عشقتك 3الاخير
مريم ملمسه ع شعرة : ربنا كبير ياحبيبي عمار : انا بجد حبيبك ؟
مريم وقد وضعت رأسها ع صدره بينما وضع يده اسفل ظهرها وباليد الاخري امسك يديها : انت حبيبي وجوزي واخويا وابويا وخطيبي وصاحبي .. انت السند والحمايه .. انت اكتر انسان حبيته ع وجه الارض .. تعرف اني بحبك بقالي سنين .. من واحنا صغيرين وانا مش شايفه غيرك .. حتي لما اتجوزت وحاولت انساك مقدرتش .. ولما جيت عليا وجـ,ـرحتني معرفتش اكرهك .. كنت دايما ف نظري احن راجل ف الدنيا رغم قسوتك عليا ف بعض الاوقات .. انا بحمد ربنا انه استجاب دعايا واني بقيت ع اسمك ….
عمار : تعرفي ياريما انا مكنتش شايفك .. كنت ببص ليكي دايما ع انك اختي عشان كده مقدرتش اشوفك زوجه ..لما عيشت معاكي كل تفاصيلك وشوفتك من جوه قد ايه كنتي جميله .. شوفت فيكي الام اللي مخلفتش .. شوفت الزوجه اللي رغم وجعها منسيتش واجبتها .. حبيت فيكي روحك بكل مميزاتها وعيوبها .. روحك فعلا تتعشق انا #عشقت_روحك
واللي زود حبي ليكي لما عرفت انتي قد ايه بتحبيني واني كنت اعمي ومشوفتكيش .. متستغربيش .. انا سمعت مكالمتك مع شهد واحنا امريكا من ساعتها وانا بدأت احس بحاجات غريبه وانجذاب مش عادي .. كنتي سحر مأثر عليا .. انا بجد ندمت ع العمر اللي عيشته وانتي مكنتيش مشاركاني فيه .. ربنا يخليكي ليا وميحرمنيش منك ابدا ————- ( بعد مرور ايام )
حاول عمار كثيرا الوصول لاي حل في حاله نادين حتي انه ارسل الفحوصات الخاصه بها عن طريق الفاكس للعديد من الاطباء المشهو رين في العديد من الدول الاوروبيه .. ولكن باءت محاولاته بالفشل فلقد اجمع الاطباء ع سوء حاله نادين وتدهورها للغايه حتي ان العلاج الاشعاعي او الكيماوي لن ينجح وليس امامها الكثير لتعيشه .. صعق عمار لتلك الحقيقه المؤلمه لكنه قر الذهاب اليها ومواجهتها بالحقيقه … ولكن عامل الريسيبشن : زي ما بقول لحضرتك يادكتور .. مدام نادين سافرت امبارح بالليل
عمار : ليه كده بس يانادين … طب هي سافرت فين عامل الريسيبشن : للاسف يافندم حجز التذكرة مكنش عن طريق الفندق عمار : شكرا .. عن اذنك ( انزعج عمار كثيرا بعد سفر نادين .. لكنه شعر بهم انزاح من طريقه حيث كان يخشي من المواجهه الصعبه معها .. ) ————— ( في برلين ” عاصمة المانيا ” ) مصطفي بغضب شديد : انتي اتجننتي .. ازاي تعملي حاجه زي كده من غير موافقتي ازااااي
