عشقتك 3الاخير
( رايكم يهمني ) ( الحلقه الثامنه عشر ) – اغلق عمار الهاتف ع الفور وانطلق بسرعه رهيبه لمنزله بينما كانت مريم تبكي بانهيار لفقدان انجلي الصغيرة ولكن لا حيله لها حتي وصل عمار فاسرعت بأتجاهه عمار بحده : بنتي فين ….. انطقي مريم بصدمه : اانا اا عمار ممسكا بمعصمها : انتي لسه هاتهتي .. اتكلمي قوليلي بنتي فين واللي حصل حصل ازاي مريم محاوله التحرر من قبضته : ااااااه اوعي طيب خليني افهمك
عمار : اتفضلي … سمعيني
( فلاش باااااااااااك ) – انهت مريم عملها عجاله وانطلقت بسرعه لحضانه الطفله انجلي فلقد تأخرت عليها بعض الوقت وما أن ذهبت حتي تفاجأت ….. المديرة : زي ما بقول لحضرتك كده .. جدها جه من حوالي ساعه واخدها بدري وقال ان والدها تعبان ولازم ياخدها بدري مريم : ده ازاي ده .. وبعدين عمي عبد الرحمن نزل مصر امتي المديره : حضرتك انا اتأكدت من هويته عن طريق شهادة ميلاد الطفله وبطاقته الشخصيه وكمان الباسبور بتاعه
مريم بصدمه : شهادة ميلاد وباسبور … ده اللي هو ازاي … لا انا لازم اكلم عمي اسأله ( هاتفيا ) عبد الرحمن : اهلا بالغاليه بنت الغالي .. ازيك يابنتي وازي جوزك مريم بتوتر : اا الحمد لله ياعمي كويسين وحضرتك عامل ايه عبد الرحمن : انا كويس يابنتي .. والعسل الصغيره بتاعتنا عامله ايه معاكي … مريم بقلق : هه هو حضرتك منزلتش مصر ياعمي عبد الرحمن بدهشه : مصر .. مصر ايه يابنتي .. لا منزلتش من اخر مرة نزلت فيها
مريم :……. عبد الرحمن : في حاجه يابنتي ولا ايه مريم : لااا مفيش ياعمي .. مفيش .. معلش مضطره اقفل وهاكلمك تاني مريم بعصبيه : حضرتك جدها مين اللي جه وهو متحركش من مكانه .. ايه الهرج اللي بيحصل ده المديره : ممكن حضرتك تهدي وانا هاجيبلك الكشف حالا عشان تتاكدي …………… اهو يافندم اتفضلي حضرتك اطلعي بنفسك ع البيانات مريم في نفسها : مصطفي عبد العظيم .. مين مصطفي عبد العظيم ده …. يانهار اسود ده …..
( بااااااااااااااك ) عمار بغضب : نهار مش فايت ..دكتور مصطفي عبد العظيم ده جدها ابو نادين مريم بتوتر شديد : اا اي ايوه عمار :وده نزل مصر امتي وازاي … الله بقي هو ده اللي كان بيدعبس ورايا مريم : اا انا واللهي ………. عمار بغضب شديد: انا مش عايز اسمع صوتك .. انتي السبب ضيعتي بنتي وانا كنت بعد الليالي عشان ترجع لحضـ,ـني .. اهمالك هو اللي ضيعها بس واللهي العظيم يامريم بنتي لو كانت ضاعت فعلا ومعرفتش ارجعها تاني لحسابك معايا هيكون تقيل قووووووووي
