عشقتك 3الاخير
مصطفي بلهفه : تعالوا نشوف ف ايه ؟؟ – دخل مصطفي ومريم وشهد ويمني وخلفهم هايدي ليتفاجأ بشريف اعلي السطح ويعد نفسه للهبوط مصطفي بصوت عالي : شريف انزل يابني .. انزل الله يرضي عليك شريف : لا مش نازل .. انا حياتي كلها صعبه كل ما اقول ربنا فرجها وابتدت تتعدل الاقيها اتبهدلت تاني .. حتي لما بقيت جاهز اني ارتبط بالانسانه اللي بحبها ييجي الراجل اللي مربيني والمفروض عارفني كويس يحرمني منها .. يبقي هعيش ليه
هايدي ببكاء شديد : شريف انزل ارجوك … ارجوك تنزل .. قول حاجه يابابا حرام عليكوا شريف لو جراله حاجه انا هرمي نفسي وراه مصطفي : يابني انزل وبعدين نتكلم
شريف : مش هنزل وهارمي نفسي من هنا عشان اخلص طالما مفيش حد حاسس بيا مصطفي : يابني عيب الناس بتتفرج علينا .. انزل نتكلم تحت شريف : اشهد ان لا اله الا الله وان محمدا رسول الله هايدي بصراخ : لاااااااااااا لالالاااااااااا مصطفي : انا موافق يابني … انزل تعالي نتكلم تحت بقي ميصحش كده شريف : انت قولت ايه ياحج ؟؟ مصطفي : بقولك موافق يابني موافق … انزل الله يخليك شريف بفرحه : انت متاكد ياابو هايدي
مريم : ما قالك اه ياشريف واحنا شاهدين انزل بقي – وبالفعل نزل شريف بعد ان انفرجت اساريره وعلت الابتسامه ثغره ……… مصطفي بحده : انت اتجننت ياشريف هو انت عيل صغير عشان تعمل كده .. ايه شغل المراهقين ده – لم يرد شريف بل ارتمي ف احضانه …. شريف : خلاص بقي ياعمي ميبقاش قلبك اسود .. ارجوك جوزني بنتك احسن واللهي اخطفها .. انا مش قادر اعيش من غيرها حراااام ….. ايه ده انتي بتعيطي ليه ياهايدي
هايدي ببكاء : ……….. مصطفي : ادخل اغسلي وشك واقعدي ف اوضتك ياهايدي شريف : طب ما تسيبهل قاعده معانا ياعمي مصطفي عاقدا حاجبيه : بتقول حاجه ياشريف شريف : احم انا بقول يلا بقي نحدد معاد الفرح مصطفي : مع اني واخد ع خاطري منك بس … شريف مقبلا راسه :حقك عليا انت ليك حق بس واللهي غرضي شريف … انزل اجيب الحاجه بقي عشان نتفق مريم : يلا احنا يابنات بقي مصطفي : ودي تيجي يابنتي .. ازاي ده … يلا ياام هايدي هاتي حاجه للضيوف يشربوها
مريم : اعذرني ياحج واللهي .. بس اصل مش هينفع اتاخر ع جوزي مصطفي : يابنتي دي كوبايه عصير مش هتاخد وقت شهد : معلش ياعمو .. نشرب الشربات المره الجايه شريف : معلش ياعمي هما متاخرين النهارده خليها يوم تاني .. انا هنزل اوصلهم واجيب الحاجه واطلع ( في الاسفل ) مريم : هههههههههه يخرب بيتك ممثل باااارع شريف : عهههههه يخرب بيت افكارك ياشيخه شهد : لولا الخطه بتاعتك ياروما مكناش عرفنا نقنعه ده كان منشف دماغه خااالص
