشي مستعجلة أوي
السواق وصل سما على الفيلا ورجع تاني على القصر
نور بعد ما عرف أن سما خلاص مشيت من القصر أتضايق وحس بوجع شديد في قلبه ومقدرش يشتغل فساب الشركة ورجع على القصر الساعة 1 الظهر
وراح على الأوضة اللي سما كانت قاعدة فيها واتخنق لما لقاها فاضية وخلاص سما سابتها ومش قاعدة فيها
نور وهو بيبص في جميع أنحاء الأوضة لفت نظره الجواب اللي سما سابته ومسكه قرئه وكان فيه
مش كل حاجة بمزاجك
أنا مشيت بس هرجع تاني
وحضرتك لازم تعملي فرح كبير أوي
لأني مش عابدة ولا جارية عندك
علشان تعمل فيها اللي أنت عايزه
فرحنا يوم الخميس الجاي
سلام. سماك
___________________
🌷🌷🌷🌷🌷
رواية ( وف) الفصل التاسع والعشرون بقلم :- أ
______________________________
نور قرأ الجواب وخلص قراءة وواقف مكانه مش مستوعب هو شاف إيه أو ايه اللي قرئه وعمال يبص كويس في الجواب مش مصدق عنيه
نور خرج ركب عربيته وطار على سما علشان يتأكد من الكلام اللي موجود في الجواب
ووصل نور الفيلا بتاعة أنس
نور. / سلام عليكوا ازيكوا عاملين ايه
مديحة / الحمد لله يا حبيبي كويسين
سلوى بابتسامة / اتفضل يا حبيبي
نور / شكرا يا طنط اومال فين سما
سلوى / بتلبس أهي يا حبيبي ونازلة
مديحة / دي مرديتش تقعد معانا قالت هطلع أغير هدومي علشان خارجة مع نور
نور أستغرب من اللي سمعه بس ما بينش حاجة و. قعد معاهم يستني سما وشوية وسما نزلت وكان شكلها جميل ( لابسه فستان أزرق لحد الركبة باكتاف عريضة شوية وشيك جدا وسايبة شعرها مفرود على ظهرها )
نور عجبه شكل سما جدا وفضل يبص ليها كتير لحد ما سما اتكلمت
سما بهدوء / إيه هتفضل تبصلي كدة كتير يلا علشان منتأخرش
ومسكة في ايديه وشدته وخرجت بيه على عربيته ونور مذهول مش عارف ايه اللي بيحصل
نور / سما أنا مش فاهم حاجة
سما / اتفضل أطلع بس ونروح على المكان بتاعنا ونتكلم هناك
نور سكت خالص بس قلبه عمال يدق جامد جدا وخايف يكون هو فاهم غلط وصلوا على المكان اللي في المقطم ونزلوا و فضلوا واقفين شوية جنب بعض ساكتين وسما سرحانة في دنيا تانية
ونور بيبص عليها ومش عايز يتكلم وقال يسيبها براحتها
سما وهي بتبص ادامها ونور جنبها / عذبت كتير و جرحتك أوي صح
نور أستغرب / ليه بتقولي كدة
سما بهدوء ولسه بتبص ادامها / كنت فاكراك اتخطتني ونسيتني وكملت حياتك كنت فاكرة نفسي ضحية
نور مسك سما من ايديها ولفها ليه بحيث تبصله هو / إيه اللي انتي بتقوليه دا
سما بصت في عنيه / لأ وحاولت اتخطاك كمان وانساك واقنعت قلبي أنه يكرهك ويأذيك
( سما لأول مرة من يوم ما كانت في المقابر عنيها تبقى فيها دموع )
عملت كل حاجة انت بتكرهها وقولت أي كلمة أنا عارفة أنها هتدايقك أو تجرحك
نور حضن سما جامد / بس يا سما كفاية ماتقوليش كدة
سما كملت كلامها / وجبت واحد غيرك نفس المكان بتاعنا وخليته يناديني بنفس الاسم اللي انت بتناديني بيه 😭😭
( سما انفجرت في البكاء بين أحضان نور )
كنت فاكرة أني أنا لوحدي اللي بتعذب لما بعدنا عن بعض كنت قاسية عليك أوي كنت بدعي عليك كل يوم
اهئ أهئ أهئ أااااااااااااااااه ( أكملت بصريخ )
كنت بقول يارب عذبه عدد الدموع اللي نزلت من عنيا عليه
أااااااااااااااااه ( سما صراخها وعياطها بيزيد ونور بيعيط معاها )
ماكنتش أعرف أني مش محتاجة ادعي لأنك فعلا بتتعذب
شكيت في حبك ليا وخوفك عليا
ليييييييييه ليه يا نور ماقولتليش
كنت قولي أي حاجة أهئ أهئ أهئ
ماكنتش سبتني أعمل فيك كدة
على الأقل ماكنتش أحاول اكسر قلبك
أااااااااااااااااااااااااااااااااااه 😭😭
نور بصراخ ودموع😭 / بس يا سماااااااا كفاية أنتي معملتيش حاجة انتى مأذتنيش أنا اللي اذيتك أنا اللي اتخليت عنك
سما زقيته وسابت حضنه / كداااااب كداااااب
أهئ أهئ أهئ أهئ 😭😭😭😭😭😭😭
أنا كنت أنانية مافكرتش غير في نفسي كل اللي كان شاغل بالي أنت سبتني ليه
مافكرتش أنت حالك إيه في بُعدي
قولي كنت بتحس بأيه ها قولي
أرجوك قولي حاسسني إني لسه سماك اللي بتحكيلها اللي في قلبك
نور بدموع / أنتي فعلا سمايا وهتفضلي سمايا علطول لحد آخر يوم في عمري
سما بصوت مبحوح / بس أنا مااستهلش إنك تحبني الحب دا كله
نور / أنتي فعلا ماتستهليش الحب ده انتي تستاهلي حب أكبر منه مليون مرة
أنا لما بعدت عنك ماقولتلكيش السبب لأني خوفت تفقدي ثقتك في نفسك فضلت إنك تشوفيني اتخليت عن حبك ولا إني اشوفك مهزومة وضعيفة واحبط امالك في الدنيا ماكنتش عايز أقولك أبوية رفضك من قبل مايشوفك
( و فضلوا على الحال دا ساعتين بيحكوا ويتعاتبوا على اللي فات وسما بتحكي لنور هي أزاي كانت بتستناه ونور حكيالها هو كان بيعمل إيه في غيابها وكان بيعيش على أساس أن هي موجودة معاه وفي حياته )
بعد ما خلصوا عتاب سما طلبت منه أنه يوديها تزور قبر أبوها وفعلا نور اخدها على المقابر وكانت الساعة 4 العصر وسما قعدت أدام قبر ابوها وفضلت تكلمه وكان من ضمن كلامها
سما / سامحني يا بابا أرجوك أنا ماكنت أضعف من اني اجي ازورك أنت كان معاك حق اللي بيبعد عن ربنا بيتوه ويضيع
بس ربنا موجود ربنا كريم اوي يا بابا
الحمد لله نور رجعلي يا بابا وحياتي هتبقي أحسن من الأول وو
نور قاطعها / يا سما المغرب إذن وأنتي لسه واقفة بتتكلمي كفاية بقى إنتي ما اكلتيش حاجة من الصبح
سما / خلاص يا نور يلا نمشي
________________________
🥰🥰🥰🥰🥰
) الفصل الأخير
بقلم :- )
__________________________________
الكل متجمعين في فيلا أنس الجديدة وبيتكلموا وبينظموا لفرح نور وسما
نور / نعم يا أختي أنتي مجنونة ولا إيه
سما / يا نور أسمع بس
نور / لا مش هسمع حاجة بقى بعد ما كنتي عايشة معايا في بيت واحد وطول اليوم معايا أفضل 5 أيام من غير ما اشوفك
أنس / ههههههههههههه أنت محسسني أنهم 5 سنين مش 5 أيام
تالين / دي حاجة حلوة والله يا أستاذ نور علشان توحشك
نور / والله هي وحشاني من دلوقتي مش محتاج أفضل من هنا ليوم الخميس من غير ما اشوفها وهي عارفة كدة كويس
سما / أيوة عارفة بس بردو أنا عايزة كدة دي عادة هندية وعجباني
نور / وأحنا مالنا احنا ومال الهنديين يا سما
أنس /😂 مالنا في في البنك والبنك مقفول
نور / 😏خفيف أوي حضرتك وأنا بقول سما بتجيب الكلام الغريب دا منين واتاريك أنت اللي ورا الموضوع دا
أنس / لا والله دا هي اللي بتعلمني الكلام دا كله حتى اسألها
سما / نور ممكن تيجي معايا الجنينة شوية
أنس / هتعملوا إيه في الجنينة ها على اساس إني كيس جوافة هنا
نور وقف قصاد الكرسي اللي أنس قاعد عليه وبصله وقاله / مراتي وعيزاني في الجنينة في حاجة
أنس / أحم لأ يا ابونسب مافيش طبعا البيت بيتك يا راجل هو انت غريب
سما / ههههههههههههه أخبار الجوافة إيه
أنس / أمشي يا بنتي مع جوزك قبل ما الجوافة تتعمل عصير
( نور وسما خرجوا الجنينة بيتمشوا فيها)
سما / نور هما 5 أيام بس وبعدها تكون معاك وفي الأيام دي أنا كدة كدة هكون مشغولة في فستان الفرح وفي حاجتي اللي عايزة أشتريها وأنت كمان لازم تخلص الشغل المهم اللي في الشركة قبل الفرح
نور / طيب وفيها ما أخلصه وبعدها نتقابل مع بعض نروح نختار الفستان مع بعض ونشتري اللي أنتي عايزاه سوى
سما / لا ما ينفعش أنا مش عايزاك تشوف الفستان قبل يوم الفرح وكمان الحاجات اللي هشتريها ما ينفعش تبقى معايا وأنا بشتريها
نور / ليه إن شاء الله
سما / كدة بقى يا نور أرجوك وافق بقى
( بعد نقاش طوووويل وافق نور إنه مايشوفش سما لحد يوم الفرح
وبعدها فضلوا قاعدين مع بعض شوية وكل واحد مستني التاني يقوله كلمة بحبك وحشتني أي كلمة من الكلام ده بس للأسف ماقالوش لبعض حاجة
وسما كانت متضايقة جدا من أن نور مقالهاش إي كلمة حلوة من اللي كان بيقولهالها قبل مايبعدوا عن بعض
وكمان نور كان قلقان ان سما تكون رجعتله علشان محتاجاه جنبها مش علشان بتحبه زي الاول
ومشي نور بعد ما وعد سما إنه مش هيحاول يشوفها قبل يوم الفرح ودخلت سما الفيلا تاني )
أنس / إيه مش عايزين تخلصوا كل دا كلام
سما / ههههههههههههه وانت مالك أنت متضايق ليه
أنس / وأنا هتضايق من إيه يا اختي يا مسهل بقى ونخلص منكوا علشان نحصلكوا أحنا
سما / طيب ما أنا قولتلكوا نبقى كلنا في يوم واحد مع بعض رفضتوا
تالين / لأ يا سما أنتي تخلصي فرحك براحتك وشهر عسلك وأحنا نشتغل في الشركة وبعد كدة نتجوز احنا ونسيبك بقى إنتي في الشركة على ما نخلص أحنا كمان علشان الشغل ما يوقفش
أنس / تالين معاها حق يا سما
سما / خلاص اللي يريحكوا
أنس / عملتي ايه مع نور وافق على اللي أنتي قولتيه
سما / عيب عليك دا أنا سما هو أنا شوية ولا أيه علشان مايوافقش
تالين / ربنا يسعدكوا يارب انتوا تستاهلوا كل خير ونور بيحبك أوي
سما / الله يخليكي يا قلبي المهم بقى هو ساهر ما بيتصلش بيكوا ولا إيه
أنس / لا بيتصل من وقت للتاني وأنا حكيتله على اللي حصل وقولتله على معاد الفرح بس هو قال إنه مش هيقدر يحضر الفرح
سما / إيه ودا أزاي بقى اتصلي بيه دلوقتي حالا لما اشوف مش هيحضر فرحي أزاي
( أنس أتصل بساهر وسما أخدت التليفون منه علشان هي اللي تكلمه )
ساهر / أبو الانانيس وحشتني والله
سما / لا مش أبو الانانيس يا ساهر اللي بيكلمك
ساهر / أحم س سما عاملة إيه
سما / هو يهمك أوي انا عاملة ايه ما انت نسيتني خالص ولا كأنك تعرفني
ساهر / لا يا سما ماتقوليش كدة أنا بتطمن عليكي من أنس علطول وبسأل عليكي حتى اسأليه
سما / أنا مش هسأل حد بص أنا فرحي الخميس الجاي لو ماجتش أعرف أني هزعل منك جامد وهخصمك مدى الحياة ماشي
ساهر / يا سما أسمعي بس
سما / أنا مش هسمع حاجة أنا قولت اللي عندي وخلاص سلام
