نادية 2الاخير

رأفت. يا حبيبة قلبي يا بنتي عشرين سنة وأنا بموت كل يوم وبدور عليكي في كل مكان الحمد لله يا رب إنك رجعتي ليا حضني تاني ومش هسيبك أبدأ طول ما أنا عايش على وش الدنيا

نادية. يا بابا أنا عشت أيام صعبة أوي واتظلمت كتير عشان مكنش ليا حد يقف قصادهم بس دلوقتي أنا حاسة إني اتولدت من جديد في حضنكنادية بكت في حضن أبوها رأفت الشناوي وعرفت أخيرا مين هي عيلتها الحقيقية وبقت قاعدة وسط حرس وسيارات فخمة وهي بتفتكر أحمد ورانيا وبتتوعد ليهم إن الحساب اللي جاي هيكون عسير جدا وإن اليتيمة اللي طردوها في نص الليل رجعت ومعاها ضهر يهد جبال

الرابع
قصر الشناوي كان مقلوب ونادية قاعدة وسط العز اللي عمرها ما حلمت بيه واقفه قدام المراية الكبيرة ولابسة هدوم غالية تليق ببنت رأفت الشناوي بس عينيها كانت لسه مكسورة وبتدور على التلات بنات اللي سابتهم في بيت أحمد رأفت الشناوي دخل الأوضة وبص لبنته بحنان ووجد ملامح الحزن لسه باينة في عينيها قعد جنبها ومسك إيديها المترعشة وطمنها بقوة الراجل اللي يقدر يهد الدنيا عشان خاطر بنته اللي رجعت له بعد عشرين سنة
رأفت. مالك يا قلب أبوكي أنتي مش مبسوطة وأنتي في بيتك ووسط عيلتك اللي بتتمناكِ من سنين
نادية. أنا مبسوطة يا بابا ومطمنة وأنا في حضنك بس قلبي قايد نار على بناتي تلات بنات يا بابا سيباهم في بيت أحمد مع مراته الجديدة وحماتي اللي معندهمش رحمة تلاقيهم بيموتوا من الرعب دلوقتي
رأفت. بنتك وبناتك هما بناتي يا نادية والنهاردة الحساب هيبتدي أنا جهزت كل حاجة ورجالتي مستنيين الإشارة بره والله العظيم لأخلي اللي ظلموكِ يركعوا تحت رجليكي وياخدوا عقابهم تالت ومتلت
نادية حست بقوة مكنتش عارفاها قبل كدا نزلت مع أبوها وركبت العربية الفخمة ووراهم طابور من العربيات السوداء المليانة حرس ورجال رأفت الشناوي وكان معاهم الأستاذ مصطفى المحامي اللي كان بيبص لنادية بفخر ومجهز كل الأوراق القانونية اللي تضمن حقها وحق بناتها بالكامل الطابور ده كله كان بيتحرك بسرعة في اتجاه منطقة عيلة أحمد اللي كانت هادية لحد ما العربيات دي وقفت فجأة وسدت الشارع كلهالناس في المنطقة خرجت من البلكونات والشبابيك يتفرجوا على الأسطول اللي وقف قدام بيت عيلة أحمد
الحرس نزلوا بسرعة وفتحوا باب العربية لـ رأفت الشناوي وبنته نادية اللي نزلت بطلة مختلفة تماما عبايتها الغالية وشكلها اللي بقى ينطق بالعز خلى الجيران كلهم يبرقوا عينيهم ومش مصدقين إن دي نادية اليتيمة المقاطيع اللي اترميت في الشارع من يومين