عشقتك 3الاخير
الام : لالا الا البيت ده ده عمري كله وذكرياتي انا وابوك احمد : لو سمحتي اعمليلي التوكيل .. مفيش الكلام ده دلوقتي الذكريات مش ف المكان الام : لا يااحمد … وبعدين انت جاي عشان التوكيل يابني مش عشان تتطمن عليا احمد بعدم اكتراث : ماانا بطمن عليكي من الدكاتره الام : دكاترة ايه بس يابني .. انا عايزاك انت اللي تيجي وتطمن عليا وحشتني قوي يااحمد احمد : اه اه ان شاء الله هابقي اجيلك .. انا معايا كل الاوراق وجاهزه بس ع امضتك
الام : يوووووه قولتلك مش هاسيب البيت ولا الارض دي كفايه كلام عنها احمد ينهض من مكانه : يبقي براحتك بقي يا.. ياامي الام : استني يابني .. يااحمد … اسمعني يابني رايح فين …… الام ف نفسها : اخس عليك يابن بطني .. هي دي اخرتها .. بس انا مسامحاك ياحبيبي وربنا يرجعك لعقلك ويهديك يارب ( بعد هذا اللقاء ب 3 ايام ) طق طق ….. : مساء الخير الام : مساء النور .. خير يابني مين انت ؟
……. : انا محضر من المحكمه ياحجه
الام بفزع : يالهوي .. محكمه ايه وليه المحضر : للاسف ابن حضرتك رافع عليكي حجر الام بصدمه : ايييييييه انت بتقول ايه انت اكيد بتكدب عليا المحضر باسف : انا اسف ياحجه بس هو ده اللي حصل الام بحاله هيستريه من البكاء : لا لا اكيد في حاجه غلط ابني مش ممكن يعمل كده .. انا لازم اخرج من هنا لازم الممرضه : هو ايه اللي بيحصل هنا .. رايحه فين ياحجه بس الام : سيبيني اخرج يابنتي .. ارجوكي تسيبيني
الممرضه : استغفر الله مقدرش ياحجه لو سمحتي ادخلي … ياصفااااء ياصفااااء صفاء : ايوة يافاطمه في ايه ؟ فاطمه : شوفي فين دكتور مروان بسرعه يشوف حالتها احسن دكتور عمار ف اجازه صفاء : طيب طيب مروان : في ايه يافاطمه الحجه ام احمد مالها فاطمه : واللهي معرفش يادكتور الام ببكاء : خرجوني من هنا … عايزه اخرج مروان ممسكا يديها :اهدي بس ياامي .. مقدرش اخرجك دكتو عمار هو اللي مسؤؤل عن حالتك وانا مقدرش اخرجك الا لما هو يأذن بكده
الام : انا عارفاه كويس لو قلتله عايزه اخرج مش هيمانع ارجوك تكلمه مروان : هاتيلي حقنه مهدئه حالا يافاطمه الام بمحاولات التخلص من ايدي الممرضه ومروان : لا لا مش عايزه خرجوووووووووني ااااااه – وبعد الكثير من المحاولات لتهدئتها باءت محاولتهم بالفشل حتي اخضعها مروان تحت سلطه المهدئ الام بهمهمات غير مفهومه : ابني … ليه … انت فين يابني .. ليه كده … عمار فين هاتولي عمار مروان للمحضر : مين حضرتك وجاي هنا ليه ؟
