٤٦__ للأخير الفصل السادس والاربعون 46 ” بدأت الايام تمر يوم ورا يوم ايام متشابهه جدا مفيش تجديد فيها مر ٣ شهور ومش كل ساعه بتمر علي نهال شوقها لأدهم بيزيد، ادهم ميقلش عنها حاجه مراته وحشاه لدرجة انه كارهه الشغل اللي بسببه هو بعيد عنها وعن حض.نها ” ” اشرقت شمس تحمل في حرارتها اشراقه ليوم طويل من ايام فصل الصيف، نهال كانت نايمه في سريرها في شقتها قامت من النوم بكسل علي حركه في بطنها ” نهال بنوم وهي بتحسس علي بطنها: فايق بدري ليه يقلب امك ” اتاها ركله من الصغير ” طايح في بطني ليييه من الصبح فهمني ” وشافت الساعه كانت خمسه الفجر راحت رنت علي ادهم ” ادهم اول ما شاف رنتها فاق من النوم بقلق: ايوا يا نِهال في حاجه بتوجعك ولا ايه؟ اطلع امي؟ نهال ببتسامه: اهدي يحبيبي انا كويسه والله بس المفعوص ابنك نازل رفص في بطني صحاني قولت بما ان صحيت استغل جوزي قبل ما يتسحل في شغله ومعرفش اكلمه غير صُدف ادهم رجع اتعدل علي سريره واتنهد براحه وقالها بحنان: استغلي يقلبي استغلي انا عندي كام نِهال يعني دي هي واحده وحقها تدلع عليا كمان وكمان نهال بحُب: يلهوي علي كلامك اللي بيوديني في داهيه ” وقالت بحماس ” ادهم انا اختارت اسم.. ادهم بملل: هنرجع تاني نتخانق علي الاسماء يابنتي كفايه من يوم ما عرفتي انه ولد واحنا بتختار في اسماء والاخر تقولي وحش سبيها لله وهو هيجي بإسمه نهال بتكشير: ازاي يعني هيتولد مسمي ادهم قول كلام يتعقل بعدين هيحصل ايه لو وافقت علي اسم ‘ إيلان ‘ دا تحفه ادهم بعتاب: استحلفك بالله يا شيخه دا اسم راجل؟ يعني يكبر ويبقي راجل بدقن وشنب طول بعرض كدا واسمه إيلان؟ دا حتي عيب نهال بضيق: ما شاء الله إيلان مش عاجبك وصالح عاجبك؟ ادهم بضحكه خفيفه: اسم جدي…بعدين اسم مفهوم ولايق علي هيئة الراجل نهال: مفهووم بس قديم انا عايزه اسم كريتيف كدا يا ادهم ادهم بقتراح: ايه رأيك في اسم ‘ عيسـي’ نهال بتفكير : عيسي ادهم سالم…طب تصدق حلو عجبني وكمان كان عاجبني اسم ‘ شُعيـب ‘ بس عيسي حلوه نعتمده ادهم ببتسامه: نعتمده يا احلي وارق ام عيسـي في الدنيا كلهاا نهال ابتسمت اوي: ادهم انا بحب عيلتنا اوي وبحب التفاهم اللي بيني وبينك طول عمري بتمني شخص وقت ما يغلط يعترف بغلطه ويعتذر ربنا بعتلي شخص بيعتذر علي اغلاطي واغلاطه فعلا انت بتصلـح حجات انت مبوظتهاش يا ادهم ادهم كلام نهال نفسه بيحض.نه فقال بحب: انا لحد النهارده مش عارف استحملت الـ ٣ شهور دول وانا بعيد عنك ازاي نهال ضحكت بخفه وقالت بدلع: فاتو علشان انا مش محسساك ان غايبه عنك بينا بلاد ومسافه اه بس اقرب لبعض اكتر ما كنت هنا ” وحست بضر.به في بطنها فـَ اتألمت ” يابن الكلــب ادهم كان مبتسم علي كلامها بعدين اتصدم بشتميتها: دا مين بن الكلــب دا ! نهال بغيظ: هيكون مين يعني يا ادهم ابنك بيرفص في بطني ولا همه حـد ملعب ابووه هوو ادهم بدهشه: ابنـك ؟ ملعـب ابوه ! والكلـب دا اللي هو انا يعني صح ولا انا فاهـم الموضوع غلط؟ نهال ادركت اللي قالتله بعدين قالت بأسف: سوري يا ادهم والله الكلمـه طلعت غصب عني..بعدين ابنك اللي ضر.بني جامد في بطني ادهم بحنـان: معلش يا قلب ادهم يجي بس هو بالسلامـه وانا هطلعلك ميتين امـه نهال بعتراض: واشمعنـا امـه بقـا ياسـي ادهم ؟ ادهم: ما انتي شتمتي ابووه ومتكلمتش اشمعنـا زعلتي بقـااا بعدين قافله الكاميرا ليه؟ نهال عدلت نفسها علي السرير وفتحت الكاميرا وقالت بسرسجيه: احلااا مساا عليك يا ولااا يا جوزي ادهم اندهش من طريقتها لكن سايرها: مساء ايه بقا دا احنا لسه ٨ الصبح دلوقتي بنقول صباحك ورد يا ريس صباحك عِنـاب يا كبير كدا يعني نهال ضحكت وقالت: صباحك سُكـر ابيض يـَ دوووومي ادهم ركز علي بطنها اللي باينه وقال: قومي وريني بطنك كدا نهال قامت ثبتت الكاميرا علي بطنها الكبيره وحطت ايدها عليها: بقيت قد البطريق يا ادهم ” وضحكت بخفه ” ادهم ابتسم علي شكلها: اجمل واحلا بطريق شوفته في حياتي.. ” مكالمتهم فضلت لحد ما ادهم حس ان اتأخر علي شغله فـ قفل معاها ونزل علي شغله، ونهال فضلت نايمه علي السرير هيمانه في كلامه لحد ما حست بجوع قامت تعمل اكل ” …………………………. ” صلاح نايم في سريره ومراته في حض.نه وايده بتلعب في شعرها وبيدندن بدرومانسيه ” صلاح قرب لودنها وهمس: وان كـان امـل العشـاق القـرب ، انـا املـي في حبـك هـو الحـب نوال ضميته لصـ,,ـدرها بعش.ق وقربت لشفايفه وقالت ببتسامه : وان غبـت سنـه انـا برضـه انـا لا اقـدر انسـاك ولا ليـا غنـاا صلاح ضحك بخفه وضمها بحب: هو انا هحبك اكتر من كدا ايه ” ود.فن نفسه في حض.نها “قوليلي هفضل احبك اوي كدا لامتي؟ نوال بدلع: انا عايزاك ديما تحبني عايزاك ديما رامي نفسك في حض.ني انت اغلا عوض في عمري كله يا صلاح صلاح بحب: مين فيا عوض مين يا نوال دا انتي النور وسط ضلمة حياتي” ولا هو عايز يقوم من حض.نها ولا هي عايزاه يقوم ” الساعه كام دلوقتي؟ نوال وهي مغمضه عيونها قالت بإنزعاج: عايز ايه من الساعه يا صلاح خلينا نايمين شويه صلاح بكسل: مش عايز اقوم وحياتك املي في الحياه اكمل باقي عمري في حض.نك لكن ورايا شغل ولسه عايز اعدي علي الكافيه اتابع الدنيا كدا نوال بضيق: صلاح الكافيه دا بيخليك ترجع وش الفجر من يوم ما فتحته وانا بشوفك صُدف صلاح قام من حض.نها بعجوبه: اعمل ايه الكافيه بيفضل فيه زباين لساعه ٤ الفجر علي ما قفلت وخلصت وجيت ” ونزل لمستواها في السرير وباس خدها ” حقك عليا بس والله غصب عني قومي بقاا اعمليلي سندوتشات نوال اتقلبت في السرير بكسل: يعني كافيه طويل عريض مبتعرفش تفطر فيه لااازم اقوم صلاح وهو بيقلع هدومه: ياستي انا بحب سندوتشاتك مش عايز انا من اكل الكافيه يلااا علي ما استحمي تكوني خلصتي ” صلاح دخل الحمام ونوال قامت بكسل تجهز فطار لجوزها وشغلت اذكار الصباح وولعت بخور في الشقه وكان الجو هادي جدا ” …………………………………. ” سلوي كانت قاعده في البرنده بتفطر هي وسالم ودي عاده في فصل الصيف عندهم الفطار برا في البرنده علي حصيره علي الارض ” سالم بإعجاب: البيض البلدي دا منين يا سلوي؟ سلوي بلعت وبصتله: من تحت الفراخ هيكون منين؟ خد بالك متاخدش عليه علشان البيض دا لنِهال البت الانيميااا مصدقت رفعت عندها شويه سالم: دا مسمومه لو محدش صحاها واكلها عليها تفضل طول النهار من غير اكل ولا شرب المحمول واكل عقلها خالص جيل هـم سلوي وهي بتشرب الشاي: هنعمل فيها ايه يعني ادهم ابنك بيدووب في التراب اللي بتمشي عليه بعدين انا هعوز ايه غير سعادته سالم ببتسامه: يوليه وميحبهاش ليه البت حلوه وزي القشطه ولو ادهم قالها ارمي نفسك في النا.ر هترمي نفسها من غير تفكير وبعدين دمها خفيف ومتشبعيش من القاعده معاها صلاح نزل وكان في ايده كيس السندوتشات: صباح الخير يغوالي…ابااا محمود ابو رجب بعتلي بيقولي عايز تقاوي بنجر هتديله ولا ايه سالم: وانت قولتله ان عندنا تقاوي؟ صلاح: انا لسه مردتش عليه قولت اسألك الاول سالم براحه: طب احسن انك مقولتش ان عندنا الراجل دا مبحبش اتعامل معاه راجل جَـايـف عايز ياخد التقاوي ببلاش صلاح جاله اتصال من الكافيه فـَ كنسل: ليه احنا سر.قينه؟ خلاص انا هقوله خلصنا تقاوي وفضك منه يلاا نهاركم عسل همشي علشان متأخر ” وسابهم ونزل علي شغله ومراته شاورتله من بلكونتها وهو ابتسملها وبعتلها ب.وسه في الهوا ومشـي علي شغله ” ……………………….. ” نهال واقفه قدام حوض المطبخ بتغسل المواعين سمعت الجرس راحت فتحت وكانت نوال اللي دخلت علطول ” نهال بصت علي شكل نوال المصدوم بستغراب: مالك يابت مصدومه كدا ليه نوال بتوهان : نهال هوريكي حاجه بس بالله سيطري علي اعصــ,,ـابك كدا نهال بقلق: في ايه قلقتيني….. “” انتظرو القادم “” الفصل السابع والاربعون 47 نوال ناولت الفون اللي في ايدها لنهال بإيد مرتعشه: تغريد بنت عمك بعتالي كلام زي الزفت بتقولي انتي واحده خطافة رجاله وربنا مش هيباركلك في بنتك ولا في بيتك ولازم جوزك يعرف حقيقتك هي تغريد كانت حبيبة امجد يا نهال ولا ايه ؟ ” نهال واقفه بتبص علي كلام تغريد في الرسايل ومش فاهمه حاجه والف علامة استفهام في دماغها ” نوال لطمت علي وشها برعب: ينهار اسود لو راحت قالت لصلاح ان كنت قاعده قي شقة امجد..دا انا مصدقت ان صلاح اتعدل معايا..نهال ارجوكي ساعديني نهال فهمت جزء من الكلام: دلوقتي تغريد كانت بتحب امجد وامجد دا اللي كنتي قاعده في شقته لما مشيتي من هنا صح كدا؟ نوال هزت راسها ودموعها نازله: ايوا بس والله كنت قاعده عنده في شقته اه لكن هو مكنش موجود فيها يا نهال والله العظيم نهال بحيره: طب وايه عرف تغريد انك انتي اللي كنتي معاه وتغريد تعرف امجد دا منين اصلا وليه تبعتلك الرسايل دي نوال مسحت دموعها: مش عارفه سيبك من الرسايل ومن زفت الطين اللي اسمه امجد افرض بنت عمك عرفت صلاح بحاجه هعمل ايه نهال حاولت تطمنها: اهدي متخافيش مش هخليها تنطق بحرف بس انتي روقي بالك بدل ما هو اللي ياخد باله وانا هكلم تغريد ” نوال اطمنت ان نهال هتكلم تغريد وهي نزلت شقتها وكلها خوف وقلق وندم انها مشيت من البدايه ” ……………………………… ” نهال احتارت ترن علي تغريد ولا متتكلمش اصلا ومتدخلش في الموضوع ، وفي الاخر قررت تساعدها ورنت علي تغريد ” تغريد ردت بعد شويه : الست نهال نفسها بترن عليا لاء بقاا دا انا اوثق المكالمه دي.. نهال بضيق منها : تغريد….تعالي معايا دوغري وقوليلي مين امجد دا وتعرفيه منين ؟ تغريد بلا مبالاه : كان ماشي مع سلفتك اللي عامله فيها محترمه نهال : مليش دعوه بسلفتي انا بقولك انتي كَـ تغريد تعرفيه منين ؟ تغريد بتنهيده: اعرفه من سنتين من علي الفيس بوك واتقابلنا كتير في المنصوره لكن طلع حقير وخاني مع سلفتك اللي هي احقر منه نهال اتنفست بقوه من عمايل تغريد : بس نوال مش حقيره يا تغريد ونوال ملهاش دعوه بيه هي يا دوب كانت قاعده في بيته لحد ما تشوف حل في حكايتها لكن هي بتحب جوزها وبتعش.قه الله اعلم الشيـ . ـطان دا قالك ايه عليها تغريد بتوهان:مبقتش عارفه اصدق مين واكذب مين هو قالي انا كنت علي علاقه بيها لو حد قالك الجمله دي هتفهميها ازاي ؟ نهال بتفهم : يغور في ستين داهيه اللي يبص لواحده وفي حياتك واحده تانيه شخص لا يؤتمن صدقيني نوال طيبه وغلبانه وبتحب جوزها لكن جوزها كان مطاع عينها ف قالت تربيه والصدفه جمعتها بأمجد دا لكن عمرها ما بصت لحد غير جوزها تغريد بتعب : نِهال انا من دوشة دماغي الدايمه نسيت طعم الراحه انا تعبانه بجد نهال كملت غسيل المواعين وفتحت مكبر الصوت : علشان حبيتي الشخص الغلط يا نهال نصيبك وقت ما يجي لوحدك هتلاقي نفسك بتوافقي سبيها لله وطلعيه من دماغك وصدقيني هترتاحي تغريد بتنهيده : خلي سلفتك متشلش مني انا من قهريتي قولتلها كدا المهم انتي عامله ايه انتي وحبيب خالتو نهال ببتسامه :حبيب خالته يختي مطلع عيني وهو في بطني نازل رفص عمال علي بطال مبيريحش نفسه من دلوقتي تغريد بضحك :يعمل اللي هو عايزه ياستي المهم ابقي تعالي مش لازم نقولك يعني يا ست نهال نهال : والله يا تغريد مبقتش بقدر امشي خالص ضهري بيوجعني اوي والله العظيم بس ان شاء الله هاجي يوم الجمعه علشان عندي متابعة كشف عند دكتوره ريهام تغريد : خلاص تمام ماشي يقلبي نتقابل الجمعه بقا ” قفلت تغريد واتنهدت بندم انها قالت لنوال الكلام دا ” نهال بعتت لنوال رساله ‘ متقلقيش انا كلمت تغريد زهي مش هتعرف صلاح حاجه روقي انتي ومتقلقيش ‘ وبعتت الرساله وكملت تضنيف شقتها “………………………………… ” صلاح قاعد بيتاع صفحة شغله علي الفيس اللي كل يوم بتكبر عن اليوم اللي قبله حاسس بإنجاز كبير وهو شايف كمية الناس اللي بتروح الكافيه بتاعه ” ” امجد نزل من عربيته بكل ثقه وبص علي الكافيه بتاع صلاح من ورا نضارته السودا بتركيز بعدين قلعها وقفل عربيته ودخل علي جوا ، شاف صلاح كان قاعد علي كرسي من كراسي الكافيه حاطط رجل علي رجل وفي ايده اليمين فونه وايده الشمال فنجان قهوه ” امجد شبه علي صلاح وراح عنده وقال ببتسامه : تسمحلي اشاركك القاعده الرايقه دي يا عم صلاح ؟ صلاح اتعدل وقال بستغراب : اكيد اتفضل امجد قعد وحط رجل علي رجل وقال : اكيد مستغرب عرفت اسمك منين ادهم اخوك اعز من اخ لياا صلاح بصله بنوع من الدهشه المخفي : اهلا وسهلا بيك نورت المكان اعذرني معرفش اصحاب ادهم اخويا خالص امجد ابتسم وبص علي الكافيه : بس الكافيه شيك جدا ليه مفتحتش في المنصوره ؟ صلاح : يعني حبيت اكون قريب من البيت وفي نفس الوقت في المدينه امجد وقف ومد ايده لصلاح : اتشرفت بيك يا صلوحه وصل سلامي لأدهم انا كنت بخلص مصلحه هنا في دكرنس قولت اعدي عليك اباركلك علي المكان ” صلاح سلم عليه وهو مستغرب الشخص دا جدا في ايه جيه وفي اي مشي ؟ والاخر كمل شغله ولا كأنه كان موجود حتي ” ” ادهم ظبط شغله وكل حاجه بقيت متيسره وماشيه تمام شغله اللي كان وقع في الارض رجع تاني ومصنعه بقا مشور في السعوديه بِـ أجود انواع الرخام ” ” ادهم واقف في مكتبه اللي بيطل علي المصنع وعلي شغل العمال واقف مربع ايده وبيبص علي المنصع بشرود ، ادهم كان جاي السعوديه ميعرفش حتي هيشتغل ايه افتكر انه كان في يوم من الايام واحد من عمال المصنع دي شاف اسوء ايام حياته علشان يوصل للي هو فيه دلوقتي صاحب المصنع ” ادهم بهدوء : الحمدالله علي كل شيئ صدق اللي قال القلـوب التـي ترضـي لا تتعـب مهمـا اشتـدت صِـعاب الحـياه ” ادهم رجع لشروده افتكر قد ايه تعب في حياته افتكر قد ايه صبر علي كل حاجه ، لكن شاف دلوقتي رضي ربنا عليه بإيه اتجوز ومراته حامل ودا كان اكبر عوض ربنا ليه ، قطع شروده اتصال مراته ” ادهم رد ببتسامه : حبيب قلبي اللي واحشني.. نهال بتذمر : ادهم انا نفسي رايحه لرنجه همو.ت عليها ومامتك مش راضيه تجيبلي ادهم بغيظ منها : يابنتي غلط عليكي الدكتوره قالت ولا رنجة ولا فسيخ ولا العك دا كله علشان خاطري عدي بس الشهرين دول علي خير ووعد مني لما تولدي هجيبلك اللي انتي عوزاه سلوي سمعت كلام ابنها ابتسمت بنتصار : قولهاا اصل مفكراني مش عايزه اجيب علشان غاليه نهال ردت بإحباط : مش عايزه يا ستي انتي وهو دا ايه الزُل دا يا ربي افرض كنت بتوحم عليها مثلاا ادهم : اتوحميي علي حاجه نضيفه الله يخليكي بلاش القرف دا…واقفلي ام الاسبيكررر نهال قفلت مبكر الصوت ودخلت اوضته :قفلته في حاجه ولا ايه ادهم بحب : وحشتينـي ! نهال ببتسامه : وانت كمان وحشتني اوي ادهم قعد علي الكرسي بتاع مكتبه ورجع ضهره لورا : عايز اد.فن نفسي في حض.نك اشِم ريحتك وبس اقضي بقيت حياتي كدا بقاا نهال ابتسمت بحب وقالت : لما بتبصلي بحس ان كل حاجه في الدنيا بتهدي بحس ان قلبي لاقي بيته وراحته في حض.نك ادهم اتنهد بشتياق ليها : هانت يا قلب وروح ادهم هانت علي الاخر ارجع بس ومش هطلع ولا هطلعك من حض.ني لحد ما اسافر تاني نهال بضحك ومشاغبه : وشغل البيت مين هيعمله مين هيغسل ويكنس ويمسح ويطبخ ادهم بتأكيد : كل حاجه تهوون مدام هتبقي في حض.ني وعندي ليكي مفاجأه هتعجبك نهال بحماس : قوول بسرعه ايه المفاجأه ؟ “” انتظرو القادم “” الفصل الثامن والاربعون 48 ” سكوت ادهم حمس نهال للي هيقوله وفضلت منتظره الكلمه اللي هي بنتظرها من شهور كتيره ” نهال فضلت مستنياه يتكلم لكنه ساكت فقالت بنفاذ صبر : ادهم قووول في ايه هتمو.تني من الفضول ادهم ببتسامه لانه متخيل شكلها دلوقتي : قدامك اختيارين وانتِ وراحتك تجيلي ولا انزل اجازه ؟ نهال من فرحتها صوتت بسعاده وقالت : تجيلي طبعاااا..جاي امتي ؟ وحجزت ولا لسه ؟ ادهم انا هاجي مع اللي ياخدك من المطار علشان تكون عامل حسابك مش هفضل هنا امو.ت ببطئ من انتظاري ادهم حمد ربنا في سره علي لهفتها دي وقال : اهدي يا حبيبي ممكن ؟..اولا انا لسه محجزتش ثانيا مش هينفع تيجي تخديني من المطار علشان الحمل وعلشان البهدله نهال بعتراض : لاء لاء لاء متحاولش حتي في الموضوع هاجي معاهم يعني هاجي انت هتحجز امتي ؟ ادهم بيأس منها : لسه يمكن احجز بكرا ولا بعده.. نهال بمقاطعه : مفيش بعده انت هتحجز بكرا علي اقرب وقت تكون جيت ادهم اتنهد بقوه : حاضر يعُيوني بإذن الله هحجز بكرا في شوية امور هظبطها كدا واحجز علطول نهال ببتسامه : ادهم هتجيبلي ايه وانت جاي ؟ ادهم ضحك بخفه وقال بحنان : اللي حبيبتي هتطلبه هجيبه حتي لو طلبت عيوني نفسها انا عندي كام نهال يعني نهال ضحكت بدلع وحب وقالت : يخليك ليا يا حبيبي بحيث كدا بقا سَجل معايا عايزه كاجوو كتير وشامبو وكريما.ت وبرفان علي ذوقك بقا ادهم بيسجل فعلا وراها اللي هي بتقوله : امم ايه تاني علشان منساش حاجه نهال بتفكير : مش عارفه عندك لسه ايه ؟ ادهم ضحك بخفه : عندي كل حاجه تتخيليها اجيبلك ميكب ؟ نهال ببتسامه : طب والله يا ولا يا جوزي انا بمو.ت فيك ” نهال فضلت تطلب حجات وادهم يسجلها وفضلو يتكلمو كتير جدا لحد ما ادهم قفل علشان يخلص اموره وينزل يشتري طلباتها كلها ” نهال نامت علي السرير بتفكير : عايزه اعمل حِنه وعايزه اصبغ شعري وافرده يا نهااار دا انا ورايا حجات كتير اووي سلوي من برا : نهال قومي وطي علي الرز هيشيييط ” نهال قامت وهي برضو بتفكر هتعمل كل الحجات دي عند مين وامتي والاهم هتعملهم ازاي من غير ما ادهم يعرف ، راحت الطبخ هدت النا.ر علي الرز ونفسها راحت للمره المليون للفسيخ ” نهال بشتهاء : يخربيت كدا طب ريحته دي جايااا منين مين بياكل فسيخ في الشارع وانا انزل اخد منه حته بدل ما انا قلبي هيقف كدا ………………………… ” نوال واقفه في بلكونة شقتها في ايدها فنجان قهوه مع نسمة الهوا الخفبفه وهدوء الجو لكن هي ابعد كُل البعد عن الهدوء اللي محاوطها ” صلاح دخل شقته استغرب الهدوء اللي موجود فيها : نـوال فينك ؟ ” لمح باب البلكونه مفتوح ف دخل ليها ” حبيبي سرحان في ايه ؟ ” نوال اتخضت من صوته لدرجة ان فنجان القهوه وقع علي الارض اتكس.ر والقهوه اتنطرت في كل مكان ” نوال حطت ايدها علي قلبها : حبيبي جيت بدري ليه ! صلاح استغربها جدا وقال : جيت بدري علشان تعبت فَـ قولت اروح ارتاح وارجع علي المغرب انتي مالك ؟ نوال حاولت تكون طبيعيه وحض.نته : حياتي انا كويسه بس كنت شارده وانت داخل محستش بيك خالص صلاح جواه رافض يصدق بس قال : طالعه البلكونه من غير ايشارب ليه ؟ نوال بنسيان : انا نسيت خالص والله كنت بقفل البلكونه اصلا لقيت نسمة هوا حلوه قولت اقف شويه بفنجان القهوه صلاح بصلها شويه واتنهد : اااااه .. سلامتك من النسيان طب ادخلي اعمليلي اي اكل اكله لان جعان ” نوال ابتسمت ودخلت علي جوا تجهز الاكل ، لكن صلاح حس انها بتهرب بعيونها منه بص علي الازاز ولمه من الارض ” ” نوال واقفه قدام البوتجاز بتقلب في الاكل وعقلها بيصورلها الف سينا.ريو لو صلاح عرف انها كانت تعرف امجد دا هيعمل ايه ” ثلاح بزعيق : لاء بقااا دا الموضوع مش طبيعي ..نـوااال نوال بصتله وقالت بنتباه : نـعم بتزعق كدا ليه ؟ صلاح بدهشه : بزعق كدا ليه ؟ بزعق علشان حضرتك تسمعي وتردي عليا نوال كشرت بين حواجبها وقالت : انت ناديت وانا مردتش عليك يعني ؟ صلاح شكه بقا يقين اكيد في حاجه شاغله بالها قرب منها وقال بحنان : مالك يحبيبتي انتي مش طبيعيه ليه ؟ امي ضايقتك ؟ ” نوال هزت راسها بِـ لاء ” صلاح احتار وسأل تاني : طيب مالك احكيلي قوليلي اللي في قلبك حتي لو هيضايقني انا سامع نوال اترددت تقوله ولا تسكت والاخر باست خده وضمت وشه بإيدها : حبيبي مفيش حاجه انا كويسه بس معرفتش انام كويس بس فَـ حاسه ان تايهه مش اكتر صلاح اتنهد لانه متأكد ان فيها حاجه : هعمل نفسي مصدق دلوقتي لكن لما تحسي انك جاهزه لكلام انا سامع دايما فين غزل ؟ نوال بهدوء : نايمه جوا في الاوضه ” صلاح سابها ودخل اوضة بنته شافها نايمه بملامح طفوليه بريئه وهاديه تلقائي ابتسم علي شكلها وقعد جنبها يلعب في شعرها ” ……………………………. “نهال قاعده بتقلب في فونها عن رسوما.ت بملل كبير ، وجميله جنبها بتتفرج علي مسلسل في فونها ” جميله بصت لنهال : هاا لقيتي حاجه عجبتك ولا لسه ؟ نهال قفلت الفون بضيق : مفيش اي رسمه عجبتني انا مش ذوقي الرسوما.ت الغربيه دي انا عايزه رسمه سيمبل وبسيطه كدا جميله بستفسار : يعني شبهه ايه كدا ؟ نهال بتفكير : يعني مثلا فراشه صغيره علي رقابتي ورده رقيقه علي كتفي حجات من دي فاهمه ” جميله فضلت تبحث لحد ما لقت رسمة ٣ فراشات حجمهم مختلف مرسومه علي رقبة بنت تحت ودنها ” جميله بإعجاب : ايه رأيك في التحفه دي ؟ نهال بصت علي الرسمه وعجبتها اووي : تحفه بجد بس تفتكري حد هيعرف يرسملي بنفس الادقان دا وكمان عايزه اعمل اسم ادهم علي بدايه صظري ويكون مزخرف ” وقالت بملل ” مستحيل حد في ام العزبه دي يكون بيعمل الحجات دي جميله بضحك : دا انا قسم زخرفه يابت هاتي الحنه بس وانا هروق عليكي نهال بعدم تصديق : بتتكلمي بجد والله بتعرفي ترسمي حنه ؟ جميله هزت راسها : هاتي بس الحنه وانا هعملك احلي رسوما.ت سلوي من المطبخ : نهال قومي خدي كوباية اللبن دي اشربيها انا غليتها اهوو نهال قامت جابت الكوبايه وطلعت لجميله : طب بصي هديكي فلوس تروحي تجيبي الحنه وتيجي نبدء علطول ولا ايه رأيك ؟ جميله : عادي مفيش مشكله ” وفعلا نهال جابت فلوس من شقتها اخدتها منها جميله وراحت تجيب حنه وكل اللي هتحتاجه ونهال طلعت شقتها قلعت هدومها ولبست روب الحمام وفضلت تستني جميله ترجع ، ادهم رن عليها ف ردت علطول ” ادهم ببتسامه وهو بيرتب الحجات اللي نهال طلبتها في الشنطه : حبيبي بيعمل ايه ومشغول عني كدا نهال ببتسامه : حبيبتك مشتاقه ليك وعايزه تاخدك في حض.نها ومش مصدقه ان كلها ٤٨ ساعه وتكون قدام عيني ادهم ابتسم : روح قلب حبيبك بالله اتمرمطت علشان اعرف اجي بأقرب وقت علشان فعلا مش قادر استني اكتر من كدا…افتحي كاميرا عايز اشوفك ” نهال كانت هتفتح لكن افتكرت انها بالروب ف اتأخرت علشان تلبس وادهم استغرب هي عندها دوشه ليه وليه متأخره ” ادهم بستغراب : انتي بتكس.ري في ايه عندك يا نهال ؟ نهال وهي بتدور علي بنطالون البيجامه : دقيقه بس يا ادهم بدور علي البنطالون..لقيته خلاص ادهم بعدم فهم : لتدوري علي البنطالون ليه انتي قاعده عريانه ولا ايه ؟ نهال بغيظ منه : اكيد لاء بس كنت هاخد شاور ف قلعت ولبست الروب وانت بترن دا كل الموضوع ادهم بستغراب : برضو مش فاهم لبستي ليه مكلمتنيش بالروب ليه ” وجرس الشقه رن وهي راحت تفتح وادهم معاها علي الخط ” جميله ببتسامه وهي بترفع الكيس قدامها : كدا نقدر نقول تمت المهمه بنجاح نهال ضحكت : ادخلي طيب حد من تحت عرف احنا هنعمل ايه ” جميله هزت راسها بِـ لاء ” ادهم بعدم فهم : نهال انتو هتعملو ايه ؟ نهال سكتت واتوترت هي مش عايزه تعرفه فقالت : مفيش يحبيبي دا جميله بس هصبغلها شعرها ادهم بدهشه : وانتي عايزه تصبغي شعرك لمين يجميله ! نهال بغيظ : لنفسهاا…ولا لازم يعني تصبغ لحد ادهم بإيجاز : بقولك ايه خلصي ليلتك دي وكلميني علشان نشوف حوار ام الروب اللي قلعيته دا مش هيعدي كداا نهال ضحكت وقفلت وبصت لجميله وقالت بحماس : يلا بيناااا ” جميله ضحكت وقعدت تجهز الحنه وبدأت ترسملها وهي مركزه ورسمت رسوما.ت كتيره تقريبا في كل جسمها وكلها رقيقه جدا ” ……………………………… ” سلوي من اول ما عرفت ان ادهم نتزل كمان يومين وهي محتاره تعمل ايه ولا ايه ، دبـ . حت بط ونضفته علشان هتطبخه يوم ما يجي ” سلوي بحيره : انا محتاره اعمل قرص ولا اعمل عيش سالم وهو بيشرب الشاي : اعملي شوية قُرص باللبن والسمنه البلدي يغذوه هو هناك بياكل ايه سلوي بحنين لإبنها : الغُربه قُربه علي رأي اللي بيقول بس اهوو متأخرش المره دي يا سالم دا كان بيقعد ب ٣ سنين ربطه واحده سالم ببتسامه : علشان مراته وحشاه لولاها مكنش هينزل سلوي اكدت كلامه وضحكت بخفه : ايوا فعلا البت مجنناه علي الاخر وابنك المتنيل دايب في تراب رجليها ……………………….. ” ادهم كان قاعد في السكن بتاعه وسط اصحابه بيضحكو وكل واحد بيحكي موقف جاله رساله خليته مش شايف قدامه حتي ” ٤٩__٥١ الفصل التاسع والاربعون 49 ” ادهم شاف الرساله وكانت صوره من مراته راسمه اسمه فوق بداية صـ,,ـدرها بطريقة مزخرفه ومُغريه خليته قاعد مع الشباب مش علي بعضه ، بياض جسمها مع سواد الحنه عملين مزيج تحفه مع بعض جنن ادهم ” نهال بضيق : ايه دا شاف الرساله بقالو ٦ دقايق ومردش عليهاا جميله كانت بتجهز الصبغه بتاعت شعر نهال : يابنتي اصبري يمكن مش فااضي نهال بغيظ : ولما هو مش فاضي شاف الرساله في وقتها ازاي ؟ جميله بغمزه : طب ما يمكن قاعد يتمعن في جمالك ومعجببب ياستي ادي لراجل فرصتهه ” نهال اقتنعت بكلامها وقعدت علي كرسي التسريحه ، وجميله بدأت تحط الصبغه علي شعرها ” جميله بتعب : شعرك تقيل وطويل وخشن الحلوو مبيكملش فعلا نهال بصتلها في المرايا بغيظ : هفرده يا ماما واجي اوريهولك ” وقالت بضحك ” كل ما اجي اندمج في روايه اسمع الكتابه بتوصف شعر البطله بالحرير ومعرفش ايه افتكر شعري امو.ت ضحك جميله ضحكت وقالت بجديه : بس انتي شعرك مقبول هو هايش لكن حلو الفرد هيخليه تحفه ان شاء الله نهال لسه هترد جالها الرد من ادهم برساله فَـ قالت بلهفه : ردد ” وفتحت الرساله كان ادهم كاتب ‘ شويه وهكلمك ‘ ” رفعت وشها لجميله بغيظ ” جميله : لز مكنش رد كان احسنله لكن تعالي نقول معاه ناس ومش عارف يرد مثلا نهال رمت الفون علي التسريحه : الله اعلم يمكن فعلا بالله لنكد عليه نكد النهارده بس اصبري …………………………… ” نوال قاعده شارده علي السرير جنب جوزها اللي بيقلب في فونه ، صلاح حاسس ان رغم قُربهم لكنهم بُعاد اوي عن بعض ” صلاح بتنهيده : ايه يا ست نوال الصمت دا دايم لإمتي ؟ نوال بصتله بستغراب : انا مش صامته ولا حاجه كل الموضوع ان مش للقيه حاه اتكلم فيها وبس صلاح بصلها كتير : اممم…كل الاول حتي لو مفيش كلام تقوليه بتتكلمي عن الشغل تخيلي بقا انتي ولا سألتي عن يوني ولا عن الشغل ولا عن اي حاجه ” صمتها دام ودا مجننه لكن بيخاول يكون هادي فَـ قام قعد قدامها ومسك ايدها بحنان ” صلاح بهدوء : مالك يحبيبتي فيكي ايه احكيلي بلاش تخلي دماغي توديني وتجيبني بالشكل دا ريحيني يا نوال ؟ نوال بصتله وهي حاسه انها مخنوقه : قولتلك مفيش حاجه اقولها انا بس تعبانه شويه مش مسموحلي اتعب يا صلاح ؟ صلاح استغرب هجومها وقال : مسموحلك كل حاجه بس تعبانه مالك قومي نروح لدكتور نشوف في ايه يلاا ” جيه يوم مسكت دراعه ” نوال بتنهيده : انا معنديش تعب عضوي انا بس حابه ارتب شتات نفسي مع نفسي بعدين هتلاقيني كويسه ارجوك اديني مساحه شخصيه ارجووك.. ” صلاح مش فاهم ترتب شتات نفسها من ايه وايه سبب شتاتها اصلا ، لكن سابها براحتها وراح نام مكانه بدون حرف زايد ” نوال بصتله بضيق : بجد دا كل اللي ربنا قدرك عليه تديني ضهرك وتنام ؟ صلاح حاول يكون هادي لكن معرفش فزعق : قوليلي اعمل ايه سألت بدل المره اتنين يابنتي مالك فيكي ايه وانتي كل اللي علي لسانك مفيش انا كويسه ودلوقتي اديني مساحه شخصيه ولما اديتك زعلتي قوليبي اعمل كذااا وهعمل يا نوااال نوال زعلت من زعيقه ليها : متعملش اي حاجه ” واتعدلت واديته ضهرها ونامت مكانها ” صلاح بتنهيده : استغر الله العلي العظيم ” راح جنبها وشدها في حض.نه رغم رفضها ” حقك عليا بقا خلاص نوال بصوت مخنوق : ولا حقي عليك ولا علي حد سيبني في حالي وخلاص صلاح ضمها اوي : خلاص بقا ميبقاش قلبك اسود الانسان برضو بيجي عليه وقت مبيبقاش طايق حد زي حلاتك كدا نوال ثبتت في حض.نه وقالت : بتعمل ايه لما الحاله دي تجيلك بتطمن نفسك بإيه ؟ صلاح ببساطه : بقوم اصلي واشكي لربنا كُل اللي تعبني وادعي يهدي قلبي بعدها بكون تمام وبطمن نوال بعدت عن حض.نه وبصتله : هقوم اصلي وارجعلك ” وسابته ورتحت تتوضي ” صلاح بتنهيده : ربنا يهديكي يا نوال ويريح بالك ومتكونيش عامله مصيبه تجيبي اجلي بيها يارب …………………………. ” سلوي واقفه في المطبخ بتنخل الدقيق في وعاء كبير ، ولمياء اختها واقفه جنب اللبن ” لمياء : ما تبعتي لنسوان عيالك ينزلو يساعدو معانا.. سلوي : صلاح فوق مع نوال مش هيرضي ينزلها يماا ونهال وجميله من الصبح مع بعض معرفش بيعملو ايه بس باين بتفردلها شعرها لمياء شالت اللبن من علي النا.ر وبدأت تحطه علي العجين وسلوي تعجن : اظن نهال عامله في نفسها العمايل دلوقتي ؟ سلوي وهي بتعجن : اشي حنه واشي شعر وقصص كتيررر بعيد عنك ولسه بكرا هتنضف شقتها علي حسب كلامها لمياء بستغراب : وهي الشقه فيها ايه علشان تنضفها ؟ هي بتقعد فيها اصلا ؟ سلوي : ايوا ياستي الشقق بتلم تراب برضو حتي لو ايدك فيها وبعدين تنضف هي حره لمياء بدهشه : تنضف ازاي يولاد وبطنها المترين قدامها دي ! سلوي : غُلبت كلام يمااا قالتلي الشقه عايزه تتنضف هنضفها ومتخافيش وهي في الزن تاخد جايزه قولتلها انتي حره سالم دخل عليهم وفي ايده كيس اسود كبير : خُدي يا ام جميله من ايدي انا ملقتش كوسه خالص في السوق سلوي رفعت وشها ليه : مروحتش سووق دكرنس لييه يا سالم انا عايزه اعمل محشي كوسه واسويه في الفرن سالم : تلاته بالله العظيم رجلي ما عادتت هتخطي باب الظار صلاح وهو راجع يبقي يجيب سلوي بغيظ منه : صلاح هنا من بدري وباين مش راحع دكرنس سالم بدهشه : يوليه ادهم مش جاي غير بعد بكرا صلاح يجيب بكرا وهو راجع فين مشكلتك مش فاهم لمياء وهي بتفضي الاكياس : الطماطم الكليبو بكام يا ابو ادهم ؟ سالم : برخص التراب الكيلو ونص ب ١٠ جنيه لمياء : طب والله الواحده لو جدعه تجبب قفاصه وتفرمها وتخزنها في الفريزر سلوي بقرف : لاء مبحبش الطماطم المتخزنه دي ابدا المهم اطلعي ولعي الفرن كدا وجهوي الطبليه علي ما العجين يخمر ” وهنا يا ساده تبدء التجهيزات لستقبال رجوع ادهم بسلامه ” …………………………… ” نهال واقفه بعد ما نشفت شعرها تبص علي لون شعرها ببتسامه راضيه ” نهال بصت لجميله : ايه رأيك البُني عليا اجمل ولا الاسود جميله بإعجاب : البُني تحفه فنيه بجد وهو هايش كدا جميل كمان لو منك مفردوش اسيبه كيرلي كدا نهال بحيره : يعني اعمل ايه افرده ولا اسيبه كدا ؟ جميله : سبيه كدا والله العظيم شكلك قمررر بيه وهو كيرلي وشكل جديد بدل ما هو شايفك علطول بشعر ناعم نهال اقتنعت بكلامها : خلاص مش هفرده هسيبه والحنه حلوه عليا ؟ جميله بغمزه : تجنن الله يكون بعونك يا عم ادهم ” وقامت وقفت ” انا هنزل علشان انا تعبت وامي زمانها قالت نهال ..تها وتاوت ج.ثتها نهال ضحكت : متحرمش منك يجميله عمري ما هنسالك وقفتك جنبي دي ابدا جميله ببتسامه : انتي اختـي يابـت يلا اشوفك بكرا بقاا ” وسابتها ونزلت علي تحت بتعب ” ” نهال لبست بجامه بحمالات رفيعه بعد ما دهنت كريما.ت علي وشها ورشت بادي سبلاش وحست بنتعاش وقعدت علي السرير ” نهال بغيظ : بقالو ساعتين بيقولي شويه وهكلمك بيعمل ايه كل دا…بيخونـي معقـول ! ” مقدرتش تستحمل الفكره وراحت بعتتله ‘ ادهم انت ممكن تخوني ‘ ” ” ادهم كان لسه هيرن عليها شاف رسالتها اتفاجئ بيها فَـ رن عليها ” ادهم : يعني انا بقالي ساعتين قاعد بقاوم افكاري ومقومش اطرد الناس البي عندي واجي اكلمك وانتي بعتالي انت ممكن تخونـي ! نهال ابتسمت وقالت : حضرتك اللي اتأخرت وانا دماغي ساحت مني شويه بعدين عادي بسألك انت ممكن في يوم تخوني فعلا ؟ ادهم بتنهيده وهو بيغير هدومه : ادهم مش شايف ولا عارف يشوف غيرك نِـهاله وبس نهال بغيظ : يعني حاولت تشــوف اهـووو ادهم بصدمه : حاولت اشووف ! انا قولت كداااا ! نهال بتأكيد : اه قولت مش شايف ولا عارف اشوف يعني حاولت تشوف ومعرفتش يا استـااذ ادهم بهدوء : نهال ممكن بلاش هبل وجنان نهال بغيظ : علي فكره مش دا الرد اللي كنت مستنياااه ادهم بتنهيده : لاء يحياتي انا معرفش اشوف غيرك اصلا علشان بختصار انا دايب وميت عليكي ودا مش كلام بثبتك بيه دي الحقيقه نهال ضحكت وقالت : هوو دا اللي كنت مستنيااه ادهم ضحك علشان كان متأكد انها عايزه تسمع الكلمتين دول نام علي السرير وفتح كاميرا وقال بشوق : افتحي الكاميرا وراسمه راسمه توريهالي يلاا نهال بضحكه كلها دلع : لاء يقلبي راسمه راسمه دي انتي لما تيجي تكتشفها بنفسك انا مش هوريك حاجه ادهم بقهر : اوعي تكوني بتتكلمي جد انا عارف ان مهونش عليكي تسيبني بغلي كدا لخد ما انزل صح ؟ نهال : لاء يا روحي هسيبك كدا لحد ما تتزل ومتحاولش تخليتي اوريك علشان فعلا نش هتشوف اي حاجه غير لما تنزل ادهم بغيظ : طب افتحي ميتين ام الكاميرا طيب نهال بدلع : ولا هتشوفني انا حتـي ” وبعتتله ب.وسه صوتها مسموع ” ادهم من شدة غيظه منها : بقـااا كدا ؟ نهال بتأكيد : جـوزي وعايزه اعمله مفاجأه متبقاش متسرع بقا وتبوظ كل حاجه بس ادهم بفضول : طيب مش عايز اشوف الرسوما.ت عايز اعرف اماكنهم اخمن وانتي تقولي صح ولا غلط ؟ نهال برفض : لاء ولا هتخمن ولا هتشوف كل دا ابقي اعمله بنفسك وانا وريتك منهم واحده يعمي كتر الف خيري ادهم اتنهد تنهيده حاره : نستني ومالو كلها يومين هيعدوو هـوا ان شاء الله نهال : انت جبتلي برفانات ايه صحيح نسيت اسألك ؟ ادهم بعِند : والله لما اجي بقا ابقي شوفي ومتحاوليش تخليني اوريكي علشان فعلا مش هتشوفي حاجه غير لما انـزل نهال ضحكت : بتهزر انت بتقلدني وبعدين دي نكره ودي نكره ادهم بضحك : والله انا عايز افاجئ مراتي بذوقي في الروايح والاشكال متبقيش متسرعه وتبوظي كل حاجه نهال ضحكت اوي : اسرع كمان تُدين تُدان شوفـتها في حيـاتي بـجد ادهم ضحك وقال : اتـرديتلك في نفس الدقيقه ربك كبير مبسبش حقـك حـدد “” انتظرو القادم “” الفصل الخمسون 50 ” طول اليومين وادهم بيتحايل علي نهال تفتح كاميرا لكن نهال بترفض رفض قاطع وادهم بيتجنن اكتر وبيشتاقلها اكتر ، طول اليومين وهما بيتخانقو من كتر شوقهم لبعض ” ” نهال كانت لابسه قميص بيتي ابيض محتشم وطرحه بيج عامله ميكب خفيف جدا لابسه سليبر فرو ابيض وواقفه في البرنده تحت بتاكل في ضوافيرها من التوتر ” سلوي طلعت وقفت جنبها : يابت اقعدي ضهرك هيوجعك من كتر الواقفه من صباحية ربنا وانتي واقفه في البرنده نهال بتوتر ممزوج بغيظ : بقالهم نص ساعه بيقولو داخلين علي البلد ايه اخرهم كدا مش كانو اخدوني معاهم بدل ما انا همو.ت من الانتظار كدا ؟ نوال طلعت ومعاها طبق فيه فاكهه : كنتي هتركبي فين بقا صلاح بيسوق وجنبه ابويا سالم وادهم والشنط بتاعته وراا ” وناولتها واحده جوافه ” كُلي الجوافايه كلهاا نهال اكلت حته من الجوافه وقالت بضيق : كنت هركب انشالله علي رجل جوزي ياستي مكنش هيرفض ابدا سلوي بضحك : اختشي يايت يخرب عقلك اتقلي علي الولاا خليه يلف وراكي متبقيش سايبه نفسك كدا نهال قعدت جنبها بعدم فهم : يعني اتقل اعمل ايه مثلا ؟ وبعدين في واحده بتتقل علي جوزها يوليه ؟ سلوي : اه يا اختي اي واحده تلاقي جوزها بيعش.ق التراب اللي بتمشي عليه تعرفي انها مطلعه عينه في الموضوع اللي احنا عرفينه دا نهال بدهشه : ازاي يعني يكون جاي يقرب مني اتمنع وارفض دا حتي الملايكه بتلعن الواحده اللي بتعمل كدا نوال خبطتها في راسها بخفه : ومين قال تتمنع وترفض بنقول تدوخه يعني مثلا لو جالك الصبح قوليلو خليها لبليل وبليل ادلعي عليه براحتك وعلي اقل من مهلك فاهمه نهال بصتلهم وقالت بإندفاع : انتي اعملي الكلام دا انتي حره جوزك معايا كل يوم لكن جوزي الغلبان اللي بقالو ٣ شهور بعيد عني دا عايزني اعمل معاه كدا ؟ ” سلوي هترد عليها سمعو صوت عربية ادهم وصلاح بيزمر كأنه بيزفه ، نهال اول واحده قامت بلهفه وبصت من علي السور ببتسامه مشتاقه ” ادهم نزل من العربيه بإرهاق كان لابس بنطالون رياضي رصاصي وتيشيرت ابيض وكوتش ابيض : ابو غزل انا حرفيا شايل نفسي بالعافيه هتجيب انت الشنط ولا نسيبهم لبكرا ؟ صلاح ضحك بخفه : اطلع يحبيبي هجيبهم واجي وراك ” ادهم طلع البرانده عينه علي نهال ومش مصدق انها قدامه فتح دراعاته ليها وهي جريت حض.نته بقوه ” سلوي : اااه من لاقي احبابه نسي اصحابه بقااا ادهم بتنهيده : اخيراا يعالم الحض.ن اللي بستناه من ٣ شهور ” وقال بهمس محدش سمعه غيرها ” وحشتينـي همـوت عليكـي .. ” وبعد السلام ادهم قعد علي الكنبه بعد ما قلع الكوتش ونهال جنبه مش مصدقه انها جنب جوزها بعد الحرمان دا كله ريحة برفانه مجنناها شكله مجننها ابتسامته كلامه كله علي بعضه مجننها ” سلوي بصتله ببتسامه : اقوم بقا احضر الغدا ولا ايه يا ادهم ؟ ادهم ببتسامه : والله يا قلب ادهم انا ما قادر احط لقمه في بوقي عايز بس انام ساعتين علي الاقل وبعدين انزل اكل لو جعانين اسبقوني انتم سالم طبطب علي ضهره : طب يلا يحبيب ابوك خد مراتك واطلع شقتك ارتاح ولما تنزل كُل براحتك وانتي يا نوال الله يصلح خالك اعمليلي كوباية قهوه اصل دماغي هتتفجر مني نوال قامت وقفت : عيوني حاضر ” وراحت علي المطبخ ” ادهم وقف وبصلهم : الشنطه الحمرا دي فيها طلباتكم كلكم والسودا هدومي ” وشال الشنطه السودا وبص لنهال وغمـز ” مش يلا يا بطل.. ” نهال ابتسمتله ومشيت معاه علي شقتها وطبعا ادهم طول السلم بيعاكس فيها وهي تضحك ” ادهم نزل الشنطه علي الارض وقفل الباب برجله وفتح ايده لنهال : قربي تعالي في حض.نـي نهال قربت منه وحض.نته بشتياق كبير وباست رقابته برومانسيه : وحشتنـي فوق ما تتخيـل وحشتنـي لدرجه تخوف يا ادهم ادهم بيحاول يفك طرحتها لكن معرفش فقال : الطرحه دي مبتتشالش ليه ؟ نهال ضحكت وقالت : اديني ربع ساعه ورجعالك مش هتأخر ” لسه هتمشي ادهم مسكها من ايدها ” ادهم برفض : ولا هديكي دقيقه واحده انتي بتهزري دا في حنه لسه هكتشفها ” وبدء يقلعها الطرحه وسط رفض نهال ” اقسم بالله لو هستني لحظه متحاوليش واهمدي كداا ” وفعلا قلعها الطرحه واتفاجئ بلون شعرها اللي مسكه برقه ورجعه ورا ضهرها ” ادهم قرب لشفايفها وباسها برومانسيه وايده ورا رقابتها : الله اكبر علي جمالك ورقتك ايه القمر دا محليه اللون ومحليه كل حاجه كدا ؟ نهال حاوطت رقابته بحُب : بجد عجبك ولا بتقول كدا وخلاص ادهم باسها من تاني وبعد عنها وهو بينهج : بجد مجنني وبجد تحفه ” وبدء يفتح سوستة القميص وبدأت الرسمه اللي علي صـ,,ـدرها تبان ” نهال شديته عليها بكسوف : تعالي ندخل اوضتنا.. ادهم قلع التيشيرت بتاعه رماه وقال بهمس : لاء هنفضل هنا حابب المكان ” وباس الرسمه برقه وبدء يكتشف باقي رسوما.ت جسمها اللي جننوه وغابو مع بعض في وصلة حب عميقه لا تنتهي ” ………………………….. ” نوال قاعده في الصاله في شقتها كالعادته الجديده وهي السرحان بالسعات من غير ما تحس ، حالها دا مجنن صلاح ومش فاهم هي مالها ” صلاح قعد جنبها بعد ما اخد شور : ايه وصلتي لِـ فين كدا ؟ نوال بصتله بستغراب : مش فاهم وصلت لِـ فين ازاي ؟ صلاح بهدوء : يعني من ساعة ما طلعنا وانتي موجوده شكل وبس انما دماغ الله اعلم فينك سيبك براحتك علي الاخر مستنيكي تيجي تتكلمي لكن شايف ان مفيش امل نوال مسحت وشها بتعب : للمره المليون بقولك انا كويسه اعمل ايه علي اثبتلك ان كويسه صلاح مسك ايدها : وانا صغير لما كنت افضل سرحان كدا ابويا كان يقولي شكلك عامل شبه الحَيه الوكره نوال بستغراب : الحَـيـه الوكـره يعني ايه مش فاهمه ؟ صلاح كمل ببتسامه : اسطـوره لكن فيها عبـره حلوه بيقولك مره حيـه لقت فرخه نايمه علي البيض بتاعها فَـ كانت عايزه تاكله الفرخه قالتلها لو جيتي جنب البيض بتاعي همو.تك فَـ الحَيه استغربت الفرخه الهبله دي هتمو.تني ازاي وانا لو قرصتها في اقل من دقيقه هتكون ميته الفرخه قالتلها تعالي جنب البيض وشوفي انا هعمل فيكي ايه فضلت الحيه تفكر في الفرخه يعني ازاي هتمو.تني طب هتمو.تني بإيه فضلت الحيه تفكر لحد ما ما.تت من التفكير مع ان الفرخه هددتها وخلاص مكنتش هتقدر تعملها حاجه نوال ببتسامه : عايز تقولي ان ممكن امو.ت من شدة تفكيري ؟ صلاح بهدوء : مينفعش الانسان يفكر لوحده هتفضل دماغه توديه وتجيبه وفي الاخر مش هيعرف يتصرف لازم تشاركي افكارك او بمعني اصح لازم حد ينجدك من افكارك لأن في بعض الاحيان عدو الانسان بيكون افكاره نوال بتعب : ياريت قادره اشاركها مع حد انا طيب ينفع اسألك سؤال ؟ صلاح هز راسه : اسألي كل اللي نفسك فيه نوال بتوتر : لو في يوم من الايام حد جالك مثلا قالك مراتك بتخونك هتعمل ايه صلاح ضحك بخفه : هزعل اوي لو تفكيرك في كدا هو اللي منكد علينا بس حاضر هقولك انا واثق في مراتي وواثق انها بتحبني وواثق ان مفيش راجل غيري يملي عنيها نوال ابتسمت بحب وحض.نته : انا بحبك اوي بجد مقدرش اتخيل حياتي من غيرك ولو للحظه يا صلاح صلاح قال بهزار وهو بيضمها جامد : اخيرا يا شيخه حض.نتيني دا انا كنت قربت انسي ان متجوز حرام عليكي نوال خبطته في صـ,,ـدره : اتلــم.. صلاح بدهشه : اكتر من كدا هعتبرك اختي بجدد دا انتي اللي اتلمي وخلي في شوية احساس عن كداا نوال ضحكت وسندت راسها علي كتفه : بحمد ربنا علي وجودك في حياتي انا فعلا من غيرك معرفش كنت هعمل ايه صلاح ضمها وقال ببساطه : اسكتي علشان بتحسد وبتعب لو سمحتي نوال اتغاظت منه وخبطته بكوعها في بطنه : يا اخي يلعن ابو اللي يقولك كلام حلو تاني ” صلاح ضحك وحاول يضمها تاني لكن كانت نوال مودها اتقفل فضل يشد فيها لحد ما ضحكت معاه وفضلو يتكلمو عن الكافيه ” ……………………………. ” نهال سنده ضهرها علي صـ,,ـدر ادهم اللي عمال يلعب في شعرها وساكت وهي بتاكل بتقطع تفاحه تاكل نصها وتأكله نصها ” ادهم وهو بيب.وس كتفها : نِهـال انا خايف اكون بحلم وانا لسه في السعوديه ونايم في سريري في السكن ومنزلتش مصر وكل دا مجرد حلم نهال لفتله وقالت ببساطه : لو انا عندي شعور الحلم دا انا هرضي بيه هرضي بأي حاجه تحسسني انك معايا حتي لو حِلـم ادهم باش شفايفها كتير وقال : انا جعـان معقول مجوعتيش ؟ نهال ببتسامه : جعانه فوق ما تتصور بس بقول الاكل مش هيطير لكن ادهم هيطير الحق اشبع منك شويه ادهم ضمها بحب : لو علي الشبعان منك ف هو صعب لانك ديما مرغوبه بنسبالي مش قدر اشبع ولا هعرف ” نهال ضميته وغمضت عيونها بحب ، مش قادره تتخيل انها نايمه في حض.ن جوزها ” ادهم حط ايده علي بطنها : الباشا ساكت يعني ولا رفص ولا اي حركه مفيش اي ترحيب لأبوك خالص كدا نهال بضحك : اصله خجول شويه في المواقف دي المهم هننزل ناكل ولا اجيبلك الاكل هنا ؟ ادهم بكسل : والله مش عارف بفكر انام شويه وابقي اقوم اكل علشان مش قادر انزل وفي نفس الوقت مش هنزلك كل السلالم دي علشان تجيبي صنية اكل نهال : يحبيبي متقلقش هجيب وهطلع علطول تكون اخدت شاور تكلع تاكل ونام براحتك ادهم برفض : مش هنزلك السلالم قولت انا لولا كنت شايل الشنطه وانا طالع كنت شيلتك وطلعت بيكي نهال افتكرت الشنطه وقالت بحماس : الشنكه فين عايزه اشوف جبتلي ايه ” وراحت جابتها بصعوبه وفتحتها ” ” ادهم شد الشنطه جنبه وفضل يطلعلها كل الحجات اللي طلبتها وزياده عليهم كمان ” نهال مسكت سلوبت لبيبي ولد وقالت بصدمه ممزوجه بسعاده : ياربييييي علي الكيوت والرقه دي لعيسي ؟ ادهم ببتسامه : في عندك لسه كتير وجبتله ببرونه وزيت للأطفال وشامبو يعني مروق عليكي وعلي ابنك وعندك الكاجو في علبه تحت الجاكت الابيض نهال جابت العلبه وفتحتها اخدت وحده في بوقها وواحده في بوق ادهم : مجبتش نوتيلاا ؟ ادهم وهو بيمضغ : جبت بس الحجات دي ابقي خدي منها ادي لنوال والبت غزل نهال بصتله شويه وقالت بحيره : ازاي الواحده بتتقل علي جوزها ؟ يعني انت مثلا ممكن تحس بإيه من نحيتي يحسسك ان تقلانه عليك ؟ ادهم بصلها ومبقاش عارف يقولها ايه : انتي بتسمعي كلام مين يقلبي مين قالك اتقلي عليه.. نهال ببساطه : امـك هي اللي قالتلي لازم الست تتقل علي جوزها وتدوخه بس انا مش فاهمه اعمل ايه علشان ادوخك انت فاهمني ادهم بدهشه : تدوخيني اكتر من كدا ؟ وبعدين الوليه امي بتحردك عليا ليه ؟ نهال هزت كتفها بغدم معرفه : ادهم هي كدا بتنصحني مش بتحردني عليك ادهم بستنكار : يعني لما تقولك اتقلي عليه ودوخيه يبقي بتنصحك مش بتحردك انتي شيفاها كدا ؟ نهال بدلع : وانا يعني تقلت ولا اتنيلت يا دوومي ادهم قرص خدها : ما حضرتك تقلانه بقالك يومين لما جننتي اهلي نهال بحب : كنت عملالك مفاجأه طيب الاه ادهم وقف وقال بغمزه : وتستاهل بصراحه…المهم هاخد شاور وننزل نتغدي واطلع انام لان مش شايف ” ودخل الحمام ياخد شاور مفيش دقايق ونهال خبطت خبكه بسيطه ودخلت ” في حاجه يروحي؟ نهال بجرأه هو مش متعاد عليها اصلا : تسمحلي اشاركك ؟ “” انتظرو القادم “” الفصل الواحد والخمسون 51 ” ادهم نازل من شقته شايل صنيه عليها مكس.رات كتير وكل حاجه جاب منها لنهال منزل منها ووراه مراته ” سلوي بصت عليه ببتسامه : ايه الحلاوه دي يواد يا ادهم نازل كأنك عريس ليلة صباحيته الله يحرسك ينن عيني ادهم بضحك : من ناحية عريس فَـ انا عملت كل اللي عريس بيعمله وزياده من عندي كمان نهال قرصته في جنبه وهمست بغيظ : اتلـم يا ادهم علشان مقلش ادبي عليك ادهم بصلها بدهشه : تقلي ادبك عليا مره واحده ماشي ياستي اللي انتي شيفاه سلوي بغيظ : اهووو رجعنا للهمس والوشوشه من تاني بقـااا ادهم ضحك بخفه وناول الصنيه لنهال : خُدي دخليها المطبخ ولا شوفي امي هتحطها فين والحقيني بأي اكل هموووت ” نهال ابتسمت واخدت الصنيه ودخلت المطبخ تعمل اكل ليها ولجوزها ، وادهم قعد في الصاله مع امه يتكلمو ” ادهم : امال ابويا وصلاح فينهم كدا مش شايفهم ليه ؟ سلوي وهي بتشرب من الشاي : صلاح فوق في شقته وابوك دخل ينام من ساعة ما جيت لسه مصحاش ادهم اخد منها كوباية الشاي وبدء يشرب منها : يا روقانك يا سلوي بتشربي شاي بالنعناع سلوي اخدت الكوبايه منه : متشربش شاي علي معده فاضيه استني لما تاكل الاول وهعملك كوباية شاي تحلم بيها شوف بقا عمايلي ولا عمايل مراتك ادهم بغمـزه : مراتـي..هو فيه زي مراتي ولا حلاوة مراتي ولا طعامة مراتي هو في نسوان حلوه كدا غيرها اصلا ؟ سلوي بهمس : عجبـاك يعني اهم حاجه.. ادهم بص لأمه وقال بهمس : دا انا دايب في دباديب اللي خلفوها يا سلوي والله واقع في حبها من علي برج خليفه سلوي ضحكت : ربنا يسعدكـم واشوفكـم مبسوطيـن دايمـا يا ادهم يابن بطني ويرضيك كمان وكمان ادهم باس ايدها بحُب : اهو الدعوتين دول عندي بالدنيا واللي فيها رضاكي عليا هو السبب في اللي انا فيه بعد ربنا يا امـي والله نهال طلعت لسلوي وهي مشمره ايدها : ماما انا مبعرفش اشغل الفرن ولا بعرف احمر فيه حاجه وحتت البطه بتاعت ادهم مش متحمره سلوي قامت ووقفت : سبيها هقوم احمرها انا ” وبصت لأدهم ” محدش يعتمد عليها في حاجه خد بالك ادهم شد نهال قعدها جنبه وباس خدها وقال : لاء يا سلوي ملكيش حق تقولي عليها كدا بقا المنجايه دي محدش يعتمد عليها نهال ببتسامه عابثه : قولها يا ادهم قولها كل دا علشان مبعرفش احمر حاجه في الفرن ولا بعرف انضف السمك والرز احيانا بيعجن مني ومره واحده بس حر.قته ادهم ببساطه : بيحقدو عليكي يروحي انا عارق بعدين يما ما هي بتعرف تعمل قهوه مش كتر خيرها بعدين بتدرس وبتذاكر وبتتعب سلوي بصتله بطرف عينها وهي في المطبخ : بتذاكر ااه…الا ما شوفتها مره فاتحه كتاب وقاعده بتذاكر كلمه حتي نهال بصتله : والله يا ادهم بتعب جدا وانا ببرشم علشان الغش دا مجهود برضو سلوي : دلع يا اخويـا دلع كله هيجي علي دماغك في الاخر ادهم بدفاع : وان مكنتش انا ادلعها مين هيدلعها يا سلوي قوليلي نهال همست في ودنه : انت تدلعني هنا وانا ادلعك فوق.. ادهم قرصها في وسطها : اتلمـي يوليه حد يسمعناا بعدين انا مبدلعكيش فوق ولا ايه ؟ سلوي شالت الصنيه وحطتها علي الارض : قـوم كُل يا ادهم ارحم نفسك شويه صحتك هتروووح ” ادهم ضحك وشد نهال قعدها جنبه علي الارض وبدء يأكلها وياكل ، علاقتهم عاجبه سلوي جدا تفاهمهم حبهم حتي هزارهم ” …………………………. ” نوال قاعده في البلكونه علي كرسي وجنبها جوزها علي كرسي وكل واحد في ايده كوباية نسكافيه ” صلاح بتنهيده : اتكلمي يابنتي بدل ام الملل دا نوال بصتله : اتكلم في ايه يا صلاح ما احنا اتكلمنا في كل حاجه اتكلم انت عندك حاجه نتكلم فيها صلاح سكت شويه وبعدين قال بتذكير : اه من فتره كدا جالي واحد الكافيه غريب اوي يابت يا نوال نوال شربت شويه من الكوبايه وقالت بستغراب: غريب ازاي يعني ؟ صلاح : كنت قاعد بتابع الشغل لقيته جيه قعد جنبي فَـ انا استغربت المهم لقيته مكملش دقيقتين وقام وقف زقالي سلملي علي ادهم اخوك اصله صحبي الروح بالروح نوال كلام صلاح قلقها فقالت بفضول : طب واشمعنا قالك انا صاحب ادهم ما كان قعد عادي ومشي مش فاهمه وقام بسرعه ليه يعني ؟ صلاح بحيره : مش عارف بس الواد دا شكله كدا من المنصوره مش من هنـا نوال قلبها وقع في رجليها وقالت بخـوف : من المنصوره وصاحب ادهم ؟ وكان عايز ايه مقالكش ؟ صلاح بلا مبالاه : ولا قال كلمه الموقف دا من فتره كبيره اصلا من وقتها مشفتوش بس استغربت الموقف يعني قولت بدل الملل دا احكيه ” نوال تاهت من كلامه وخوفها اللي كان قرب يختفي رجع من جديد وفضلت تفكر معقول الشخص دا يكون امجد ” صلاح بص علي حالتها : مالـك وشـك اصفر كدا ليه ؟ نوال بصتله بتوهان : كويسـه متقلقش بس عايزه اطلب منك طلب عايزاك تحض.ني جامد ” صلاح اتفاجئ من طلبها ومن غير مقدما.ت حض.نها بحنـان ، نوال لفت ايدها حوالين صلاح وحض.نته بخـوف واضـح ” صلاح ضمها وقال بحيره : لو اعرف فيكي ايه بس يا نوال طمني قلبي مره واحده وقوليلي مالك نوال حض.نته اكتر : كويسـه متقلقش عليا بس خليني في حض.نك …………………………. ” نهال سابت جوزها قاعد مع ابوه وشيخ المسجد اللي جنبهم وطلعت شقتها ، دخلت اوضة النوم فتحت الدولاب وبدأت ترتب هدوم جوزها واكتشفت انه جايب برفانات كتير ” نهال بصت لشنطه اللي فيها البرفان بحيره : ايه البرفان دا كله هو ناوي يفتح محل ولا ايه احطهم فين دلوقتي ” وفضلت تحط في الادراج والدولاب والتسريحه لحد ما العلب خلصت ” نهال بخب.ث : كدا روقنا الشقة والكركبه اتفضت نفوق لنفسناا بقاا ” فتحت الدولاب وفضلت تشوف تلبس ايه لحد ما استقرت علي قميص بيتي احمر طويل بحملات بتتربط من الكتف وحطت برفانات وميكب هادي مع روج احمر داكن ” نهال بصت علي شكلها في المرايا ببتسامه : ناقص ايه تاني ؟ ادهم من وراها بإعجاب : ناقص بصمـاتـي… “” انتظرو القادم “” ٥٢__٥٤ اخيره الفصل الثاني والخمسون 52 ” نهال اتفاجأت بِـ ادهم اللي واقف وراها بيبصلها من فوق لتحت بإعجاب صريح في عينه ” ادهم قرب منها ورجع شعرها لورا وباس خدها : انتي السِـت الوحيده اللي قـادره تكركبني بنظره من عنيهـا نهال ابتسمت وحاوطت رقابته وقربت بوشها تشم ريحته : بحبك لدرجة ان بقرف من كل الروايح الا راحتك مجنناني يا ادهم ادهم شالها وهو بيب.وس شفايفها بخفه : بتحبي ترغي كتير انتي مش عارف ليه.. ” بعـد وقت طويـل نهال نايمه في حض.ن ادهم ساكتين لكن هما الاتنين صاحين قطع الصمت سؤال نهال اللي خلي ادهم يغمض عينه بغيظ ” ادهم بفضول : ادهم انت ممكن في يوم تقولي انا عايز اتجوز عليكي وانا الشرع محللي اربعه انتي مين علشان تمنعيني لو مش عاجبك اطلقك ؟ ادهم بغيظ : عملتي سينا.ريوو تحفه في دماغك في الربع ساعه اللي سكتنا فيهم…كملي يفنانه بعدين اطلقك وابننا يتشرد حابب اسمع الباقي نهال اتعدلت في حض.نه وبصتله : لاء رد بجد انت ممكن تتجوز عليا ؟ ادهم بدهشه : اتجوز عليكي ايه يابنتي انتي بتجيبي الافكار دي منين بطلي هبل نهال بفضول : طيب ليه متتجوزش عليا مثلا ؟ ادهم اتنهد : يمكن علشان بحبك ومش عارف اشوف غيرك يمكن علشان مكتفي بيكي يمكن علشان مش هقدر المس واحده زيك اكتر من سبب يا نهال يمنعني نهال ابتسمت ونامت في حض.نه تاني : تـم ارضـاء حاسـة السمـع يا زوجـي العزيـز ” ادهم اصبح فاهم طبع نهال بطريقه هو مستغربها فاهم هي عايزه تسمع ايه فاهم ان اسألتها بتكون فضول مش اكتر وبتكون عايزه رد معين يطمنها وبس ” نهال : طب ادهم.. ادهم قطع كلامها بإنه باسها من شفايفها وضمها وفرد الغطا عليهم : اب.وس ايدك كفايه اسألـه غريبه عايز انام شويه نهال ابتسمت بغيظ : كنت هقولك غطيني علشان انام علي فكره.. ادهم غمض عينه وقال بمهاوده : عارف يروحي عارف ” نهال فضلت تبصله كتير وهو مغمض عينه وفضلت تلعب في دقنه وفجأه شدت شعرايه منها ، ادهم فتح عينه وبصلها بدهشه ” نهال بصت في عيونه : ايـه..شعرايـه بيضـه كنت بشيلها ادهم : طـب هنـام ولا ايـه النهارده ؟ نهال غمضت عيونها : نـمت اهـووو.. ……………………. ” نوال شالت سجادة الصلاه من علي الارض بعد ما خلصت صلاه ، وقعلت اسدالها وراحت قعدت جنب صلاح اللي نايم علي الكنبه وفي حض.نه غزل ” نوال بصت علي رجله الممدوده : لِـم رجلك علشان اقعد ” صلاح لَم رجله وكمل شغل علي تلفونه لكن متابع شرود نوال اللي حسه بقا جزء من شخصيتها ، نوال دايما ساكته دايما شارده دايما ناسيه وكل دا مجننه ” نوال بصت علي صلاح وقالت : هات غزل ادخلها تنام جوا بدل ما هي نايمه علي ثدؤك كدا هتهبطك صلاح برفض : لاء سبيها انا مرتاح وهي كدا لو عايزه تنامي انتي ادخلي نامي نوال استغربت طريقته : ادخل انام انا ؟ مش جايلي نوم دلوقتي عايزه اقعد معاك شويه صلاح بتريقه : ايوا ما انتي قاعده معايا فعلا لكن انتي ابعد كل البعد عني يا نوال نوال مسحت وشها بإيدها واتنهدت بضيق : صلاح ارجوك انا اللي فيا مكفيني اقسم بالله بلاش تنقيع بالكلام لو سمحت صلاح بصدمه : تنقيع بالكلام..انا بنقعك بالكلام اناااا ” صلاح معرفش يقول ايه فَـ قام شال بنته ودخل اوضتها بصمت ” نوال لمعت الدموع في عيونها : غبيـه بتضيعي كل حاجه من ايـدك بمزاجك ” واتنهدت ودخلت الاوضه عند بنتها ” صلاح سمع خطواتها فقال وهو نايم جنب بينته : لو جايا تتكلمي انا فعلا مش هتكلم فَـ لو سمحتي اخرجي برا نوال بأسف : حقك عليا انا عارفه ان غبيه وكلامي غريب ومتخلف صلاح بصلها شويه ورجع نام علي المخده تاني وقال : مش كلامك بس اللي غريب تصرفاتك بقت اغـرب نوال قعدت علي طرف السرير وقالت : فعلا انا اسفه حقك عليا بس انا نفسيتي مش احسن حاجه الفتره دي ف مش عارفه انا بقول ايه ولا بعمل ايه صلاح قام قعد قدامها ومسك ايدها : نفسيتك تعبانه من ايه في ايه حصل مخلي نفسيتك وحشه وانا معرفوش يا نوال مخبيه عني ايه ريحيني انا تعبت نوال دموعها نزلت علي حالهم : مش عارفه يا صلاح حسه ان روحي بتتسحب مني حاسه ان عامله ذنب مش عارفه ابقي كويسه ولا هبقي طول ما انا حاسه بالذنب والخيانه صلاح بستغراب : خيـانه…خيـانة ايه مش فاهم وذنب ايه اللي انتي حاسه بيه اتكلمـي.. نوال بصتله بوجع وقالت : ليه لحد دلوقتي مسألتنيش انتي كنتي فين يا نوال لما مشيتي من هنا رغم انك عارف ان مكنتش عند اهلي صلاح بتبرير : قولت اللي فات ما.ت وهبدء صفحه جديده من كله ولا يهمني حاجه من اللي فات نوال بخنقه : حتي لو قولتلك ان كُنت قاعده في شقة راجل صلاح حس انه متصنم قدام كلامها : قـ قـاعده في شقة راجل ازاي مش فاهم ” نوال بصتله وحست انها لازم تقول الحقيقه مهما كلفها الامر لازم ترتاح من تفكيرها واللي يحصل يحصل وبدأت تحكي كل حاجه من اول ما مشيت لحد ما رجعت البيت ” …………………………. ” سلوي قاعده في الشارع هي ولمياء وام محسن واحده من الجيران ، عاده عندهم بعد العصر ينزلو يقعدو في الطراوه جنب مروة المايه والارض ” ام محسن عماله تقلب في الفون اللي لسه بدأه تتعلم عليه : يووه المحمول دا ضلم ليه كدا ؟ لمياء بضحك : يخيبك يوليه انتي مسكتي محمول بالمس ام محسن : ايوا كان محمول صفاء القديم والمحروس خطيبها جبلها واحد جديد وانا اخدت دا ليا بتعلم عليه لسه سلوي : والمايل حاله خطيبها دا جبلها المحمول والدبله والخاتم وقطم علي كدا خلاص ؟ ام محسن بلوية بوز : والنبي يا اختي ما دخل عليها علبه حلاوه حتي لا جاب شبكه عليها القيمه ولا فرح البت بحاجه والمايله بنتي تقولي بحبه يماا الفلوس مش كل حاجه يمااا لمياء : بكرا نقعد جنب الحيطه ونسمع الظيطه بتحبه علي ايه يا اختي دا لا منظر ولا مال ولا حاجه في الدنياا سلوي : وحياتك يارب هيأكلها التراب وبكرا تشوفي الواد عارف انها بتحبه وراضيه بأي حاجه ف داس بقاا واستهتر لمياء وهي بتعد علي صوابعها : دا ولا قال اخدها اجبلها فستان للخطوبه ولا جزمه ولا مكياج ولا حاجه في الدنيا احنا اللي جايبين كل حاجه لما انا بعيد عنك باكل في نفسي سلوي : مرميه علي ايه المتخلفه دا جالها جدعان العزبه كلها ورفضت والاخر صفاء ملكة الجمال تروح للواد دهووو دا انا بحكي لأدهم ليلة امبارح كان هاين عليه يرن علي محسن يقوله فضك من الجوازه دي ام محسن بهم : محسن غُلب فيها كلام يا صفاء بعيد عننا يما ومنعرفهوش سيبك من الناس اللي من علي المخروب النت دول تقوله يا هو يا بلاش انا غيزاه وبحبه لمياء : يحر.ق النت وسنين النت واللي عمله دا خراب بيوت يولاد يلا كل واحد بياخد نصيبه …………………………….. ” ادهم جاله تلفون شغل فقام من جنب مراته يرد في الصالون واتأخر نص ساعه ورجع تاني نام مكانه ، نهال اتقلبت في السرير بقلق ففتحت عينها كان ادهم بيتغطي ” نهال بنوم : انت كُنت فين يا ادهم ادهم شدها لحض.نه ونام : كان معايا مكالمة شغل مردتش اتكلم هنا علشان متصحيش ” وضمها اكتر ” انتي دافيه كدا ليه نهال ضميته اوي ببتسامه : انت اللي بردان قوم البس تيشيرت ادهم بكسل : انا فعلا بردان بس مش قادر اقوم اجيب تيشيرت البسه نهال ببتسامه : بص حواليك هتلاقي اي حاجه علي الارض تيجي قدامك البسها ادهم بص حواليه فعلا كان الفستان بتاع نهال اقرب حاجه ليه فَـ بصلها بستنكار : فستانك اقرب حاجه لإيدي.. نهتل بضحك : هاتـه بقا البسه علشان انا فعلا حسه ببرد برضو وانت قوم هاتلك تيشيرت من الدولاب ” ادهم مد ايده بكسل جاب فستانها وهي لبسته ونام مكانه ” نهال : طب ايه مش هتقوم تجيب تيشيرت ؟ ادهم وهو دافن وشه في المخده : تعملي في جوزك الغلبان دا معروف وتقومي تجبيله حاجه يلبسها ينوبك ثواب فيه نهال بدلع : والله يا دومي يعني لو النهارده بليل خرجتني خروجه رومانسيه كدا علي ذوقك هقوم اتشقلبلك هنا لو عايز ادهم رفع راسه وبصلها : خروجه ورومانسيه في جمله واحده ؟ نهال هزت راسها : يعني بمناسبة ان لسه يوم وادخل في التامن وابقي علي وشك الولاده وكدا ادهم باس خدها : انا عيوني لطلبات حبيبة قلبي هخرجك بليل..قومي بقا هاتيلي تيشيرت عبشان عايز انام نهال قامت وقالت بضيق : تنام تنام والله لو انت الحامل مش هتنام كل دا ادهم بنوم : طب اتلمـي بدل ما اقـوم اكسـر دماغك الحلـوه دي ” ولاقي التيشيرت محدوف في وشه قام لبسه ” دا ذوق يا محترمه نهال هزت راسها بموافقه : اه ذوق عندك مانع ؟ ادهم بصلها برفع حاجب : انتي واخده في وشك كدا ورايحه علي فين ! نهال وهي بتعد علي صوابعها : هاخد شاور وهغسل شعري بالشامبو الجديد وهلبس بجامه جديده واحط توكه اللي شكل الفرلشه وارش بادي سبلاش والبس شراب وهعمل كوباية نسكافيه واستجـم ادهم ببتسامه : شوفتي الميكب اللي جبتهولك ولا لسه؟ نهال : لسه مشوفتش حاجه بس دلوقتي هشوف كل حاجه واصحي بقاا بالله علشان تقعد معايا ” ودخلت علي الحمام تاخد شاور وادهم اخد علبة السجاير يشرب منها سيجاره ” ……………………… ” صلاح مداش اي ردة فعل غير انه سابها وخرج البلكونه بصمت ، صمته دا جنن نوال اكتر مش عارفه سكوته دا وراه ايه ” نوال خرجتله البلكونه وقالت : بتردد صلاح انت مردتش علي كلامي ليه…لو عايزني امشي من هنا حقك همشي بس ارجوك رد اتكلم قول اي حاجه “” انتظرو القادم “” الفصل الثالث والخمسون 53 صلاح رمي السجاره اللي ايده علي الارض وداس عليها وبصلها شويه وبعدين قال بحيره : مش عارف اخد ردة فعل اديني مساحتي افكر فيها وارد عليكي نوال بصتله بتركيز : تمام هديك مساحه تقرر مع نفسك بس قولي ايه جواك دلوقتي ؟ صلاح ببساطه : ولا حاجه جوايا شعور العـدم..تعرفيه ؟ ” نوال هزت راسها بـرفض ” صلاح اتنهد وقال : يعني مش حاسس بأي حاجه حطي نفسك مكاني كدا قعدت شهر كامل في شقة واحده وانتي شبهه التايهه بدوري هنا وبتسألي هنا ايه اول شعور هيجي في بالك ؟ نوال مسكت ايده وصلاح ثابت مكانه مداش اي ردة فعل : ارجوك بلاش تحسبها كدا انا عارفه ان غلط لكن والله العظيم يا صلاح انا ما خونتك حتي بتفكيري لكن قعدت في شقته علشان مكنش عندي مكان اروحله انا وبنتي كنت مخذوله من الكل واولهم انـت.. صلاح ابتسم بهدوء عكس الحب اللي دايره جواه : شوفتـي اول شعور جيه في بالك الخيـانه ازاي نوال سكتت لكن حست انها دخلت نقاش هي خسرانه فيه فقالت بتعب واضح علي ملامحها وصوتها : نـاوي علي ايه يا صلاح معـايا ؟ صلاح بصلها بستغراب : مش فاهم ناوي علي ايه في ايـه وضحـي نوال بندفاع : ناوي تطلقني يعني اقصد كـداا صلاح بذهول : اطلقـك ! ” ومسح وشه وقال بهدوء ” لاء يا ام غـزل مش ناوي اطلقك الا لو انتي عايزه كدا نوال بغبـاء : عايزه كدا اللي هو عايزه ايه ؟ صلاح بصلها شويه بغيظ ورد : الا لو انتي عيزاني اطلقك اكيد مش هجبرك عليا نوال برفض : لاء طبعا انا مش عايزه اطلق بس عايزه افهم دماغك مودياك لِـ فين صلاح : ولا مودياني ولا جيباني بس محتاج وقت ارتب افكاري بدل كركبة دماغي دي ممكن ؟ نوال هزت راسها بموافقه : اكيـد خد وقتـك ” صلاح فونه رن وكان اتصال من الكافيه فرد وسابها ونزل غلي تحت وهو بيتكلم في الفون ، نوال اتنهدت بقوه ونوعا ما ارتاحت انها قالت كل اللي جواها ” ……………………….. ” الساعه ٩ بليل ونهال وادهم غرقانين في النوم مش حاسين بالوقت اللي فات ، نهال حسه بغـز في بطنها لكن كانت بتقاوم لحد ما الغـز اتقلب لضر.بات جامده متحملتهاش فَـ قامت بسرعه ” نهال بوجع واضح علي ملامح وشها : يا ادهـم الحقنـي ” وفضلت تهز في ادهم جامد ” ادهم فاق وبصلها وركز في ملامح وشها وايدها اللي علي بطنها : مالـك في ايـه ؟ نهال حست انها من شدة الوجع مش قادره تتكلم : روحي بتتسحـب مني يا ادهم مش قادره شكلـي بولـد.. ” الجمله اترددت في دماغ ادهم وحس نفسه غبي مش فاهم المفروض يعمل ايه ولا يتصرف ازاي قام من علي السرير وشال البطانيه من عليها ” ادهم بتوهان : قوليلي اعمل ايه يا نهال مش عارف ” وراح جبلها اسدال ولبسه ليها ونزلها من علي السرير ” هنروح المستشفي يلااا نهال صرخت اول ما رجليها لمست الارض : مش قادره اقف علي رجلي حسه ان هولد هنا يا ادهم اتصرف بسرعه انا مش عايزه اولد طبيعي ” وعيطت جامد ” ” ادهم بدون تردد شالها ونزل بيها علي تحت وصوت نهال اللي بتتوجع خلي الكل راح عليها ” سلوي بخضه : استرهاا يارب شايلها كدا لييه يا ادهم مراتك مالها ادهم شاور لسالم اللي واقف مش فاهم حاجه : شغل العربيه بسرعه يباا هنروح المستشفي شكلها ولاده مبكره ” سالم شغل العربيه وسلوي جنبه وادهم قعد بمراته ورا حاضنها بقلق عليها وراحو علي المستشفي ” نوال واقفه في البرنده تحت : ربنا يسترها ويقومها بالسلامه يارب ” ورنت علي صلاح اكتر من مره لكن كنسل فَـ بعتتله رساله ” نهال بتولد وكلهم راحو المستشفي الافضل تكون معاهم.. غزل واقفه جنبها علي السور : ماما هي طنط نهال هتجيب النونو النهارده ؟ نوال هزت راسها : قولي ربنا يقومها بالسلامه هي والنونو ويرجعو البيت سالمين غزل بستسفار : طيب هي كل اللي بتجيب نونو بتعيط كدا ليه ؟ نوال بهدوء : علشان النونو بيمون عايز يخرج من بطنها فَـ هي بتتوجع جامد غزل بدهشه : يعني ايه يخرج من بطنها يعني ازاي ؟ نوال ببتسامه لفضول بنتها : الدكتور بيفتح بطنها بالمشرط وبيخرج النونو بعدين بيخيط بطنها غزل برقت عيونها : يلهوي كل الماما.ت بيحصل فيهم كدا ؟ نوال : ايوا انا لما جيت اولدك الدكتور فتح بطني وخرجك وفضلت اعيط كتير من الوجع لكن اول ما شوفتك ومسكت ايدك كانت صغيره جداا وكلك صغيره جداا حسيت ان كل الوجع دا يهون عادي ” غزل رفضت تصدق كلام امها يعني ازاي حد يفتح بطنك وهي لما تشوف البيبي الوجع كله يهون ، ولكن هذه يا سـاده غريـزة الام ” ……………………………. ” ادهم شال مراته ودخل بسرعه علي الطوارئ ، اول ما الممرضين شافو حالتها جابو كرسي واخدوها منه ” ادهم بقلق : انتو واخدينها علي فين ؟ الممرضه بستغراب : حالـه ولاده يعني هناخودها فين غير اوضـة العمليـات يا استـاذ ادهم بص علي مراته اللي ماسكه في ايده بخوف وبص للمرضه : هي النهارده اول يوم ليها في الشهـر التامن الممرضه ببساطه : متقلقش في حالات بتولد في السابع كمان والجنين بيكون كويس هنجهزها للعمليات علي ما الدكتوره تحضر بس نهال بتعيط جامد ومش راضيه تسيب ايد ادهم رغم ان حما.تها واقفه جنبها بتمسح في وشها : ادهم مش عايزه اولـد طبيعي همـوت والله مش هقدر صدقنـي ادهم نزل لمستواها وباس راسها : حبيبـة عمـري والله ما هتحسي بحاجه ربع ساعه وهتخرجي وانا معاكي اهو مش هسيبك سلوي : استهدي بالله كدا ومتخافيش يا نهال يلاا يما ربنا ينتعك بالسلامه ” الممرضه اخدتها لأوضة العمليات تجهزها وادهم وقف برا علي احـر من الجمـر يستناها ، شويه والدكتوره ريهام وصلت ودخلت علي الاوضه علطول ، وبدأت اسوء فتره وهي الانتظار ” سلوي راحت وقفت جنب ابنها : انت عرفت حما.تك ان بنتها بتولـد ؟ ادهم بص لأمه بضيق : وانا هعرف حما.تي امتي انا لسه مستوعبتش اصلا ان انا واقف في المستشفي وهي جوا بتولد دا انا صاحي مغسلتش وشي سلوي : خلاص هتصـل عليها اعرفها انا وانت روح هات هدوم لمراتك وهدوم لإبنك ومتتأخرش ادهم خبط ايده في دماغه بخفه : انا ناسـي الهدوم والفلـوس وكلـه ” وقام وقف اخد مفتاحه من ابوه ” مسافـة الطريق مش هتأخر ” وطلـع جري علي البلد يجيـب حجـات مراته ، وامـه كلمت حما.تـه اللي في اقل من ١٠ دقايق كانت في المستشفي هي وزينب ” نجوي بقلق وهي بتعدل طرحتها : مش البت في التامن لسه يا ام ادهم ازاي بتولد من الوقتي دا لسه شهـر كامل سلوي : والله يا ام نهال احنا كنا داخلين ننام لقينا ادهم شايلها وهي بترقع بصوت مالها يابني قال بتولد بس الدكتوره بتقول في حالات كدا عادي زينب بتأكيد : اه فعلا في حالات كدا بتبقي ولاده مبكـره ربنا يقومها بالسلامه سلوي بخوف : ايـاك ميقولوش العيل يدخل الحضانه بس..امال ادهم فين مش شيفاه سلوي : جابها يعيني وجيه علي ونسـي الفلوس والهدوم وكله راح البلد يجيبهم وزمانه جاي في الطريق ” ساعه كامله ونهال جوا العمليات وهما برا هيمو.تو من القلق ، وصل ادهم وجيه معاه شنطه كبيره في كل طلبات مراته وابنه وجاي بينهج ” ادهم بدهشه : لسه مطلعتـش ؟ سلوي اخدت منه الشنطه : لسه محدش طلع خالص اقعد ارتاح ان شاء الله ربنا هيقومها بالسلامه نجوي بصتله بستفسار : ايه حصـل يا ادهم خلاها تولـد دلوقتي ادهم مفهمش سؤالها لكن قال : نصيـبها تولد دلوقتي ” وراح وقف قدام اوضة العمليات مباشر ” ” بعد ١٠ دقايق خرجت الممرضه من الاوضه واللهفه علي وشوش الكل ” الممرضه : لبس البيبي فين ؟ ادهم ناولها الشنطه لكن سأل بلهفه : مراتي عاملـه ايـه ؟ الممرضه ببتسامه : مراتك وابنك زي العسل وبالف خير دقيقتين وهيطلعو مع بعض ” واخدت الشنكه ودخلت علي جوا ” سالم حض.ن ابنه ببتسامه : مبارك يابن قلبي يتربي في عـزك وخيرك وعقبال الباقي ادهم ببتسامه : ربنا يباركلنا في صحتك يباا تسع شهور واستني المولود الجديد ياحـج راشد دخل واحمد سانده وهو بيقول بهزار : شبـل بن اسـد بصحيـح مبـارك يتربي في عـزك يا غالي ادهم بصله ببتسامه وسلم عليه وعلي احمد : الله يبارك فيك يا حـج ” وسنده علشان يقعد ، وفعلا دثايق والممرضه طلعت وشايله البيبي في ايدها لكنه بيعيط ” الممرضه بهزار : الباشـا شكله شقي وهيطلع عينكم ادهم اخده من ايدها ببتسامه : طالـع الدنياا زعلان ليه بس فهمني يعـم عيسـي ” وبدء يأذن في ودنه بصوت هـادي ” سلوس شالته منه ببتسامه : يا حلاوتك ويجمالك شرف الغالي بن الغالي ونور الدنيا كلها ” ادهم فضل واقف قدام الاوضه مستني مراته تطلع ودقايق كانت طلعت علي سرير كانت فايقه لكن مرهقه جدا ، اخدوها علي اوضه عاديه وادهم وراها ” نهال بصت لأدهم بإرهاق وتعب : عطشـانه عايزه اشـرب ادهم هز راسه بسرعه وطلع جاب ازازة مايه ودخل عندها ونزل لمستواها وباس راسها بحنان : هتعرفي تقعدي اشربك ؟ نهال هزت راسها برفض : لاء مش قادره شربني وانا نايمه علشان ريقي ناشف ” ادهم بمساعدة نجوي عرف يشربها وقعد جنبها علي طرف السرير وفضل يب.وس في راسها وهي مغمضه عيونها ” نهال بهمس : عيسيـي شكل مين يا ادهم ؟ ادهم ببتسامه وهمس : لحد دلوقتي مش شايفله شبـهه بس لِـمض لأمه طالع من اوضة العمليات بيعيط نهال ببتسامه مرهقه : هاتـه عايزه اشوفه.. ادهم اخده من امه وخلي نهال تب.وس دماغه فَـ عيسي قلق وعيـط : حلاوتك انت هتطلع انـف ؟ نهال بحيره : بيعيط ليه يكون جعان ؟ نحوي وهي بتحسس علي شعرها : هنحاول نقعدك لو نص قاعده حتي وحاولي ترضعيه يمكن جعان فعلا ” نهال وافقتها وادهم بدأ يحاول يقعدها وهي بتتألم لكن سندوها ” نهال بوجع : ادهم مش مرتاحه كدا شيل المخدات اللي ورايا دي كلها ادهم شال المخدات وسألها : طب كدا مرتـاحه ؟ نهال برفض : لاء مش مرتاحه برضـو ادهم طلع قعد وراها وخلاها تسند ضهرها علي صـ,,ـدره : ريحي نفسك علي صـ,,ـدري خالص ” واخد عيسي من امه ونهال شالته علي صـ,,ـدرها وبدأت ترضعه لكن رافض ” نهال بصتلهم بحيره : مالـو بقـاا رافض يرضع ليـه ؟ سلوي : حاولي تاني بس كدا يمكن منزلكيش لبن لسه ” وفضلو يحاولو معاه لحد ما بدء يرضع شويه ويعيط شويه ” نهال رجعت راسها علي صـ,,ـدر ادهم : هطلع من هنا امتي مبحبش ريحة المستشفيات ومش مرتاحه ادهم : الساعه داخله علي واحده دلوقتي اهي نطمن بس من الدكتوره ان كله تمام ونمشي علطول ” شويه والدكتوره دخلت وقالت ان نهال تفضل لصبح اضمنلها ، ادهم اصر علي الكل يمشي وهو اللي هيفضل مع مراته ، وفعلا الكل مشي وفضل ادهم ونهال وعيسي ” ادهم شايله ورايح جاي بيه في الاوضه : انا عايز افهم داا صاحي ليه ؟ نهال وهي بتاكل تفاحه بتعب : مش عايز تخلف قـابل بقـا يحبيبي ادهم بصلها بطرف عينه : ما انا لسه هخلف بإذن الله شدي حيلك معايا كدا نهال شمت ايدها بقرف : انا حسه ان ريحتي بنج علي ديتول يا ادهم ريحتي مستشفي وانا قرفانه ادهم راح عندها وباس دماغها : حقك عليا يقلب ادهم النهار يطلع بس ونمشي من هنا وهديكي انضف دش يروقك نهال بصتله يإرهاق : بطني خست ولا لسه تحسني بكـرش ؟ ادهم ضحك بخفه وقال : هو انتي كان باين عليكي بطن قبل كدا اصلا دا اللي يشوفك مكنش يصدق انك حامل نهال ابتسمت ومسكت ايده وشافت ساعه تاتش سودا في ايده : اللـه الساعه دي جبتها امتي ؟ ادهم ببتسامه : معايا بقالها شويه اشمعنا ؟ نهال بصتله : طب اقلـع.. ادهم بعدم فهم : اقلـع..اقلـع ايـه ؟ نهال وهي بتفكها من ايده : الساعه هلبسها انا علشان انا كنت عايزه واحده زيها بس نسست اقولك عليها ” وحطيتها علي ايدها ” لبسهالي بقا علي الكانولا في ايدي مش هعرف ادهم ابتسم لأنها كبيره اوي في ايدها لكن لبسهالها : جميلـه يروحـي نهال بصت علي الساعه بإعجاب : شاطر يا ادهم انك جبتها ادهم بضحك : شاطـر..؟ ” نهال بتحاول تنسي وجعها بالكلام ، وادهم عارف كدا كويس فَـ فضل يلاغيها وهو شايل ابنـه ” “” انتظرو القادم “” الفصل الرابع والخمسون 54 ” النهار طلع علي ادهم ونهال اللي مناموش ولا لحظه بسبب ابنهم الزنـان زياده عن اللـزوم ، ادهم رايح جاي في الاوضه وهو شايل ابنـه ونهال نايمه علي السرير بتعب ” نهال بصوت مرهق : ادهم هنروح امتي انا تعبت من السرير ومن ريحة المستشفي ومن كل حاجه عايزه اروح.. ادهم بصلها وقال بصبر : الدكتوره بس تيجي تطمني عليكم وهنمشي يا نهال اللي خلاكي صبرتي الليل كله تصبري ساعه كمان نهال اتنهدت بتعب : مش قادره اصبر اكتر من كدا عايزه اروح انام في سريري بدل ما الز.نان مخلنيش انام دقيقه واحده من الليل ادهم باس جبين ابنـه براحه : هي تربية العيل بالساهل يَـ نهال امال بيقولو الضنـي غالي ليه علشان اتربـي بطلوع الروح نهال غمضت عيونها : مش قادره اقاوم النوم ولو نمت مش هصحي غير المغرب والجدع يصحيني بقاا ادهم بهدوء : نامي شويه وان حكمت اشيلك اركبك العربيه وانتي نايمه هعملها بس ارتاحي انتي شويه ” بعد ساعه كانت الدكتوره دخلت علي نهال وطمنت ادهم عليهم وكتبتلهم علي خروج ، ادهم مصدق ابنه نام وراح جنب مراته يصحيها بحنان ” نهال بنوم وتعب : تعبـانه.. مش هقوم متحاولش روح انت وتعالي خُدني المغرب ” وغرقت في النوم من تاني ” ادهم ابتسم عليها وبصلها : طب والعمل معاكي ياست نوله ” ابوه وصلاح خبطو وادهم سمح بدخول ودخلو ” سالم بحذر وهمس : صحيناكم ولا ايه ؟ ادهم بهدوء والارهاق واضح عليه : جيتولي من السماا والله حد فيكم يشيل عيسي وانا هشيل نهال لانها تقريبا هي في غيبوبه بسبب قلة النوم صلاح شال عيسي بهدوء : يالله حاسس ان شايف كوكتيل ادهم علي نهال ” وبصلهم ” يلا هاخده وانت هات مراتك وابوك يجيب الشنط وحجاتكم ” وفعلا ادهم شال نهال براحه كانت حاسه بيه بس مش قادره تتوجع حتي ، وسالم اخد حجاتهم وادهم ركبها ورا وركب جنبها وهي في حض.نه وسالم شال عيسي من صلاح علشان يسوق ومشيو علي البيت ” ……………………….. ” في بيت سالم ، نوال وسلوي واقفين بيعملو اكل مع بعض وبيتكلمو لأول مره بهدوء ” سلوي وهي بتحمر لسان العصفور : المهم روحت الفجر فرن العيش اجيب العيش لقيت جوز نسوان بيطحنو في بعض رجعت تاني نوال ضحكت : والله العظيم فرن العيش دا مسخره ، عاملين طابور لرجاله وطابور لستات الرجاله بتسيب طابورها ويجيو يقفو في طابور الستات سلوي بغرور : انا بروح مبقفش في طوابير بروح ادخل اضر.ب البطاقه واجيب العيش بتاعي واجي والجدع يتكلم وانا اقطع وشه بالشبشب نوال ضحكت بعدين قالت : بحس ان ام نهال وليه مش سهله مش عارفه ليه…رغم انها كانت طيبه يومين الخطوبه بس تحسيها بعد جوازهم كدا اتغيرت ولا انا بس اللي حسه كدا ؟ سلوي بتنهيده : لاء مش انتي بس اللي حسه كدا انا برضو حاسه الوليه دي مش طبيعيه كدا وكلامها كله تلقيح ومن تحت لتحت كدا نوال بحيره : طب وليه التغير المفاجئ دا يعني ما كانت حلوه و زي العسل ايه اللي غيرها كدا سلوي بصتلها : والله ما انا عارفه ” وبدأت تحط لسان العصفور في الشوربه ” هي حره حلوه وحشه لنفسها المهم اننا بُعاد عنها وخلاص..امال شفشق اللبن راح فين كنت سيباه علي الحوض علشان اغليه ؟ نوال : انا حطيته في التلاجه خوفت يروب لو اتساب برا معرفش انك هتغليه علطول غليت كوبايه لغزل فطرت والباقي في التلاجه سلوي : طب طلعيه اغليه علشان البت الوالده دي تشرب منه ينزلها لبن بدل ماهي بتطلع في الروح كدا غزل دخلت بسرعه وهي بتسقف بسعاده : مامااا بابا جاب النونوو برااا ” سلوي طلعت بسرعه علي برا تستقبلهم بلهفه ، ونوال حطت اللبن علي النا.ر وغسلت ايده وطلعت وهي بتنشف في قميصها بعفويتها المعتاده ، عيونها اتقابلت مع صلاح اللي بِعد نظره عنها بسرعه والحركه دي ..تها ” نهال ادهم شايلها لكنها بتتوجع : اطلع براحـه همـوت من الوجع ادهم طالع بيها وهو شايلها بحنان : استحملي بس كمان سلمتين وهترتاحي خالص يا نُوله ” وفعلا طلع السلالم براحه جدا وهو شايلها ” سلوي وهي بتفتح باب البيت : ادهم دخلها اوضتك اللي تحت ترتاح فيها بدل ما تطلع التالت شايلها وهي مش قادره تستحمل اصلا ” ادهم شالها دخلها علي اوضته ونزلها في السرير براحه جدا وهي رجعت ضهرها لورا بتعب ، وسلوي جابت بطانيه خفيفه فرشتها عليها ” نوال وقفت جنبها وهي شايله عيسي : حمدالله علي سلامتكم يحبيبة قلبي يتربي في عزكم وخيركم يارب غزل وهي بتشد في هدوم امها بِـ زن : عايزه اشيله يا ماما هقعد جنب نهال وحطيه علي رجلي علشان خاطري ” وبصت لأدهم بستعطاف ” قولها يعمـو ادهم ادهم شالها علي رجله وباسها : قلب عمو ادهم وحياته ” وقعده جنبه ” ربعي رجلك كويس ” غزل ربعت رجلها بحماس وادهم اخده من نوال وحطه علي رجلها لكن فضل ماسكه ” نوال بعتراض علي اللي بيحصل : شيله من علي رجلها بقاا دا لحمه حمرا لسه مينفعش البهدله دي ادهم بص لغزل بحنان : اخده يا سـت غزل ولا اسيبه شويه ؟ غزل ببتسامه : خلاص شيلته شويه خُده بقـاا ادهم اخده وبصله : اااه نايم ولا داري بحاجه علشان تسهر علي اللي جـابوني بليل ” وبص لنهال ” ما ترضعيه شويه نهال بصتله بتعب : هو نايم هرضعه ازاي هاته بس جنبي واول ما يعيط هرضعه علطول ” ادهم حطه جنبها من الشمال وقعد هو علي طرف السرير وايده علي كتف نهال اللي سندت راسها علي صـ,,ـدره ، نوال تلقائي اخدت بنتها وخرجت برا بحجة هتساعد حما.تها ” نهال ببتسامه : مين كان يصدق ان انا اتجوز واخلف واعشـق جـوزي كمان لحد دلوقتي مش قادره اصدق ان عندي عيله جميله كدا يا ادهم…ادهـم ” استغرقت عدم رده فَـ رفعت وشها تشوفه كان ساند راسه للحيطه ورجل علي السرير والرجل التانيه تانيها تحته وايده علي كتفها وغمض عينه وغرقان في النوم ، نهال ابتسمت علي شكله المرهق وشدت الغطا عليه تغطيه وسندت راسها علي صـ,,ـدره تشم ريحته اللي بتعش.قها وغمضت عيونها ونامت بعد دقايق ” ……………………………… ” في شقة صلاح ، نوال دخلت الشقه بحذر وقفلت الباب دورت بعيونه عنه عرفت من صوت الدش انه في الحمام ، راحت وقفت قدام باب الحمام علطول وسرحت في الكلام اللي عايزه تقوله ” صلاح بيفتح الباب اتفاجئ بيها في وشه فَـ رجع لورا شويه بتلقائيه : واقفـه كدا ليه مش فاهم ؟ نوال بصت عليه كان لافف فوطه علي وسطه وفوطه في ايده بينشف شعره بيها فَـ قالت بتوتر : ك..كنت جايا اشوفك لو محتاج حاجه عادي يعني.. ” صلاح بصلها شويه وسابها ودخل اوضة النوم من غير ولا كلمه فتح الدولاب وبدء يلبس هدومه بلا مبالاه لوجودها ” نوال دخلت شالت الفوط من علي السرير علقتها علي الشماعه تنشف وبصتله كان بيسرح شعره فَـ قالت بحزن واضح من نبرتها : صـلاح.. صلاح بصلها في المرايا وهو بيسرح : يا نعـم نوال راحت عنده ووقفت وراه وحض.نته بقوه من ضهره : حقـك علـيا يحبيبي انا اسفـه صلاح غمض عينه وجمد مكانه وقال بهدوء : اسفـه علي ايه يا نوال ؟ علي انك كنتي قاعده في شقة راجل غريب شهرين كاملين ؟ ولا اسفه علي حر.قة قلبي اللي اتحر.قتها علي غيابك ؟ هاااا نوال بحزن : اسفه علي كل حاجه…قولي ايه يرضيك وانا اعمله يا صلاح بس تسامحني صلاح اتنهد بقوه ولف وشه ليها وقال بهدوء : انا مسامحك يا نوال مسامحك علشان خاطر غزل نوال برفض : لاء متسامحنيش علشان خاطر حد سامحني علشاني انا علشان انا مراتك وحبيبتك وبس…والله والله ما كان ليا علاقه بيه بس مجرد قاعده عنده كأني مأجره بيت لفتره معينه والله يا صلاح صدقني ” دموعها نزلت ” كل حاجه كانت جايا عليا واولهم انت…مشيت مفكرتش في اي حاجه غير ان لازم ابعد وبس لكن يشهد عليا ربنا ان بصونك في غيابك قبل حضورك يا صلاح صلاح قلبه رق علي عياطها ولمس الصدق في كلامها فَـ قال بهدوء : ممكن تهدي وتبطلي عياط ؟ ” نوال عيطت اكتر بنهيار ف مقدرش يقاوم انه يحض.نها فَـ حض.نها المره دي جامد ، حض.ن لـوم ، عتـاب ، اشتيـاق ، وجـع حض.ن كان يكفي انه يشرح حالتهم الاتنين ” نوال بهمس باكـي : مقدرش اعيش من غير حض.نك مقدرش اكون موجوده معاك وانت مش ضاممني يا صلاح صلاح بهدوء : هشش اهدي انا معاكي اهو مش هسيبك خلاص ” وبدء يمسح دموعها بإيده ” نوال بعدت وكملت مسح عيونها وقالت بنظره حلوه : مسامحنـي ؟ صلاح ابتسم غصب عنه وحض.نها : مسامحك يا مطلعه تلاته ميتين اهلي نوال ضحكت وهي في حض.نه : صلاح انا عايزه بيبي يكون عسول وصغنن شبه عيسي كدا صلاح غمز : فكريني بليل بالموضوع دا نتناقش فيه نوال قامت وبدأت تفك طرحتها وترميها علي الارض : ليه بليل…؟ غزل ملهيه بعيسي تحت وانت وانت وتالتنا الشيـ . ـطان اللي في الشقه ” صلاح اندهش منها ولسه هيرد اتفاجئ بشفايفها علي شفايفه وغابو مع بعض ” ………………………… ” فات اسبوع ادهم حلف انه اصعب اسبوع مر في حياته صعب مراته اللي ديما تعبانه وابنه اللي دايما بيعيط وهو اللي تقريبا شبه مبقاش بينام ” ” صلاح ومراته علاقتهم رجعت احلي واقوي من الاول ، العيله كلها عاشت بسلام وهدوء ” ” الفجر بيأذن في كل مساجد العزبه ” نهال شايله ابنها اللي عمال يزن وبتتمشي في الشقه بيه بتعب ونوم : انت طالع لجدتك يلاا بتصحي قبل ديك الحاره…هااا ادهم قاعد علي السرير فارد جسمه ومربع ايده ودماغه كلها نوم : عيل ٤ كيلو بيربيني من اول وجديد يعالم ” وقال بقهر ” دا انا مش عارف احض.ن امك يلاا الحض.ن اتحرمت منه نهال راحت عنده واديته عيسي : كل اللي همك قلة الادب..ابنك معاك اهو تصبح علي خير مش قادره افتح عيني لو استنيت دقيقه واحده هقع من طولي ادهم شال ابنه اللي زن اول ما حس ان ادهم قاعد ، ادهم بصله بتعب وفضل يهز فيه وقال برجاء : ارحمني بالله ونام ” وقال بتوعد ” عليا النعمه لما تكبر لطلع كل دا عليك بس اتقل علياا نهال نامت علي السرير وقالت بضيق : ابنك سكت اخيرا حضرتك بقا اللي هتزن ادهم بصلها بغيظ وشد المخده من تحت راسها وضر.بها بيها : اتخمـدي يا بلوة عمـري نهال اتوجعت بضحك ودورت وشها ليه وبصتله بحرمان : عايزه انام في حض.نك بس الاستاذ عيسي واخده لواحده ماشاء الله ادهم ابتسم وشدها : تعالي نامي علي كتفي ” وفعلا نهال نامت علي كتفه وهو لف دراعه حوالين وسطها وباس راسها ” قوليلي بتتمني ايه دلوقتي ؟ نهال اتنهدت وقالت بصدق : تفضل طول العمر جنبي ونفضل طول العمر نحب بعض وحبنا يزيد ميقلش..وانت ؟ ادهم بعش.ق : رغم التعب وقلة النوم والبهدله اللي سببها الاستاذ عيسي بس اتمني اخلف منك عشيـره كامله انتي امهم ويخدو ملامحك كلها ريحتك فيهم نهال ضحكت بخفه وافتكرت كل مره رفضت ادهم فيها وهو كان قابلها برضو كل مره ج ٣٧__٤٥ الفصل السابع والثلاثون 37 ” نهال واقفه ماسكه غزل ورا ضهرها وبتحاول تبعد نوال اللي ماسكه شبشب ومصممه تضر.ب غزل ” ادهم طلع يشوف في اي وليه صوتها عالي شاف نوال وهي بتحاول تشد غزل من ورا مراته شد غزل وراه وقال بعدم فهم: في ايه يابنتي عايزه تضر.بي البت ليه؟ نوال بغضــ,,ـب وهي بتبص لغزل: تعبت من كتر ما بقولها متجيش جنب طرابيزة الشاشه ومفيش فايده فيها راحت اتعلقت فيها كس.رت الشاشه ميت حته غزل وهي بتعيط: مكنش قصدي اوقعها كنت بجيب الريمو.ت علشان اجيب الكرتون التاني ادهم اتعصب وقال: ما تولع الشاشه اخدت الشر وراحت ايه هتعلقيلها المشنقه ” وبص لمراته ” خدي غزل واطلعي هتكلم مع نوال شويه ” نهال استغربت وقالت بفضول : هتتكلم معاها في ايه اتكلم وانا واقفه ادهم بص لنهال برفع حاجب وقال بهدء: انتي سمعتيني كويس صح؟ ” نهال هزت راسها بموافقه وهي غيرانه من واقفته مع نوال ومضايقه من طريقته معاها قدام نوال برضو ” ادهم بصلها تطلع لكن فضلت واقفه فزعق: انجزي نفسك واطلعي يلااا ” نهال طلعت وهي حرفيا بتولع من الغضــ,,ـب ورزعت باب الشقه وراها، وفضلت قريبه من الباب علشان تسمع كلامهم ” سالم بص علي شكلها باستغراب: مالك يا نهال يابنتي واقفه كدا ليه؟ نهال بعدت عن الباب بإحراج وخضه: لاء ابدا يا بابا دا انا كنت.. ” معرفتش تقول ايه هي واضح انها واقفه جنب الباب تسمع ” بصراحه يا بابا ادهم واقف يتكلم مع نوال بس مرداش يتكلم قدامي سالم ببتسامه: وانتي غيرانه عليه منها ولا زعلانه انه متتكلمش قدامك؟ نهال سكتت شويه وقالت بإحراج: بصراحه غيرت لما لقيته عايز يتكلم معاها لوحده وقالي اطلعي فوق ” وقالت بتذمر ” يعني ليه ميكلمهاش قدامي يعني سالم ضحكه خفيفه راح قعد في الصالون وقال : تعرفي يا نهال ان ادهم لحد اليوم اللي كان جاي يتقدم فيه وهو كان رافض الجواز نهال استغربت كلامه وراحت قعدت جنبه: ازاي رافض الجواز وهو جاي يتقدم؟ سالم اتنهد ببتسامه وقال: وهو مسافر امه كل يوم ترن عليه وتقوله علي عروسه ادهم طول عمره بيرضي الكل الله يرضيه المهم يقول لأمه لما انزل بس ربنا يسهل طب نبعتلك صورة العروسه تشوفها يقولك لاء لما انزل لحد ما احنا زهقنا قولنا هو حر لحد ما جينا عندكم وشوفناكي يا ست نهال نهال ابتسمت لكلامه: طب انت تعرف ان ادهم مكنش متقدم ليا انا من البدايه سالم اتفاجئ باستغراب: ازاي يعني؟ احنا كنا جاين لعروسه من احفاد جدك راشد نهال ببتسامه: لعروسه من احفاده، يعني محددتش نهال ولا تغريد هو بقا كان جاي لتغريد بنت عمي سالم بفضول: بس اللي دخل بالعصير انتي مش هي ف معني كدا اكدتي للكل انك العروسه نهال: تغريد كنت مكسوفه تدخل بالصنيه ف دخلت انا مكانها ف حسبوني العروسه وخطبتوني انا سالم ضحك: انما قصه غريبه بجد حقيقي النصيب دا ملوش معاد والله يابنتي ” نهال فضلت ترغي مع سالم كتير جدا، وسالم مستمتع بكلامها ورغيها ” ………………………………….. ” ادهم واقف قدام نوال، المواجهه اللي نوال خافت منها اتحطت فيها ” ادهم حاول يتكلم بهدوء: بصي انا مدرك انك مشيتي بعد ما تعبتي من صلاح وتعبتي من انك تعدليه فاهم كل حاجه لكن امجد تعرفيه منين يا نوال ” استني منها رد لكن سكتت ” لاء محتاج رد سريع لان احنا اصلا علي السلم وجوزك تحت وانا بصراحه مش حابه يعرف الموضوع ف انجزي نوال دموعها نزلت: لما مشيت من هنا مكنتش عارفه هروح فين ولا هروح لمين لقيت رجلي بتاخدني علي موقف المنصوره قولت هروح اشتغل وفعلا روحت ولقيت شغل في المدرسه بتاعت امجد واشتغلت ادهم بستنكار: اشتغلتي وبس يا نوال؟ نوال اتقهرت من اهتمامه الواضح: اه اشتغلت وبس يا ادهم مخونتش اخوك حتي بالكلام امجد ساعدني انه قعدنيفي شقته وبس صدقني دا اللي حصل والله ادهم اتنهد بقوه: علي العموم يا نوال الست اللي تسيب بيت جوزها وتمشي وتروح تقعد في شقة راجل متعرفوش مهما كان السبب انا وانتي عارفين بيتقالها يا ايه ” نوال غمضت عيونها بوجع ونزلت راسها بإحراج ” ادهم بهدوء: هعتبرك عيله وغلطت وهمشيها كدا بس اتمني من كل قلبي قبل ما تخطي خطوه ترجعي لحد عاقل واتكلمي معاه الاول وحافظي علي جوزك وبنتك صدقيني محدش نافعك غيرهم ” نوال مقدرتش ترد لكن هزت راسها بموافقه لأن سالم كان شايل غزل ونازل بيها من شقة ادهم ” ادهم: انت نزلت ليه مش قولتلك بايت معايا النهارده؟ سالم بمرح: يجدع ابات فين انا معرفش انام الا وسلوي طابقه علي نفسي ادهم ضحك: مبتحرمش انت يا سالم يابني المرادي عدت علي خير الله اعلم المره الجايه ايه اللي هيحصل ” نوال اخدت بنتها ودخلت وسالم نزل، وادهم بص علي شقته واتنهد وطلع فتح الباب ودخل ” ………………………….. ” في شقة ادهم ” ” ادهم دخل الشقه وهو مدرك العركه اللي داخل عليها لكن كان الهدوء مسيطر علي الشقه ” ادهم بص في الصالون مكنتش موجوده قال باستغراب: نطت من البلكونه دي ولا ايه ” ودخل علي اوضة النوم اتفاجئ بيها” العب.. ” نهال نايمه علي السرير لابسه قميص حمالات رفيعه بصـ,,ـدر مفتوح طويل لحد اخر رجليها مفتوح من الجنب من بداية فخدها لحد اخر رجليها ابيض بقلوب حمرا رابطه شعرها ديل حصان مع خصل متمرده علي رقابتها، ماسكه فونها وعامله انها مشغوله فيه ” ادهم اتفاجئ من شكلها الجريئ واللي عجبه اوي دخل غير هدومه وجيه قعد جنبها علي السرير راحت نهال شدت الغطا وقفلت فونها واديته ضهرها نامت بتجاهل ” ادهم بصلها برفع حاجب: ودا اسمه ايه ان شاء الله؟ نهال لفت رقابتها ليه وبصتله وقالت بلا مبالاه: بتقول حاجه اصل مسمعتش كويس ” ادهم قرب منها يحاوطها من وسطها لكنها قامت من السرير بسرعه ” ادهم ركز علي جسمها المتناسق في القميص اللي لابساه مع كبر بطنها شويه وحط ايده علي دقنه يعدلها: اممم هو شغل شوق ولا تدوق نهال عملت نفسها مش فاهمه: لاء سوري مش فاهمه قصدك ايه؟ ادهم مد ايده ليها وقال بمناهده: تعالي بس يحبيبتي افهمك عملي بلاش مناهده لان مش قادر والله نهال بغيره: اااه طبعاا مش قادر للمناهده معايا لكن قادر للمناهده مع نوال ادهم غمض عينه ببتسامه بعد ما اتأكد انها اعلنت الحرب عليه: مش واخده بالك انك مأعلنه الحرب عليا في الوقت الغلط؟ نهال باستغراب: حرب ايه اللي اعلنتها ووقت الغلط ازاي ادهم مركز علي جسمها: مسافر بكرا والله اعلم هنتقابل بعد قد ايه وبدل ما تبقي في حض.ني واقفه في اخر الاوضه نهال بكيد: لاء يحبيبي روح لنوال تحتويك ادهم اندهش واتأكد فعلا انه بيتعامل مع عقلية طفله في جسد انوثي مُغري، اتنهد وقام وقف وحول يمسكها لكن بتبعد” ادهم كتفها لكن بتبعد : اهدي بقاا نهال حاولت تبعد بغيظ منه: لاء مش ههدي روح شوف نوال كنت عايزها في ايه وزع..ي علشان اطلع واسيبكم ادهم ثبتها وقال بحده طفيفه: اهدي قولت.. ” نهال بصتله وركزت في ملامحه واكتشفت انها ملامحه بتوحشها لما بيبعد عن عيونها شويه، ادهم مركز علي شفايفها المتلونه بروج احمر فاقع وشكلها مجننه ” ادهم بإيجاز: حاليا معنديش اي مقدره ان اشرحلك كنت محتاج نوال في اي ” وهمسلها ” حاليا محتاجك في حض.ني وبس ” وبعد فتره كانت نهال نايمه في حض.نه وادهم بيلعب في شعرها وبيب.وس راسها ” نهال حركت راسها علي صـ,,ـدره: ادهم انت نمت.. ادهم باس كتفها برومانسيه : صاحي يحبيبي نهال رفعت وشها وسندت دقنها علي صـ,,ـدره وبصتله: كنت عايز نوال في اي؟ ادهم ضحك بخفه وسألها بجديه: نوال لما سابت البيت راحت اشتغلت عند امجد صاحبي في مدرسته وراحت قعدت في شقته وتقريبا كان امجد معجب بنوال نهال بفضول : طب ونوال عرفت ان امجد دا يبقي صاحبك ادهم بتنهيده: اه كانت عارفه نهال بفضول اكبر: طب وانت ناوي تعمل ايه معاها؟ ادهم اتنهد بقوه: صلاح بيحب نوال ومن غيرها ضايع ف انا شدتها بالكلام انها تعرف غلطها بعدين هي مشيت لان صلاح اخويا كان محبكها شويه برضو وبيعاملها وحش بس مهما كان شايف ان مش مبرر ف قولت اعمل نفسي اهبل واسكت المرادي وخلاص ” وركز علي شفايف نهال” الروج راح فين؟ نهال ضحكت بدلع: في وشك ورقابتك ادهم مشي ايده علي ضهرها وغمز بعينه: طب ما تقومي تحطي تاني ” نهال ضحكت وقامت حطت روج وراحت قعدت قدام ادهم وفي ايدها صباع الروج وفضلت تب.وسه في وشه كله لحد ما وشه بقا خريطه وكل ما طبعة الروج تروح تحط تاني في وسط معاكسة ادهم وضحكهم ” “” انتظرو القادم ” الفصل الثامن والثلاثون 38 ” نهال قاعده في حض.ن ادهم اللي بيقطع تفاح بياكل شريحه ويديها شريحه ” نهال قامت من حض.نه بصتله بحماس : ادهم تعرف مره وانا صغيره مسكت حَيه من ورا بيتنا واخدتها وروحت لماما البيت ادهم اتصدم من كلامها لكنه ضحك: يا قادره حَيه مره واحده مسكتيها ازاي دي من غير ما تقرصك نهال بلعت التفاحه وقالت ببساطه: ما انا ربطها بحبل ادهم رفع حواجبه بدهشه وهو بياكل التفاحه: ايوا ازاي عملتي دا كله متفقه مع الحَيه ولا ايه؟ نهال ضحكت بعدين قالت: كنا بنلعب انا وتغريد بعدين لقيناها ماشي من جنب مواسير المايه روحت دوست علي راسها وتغريد جابت الحبل وربطت راسها وجرجرتها ورايا ادهم من دهشته مبقاش عارف يدي ردة فعل: انتي جايبه الجباروت دا منين دوستي علي راسها وربطيتها وجرجرتيها وراكي؟ ينهار ابيض دا انا كدا اسافر وانا مطمن عليكي علي الاخر نهال ضحكت: ماما اول ما شافته فضلت تصوت تصوت لحد ما لمت الشارع عليا بعدين جدي اخده مو.ته بقا ” ادهم ركز علي عيونها وهي بتتكلم لأول مره يكتشف ان عيونها عسلي غامق رموشها كثيفه بتخطف فضل مركز معاها ببتسامه ” ادهم بغزل: ان نادوني اهرب لمين وانا في سج.نها مسجون سعيد نهال مفهمتش ايه دخل كلامه دا بكلامها فقالت باستغراب: مين اللي في سج.نها مسجون سعيد دي؟ ادهم بحُب: عيونك.. نهال ابتسمت بسعاده ومشت ايدها علي دقنه اللي بتعش.قها وعيونها في عيونه : لمستها بتتكلم عنك مابين القوه والحِنيه لما بحس بيها علي وشي الدُنيا بتهدي وكل حاجه بتغيب الا انت يا ادهم ادهم ضمها لحض.نه: مره قرأت مقوله بتقول’ بين ذراعيك يذوب العقل ‘ تعرفي ان المقوله دي انا صدقتها لما اتجوزتك انا لما بكون في حض.نك مبفكرش بعقلي بحس ان دا المكان الوحيد اللي اقدر مفكرش فيه ف فعلا الانسان في حض.ن حبييه مبيفكرش بعقله نهال قالت بدلع: امال بيفكر بإيه؟ ادهم ضمها اوي ود.فن وشه في رقابتها وقال بهمس : بأحاسيسه..بحس في حض.نك بدفا كأنك شمس الشتا في عز البرد ” ادهم محسش بالوقت اللي عدي وهو في حض.ن مراته غير لما سمع اذان الفجر، بصو الاتنين لبعض بدهشه معقول فضلو سهرانين ومش حسين بالوقت نهائي ” ادهم شد فونه يتأكد من الساعه وكانت الرابعه فجرا قال بدهشه: هو الوقت فات ازاي بسرعه دي؟ نهال رجعت شعرها ورا رقابتها: مش عارفه انا محستش بالوقت خالص ادهم شد هدومه من الارض لبس بنطالونه وقال بتسعجال: طيارتي الضهر وانا ولا جهزت شنطتي ولا جهزت اي حاجه ” وطلع الشنطه وبدء يلم هدومه ” ” نهال بتبص علي الرفوف اللي بيفضيها وهي حسه ان قلبها واجعها، بعدين قامت لبست قميصها وبدأت تساعده لحد ما لم كل حاجته وقفل شنطته ” ادهم بص علي نهال اللي عيونها علي الشنطه وواضح عليها انها بتقاوم دموعها وشدها لحض.نه: انا ماشي جسد لكن روحي معاكي والله العظيم لأول مره اسافر وانا كارهه السفر والشغل والسعوديه نفسها نهال ضميته وقررت مش هتعيط غير لما يمشي: انا عارفه انك مش هتقدر تتأخر عليا صح يا ادهم ادهم باس وشها كله: صح يا عُمر ادهم وحياته كلها ” ضمها بقوه وبعد عنها ” هدخل اخد شاور علي ما تعمليلنا اي سندوتشات لان واقع من الجوع.. المجهود كان جبار برضوو نهال فهمت قصده وبر..ه وقالت وهي رايحه للمطبخ: سافل حقيرر ” وراحت تجهز اكل ليهم وادهم دخل ياخد شاور ” ……………………………… ” في شقة صلاح ” ” صلاح اول ما سمع صوت اذان الفجر المنبه رن في فونه قلقه وهو ومراته اللي جنبه ” نوال بنوم وانزعاج : انت عامل منبه ليه يا صلاح؟ صلاح قفل المنبه ومسح وشه من اثر النوم وبصلها: ادهم مسافر النهارده وهوصله المطار انتي كملي نومك ” وميل عليها باس خدها وقام ” نوال ايتسمت علي حركته الجديده عليها ومسكت ايده: ادهم طيارته الساعه كام؟ صلاح استغرب سؤالها ورد ببساطه: قالي قبل الضهر لازم يكون في المطار..اشمعنا؟ نوال قامت وقفت قدامه واتعلقت في رقابته بدلع: لسه معانا وقت يكفي وزياده بلاش تضيعه بقا ” ولسه هتقرب من شفايفه صلاح رجع لورا ” صلاح وهو رايح عند الباب: نقفله بالمفتاح بدل ما نلاقي غزل فوق دماغنا ” وقفل الباب ونوال قلعت تيشيرت بيجامتها، صلاح لسه هيحض.نها جرس البيت رن ” نوال كشرت: مين اللي هيكون صاحي الفجر يعني.. صلاح ضحك بخفه وقال بهدوء: ممكن تهدي هشوف مين واجيلك ” وخرج برا الاوضه فتح باب الشقه وكانت امه ” سلوي ابتسمت لما لقيته صاحي : كويس انك صاحي يلا انزل عامله صنية فطار ترد روحك هصحي اخوك تكون نزلت صلاح بغلب: فطار والفجر يما؟ سلوي وهي طالعه علي شقة ادهم: اخلص يلاا وهات الشملوله في ايدك وانت نازل “ورنت علي جرس شقة ادهم ” صلاح دخل لمراته وساب باب الشقه مفتوح: للأسف يا ام غزل ملكيش نصيب النهارده انا نازل افطر هاتي غزل وانزلي افطري ” نوال وافقته وقامت غسلت وشها علشان تجهز وتنزل تبدء يومي البدري ” ” كل شمس بتطلع في كل صباح بتحمل بداية خير رغم تواهنا بليل بنرجع نعيش كأن الصبح وعد بتجديد الامل جوانا لكل ليل تعبنا فيه، العيله كلها اتلمت حوالين الطبليه علي الفطار الشَهي بيفطرو في جوي اسري هادي ” ادهم اكل اخر لقمه وقام وقف: الساعه داخله علي ٩ يدوب امشي علشان معايا ٣ ساعات سفر علي ما اوصل من هنا للمطار ” وبص لاخوه ” جاهز يا ابو غزل؟ صلاح قام وقف وحط ايده قي جيبه يشوف البطاقه بتاعته: جاهز يا دووم هنزلك الشنط العربيه علي ما تلحقني ” واخد الشنط ونزل علي تحت ” ادهم اتأكد من اوراقه في شنطة ضهره الخاصه وبص لأمه ببتسامه وحض.نها وباس دماغها: اشوف وشك علي خير يا غاليه ” وضمها بقوه وعمل كذالك مع ابوه ” ” نهال بصاله وحسه ان قلبها هيتخلع وراه واحشها من دلوقتي ازاي هيسيبها ويسافر والله اعلم هيرجعلها امتي ” ادهم حاسس بيها ويمكن اكتر مش عارف اصلا ازاي مأخدهاش معاه وكان اللي يحصل يحصل فتح دراعه ليها وحض.نها بقوه: زي ما اتفقنا مقدرش اتأخر عليكي عايزك تاخدي بالك من نفسك ومن اللي في بطنك ودراستك تذاكري كويس اتفقنا؟ نهال هزت راسها وردت بصوت مخنوق: خلي بابك علي نفسك يا ادهم ادهم بص لامه وابوه: نهال امانتكم لحد ما ارجع علشان خاطري محدش يزعلها علشان زعلها بيزعلني واكتر سالم طبطب علي ضهره: نهال في عنينا قضي رحلتك ومتشلش هم يا حبيب ابوك اشوفك بالف خير يا ادهم ” ادهم شال شنطته وبص علي نظره اخيره ونزل لاخوه اللي هيوصله بعربيته ” ” نهال طلعت وقفت علي البلكونه تشوفه وهو ماشي تلقائي دموعها نزلت وعيطت جامد ” سلوي طلعت وقفت جنبها وحض.نتها: لالا بتعيطي ليه يا نهال؟ نهال حض.نتها وعيطت جامد: مش عايزاه يسافر مش هعرف افضل من غيره يا ماما واحشني وهو لسه مخرجش من البلد حتي سلوي طبطبت علي ضهرها: هتكلميه في التلفون كل يوم ومش هتحسي بغيابه والله وادهم مش هيتأخر عليكي كفايه عياط بقا علشان اللي في بطنك ” نهال مسحت دموعها وقعدت علي الكنبه لكن حسه انها بقت وحيده في المكان دا حست انها رجعت لنقطة الصفر من تاني ” نهال بصت لحما.تها: هطلع ارتاح شويه وهنزل علطول علشان اجهز معاكي الغدا “حما.تها وافقتها ونهال طلعت علي شقتها” ” دخلت شقتها اللي كلها ريحة برفانه دموعها نزلت دخلت اوضة نومهم شافت اخر هدوم كان لابسها شدتهم وفضلت تشم فيهم وتعيط لحد ما نامت من كتر العياط ” ……………………………… ” في دكرنس في شقة نجوي ” ” نجوي اخدت تغريد في شقتها تقعد معاها يسلو بعض، تغريد اتحسنت كتير بعد ما امجد طلع من حياتها ” نجوي دخلت الاوضه اللي فيها تغريد وفي ايدها فونها: بت يا تغريد برن علي نهال الفون مبيديش صوت ليه؟ تغريد مسكت الفون: يبقي مفيش شبكه عندها انتي عايزاها ليه؟ نجوي: اخليها تلم هدومها تيجي تقعد معانا علي ما يبقي جوزها يقضي رحلته ويجي تبقي ترجع البيت انما اسيبها لسلوي الحَيه دي تمو.تها تغريد فضلت تحاول ترن علي نهال لحد ما ردت بصوت مخنوق: ايه يا نوله خدي كلمي نجوي نهال اتعدلت علي السرير ومسحت وشها: ايه يا ماما نعم نجوي: ايه يا نهال مجتيش ليه مش جوزك سافر؟ نهال بستغراب: ادهم سافر من ساعه كدا بس اجي فين؟ نجوي: طيب بما انه سافر هاتي هدومك وتعالي اقعدي معانا بقا ولا هتفضلي لوحدك نهال حطت ايدها علي رقابتها تدلكها : انا مش لوحدي معايا ماما سلوي وبابا سالم ونوال بعدين ادهم رفض اسيب البيت ممكن شويه كدا وابقي اجي ابات ليله ولا حاجه نجوي بضيق: ليله؟ والله كتر خيرك البيت مفتوح يا نهال وقت ما تحبي تيجي تعالي ” وقفلت في وشها ” نهال غمضت عيونها بتنهيده: ماماا الوو ” وبصت في الفون كان اتقفل ” بدأنا المشاكل بدري اووي ” بصت حواليها حست ان كل حاجه ناقصه الاوضه ناقصه البيت ناقص الحياه كلها ناقصه من غير وجود ادهم بصت علي مكانه وافتكرت اخر لحظاتهم ابتسمت بشوق ” نهال: انتي قدها لازم تتعودي علشان تقدري تكملي جيه الوقت انك تبقي مكان ادهم في غيابه “” انتظرو القادم “” الفصل التاسع والثلاثون 39 ” نهال رنت علي ادهم اللي رد عليها علطول ” ادهم: حبيبي اللي وحشني.. نهال ببتسامه حزينه: الدنيا فاضيه من غيرك كدا ليه…وصلت فين دلوقتي؟ ادهم اتنهد بقوه وزعل علي نبرة صوتها الحزينه: انا قدامي نص ساعه يالكتير وهبقي في المطار المهم انتي الدنيا عندك عامله ايه نهال حركت كتفها: انا كويسه بس ماما كلمتني قالتلي لمي هدومك وتعالي اقعدي معايا علي ما جوزك يرجع لما رفضت زعلت وقفلت في وشي ادهم كشر وقال: لاء مفيش كلام من دا هو ايه اللي لمي هدومك وتعالي؟ انتي جايه زياره عندي دا بيتك انا ممنعتكيش من هناك بالعكس قولتلك روحي اقعدي براحتك لكن اقامتك الاساسيه في بيتنا غير كدا متروحيش في حته نهال بحيره: يعني اعمل ايه دلوقتي يا ادهم ما انا مش عارفه؟ ادهم حاول يكون هادي في كلامه وقال: ايه اللي مش عارفاه يا نوله ما انا قولتلك اهو هتروحي زيارات لكن اقامتك في شفتك يحبيبتي نهال بقتراح: طب ايه رأيك اروح ابات هناك النهارده وارجع بكرا بليل؟ ادهم بمهاوده: عادي روحي النهارده قضي معاها اليوم وارجعي بكرا بس صلاح معايا بالعربيه هتروحي ازاي؟ نهال: هتصل علي احمد ابن عمي يجي ياخدني ادهم كشر اكتر: لاء مترنيش علي حد خدي توكتوك من قدام البيت وانا سايبلك فلوس اصرفي منهم علي ما يخلصو هبعتلك غيرهم نهال وافقته: ربنا يخليك ليا وتوصل بالف سلامه اول ما توصل المطار طمني ” وقفلت واتنهدت بشتياق ليه، وفتحت الدولاب طلعت بيجامة نوم حطيتها في شنطه وهي اصلا مش قادره تروح عند امها بس غضــ,,ـب عنها لازم تروح فتحت الدرج اخدت فلوس وسابت الباقي ولبست عبايه ونزلت من شقتها بعد ما قفلتها ” ” كانت حما.تها قاعده في الصاله قدام التلفزيون بتلف محشي هي ونوال وغزل بتلعب جنبهم ” سلوي اول ما شافتها علقت: لابسه كدا ورايحه علي فين؟ نهال بصتلها واستغربت هي ليه تسألها اصلا لكن ردت : هروح ابات النهارده عند ماما وهاجي بكرا بليل عايزه حاجه قبل ما امشي سلوي معجبهاش كلامها: وجوزك عارف بالكلام دا ولا قولتي ما هو سافر بقا هيعرف منين وواخده في وشك وماشيه نهال اضايقت من اسلوبها وقالت بضيق: علي فكره انا مبتحركش غير لما جوزي يسمحلي واه عرفته وقالت روحي ولو مش محتاجه حاجه مني استأذنك ” ونزلت من البيت وهي متغاظه ” سلوي اتنرفزت من كلامها وقالت بصوت عالي يوصلها : بدأت الشطح بدري اوي طب استني جوزك يطلع من البلد حتي؟ عيله قليلة الادب نوال بهدوء: معلش يما اكيد مش عارفه تقعد من غير جوزها صعبه عليها برضو سلوي لوت بوزها وهي بتلف المحشي: دا كُهن بعيد عنك ما صدقت جوزها مشي وعايزه تعمل ام دارين هنا شويه وهناك شويه بس بكبدها انا هرن علي جوزها يشدها بس اغسل ايدي بس ” نوال قعدت معرفتش ترد لكن عرفت ان الايام اللي جايا علي نهال مش هتبقي سهله ابدا ” …………………………… ” نهال فضلت تمشي في العزبه لحد ما تعبت انها تلاقي توكتوك مفيش نهائي وتقرييا العزبه ملهاش اخر وهي بعدت عن البيت جدا فضلت واقفه شويه كمان لحد ما قابلت جميله ” جميله استغربت وجودها في الشارع: ازيك يا نهال واقفه في الشارع لوحدك كدا ليه؟ نهال اتكلمت معاها اجباري: مستنيه توكتوك علشان اروح عند اهلي ازورهم جميله ضحكت بخفه: مستحيل تلاقي تكاتك هنا يابنتي احنا بنتصل علي توكتوك يجي يودينا الاماكن اللي بنعوز نروحها نهال بتعب: طب ما ترنيلي عليه يا جميله بالله عليكي انا ماشيه بقالي حبه حلوين لحد ما ضهري وجعني “جميله اتصلت علي التوكتوك وفي خلال ٥ دقايق كان جالها ونهال ركبت واديته العنوان ومشيت، وجميله راحت بيت خالتها ” فون نهال رن في الطريق وكان جوزها ردت بسرعه وبصوت هادي: ايوا يا ادهم ادهم ابتسم علي صوته اللي وحشه: حبيبي اللي واحشني ومش عارف هكمل من غيره ازاي انا دخلت المطار كلها ربع ساعه واركب الطياره نهال ابتسمت وقالت بصوت واطي: توصل بالف سلامه يحبيبي انا راكبه توكتوك ورايحه عند ماما اهو ادهم باستغراب: روحتي ليه دلوقتي كنتي استني بليل صلاح يكون وصل بالعربيه ابويا كان يوديكي لقيتي توكتوك ازاي اصلا نهال بتعب: فضلت ماشيه لحد ما حسيت ان هقع من طولي بعدين قابلت جميله طلبطلي توكتوك وهو موديني اهو لسه ” واترددت تقوله ولا لاء ” بس حصل حاجه كدا ادهم: حصل ايه خير يارب؟ ” نهال حكيتله الموقف اللي حصل بينها وبين حما.تها بالتفصيل ” ادهم بتنهيده: طيب متشلسش هم حاجه ومهما قالت مترديش عليها تاني وانا هتكلم معاها وانتي لما توصلي عند امك ابعتيلي مسدج لان يدوب اطلع الطياره ومش هعرف اكلمك في الطياره علشان الشبكه نهال: حاضر يحبيبي ” وقفلت وفضلت تتفرج علي منظر العزبه واكتشفت ان منطقة ادهم اللي كانت قرفانه منها انضف مكان في العزبه اصلا ” ……………………………………. ” نهال حسبت صاحب التوكتوك وطلعت علي بيتهم رنت الجرس وبعد شويه فتحتلها تغريد اللي فرحت بيها ” تغريد وهي بتحض.ن نهال: يعني ادهم وهو هنا كان واخدك مننا وبعد ما يسافر اهله يخدوكي؟ نهال دخلت قعدت علي اول كنبه قابلتها بإرهاق: الحقيني بكوباية مايه وحياة امك الاول بمووت…امي فين؟ تغريد جابتلها كوباية مايه: نجوي نايمه جوا في الاوضه ادخليلها علي ما استحمي واجيلكم نهال قامت دخلت لأمها اللي كانت لابسه نظارة قراءه وبتقرء في المصحف باست دماغها: صدق الله العظيم يا نجوي نجوي بصتلها من فوق النضاره: جيتي ليه مش ماما سلوي وبابا جزر واخدين بالهم منك نهال لوت بوزها وطلعت قعدت جنبها علي السرير : الراجل طيب والله وغلبان انما الوليه دي محدش يقدرلها غير ربنا بقولها راحه عند امي عملتلي محاضره ان مصدقت ان جوزي سافر علشان اجي من وراه نجوي: شوف الوليه وعمايلها وانتي قولتلها ايه؟ نهال: ولا حاجه قولتلها انا مبتحركش غير بإذن جوزي والكلام دا بس لما حكيت لأدهم زعل مني ان رديت عليها ف هحاول اتلاشي الكلام معاها خالص نجوي حطت المصحف جنبها: انتي تيجي تقعدي معايا بحيث ولا هي تشوفك ولا انتي تشوفيها وقرب ما جوزك ينزل تروح شقتك قبلها بإسبوع وخلاص نهال بهدوء: بثي يا نجوي من الاخر كدا انا مبرتحش غير في شقتي مش عايزه كل ما اتعود علي مكان اسيبه انا هجيلك وهبات معاكي لكن الاساس هناك نجوي برفع حاجب: ولا كلامك ولا كلام جوزك يا نهال؟ نهال: بصراحه هو اتفقنا انا وادهم علي كدا وهو مش بيمنعني عنكم بالعكس قالي روحي براحتك بس اساسك بيتنا….ماما انا النهارده دايخه خالص مش عارفه ليه؟ نجوي بقلق: اكلتي ايه النهارده كدا نهال بتعب: يعني فطرت لقمتين علي الطاير كدا وجيت وهما لسه بيلفو المحشي نجوي قامت وقفت: طب ريحي مكانك كدا اعملك فرخ بلدي يرد روحك واجيبلك فاكهه تسلي نفسك فيهم علي ما اخلص طبيخ ” نهال نامت مكان امها وفتحت فونها وفضلت تقلب فيه كان ادهم مغير صورت البرو.فايل من صورة فرحه لصورته جنب الطياره ابتسمت لشكله اللي واحشها في الشويه اللي غابهم وعل..ه ‘ تروح وترجع بسلامه يحبيبي’ تغريد دخلت نامت جنبها وقالت بمرح وهي مسكه بطنها: قلب خالتو عامل ايه النهارده ‘ وبصت لنهال’ لو بنت هتسميها ايه ولو ولد هتسميه ايه؟ نهال استغربت هي ازاي متكلمتش مع ادهم ولا مره في الموضوع دا وقالت: تعرفي ان ولا مره فكرت في الموضوع دا بس انا بحب في البنات اسم ليلي وفي الولاد عيسي تغريد بصتلها وقالت بفضول: ايه شعورك لما ادهم سافر؟ نهال غمضت عيونها بشتياق: تايهه..بستغرب نفسي امتي اتعلقت بيه كدا وامتي حبيته بالشكل دا عايزه اعرف قبل ما يدخل حياتي كنت عايشه ازاي واحشني اووي فعلا ومش عارفه هتحمل باقي الايام الجايا من غيره دي ازاي نجوي جابتلهم طبق فاكهه مشكل: عايزه الطبق دا يخلص كله علشان الدوخه اللي عندك دي تروح قومي اقلعي عبايتك دي وفكي عن نفسك كدا ” وسابتهم وخرجت ” نهال قامت قلعت ولبست بجامتها وبصت علي شعرها اللي بدء مفعول البروتين يروح منه: بت يا تغريد قومي هاتي المكوه وتعالي اكويلي شعري تغريد بستغراب وهي بتاكل من الطبق: هتكوي شعرك ليه دلوقتي! نهال اخدت فرولايه اكلتها وقالت: معرفش عايزه اكويه وخلاص قومي يلا ” وفعلا تغريد جابت المكوه وفضلت تكوي في شعر نهال وهما بيتكلمو بمرح ” ……………………………….. ” الساعه اصبحت ٥ المغرب كان صلاح وصل قدام بيتهم بإرهاق واضح عليه، طلع البيت كانت مراته مستنياه ومعاها امه وسالم ” صلاح دخل اترمي علي الكنبه بتعب: السلام عليكم جميعاا سلوي ردت السلام وقالت بلهفه: اخوك وصل ولا لسه؟ صلاح بتخمين: زمانه وصل دلوقتي بس انا مرجعتش من المطار غير لما اتأكدت انه ركب الطياره يعني سلوي: والشمندوره مراته اخدتها بعضها وراحت علي بيت امها جررري صلاح بملل: ما تروح يما انتي عايزه منها ايه يعني؟ سلوي بغيظ: تروح يا اهو يا اخويا حتي تروقني’وبصت لنوال’ قومي يلا اغرفي الاكل زمان جوزك واقع من الجوع ” نوال قامت جهزت الاكل وجابته علي صنيه كبيره في الصاله كلهم قعدو اكلو في جو هادي ” ……………………………….. ” نهال نايمه في اوضتها وفي ايدها فونها مستنيه ادهم يرد علي رسايلها بقلق، واخيراا بعد وقت رن عليها كاميرا ” ” نهال عدلت بجامتها وشعرها وفتحت كاميرا كانت ادهم نايم علي سريره في سكنه وفي ودنه سماعه، اول ما شافته ابتسمت اوي كأنه اتقابلت بروحها الغايبه من سنين ” ادهم ببتسامه: وحشتي قلبي يا روح قلبي نهال بتأثير : وانت كمان وحشتني كل حاجه ملهاش معني من غيرك يا ادهم انا تعبت وانت لسه غايب بقالك يوم قولي هكمل الباقي ازاي من غيرك ادهم ولع سيجاره يشربها: حقك علي قلبي ان شاء الله اظبط الدنيا هنا يا اجي يا تجيلي لكن مش هعمل فينا كدا ابدا ” نهال فضلت بتص علي ملامحه بشتياق فاتت علي صوته ” ادهم: باب اوضتك مفتوح؟ نهال بصت علي الباب بستغراب وهزت ىاسها برفض: لاء ليه؟ ادهم ابتسم علي جهلها : طب قومي اقلعي البجامة دي… “” انتظرو القادم “” ٤٠__٤٢ الفصل الاربعون 40 ” نهال تنحت قدام طلبه ومفهمتش تعلقها ليه فضلت بصاله من غير رد فاقت علي صوته ” ادهم بدهشه من وضعها: مالك تنحتي ليه كدا بقولك اقلعي البجامه سمعاني.. نهال بعدم فهم: ايوا سمعاك بس مش فهماك اقلع البجامه ليه يعني ولما اقلعها البس ايه انا؟ ادهم غبائها استفزه: لما هتقعلي البجامه مش هتلبسي حاجه يا نهال مالك في ايه كداا نهال بغيظ: واقلعها واقعد من غير هدووم ليه يا ادهم مش فهماك! ادهم ببساطه: انا عايز اشوفك كدا مش فاهم معترضه ليه اصلا ” نهال بصتله بدهشه بعدين قامت وقفت وقلعت البجامه بكل هدوء كانت لابسه تحتها فنله حمالات رفيعه وراحت قعدت قدام ادهم ” ادهم ابتسم: كملي اقلعي الباقي نهال بصدمه: انت عايزني اقعد قدامك من غير هدوم خالص؟ ادهم ببساطه واستغراب: اه..بعدين ايه الجديد هي اول مره؟ نهال اتحرجت من الفكره نفسها وقالت بكسوف: مش اول مره بس يعني مينفعش اتكسف بصراحه ادهم بستغراب: تتكسفي مني معقول؟ بعدين الموضوع عادي يحبيبي انا جوزك وسرك يا نوله ” نهال جواها رافض الفكره وملامحه باين عليها الاستغراب من طلبه، وادهم فاهم تفكيرها بس مستغرب رفضها ” ادهم بهدوء: ممكن تفكري بصوت عالي لان مش عارف افهمك؟ نهال انتبهت لصوته: مستغربه طلبك يا ادهم مش فاهمه عايزني اقعد عريانه قدامك ليه وفي نفس الوقت مش عارفه اعمل حاجه وانا مش فهماها ادهم اتنفس بقوه وقال: طيب انا حابب اشوفك كدا متسأليش ليه هي رغبه جوايا وبس لكن لو انتي مش مرتاحه دا براحتك يحبيبي عادي ” نهال في جزء جواها رافض الفكره لكن جزء تاني بيقولها انه جوزها يبقي ليه الرفض، وبعد صراع داخلي قامت وعملت نفس اللي قالهولها ” …………………………….. ” صباح جديد محمل بأمل جديد لأول مره نهال تحس انها مش مرتاحه في بيت اهلها دوشة دكرنس صعبه لكن العزبه هاديه وحتي دوشتها هاديه هنا نهال اكتشفت انها حبت حتي الوحش بتاع العزبه بسبب حبها لادهم ” ” نجوي دخلت عليها كانت نهال راميه بجامتها كل قطعه في مكان ونايمه بفنله حمالات ” نجوي لمت هدوم بنتها من علي الارض: طبعاا ما انتي مش في شقتك هتلمي وتنضفي معتمده علي الخدامه اللي هنا بعدين قالعه بجامتك ليه تخدي برد كدا نهال بصتلها بإرهاق وعدلت الغطا عليها ونامت بكسل: نجوي الله يخليكي تعالي كمان نص ساعه اكون فوقت للمرشح بتاعك دا نجوي برفع حاجب: قومي يابت جوزك رن عليكي كتير ولما مردتيش عليه رن عليا قولتله نايمه نهال قامت بفزع تدور علي فونها ونسيت النوم: السااعه ١ الضهر انا نمت كل دا ازااي مسمعتش الفون خالص وهو بيرن ” ورنت لأدهم ” نجوي بتريقه: نمتي كأنك منمتيش في حياتك ابدا انا هطلع تخلصي كلام مع جوزك وتقومي تفطري ” وخرجت برا ونهال رنت كذا مره علي ادهم اللي رد في المره التالته ” ادهم بصوت يدل عليه انه شغال من الدوشه اللي حواليه: نموسيتك كُحلي يا ست نُوله نهال ابتسمت: مين سبب سهري يا استاذ ادهم مش حضرتك؟ ادهم ضحك بخفه: ورايا كام حاجه كدا هخلصهم وارنلك قومي افطري كدا وخدي شاور علي ما ارنلك ” نهال وافقته وقفلت وهي مبتسمه بعدين افتكرت كلامهم بليل وحست انها مراهقه بتحب وخايفه اهلها يمسكوها مش واحده وجوزها ضحكت علي جنون جوزها وقامت تشوف امها ” ………………………….. ” ادهم قاعد علي مكتبه في المصنع بيتابع اخر مبيعات المصنع في فترة غيابه وبيشوف في شاشة الكاميرات اللي قدامه شغل العمال، قطع افكاره رنة فونه وكانت امه ” ادهم اتنهد ورد: حبيبتي الغاليه سلوي ببتسامه: قلبها وروحها عامل ايه يبا وبتاكل ولا لاء طمني عليك؟ ادهم ضحك: باكل ولا لاء؟ هو انا عايش في غابه يا سلوي اه اكلت وشربت شاي قاعد بتابع الشغل وكنت يدوب قبل ما ترني نازل للعمال سلوي: طب علشان معطلكش انا مش حابه مراتك تروح وتيجي كتير يا ادهم احنا ارياف يبا ودي واحده جوزها مسافر والناس مبتسبش حد في حاله ادهم ببساطه: ملعون ابو الناس مراتي قي كليه يعني يوميا هتطلع تروح كليتها وترجع مش هقعدها علشان ارضي الناس ونفسي حد يجيب سيرة مراتي بكلمه وانا انزل اندمه علي الدقيقه اللي اتولد فيها سلوي معجبهاش كلام ابنها: يا ادهم مفيش حاجه اسمها ملعون ابو الناس دا اللي ميحترمش الناس الناس متحترموش يبني ادهم حس انه داخل نقاش عقيم مع امه هو اصلا مش فضيله: حاضر يما انا هتكلم مع نهال وافتكري ان قولت انا اللي هتكلم يعني متتكلميش معاها انتي سلوي بهمس: اكلم يا اخويا انت حر معاها انا بعرفك وخلاص ولم قرشك كدا متبعتروش عليها ادهم ابتسم: طب لما مبعتروش عليها هبعتره علي مين يما والنبي يماا متزعليها خليها تحس انها منكم متحسش نفسها غريبه بينكم سلوي اتنهدت من ابنها: في عنيا يا ادهم متقلقش يلا شوف شغلك ولما تفضي كلمني ” وقفلت وقعدت تفكر بحيره ” يكون البت سحراله؟ اه والنبي سحراله دا الواد مش شايف حد غيرها ……………………………… ” نوال في شقتها واقفه في المطبخ بتعمل فطار لجوزها قبل ما ينزل شغله، دخل صلاح وهو لابس بنطالونه الجينز وحزام ” صلاح: نهال التيشيرت الرصاصي اللي انا كنت جايبه في العيد اللي فات دا فين مش لاقيه في الدولاب خالص نوال بصتله: علي الحبل في بلكونة اوضة النوم بس البس الابيض يا صلاح بلاش الرصاصي دا قُدم بعدين ابقي اشتريلك قميصين من دكرنس يا اخي صلاح بملل: يا نوال انا فاضي اروح الف واشتري نوال راحت حاوطت رقابته بدراع واحد وايدها التانيه بتمشيها علي دقنه:طب ايه رأيك لما تخلص شغل النهارده انشالله حتي لو بليل متأخر نروح انا وانت نشتريلك قميصين ونقعد شويه علي البحر ونيجي صلاح حط ايده علي وسطها وباس خدها: موافق هرنلك وانا راجع تجهزي وتنزلي تستنيني تحت المهم دلوقتي خلصتي الفطار ولا لسه انا ميت جووع نوال بعدت عنه وبدأت تحط البيض في السنودتشات: يلا خلصت اهوو عملتلك اتنين تفطر بيهم واتنين معاك وانت ماشي علشان متجبش حاجه من برا توجع معدتك تاني صلاح اخدهم من ايدها وباس شفايفها برقه: يسلملي حياتي اللي خايف عليا ” وطلع جاب التيشيرت لبسه وسرح شعره وهو بياكل وخلص واخد كيس سندوتشاته ونزل علي شغله ” …………………………… ” نهال قاعده في البلكونه في ايدها كوباية شاي بعد ما فطرت عماله تتفرج علي الشارع بسرحان وتفكيرها كله هتتعامل مع العيله اللي هناك دي ازاي من غير ادهم ” تغريد جابت كرسي وقعدت جنبها: لاء دا الجواز بيغير فعلا؟ نهال انتبهت لكلامها ببتسامه: مش فهماكي بيغير ازاي! تغريد ببتسامه وهي بتعبر : يعني بقتي تسرحي كأنك ست عليكي هموم كدا او مثلا زي واحده محتاره تتطبخ ايه النهارده….حبيتي ادهم؟ نهال بصتلها وقالت ببتسامه: اكتشفتني فيه عارفه انتي لما تشوفي نفسك في عيون حد انا بقا لقيتني في عيون ادهم كأنه مرايتي…كأن قلبي متخلقش غير علشان يشيل حبه وبس…صوته بيعلمني الهدوء سكوته بيعلمني معاني الامان بحبه كأنه الحقيقه الوحيده في وسط كل الاحتمالات اللي في الحياه تغريد فرحت بكلامها اووي لكن اتنهدت بعمق: الحب دا غريب جدا يعني ارزاق فعلا زي ما بيقوله شخص كنتي في البدايه كارهه فكرة وجوده بعدين تحسي انه وجوده بيعيشك اصلا وشخص تضيعي عمرك عشانه وفي الاخر متكرهيش قده غريب الحب فعلا ” وسألت بستغراب ” ازاي اعرف ان الشخص اللي قدامي دا هو الشخص الصح؟ نهال حست بلغز في كلامها مفهمتهوش لكن ردت بهدوء: الشخص الصح بيجي من غير ما تنادي عليه اللي تحسي معاه انك مش لوحدك لما تتكلمي يسمع ولما تسكتي يفهم ولما تقعي ميسألش وقعتي ليه يمد ايده يسندك وبس الشخص الصح مش اللي يملي الدنيا ورد لاء اللي يمشي حافي جنبك وقت الشوك علشان متتأذيش الشخص الصح دا مش نصك التاني وبس لاء دا هو النسخه اللي كنتي بتدوري عليها اللي يحبك زي ما انتي اللي يفضل حتي لو كل الناس مشيت فهمتي ” تغريد سمعت كلام نهال وحست ان اللي حصل دا كان خير كبير ليها القلم وجعها اه بس علمها الدرس صح ” “” انتظرو القادم “” الفصل الواحد والاربعون 41 ” اول يوم عدي علي نهال كأنه سنه يومها فاضي جدا من غير ادهم رغم وجود امها ومرات عمها وبنات عمها الا واليوم مش بيعدي ” نهال فونها رن وكان جوزها قامت وقفت وبصتلهم: دا ادهم هرد عليه واجيلكم ” ودخلت اوضتها ترد عليه” ايوا يا ادهم ادهم ابتسم لما سمع صوتها: صوتك وحشني حض.نك وحشني كلك علي بعضك وحشاني بتعملي ايه يقلب ادهم نهال ابتسمت علي كلامه بتأثير: وانت كمان وحشتني اوي…كنت قاعده انا وماما ومرات عمي وتغريد ادهم بستغراب: ماما ومرات عمك؟ انتي لسه مروحتيش البلد لحد دلوقتي يا نهال؟ نهال بتبرير: يا ادهم والله العظيم ماما موافقتش تخليني اروح النهارده خالص قالتلي بكرا روحي ادهم اضايق من كلامها: كلام امك يمشي وكلامي ملوش اي تلاتين لازمه…قولتي هبات يوم قولت ماشي مفيش مشكله ايه اللي لسه مقعدك لحد دلوقتي؟ نهال اتخنقت من اسلوبه الحاد معاها وقالت: حاضر يا ادهم هخلي احمد يروحني دلوقتي بس ممكن تهدي ادهم بغيره: يشيخه يلعن احمد علي اللي جابوه هتروحي فين الساعه ١١ بليل دلوقتي عندك ” اتنهد بيحاول يهدي اعصــ,,ـابه ” خليكي النهارده عندك وبكرا الصبح روحي يا نهال نهال بهدوء: حاضر يا ادهم…انت بتعمل ايه دلوقتي ادهم كان واقف في المطبخ مشغل كاتل الكهربا بيعمل شاي: واقف بعمل زفت شاي مستني المايه تغلي نهال حست انه متعصب: انت متعصب ليه يا ادهم ممكن افهم؟ ادهم بعصبيه وصوت عالي: متعصب علشان مش حابك تباتي برا البيت يا نهال مش عاجبتي الوضع دا نهائي نهال اتنهدت بتفهم لكن قالت بعتراض: ادهم علي فكره انا مش بيت حد غريب دا بيت ابوياا! ادهم رزع ايده علي الحوض بغضــ,,ـب وقال بتنهيده: يا ماما افهمي انا مش بمنعك عن بيت اهلك روحي في الوقت اللي يعجبك لكن تباتي لاء نهال اتنهدت براحه لانها فكرته بيمنعها من اهلها لكن هو فهمها: حاضر يا ادهم اوعدك مش هبات هنا تاني بس روق انت كدا ادهم اخد كوباية الشاي وراح قعد علي سريره بتعب: ماشي يا حبيبي انا مروق وكله تمام اهو انتي بقا يومك كان عامل ايه نهال نامت علي السرير والفون علي ودنها وقالت: يومي كان ملل الجو هنا دوشه عكس الهدوء اللي في البلد بنام بصعوبه مش مرتاحه خالص عايزه سريري والبطانيه بتاعتي وبس ادهم عمره ما كان يتوقع انه يسمع الكلام دا من نهال بذات فقالت بحنيه: يا حبيبة قلبي انتي اللي محليه البلد والبيت ومحليه دنيتي كلها نامي وارتاحي النهارده وبكرا الصبح قومي البسي وانا هبعتلك ابويا ياخدك نهال حست انها مخنوقه: القاعده هناك من غيرك هتبقي صعبه يا ادهم لما بدخل الشقه واشم ريحة برفانك وانت مش موجود بتوحشني بقوم معيطه ادهم اتعدل علي السرير: طب افتحي كاميرا عايز اشوفك.. نهال ابتسمت بدلع: واقلع؟ ادهم اندهش من كلمتها وطريقتها وقال بمكر: حبيتي الموضوع ولا ايه! نهال اتصدمت من كلامه واتحرجت جدا: علي فكره انت قليل الادب يا ادهم ودماغك كلها مفيهاش غير قلة ادب وبسس ادهم ضحك: يا نُوله ما انتي اللي بتقوليلي اقلع يعني ايحاء واضح ” نهال سكتت بإحراج واستغربت هي ازاي قالت كدا اصلا وفتحت كاميرا وكان باين عليها الكسوف ” ادهم شاف كسوفها ضحك اوي: حبيب قلبي المكسوف…..معقول مكسوفه مني؟ نهال بصتله بغضــ,,ـب: علي فكره انت اللي كسفتني منك انا اصلا كنت بهزر معاك انا مستحيل اعمل كدا تاني مهما حصل ادهم استغرب كلامها: ليه مستحيل تعملي كدا مهما حصل؟ ولا هو عيب ولا هو حرام مدام مع جوزك نهال اتكسفت اكتر ورجعت شعرها لورا: طب غير الموضوع بقا اتكلم في حاجه تانيه بلاش تحسسني انك متجوزني للموضوع دا وبس ارغي معايا مثلا علي شغلك عملت ايه النهارده كدا يعني ادهم دماغه عطلانه عند جملة متجوزني لكدا بس وقال بعدم استوعاب: استني استني هو اللي انا سمعته دا صح انتي شيفاني متجوزك علشان كدا بس؟ نهال بتبرير: ادهم مقولتش انت متجوزني علشان كدا بقولك متحسسنيش.. ادهم قاطع كلامها: انا بسألك سؤال انتي شيفاني متجوزك علشان كدا وبس؟ نهال بصتله وقالت برفض: لاء طبعا مش شيفاك كدا ” وحست انها قالت جمله غبيه ” انا اسفه مكنش لازم اقول كدا اصلا ادهم ولع سجاره وشربها وبصلها بتركيز: عليكي شوية جمل تلاته بالله العظيم لو واحده غيرك بتقولهم ليا لكانت ديتها معايا ساعه بالكتير واد.فنها نهال ابتسمت: واشمعنا واحده غيري مش انا؟ ادهم ابتسم وقال وهو بيغمز : انتي دلوعتي مقدرش ازعلك يا نوله عليا انا التحمل يا ستي نهال ضحكت بحب: انا بحبك اوي يا ادهم بحب حنانك عليا اوي ادهم اتمني للحظه لو هي قدامه وكان قالها بحيبها قد ايه لكن اتنهد: انتِ لقلبي ما هو اقوي من الحب، انتِ الامان، والعمر، والمستقبل السعيد.. نهال ابتسمت اوي علي غزله فيها: الله يا ادهم انت بتكتب اشعار فيا ولا ايه؟ بتنطق لغه عربيه حلو اوي كمان ” فضلو يتكلمو في كل حاجه ويضحكو ويتخيلو انهم مع بعض محسوش بالوقت اللي عدي خالص ” ” ادهم مبتسملها بحب وحس انه عايز ينام بص في الساعه استغرب امتي عدت ل ٣ بليل بسرعه دي: مفيش وقت بيعدي اسرع من وقت الكلام معاكي انتي متخيله اننا بقالنا اربع ساعات بنتكلم نهال اتصدمت من اللي بيقوله وبصت في ساعة فونها كان الساعه ٣ بليل قالت بلا مبالاه: عادي يعدي الوقت براحته ” وقالت بعش.ق ” الرغي معاك عامل زي الحض.ن بالكلام.. ” وقفلت يتكلمو مع بعض لحد ما نامو غصب عنهم ” ……………………………….. ” الفجر اذن ونوال واقفه في البلكونه بتترعش من التلج والخوف علي صلاح اللي اتأخر برا وفونه مقفول ” نوال بخنقه بعد ما نزلت الفون من علي ودنها للمره المليون: طب فونك مقفول ليه يا صلاح…يارب همو.ت من القلق عليه ” عدي نص ساعه كمان بعدين سمعت صوت عربيته بصت تحت شافته بينزل منها وباين عليه الارهاق، دخلت شقتها بسرعه وفتحت الباب تستناه ” “صلاح طلع شقته وهو متأكد ان الكل نايم لكن اتفاجئ بمراته اللي دموعها نازله ” صلاح دخل وحض.نها بخضه: بتعيطي ليه يا نوال في ايه يحبيبتي؟ نوال حض.نته وحست ان روحها ردت وقالت بعتاب: اتأخرت كدا ليه كنت همو.ت من القلق والخوف ومعرفتش انام وانت برا…كنت فين كل دا صلاح شدها لحض.نه اكتر وقعدو علي كنبة الصاله: ممكن نهدي بقا عشان احكيلك ايه اخرني كدا ” ومسح دموعها ” نوال بصتله: هديت اهو قولي بقا ايه اخرك كدا؟ صلاح اتنهد: بصي انا قررت افتح كافيه القرار دا في بالي من فتره لكن كنت لسه بحاول ارتب افكاري الاول علشان ابقي ماشي صح نوال بهدوء: طيب الكافيه دا هتفتحه فين؟ صلاح ببتسامه: اكيد مش في البلد يعني يا نوال هفتحه في دكرنس علي البحر لقيت المكان وكنت بمضي علي العقد النهارده وجبت ناس تنضفه وهبدء شغل وديكورات من بكرا نوال بحماس: واووو ونسميه ليالي الغرام.. صلاح بضحك: ليالي غرام ايه يا نوال احنا فاتحين استوديو هنسميه كوستاا…المهم دلوقتي انا واقع جوع هنا اكل ايه؟ نوال: عملت رز بسمتي وكفته هعمل سلطه وناكل سوا صلاح قلع الكوتش وقال بسرعه: سخني الرز والكفته متجبيش الاكل ساقع وحياة امك ” وراح وقف جنبها في المطبخ يحكيلها يومه بتفصيل ” نوال بدهشه : يعني انت عايز تفهمني انك صرفت لحد دلوقتي ٥٠ الف جنيه! صلاح بتأكيد وهو بياكل خساره من السلطه : اه والله ولسه كمان معملتش اي حاجه في المكان نوال بستفسار: طب ما انت كدا عايزلك بالمرتاح اوي ١٠٠ كمان هتجيبهم منين دول؟ صلاح: بيني وبينك لسه معايا ١١٠ اللي هكمل بيهم وربك يسهل بقا نوال: ان شاء الله ربنا هيسهلها معاك”نوال كملت تسخين الاكل بس عقلها شاغلها بفلوس صلاح دي جابها منين ومش عارفه تسأله وفي الاخر قررت تسكت متسألش قال من نفسه قال مقالش كلها دعوه ” ……………………………… ” صباح جديد بأحداث جديده علي الكل، نهال فتحت عيونها علي صوت امها اللي بتصحيها ” نهال بنوم: في ايه يا نجوي كل يوم هتيجي تصحيني من النجمه كدا نجوي بهمس: قومي يا بت حماكي برا بيقولي ادهم قاله يجي ياخدك نهال قامت اتعدلت علي السرير بصت في الساعه: اه يدوب اروح بقا بقالي يومين هنا شقتي وحشتني نجوي بضيق: وكان هيحصل ايه لو جوزك سابك عندي لما يبقي يجي هناكل منك حته؟ نهال قامت مردتش عليها وطلعت لحماها سلمت عليه: نفطر مع بعض انا وانت بقا يحج سالم سالم ببتسامه: انا فاطر وشارب الشاي وجوزك مكلمني الصبح مأكد عليا اجي اجيبك اروحك البيت علشان متتبهدليش في المواصلات نهال ابتسمت: طيب هلبس ونمشي اهو ” ودخلت الاوضه تلبس وامها عملت قهوه لسالم وراحت قعدت جنبه يتكلمو ” نهال دخلت تلبس بعتت لجوزها رساله: ‘ادهم بباك برا جاي ياخدني’ “ولبست عبايتها والطرحه وجالها رساله” ادهم: ‘ ماشي يا نوله روحي وانا هخلص الشغل اللي معايا واكلمك’ ” وحط الفون علي المكتب وبص لراجل اللي قدامه ” قولي بقا يا ريس طلباتك الراجل: عايز اعرف الاول انواع الرخام الحلو والوحش ” ادهم طلع كاتالوج وفضل يشرح لراجل” ……………………………… ” نهال روحت مع حماها لبيتهم، دخلت البيت كانت سلوي في المطبخ نهال دخلتلها ” نهال: ازيك يا ماما بتعمل ايه كدا؟ سلوي بصتلها: ايه الغيبه دي كلها دا انا قولت مش هنشوفك غير علي ما جوزك يجي نهال ابتسمت وقالت بكيد: كنت اتمني والله بس جوزي رفض قالي لاء روحي اقعدي في بيتك ف جيت بقا المهم هطلع اغير هدومي وانزلك ” وطلعت علي شقتها وهي بتضحك ” سلوي اتغاظت منها: الواحده تحمل وتربي وتكبر لما عينها تطلع وتيجي واحده متسواش تاخده ليها علي الجاهز كدا ” وكملت غسل الرز ” ” نهال دخلت شقتها شمت ريحة جوزها اللي وحشتها تلقائي اتنفست منها كتيرر، دخلت اوضة نومها لقت هدوم جوزها علي السرير حض.نتها وفضلت تشم فيه ” نهال بزعل: وحشتني يا ادهم مكنتش اعرف ان الوقت من غيرك هيبقا صعب اوي كدا ” وحست انها بتتمني حض.ن جوزها راحت كتبتله ” ‘ وحشني حض.نك اوي يا ادهم ملامحك واحشتني انا مش قادره اعيش وانت بعيد كدا’ جالها الرد بعد دقايق: لو كُنتي جنبي كنت هقولك انك مش بس حُبي انتي الحر.قه والرغبه وجنوني اللي مبيهداش، كل تفصيله فيكي بتغريني ضحكتك انفاسك حتي سكاتك بيناديني مفيش قانون كان هيمنعنا لا خجل ولا عقل كان هيقدر يبعدنا يا نهال نهال ابتسمت اوي علي كلامه وشمت ريحة تيشيرته بقوه: يا الله هحبه اكتر من كدا ايه ” وجالها رساله من ادهم صدمتها ” الفصل الثاني والاربعون 42 نهال اتفاجأت من المسدج بتاعه وكتبت: ارقصلك؟ ادهم استغرب صدمتها وكتبلها بتأكيد: ايوا عايزك ترقصيلي ” نهال فتحت الرساله واتصنمت قدام طلبه وفضلت باصه علي الرساله من غير ما ترد ” ادهم استغرب عدم ردها كتبلها: ‘ نهال انتي روحتي فين؟ ‘ ” مردتش عليه فَ قلق عليها راح اتصل عليها فَ ردت بسرعه ” نهال بتوتر: ايوا يا ادهم معاك بس اتفاجأت من الطلب بس ادهم بستغراب: مش فاهم اتفاجأتي من الطلب ليه؟ نهال بكسوف: يعني استغربت طلبك ارقصلك ازاي كاميرا وكدا يعني ادهم ابتسم علي خجلها الواضح من صوتها: كنت اتمني تبقي معايا وترقصيلي واشاركك الرقص كمان لكن الظروف اقوي ف هنكتفي بإن اشوفك كاميرا اجهزي بليل بقا يا سُكرتي ” نهال هنا اكتشفت جزء من الجواز هي مكنتش تسمع عنه اكتشفت انها بقت بتعمل حجات هي مكنتش في خيالها حتي تتوقع تعملهم علشان بس ترضي اكتر شخص كانت رافضه حتي كلامه ” ادهم بقا مستغرب جدا من استغرابها: مالك يابنتي فيكي ايه مستغربه كدا ليه؟ نهال بهدوء: مش مستغربه يا ادهم بس حسه اللي احنا بنعمله دا غلط ادهم بدهشه: غلط؟ ايه الغلط في كدا انا جوزك وانتي مراتي يعني مش عيب ولا حرام ليه مصعبه الدنيا كدا! نهال بكسوف: مش عارفه يا ادهم بحس ان مراهقه وبحب وخايفه لحد من اهلي يمسكني مش واحده بتكلم جوزها ودا امر طبيعي بينهم ادهم اضايق من كلامها جدا لكن قال بهدوء : خلاص يا حبيبتي متعمليش حاجه انتي مش مرتاحه فيها انا كدا كدا ورايا شغل هخلصه واكلمك نهال حست ان ادهم زعل منها فقالت: ادهم انت اضايقت مني؟ ادهم رد برفض: لاء يروحي هو انتي قولتي حاجه تضايق اصلا؟ انا فعلا ورايا شغل هخلصه واجيلك ” ادهم قفل مع نهال وهي فضلت تفكر هو زعل ليه هي بتكلمه عادي وبتشرحله احساسها المفروض هو يتقبل فكرة انها معملتش كدا قبل كدا ويتقبل جهلها في المواضيع دي ” نهال اتنهدت بقوه: الظاهر ان داخله علي معركه من غير سـ . لاح قال ارقصيلي قال مفكر نفسه متجوز لورديانا ابن سلوي ” وقلعت عبايتها وفضلت تدور علي حاجه في دولابها لرقص ” ……………………………….. ” نوال نزلت من شقتها لشقة حما.تها ومعاها بنتها ولابسين لبس خروج ” سلوي بصتلهم: خير يارب علي فين انتي كمان؟ غزل بحماس: هنرووح الملاه.. نوال كتمت بوقها وقالت بهدوء: صلاح معندوش هدوم خروج خالص ف قالي البسي انتي والبت نروح دكرنس يجيبله قميصين يغير فيهم عايزه حاجه من هناك؟ سلوي بشهقه: يخرابي هتجيبو هدوم علي اللي عندكم كماان هي بعزقة فلوس علي الفاضي ؟ دا انتو دولابكم من الهدوم هيقع ولا انتو حرين هاتوو يا اختي مليش دعوه بدل ما تقولو هي بتدخل ليه نوال بتنهيده: والله يماا ما في اي هدوم خروج عند صلاح خالص ماسك في التيشيرت في الابيض والرصاصي وشكلهم قديم ” وفونها رن ” دا صلاح يما هنزله زمانه تحت سلوي: نزلي يا اختي هاتي وتلتلي الهدوم في الدولاب ” نوال نزلت كان جوزها واقف بالعربيه قدام البيت ركبت جنبه وركبت بنتها ورا ” صلاح بنرفزه: يعني انا متصل عليكي من ساعتها ايه اللي اخرك كدا يا نوال؟ نوال بتنهيده: امك مسكتني وانا طالعه ليه وعلشان ايه وهدوم ايه ومعرفش ايه مصدقت انك رنيت علشان انزل غزل حاوطت رقابة صلاح من ورا الكرسي: باباااا هنرووح الملاهي ولا لاء؟ صلاح: هنروح يقلب بابا بس نخلص المشاوير اللي ورانا وبعدين نروح نوال بدلع: صلوحه روح قلبي هيغدينا برا النهارده بقاا صلاح بضحك: لاء يا عُمر صلوحه احنا المزانيه بتاعتنا بتنهار في ام المشروع الجديد يعني لمي نفسك شويه يروحي نوال كشرت: انت راجل نكدي يا صلاح ٤٠٠ جنيه مش هتقصر يعني متبقاش بخيل بقااا هنروح ناكل عند ديكستر اتفقنااا صلاح بتحذير: انا اخري ٤٠٠ جنيه لو ٥ جنيه زياده مش دافع علشان تبقي عامله حسابك نوال ابتسمت بفرحه: خلاص اتفقنااا اوعدك مش هنزيد عن ٤٠٠ جنيه ” صلاح اخد مراته وراح علي اكتر من محل يختار لبس ليه في اللي يعجب مراته وميعجبهوش لحد ما اخيرا اختار لبس وجابه وراح علي المطعم ” ” صلاح قاعد بيبص في المينيو جنب مراته اللي قاعده تتصور ” صلاح شدها بصدمه: اقل اكله ب ٥٥٠ جنيه وتقوليلي ٤٠٠ جنيه دا انا هطلع تلاته ميتين اهلك النهارده نوال ضحكت بخفه: ايه يحبيبي خساره في مراتك حبيبتك يعني صلاح بغيظ: لاء مش خساره فيكي خساره ليااا انااا غزل بتشد في هدوم امها: مامااا انا عايزه اركب علي المرجيحه اللي هناك دي ” صلاح قال اخدها وفضلت يلعبها علي المرجيحه بعد ما طلب الاكل ونوال قعدت تصورهم وكانو التلاته مبسوطين اوي ” ………………………. ” نهال قاعده جنب حما.تها بياكلو لب وبيتفرجو علي مسلسل في التلفزيون، نهال قاعده بملل وحما.تها قاعده ساكته ” نهال بملل: يا الله ايه الملل دا مفيش حاجه نعملها غير القاعده دي يا ماما؟ سلوي: قومي اكنسي البرنده من التراب مدام عندك ملل نهال بصتلها بغيظ: الملل راح خلاص…امال نوال هتيجي امتي.؟ سلوي لسه هترد عليها فونها رن وكان ادهم بيرنلها فيديو: قلب امك وعقلهاا ادهم ببتسامه: ست الكُل بتعملي ايه كدا؟ سلوي قلبت الكاميرا علي نهال اللي قاعده قدامها بتاكل لب: قاعده انا ومراتك ومن ساعة ما قعدت وهي مسكاني عندي ملل عندي ملل متعرفش ايه اللي بيخلي الملل بتاعها يباا ادهم ضحك: يما ما يمكن وحشتها بس مكسوفه تقول سلوي ضحكت: اختشي يولاا ” وبصت لنهال ” ولا واحشك يابت؟ نهال ضحكت وقالت بقلة حيله : وحشني بس هعمل ايه الظروف مانعه اللقاء سلوي خبتطها علي ايدها بهزار: شوفي يولاد البت مبتتكسفش ازاي قومي اعمليلنا كوبايتين شاي نهال بكسل: والله مش قادره اقوم خالص ضهري بيوجعني اووي سلوي بغمزه: طب جوزك مسافر بقالو يومين ضهرك بيوجعك من ايه؟ ” نهال اتصدمت من كلام حما.تها وادهم ما.ت من الضحك علي امه ” ادهم نادي بصوت عالي: يا نُوووله بقووولك نهال ردت بإحراج: يا نعمم ادهم بضحك علي ردها: ضهرك بيوجعك ليه يقلبي قوليلي نهال اخدت الفون وبصتله بغيظ: علي فكره ضهري مبيوجعنيش بس مش قادره اقوم ف بقولها كدا علشان متقومنيش ادهم بضحك: بالله عليكي يما متخليها تقوم وتهبط شوفي شكلها مصفر ازاي وخاسه سلوي شدت الفون وقالت بحده: ايه الكُهن دا معندناش مراره يبااا للقصص دي امال انت هتبعتلي فلوس امتي؟ ادهم: عايزه ايه يقلبي وانا ابعتلك؟ سلوي: يعني انشالله لو ٢٠٠ ريال حتي نمشي بيهم الدنيا وعلشان لو مراتك لو احتاجت حاجه ولا كدا ادهم: هبعتلك بكرا الصبح تروحي تجبيهم ملكيش دعوه بمراتي خالص اللي هبعتهولك ليكي انتي ” دخلت نوال وبنتها وجوزها وفي ايدها اكياس كتير، نوال اول ما شافت نهال ابتسمتلها ” نوال ببتسامه: يجمالو علي الكرش القمر يولاد نهال ضحكت وحطت ايدها علي بطنها: تحسي بطني شبه القلقاسه مش شبه بطن الحوامل كدا نوال بتخمين: انا حاسه انك حامل في ولد مش عارفه ليه؟ نهال بخضه: منخيري كبيره وبقيت سودا ولا ايه؟ انا عايزه بنت يا نوااال نوال ضحكت: لاء لو في الحلاوه انتي حامل في بنت علشان زي القمر بعدين الكلام دا كله خرافات اصلا صلاح: نوال هاتي الكيس كدا وري امي الهدوم اللي جبناها” واخد الكيس فتحه وفضل يفرج امه ” ادهم: طب يلا هقفل دلوقتي اخلص اللي وبابا وهكلمكم” وقفل ” سلوي مسكت الهدوم: مجبتش قطن صافي ليه يمص عرقك في الصيف انما دا يخليك مايه في الصيف صلاح بلا مبالاه: حلوين يما وروقي بالك ابويا فين؟ سلوي: دخل ينام من بعد صلاة العشااا ” نوال ونهال طلعو قعدو في البرنده ونهال بتاكل شيبسي من ايد غزل ” نهال بهمس: صلاح عامل معاكي ايه؟ نوال ببتسامه: ربنا يباركله راضيني والله يا نهال وبيتمنالي الرضا ارضي نهال بببتسامه: ربنا يهدي سركم انتي تستاهلي كل الخير والله يا نوال ” وسكتت بعدين قالت ” نوال انا عايزه بدله رقص نوال بدهشه: وانتي عايزه بدلة رقص ليه يا غاليه وجوزك مش هنا؟ نهال بغمزه: جوزي عايزني ادلعه كاميرا يقلبي قاعد هناك ومش راحم برضوو ” ولسه هتكمل كلامها رن عليها ” ايوا يا ادهم ادهم بجديه : اطلعي الشقه كلميني عايزك في موضوع مهم….. “” انتظرو القادم “” ٤٣__٤٥ الفصل الثالث والاربعون 43 ” نهال استأذنت من الكل وطلعت علشان تكلم جوزها، دخلت قلعت طرحتها وراحت قعدت علي السرير واتصلت عليه ” ادهم كان معاه ناس لسه داخلين مكتبه فَ كنسل وكتبلها: ‘ ربع ساعه وهرن عليكي علشان معايا ناس يا نوله ‘ ” نهال شافت الرساله وعملت قلب عليها واتنهدت وفضلت مثبته عيونها علي الدولاب، وبعد صراع داخلي قامت لبست فستان احمر بحمالات رفيعه مكشوف من الضهر خالص قصير ” نهال بصت علي شكلها في المرايا بصدمه: ايه قلة الادب اللي انا فيها دي يعني راحه البس الفستان وهو مسافر ” وفردت شعرها علي ضهرها وعملت ميكب خفيف مع روج احمر ” ” فات ساعه وادهم خلص شغله وراح سكنه بعد يوم تعب وارهاق نام علي السرير بإرهاق، افتكر انه كان عايز يكلم مراته ف اتعدل علي السرير واتصل عليها كاميرا ” نهال بصت علي الفون بتوتر وبعد شويه وردت بكسوف: ايوا يا ادهم ادهم بصلها بتدقيق وقال: ثبتي الفون وارجعي ورا كدا.. ” نهال اتحرجت اكتر وثبتت الفون ورجعت ورا فستانها اللي رغم كبر بطنها مُغري وهادي واللي محليها اكتر كسوفها الواضح، ادهم من اعجابه بيها نسي تعبه وارهاقه طول اليوم ” ادهم بإعجاب وهو بيتفرج عليها وهي بتلف حوالين نفسها: يلعن ابو ام المسافات يا شيخه اللي تمنعني عن اكلك دلوقتي نهال ببتسامه: الفستان عجبك؟ ادهم بشغف: صاحبة الفستان عجباني اكتر ومجنناني…ايه الحلاويات دي كلها نهال بصتله ببتسامه خجوله وقال وهي بتوه كلامه : انت كلمتني تحت قولتلي اطلعي الشقه كلميني كان في حاجه مهمه؟ ادهم افتكر كان عايزها ليه وقال: كويس انك فكرتيني شوفي كدا الفلوس اللي انا سايبها في الدرج قد ايه؟ نهال فتحت الدرج وفضلت تعد في الفلوس وبصتله: دول ٦ الاف الا ٤٠٠ جنيه و ٤٠٠ معايا في الشنطه كنت واخداهم احتياطي معايا وانا رايحه لماما علشان لو احتاجت حاجه ادهم ببتسامه: براحتك يروحي..المهم هتخدي من الفلوس دي ٣ الاف هتنزليهم الصبح لأمي والباقي خليهم معاكي اول ما تقربي تخلصيهم عرفيني نهال وافقته: حاضر طب انزل انزلها الفلوس دلوقتي وارجع ارنلك اول ما اطلع؟ ادهم برفع حاجب : بقا عايزاني اقفل واسيب الجمال دا كله علشان تنزلي الفلوس ارميلي بقا ام الفلوس دي علي جنب وانسيلي الدنيا كدا وارقصيلي ” الكلمه دخلت قلب نهال هزيته من مكانه مش فاهمه ليه الكلمه دي بترعبها بلعت ريقها وبان توترها وبدأت تفرك في كفوف ايدها ” ادهم بحنان: حبيب قلبي وروحي اتوتر كدا ليه اهدي خالص مفيش حاجه…مالك كدا؟ نهال حطت ايدها علي قلبها وقالت بهدوء: كويسه بس متوتره شويه عندك اغنيه معينه عايزني ارقص عليها ولا اجيب علي ذوقي ادهم بحب: علي ذوقك عايز اتفاجئ بمهاراتك المدفونه بقاا ” نهال ابتسمت بكسوف وشغلت اغنية ‘ يعمي وعم قلبي’ وبدأت ترقص بمهاره دهشت ادهم ، رقص نهال عجب ادهم جدا بحركاتها المثيره بنسباله ” نهال قعدت علي السرير زهي بتنهج: الموضوع دا مرهق جدا يا زوجي العزيز ادهم بحُب : يا بخت قلبي لما ارتاح بعد التعب وبعد الجراح دا الحلو لما بيجي بينسّي كل اللي راح نهال بصتله وابتسمت اوي: انا بعش.ق كلامك يا ادهم وبعش.قك كمان…يلاا قولي شعر كمان ادهم ببتسامه: عايزه شعر عن ايه مثلا؟ نهال بتفكير: عن عيوني.. ادهم ابتسم وبصلها وقال بغزل : تبصيلي انسي الدُنيا وكل اللي كان انسي همومي وادور علي الأمان في طرف رمشك راحه وسكون وفي نظرتك سلام للعيون يا ست نِهال ” ميعرفوش الوقت اللي عدي وهما بيتكلمو مع بعض ، فضلو صاحيين لحد ما نامو علي انفاس بعض ” ………………………….. ” في شقة نوال صلاح قاس الهدوم قدام مراته اللي بتحاول تنسقهم علب البناطيل اللي عندو ” نوال بحيره: بص التيشيرت الاسود دا هتلبسه علي البنطالون البيج والتشيرت الابيص علي البنطالون الرصاصي والجينز صلاح بصلها: لما هلبس البنطالون الرصاصي هلبس التيشيرت الرصاصي هلبسه علي ايه؟ نوال بغيظ: التيشيرت الرصاصي دا هقطع امه وهعمله ممسحه امسح بيها المطبخ علشان مشفوش تاني صلاح بدهشه: انا مش فاهم هو عامل فيكي ايه دا اكتر تيشيرت متحمل الكحرته والبهدله ولا عمره اشتكي نوال: كفايه عليه بقا لحد كدا لسه عايزين نجيبلك كام كوتش حلوين كدا يليقو بيك بقا صلاح بستغراب: هو انا نازل في ترشيحات مجلس الشعب السنادي ولا ايه؟ نوال ضحكت بخفه: اشمعنا يا صلاح باشاا صلاح حك دقنه وقال: يعني تيشيرتات جديده ودلوقتي كوتشات مش مرتاحلك بصراحه نوال حاوطت رقابته : مش لازم يكون في مناسبه علشان نجدد لبسك بعدين انا حبيبي هيبقي صاحب كافيه وبكرا يبقي الكافيه بتاعه اكبر كافيه فيكي يا دكرنس كلها غزل فتحت باب اوضتها وطلعت ومعاها لعبه وقالت بتذمر: بابااا مش راضيه تشتغل صلاح بعد عن نوال بغيظ: الجوازه دي منظوره اقسم بالله ” واخد اللعبه يشوفها مبتشتغلش ليه ” هاتي الريمو.ت كدا ناخد منه الحجاره نوال اخدت الريمو.ت: لاااء الريمو.ت لاء هسمع المسلسل ازاي اناا صلاح شد الريمو.ت: اصبري بس نلهيها بلعبه نصايه خليكي جدعه نوال برفض: استني بس لعبة ايه اللي تقعد بيها نص ساعه كمان الساعه ١ وتلت يعني معاد نومها فات هدخل انيمها واجيلك غزل برفض: لاااء مش نايمه انا عايزه اصحي كمان شويه نوال شالتها غصب ودخلت اوضتها: هحكيلك حدوتة المعزه الغلبانه غزل بحماس: اللي اولادها ما.تووو ” نوال وافقتها وحض.نتها وفضلت تحكي لحد ما غزل نامت ونوال راحت في النوم جنبها، صلاح استغيبها فَ قام دخلها بص علي منظرهم وهما حض.نين بعض ابتسم ودخل جنبهم ” نوال حست بحد بيضمها من وسطها فاقت وبصتله بنوم: السرير ضيق يا حبيبي قوم ننام في اوضتنا صلاح ضمها بهمس: هشش مش هنام غير هنا ندفي بعض احنا التلاته نوال بغيظ: والسهره اللي كنا ناويين ليها يا صلاح؟ صلاح ضحك بخفه: ملكيش حظ ذنب امي ايه دلوقتي…اتخمدي نوال حض.نته وقالت بهمس: اتخمدت ………………………………… ” تغريد كانت قاعده في البلكونه عند نجوي في ايدها كوباية شاي مستمتعه بِ جو الفجر وهدوئه، جيه في بالها امجد واللي كان بيعمله حست نفسها مغفله جدا بعدين افتكرت كلام الحب اللي كان بيقوله وضحكت” تغريد بغلب: لدرجه دي كنت مغفله ومعميه في حبه…دمرني منه لله نجوي اتاوبت وهي بتقعد جنبها: لازم يعني تتقرصي جامد علشان تعرفي انه دمرك تغريد بتنهيده: والله يا نجوي انا كنت بقول انه شخص كويس اي بنت تتمناه حبيته والله لكن خدعني وخذلني قدام نفسي الوجع بقاا هنا مش في الخذلان الوجع في انك كنتي مفكره ان الشخص دا اخر من يخذلك فهماني نجوي بتفهم: ديما الخذلان بيجي من الناس اللي ادناهم كل الثقه والحب تغريد بصتلها ببتسامه: عمرك كنتي تتخيلي ان نهال تحب ادهم كل الحب دا؟ نجوي ابتسمت: ادهم طيب وحِنين وجدع ويتحب نهال مبتجيش غير بالكلمه الحلوه وهو كان نفسه طويل واستحملها تغريد بوهن: الاقي فين حد يستحملني كدا يا نجوي؟ نجوي برفع حاجب: ماهو كان جايلك انتي يا محترمه بس انتي اللي رفضتي تغريد بضحك: كل واحد بياخد نصيبه بقاا ” نجوي لسه هترد عليها فونها رن بصت فيه واستغربت اوي ” نجوي: نهال بتتصل دلوقتي ليه استرها يارب ” وردت عليها ” “” انتظرو القادم “” الفصل الرابع والاربعون 44 نهال بوجع: ماما انا بطني بتوجعني اوي ومش مبطله ترجيع اعمل ايه مش قادره نجوي بقلق: الترجيع دا في الحمل طبيعي قولتلك خليكي عندي لكن دماغك فردة جازمه..الدكتوره مكنتش كتبتلك علي دوا لترجيع دا؟ نهال نشفت وشها من المايه بعد ما غسلته وردت بتعب: مرجعتش قبل كدا علشان تكتب دي لسه اول مره ريحة الصــ,,ـابون نفسه مضيقاني اعمل ايه دلوقتي نجوي بهدوء: حاولي تنامي دلوقتي وانا الصبح بدري هجيلك نروح المستشفي نكشف ونسأل الدكتوره نهال برفض: لاء مش رايحه مستشفيات هنروح نكشف في عيادة دكتوره ريهام نجوي: بتفتح امتي دكتوره ريهام دي؟ ” نهال حست انها عايزه ترجع تاني ف سابت الفون علي السرير ورجعت ترجع من تاني ، نجوي قلت عليها وندمت انها سابتها تمشي ” ” نهال قضت الليل كله من غير نوم ما بين وجع بطنها وبين انها كل شويه تقوم ترجع لحد ما النهار طلع وجوزها رن عليها ” ادهم بصوت لسه نعسان: صحيتك من النوم يحبيبي انا عارف بس وحشتيني قولت اكلمك شويه قبل ما انزل الشغل نهال عيطت بوجع: بمو.ت يا ادهم بطني بتتقطع منمتش طول الليل رايحه جايه علي الحمام ارجع وبس ادهم مسح وشه اثر النوم واتعدل بقلق: يعُمري ليه كدا حصلك ايه وبعدين لما انتي تعبانه مكلمتنيش ليه بليل؟ نهال دموعها نازله علب المخده وهي نايمه علي جنبها وايدها علي بطنها وقالت بهمس تعبان: عندك شغل الصبح محبتش اقلقك فكرت الوجع ساعه او ساعتين وهبقي كويسه لكن التعب بيزيد لدرجة ان مش قادره اتكلم واعصــ,,ـابي كلها سايبه ادهم من قلقه عليها اتوتر: اقفلي والبسي عبايتك هبعتلك امي تروحو لدكتوره يلا نهال بتعب: مش قادره اقوم البس حتي يا ادهم تعبانه ادهم بخوف عليها: طب خليكي هخلي امي تيجي تلبسك يحبيبي الف مليون سلامه عليكي يا نوله ” ادهم قفل ورن علي امه ” سلوي قامت بخضه ترد: ايوا يا ادهم رنن بدري ليه يباا انت حلوو ادهم بغضــ,,ـب: انا حلو يما بس مراتي نايمه في ميتين ام بيتكم بتمو.ت في الشقه لوحدها ومحدش فكر يطلع يشوفها حتي سلوي بقلق: وانا هعرف منين يابني انها عيانه وبعدين لو طلعت هتقول الوليه دي طالعه عندي ليه ادهم بغضــ,,ـب اكتر: يما وانا عندك كل شويه انتي كنتي فوق اشمعنا لما مشيت فوق اتحرم عليكي..” وحول يهدي ” المهم يما اطلعي خديها وروحي اكشفي عليها وشوفيها مالها ” سلوي قفلت معاه وهي مضايقه من اسلوبه وربطت دماغها بإيشارب وطلعت علي شقة ادهم، رنت الجرس وفضلت شويه لحد ما نهال فتحت الباب والتعب باين عليها ” سلوي بقلق: يقلبي عليكي يابنتي مالك يا نهال فيكي ايه؟ نهال حض.نتها وعيطت: مش قادره همو.ت من وجع بطني ومن امبارح مش مبطله ترجيع لحد ما نفسي اتقطع سلوي طبطبت عليها بحنان: طيب قومي البسي نروح نكشف نطمن عليكي نهال مسحت دموعها وقالت بوجع: مش قادره امشي ولا اقف علي رجلي يا ماما وكمان الدكتوره ريهام مبتفتحش بدري كدا سلوي بهدوء: هنروح المستشفي في دكرنس نطمن لما الدكتوره ريهام تفتح نروحلها بليل المهم ترتاحي شويه ” نهال وافقتها بتعب وسلوي ساعدتها تلبس وفضلت معاها لحد ما خلصت ، ونهال اديتها الفلوس اللي ادهم قال عليها ونزلو الاتنين مع بعض علي تحت وسلوي سناداها ” سالم كان طالع من الحمام وفي ايده فوطه بينشف اول ما شاف نهال قاعده علي الكنبه وشكلها تعبان قِلق: مالك يا نهال تعبانه ولا ايه؟ سلوي وهي بتلبس عبايتها: دور العربيه خلينا نروح نوديها المستسفي نشوف مالها كدا بطنها بتوجعها وبترجع من بليل سالم بحنان: سلامتك يا نوله ” وقال بهزر ” الولا ابن الكلـ. .ب قارفنا من قبل ما يجي ” نهال ابتسمت بتعب وايدها علي بطنها المنتفخه شويه، وسلوي لبست وسندتها ونزلو علي تحت ركبت مع سالم وراحو علي المستشفي ” ادهم رن علي امه بقلق: ايه يمااا طلعتي ولا لسه ؟ سلوي: احنا في الطريق اهو يبا هنروح المستشفي اللي في دكرنس نطمن عليها ونرجع متقلقش انت ادهم بقلق وعصبيه: مقلقش ازي بس ملعون ابو السفر يا شيخه اللي مخليني مش عارف ابقي مع مراتي في تعبها سلوي بضحك: ما احنا معاها اهو يا ادهم هنروح ونعملها اللازم ونطمن عليها ونيجي ادهم بتأكيد: ومتخليهاش تنام في الشقه لوحدها يا تطلعي تنامي معاها يا تنزل تنام في اوضتي تحت وتأكليها يماا هاتي فراخ بلدي واعمليها يما ” نهال سمعت كلامه واضايقت منه علشان هي بتحب تنام لوحدها مش عايزه تحس نفسها متراقبه او مش واخده راحتها فَ سكتت بتعب ” سلوي: مراتك في عنينا كلنا يا ادهم انت خلي بالك من نفسك ومتشلش هم يبا ادهم بستفسار: امال هي فين مش سامع صوتها ليه؟ سلوي بصت عليها كانت مغمضه بتعب: جنبي اهي بس تعبانه مش قادره تتكلم ادهم بهدوء: طيب يما لما توصلو المستشفي طمنيني انا فاتح نت اهو ” ادهم اضايق من تعبها واضايق انه مش جنبها اضايق انه مش عارف يخدها في حض.نه يطمنها، قفل مع امه وهو مضايق وكمل باقي شغله بعصبيه وضيق ” …………………………….. ” في دكرنس ” ” نجوي كانت قاعده جنب احمد في العربيه رايحين المستشفي لنهال بعد ما عرفتهم ” نجوي بضيق: بدل ما يخدو البت عند دكتور خاص رايحين ياخدوها المستشفي العام احمد بهدوء: يا وليه الساعه ٨ الصبح دكتور خاص ايه اللي هيفتح من دلوقتي؟ بعدين المستشفي هناك هيعملو اللازم بعدين اصلا الدكتور الخاص لما بيحس ان في خطر علي الحاله بيحولها المستشفي علطول ايه مشكلتك بقا؟ نجوي: الدكتور بيحولها المستشفي لكن بيكون معاها لكن هما رايحين بالبركه وخلاص ” احمد وصل قدام المستشفي ركن عربيته وفضلو مستنينهم يوصلو، بعد شويه سالم وصل بيهم وسلوي سانده نهال اللي التعب واضح عليها ” نجوي راحت عند بنتها ومسكت ايدها بقلق: مالك يا نهال فيكي ايه؟ نهال بتعب: تعبانه وبس تعبانه بطني بتتقطع منييي نجوي بضيق: ايه اللي كان هيحصل لما تقعدي معايا مش كنت اخدت بالي منك سلوي بستغراب: احنا شايلين نهال في عنينا يا ام نهال بس دي واحده حامل وتعبها طبيعي يعني نجوي بغضــ,,ـب: دي منظر واحده تعبها طبيعي يا تم ادهم احنا هنضحك علي بعض ولا ايه سلوي بغضــ,,ـب: نضحك علي بعض؟ قصدك ايه مش فاهمه نهال زعقت بتعب: يجدعااان افهموو انا تعبانه وانتوو وافقين تتخانقوو ” احمد مسك ايد نهال دخل علي الاستقبال وهما وراه لكن الجو متوتر بينهم كلهم ، دخلت نهال اوضة الكشف والدكتور بدء يكشف عليها ” الدكتور وهو بيبص علي التلفزيون وممشي جهاز علي بطنها: وجع البطن دا من امتي كدا؟ نهال بتعب: من امبارح بليل الدكتور: في جفاف؟ بمعني بتحسي انك عطشانه ديما؟ نهال بتذكير: لاء خالص الدكتور بعمليه: تمام هنسحب سرنجة دم نعمل تحليل انيمياا نطمن كدا ” وفعلا سحب سرنجة وبعته لدكتور التحليل ” نص ساعه ونعرف النتيجه بس عايز اعرف جوزك فين نهال: مسافر من ٣ ايام الدكتور: طب كويس جداا محتاج منك الراحه الكامله اي مجهود بلاش لحد بس ما تخلصي اخر اسبوع في الربع نهال: هعرف امتي جــ,,ـنس البيبي؟ الدكتور: يعني في الخامس ان شاء الله المتابعه الجايا مع الدكتوره بتاعتك هتعرفي ” الكل فضلو قاعدين ساكتين مستنين نتيجة التحليل ونهال نايمه علي السرير بتعب وارهاق ” الدكتور دخل بعد ساعه الا تلت وفي ايده نتيجة التحاليل: الانيمياا عندك وحشه خالص خالص ٧ ليه كدا؟ نجوي بضيق: مبتاكلش يا دكتور اصلها بتوفر سلوي اضايقت جدا منها لكن قالت بهدوء: طيب الحل ايه في الانيمياا دي الدكتور كتبلها علي محاليل دم: انا كتبتلها جهازين محلول دم تاخدهم تاخدهم وترجع تعمل تحليل تاني لو رفعت تمام مرفعتش تاخد تاني اتنين بجانب اللبن والبيض وترتاح الفتره دي علي قد ما تقدر ” احمد اخد الروشته من الدكتور ونزل بسرعه يجيب العلاج من اقرب صيدليه للمستسقي ، سالم طلع يكلم ادهم يطمنه، وسلوي ونجوي سندو نهال يخدوها للعربيه ” ” نجوي م طايقه سلوي ولا سلوي طيقاها ونهال في النص بتحاول تبلع تريقة امها واستغربت سكوت حما.تها علي امها ” سلوي فونها رن وكانت نوال: ايوا يا نوال نوال بستغراب: ايه يما امال انتو فين نزلت ملقتش حد في البيت وصلاح مش لاقي العربيه ومتأخر علي الشغل سلوي: نهال تعبت وجينا بيها علب المستشفي احنا جايين علي البيت اهو بس انزلي ادبـ . حي فرخ بلدي واطبخيه علشان نهال نوال بستفسار: حاضر يما ونهال عامله ايه؟ سلوي: عندها انيميا حاده المهم لما نرجع نتكلم يلا ” وقفلت معاها ” احمد جيه عليهم وناول العلاج لنهال: الدكتور بيقولك حطي اي قماشه علي المحلول وخديه في الضلمه بصراحه مش عارف ليه بس هو قالي كدا نهال اتنهدت بتعب: مين اللي قالك انزا هات العلاج يا احمد احمد بستغراب: محدش قالي انا نزلت من نفسي اجيبه نهال بهدوء طلعت فلوس من شنتطها: جبت العلاج دا بكام؟ احمد بدهشه: عيب يابت الكلام دا انا جايب لحد غريب دا لأختي ” وبعد محايله بينها وبينه مرداش ياخد منها فلوس والاخر نهال ركبت مع حماها وحما.تها ومشيت وامها مشيت هي واحمد ” نجوي بغضــ,,ـب: رايح تدفع فلوس العلاج ليه يا شملول جوزها فقير ومش لاقي؟ احمد بدهشه: انا مش فاهم انتي ايه غيرك من ناحية ادهم ونهال البت متجوزه وعايشه ومبسوطه ايه مزعلك بقا ” نجوي الكلام معجبهاش فَ سكتت، واحمد سكت وكمل طريقه للبيت في صمت ” ……………………………. ” نزلت سلوي وطلعت علي فوق ونهال فضلت واقفه شويه في الشمس بتكلم جوزها ” نهال بتعب: بس كدا بعدين احمد نزل جاب العلاج فضلت اتحايل عليه ياخد حقه مرداش ابدا وماما قالتلي تعالي معايا قولتلها لاء هىوح البيت وروحنا ادهم بعدم فهم: احمد جاب العلاج ازاي ومخادش حسابه هو احمد كان معاكم ولا ايه؟ نهال: اه كان جايب ماما وفضل واقف معانا لحد ما روحنا ادهم بضيق: ايوا ويجيب علاجك علي حسابه ليه برضووو ميتينه علي ميتين شكله ياستي نهال استغربت اسلوبه: ادهم لو سمحت اتكلم بإسلول كويس والشاب فضل واقف معايا مسابنيش ومتنساش انه ابن عمي ادهم بعصبيه وغيره : برضووو يحاسب علي العلاج ليييه…اسمعييي شوفي العلاج دا بكام والفلوس تروحله والا قسما بالله تبقي طالق بتلاته الفصل الخامس والاربعون 45 نهال اتصدمت من كلامه وقالت: ادهم انت بتحلف عليا بالطلاق؟ ادهم بغيره وغضــ,,ـب: اه بحلف عليكي الواد دا شوفي جاب العلاج بكام وفلوسه تروحله يجيبلك علاجك بتاع ايه بروح امه.. ” نهال من شدة زعلها وغضــ,,ـبها منه قفلت في وشه وقفلت النت، الحركه دي نرفزت ادهم اووي لدرجة انه رزع مكتبه بإيده نزل ازازه علي الارض ” نهال اتصلت علي امها: ماما عندي طلب عايزه اطلبه وتساعديني فيه نجوي: طلب ايه قوليلي ابعتلك احمد يخدك ترتاحي هنا يومين ولا حاجه؟ نهال برفض: لاء عايزه منك تدي فلوس العلاج لأحمد لحد ما اجيلك اديهم ليكي ادهم حالف عليا بطلاق نجوي بنفجار: هو جوزك بيعمل كدا ليه منعك تيجي عندي ودلوقتي بيحلف عليكي بالطلاق علشان ابن عمك دفعلك العلاج دا اسمه ايييه اتصل عليه اكلمه اقوله دي بنتي زي ما هي مراتك برضو نهال بملل: لاء يا ماما متتصليش عليه ادي الفلوس بس لاحمد عشان خاطري نجوي بفقدان امل: براحتك ينهال علي العموم انا منزلتش من العربيه الا واحمد واخد الفلوس هو بيشتغل في ايه علشان يدفعلك ٧٠٠ جنيه علاج نهال بأسف: حقك عليا يا ماما هجيبلك الفلوس اول ما اجي عندك علطول نجوي مصدومه من بنتها: تجبيلي الفلوس لما تجيلي؟ انا مستنيه منك فلوس يا نهال انتي بقيتي عامله كدا لييه هاااا؟ نهال بنفجار: عامله ايه يا ماما قوليلي بسمع كلام جوزي ولا اعانده واطلق واجي اقعد جنبك؟ انتي السبب في جوازي دلوقتي اوعي تنسي دا بس عارفه بشكرك انك السبب في ان اتجوز ادهم ماما انا مش حكم نفسي وانتي عارفه كدا تصرفاتي كلها بتحاسب عليها من جوزي ودا حقه انا معرفش اعاند معاه ارجوكي سبيني اعيش براحتي نجوي بهدوء: ربنا يسعدك في حياتك انا هحناج ايه غير ان اشوفك مبسوطه وكويسه بيت ابوكي مفتوح في اي وقت تنوريه يا نهال ومتقلقيش احمد انا اديته الفلوس ” وقفلت وفضلت تفكر في كلام بنتها وكان معاها حق هي مش حره في تصرفاتها ف ليه بتضغط عليها ” نهال اتغاظت من جوزها جدا وفتحت نت وكتبت ‘انا رجعت الفلوس لاحمد مش خوف منك لكن عملت اعتبار لحلفانك بس اقسم بالله عمري ما هنساها’ ” وبعتتها ليه ” ادهم شاف الرساله واتجنن: مش خوف منك؟ مش معبره يعني تماااام ” ورن عليها كانت قفلت النت نزل الفون من علي ودنه بغيظ ” صبرني عليها يارب علشان منزلش ادغدغ دماغها وارجع ” سلوي طلعت بصت عليها كانت واقفه مربعه ايدها وسانده علي العربيه بتاعتة جوزها ومغمضه عيونها ” سلوي: نهال تعالي كُلي علشان تاخدي المحلول يلاا نهال سمعتها وبصت حما.تها: حاضر جايا اهو ” وطلعت ” الشمس بتدفي اغريتني سلوي ابتسمت: ولا لو قعدتي العصر بقا تحت تخليكي فُرن كُلي وخدي المحلول وننزل نقعد ” نهال وافقتها ودخلت جوا البيت كانت نوال مجهزه صنية اكل ” نوال: نهال انا عملالك الشوربه طعمها تحفه وحطيتلك لسان عصفور دوقي كدا وقوليلي رأيك نهال اكلت منها: ياربي تسلم ايدك يا نوله بالله العظيم طعمها تحفه نوال ببتسامه: بالف هنا شكلك حملك متعب كنت كدا في غزل وقرفانه من كل الروايح بقا بالله كنت بغسل وشي بصــ,,ـابون ابيض بدون ريحه وكمان دوخه وترجيع ورجلي تورم وقررف بس اول ما ولدت ولا كأن في حاجه نهال بلعت وردت: انا بقا مش بدوخ انا بحس ان الدنيا بتلف وانا واقفه مكاني وترجيع يا نوال بالله كل دقيقه علي الحمام ووجع في بطني وضهري ممو.تني نوال: علشان ولا بتشربي لبن ولا بتاكلي بيض مفيش كلسيوم في جسمك نهال حست بقرف لما افتكرت اللبن: مبعرفش اشرب اللبن ساده كدا لازم فوقه حاجه شاي بقا نسكافيه اي حاجه سلوي دخلت البيت ومعاها واحده: ادخلي يا اماني مفيش حد والله دول البنات تعالي اماني بصتلهم ببتسامه: الف سلامه يا نهال ربنا يقومك بسلامه يحبيبتي نهال ابتسمت: الله يسلمك تسلميلي نوال حض.نت اماني: تعالي يا امونه”وبصت لنهال “دي اماني ممرضه مرات رامز اللي بيته في وشنا بيشتغل مع جوزك في السعوديه نهال: يبقي انتي اللي هتعلقيلي المحلول صح؟ اماني هزت راسها بموافقه: بس متقلقيش العزبه كلها عل..ها قبل كدا نهال ضحكت: بيستغلوكي اسوء استغلال يابت يا امونه والله” ودخلت تغسل ايدها ” اماني بمهس لنوال: طب بالله عسوله وبتتكلم مش زي بتوع دكرنس متكبره وكدا نوال ببتسامه: دا اغلب من الغلب وطيبه خالص اماني بغمزه: ومزه كمان تستاهل ادهم بصراحه يابت يا نوال ” نهال نايمه علي السرير في اوضة ادهم واماني بتجهز المحلول علشان تركبه ونوال قاعده علي السرير جنب نهال اللي مسكه ايدها بخوف” اماني بصتلها ببتسامه: بصي متخافيش مش هتوجعك بصي الناحيه التانيه ومش هتحسي نهال بخوف: انا واثقه فيكي اوعي توجعني مبخافش من حاجه في حياتي قد شكة الحقنه دي ” نوال مسكت ايدها جامد ونهال بصتلها وغمضت عيونها بخوف واماني شكيتها في ايدها نهال حست بيها لكن موجعتهاش واماني شغلت المحلول ” اماني ببتسامه: بالشفا يا ست نهال علي ما المفعوص يجي الدنيا يكون طلع عين العزبه كلها نهال قالت بهزار: يعمل اللي هو عايزه يابت دا لو ولد هجوزه اربعه ولو بنت هتجنن شباب البلد كلها ” كلهم ضحكو وطفو النور واماني روحت ونهال فضلت قاعده تاخد المحلول وجنبها نوال اللي عماله تتكلم معاه وحما.تها اللي عملتلها كوبايه لبن ببلح ” سلوي جابت الكوبايه وقعدت قدامها: خليكي زي ما انتي وانا هأكلك علشان المحلول ميتفكش من ايدك نهال بقرف: مبحبش اللبن ساده ولا بحب البلح بقرف منهم الاتنين معرفش اكل حاجه مبحبهاش سلوي مليت المعلقه: افتحي بس بوقك كدا لو معجبكيش متكليش منه يلا يلاا ” نهال فتحت بقوها واكلت وعجبها وسلوي اكلتها لحد ما خلصت الكوبايه ” ” نهال بصت علي نوال اللي نامت جنبها وراحت في النوم، راحت نهال غمضت عيونها ونامت هي كمان ” سلوي كانت قاعده قدام التلفزيون فونها رن: ايوا يا ادهم ادهم: ازيك يما…امال نهال قافله فونها ليه؟ سلوي: الدكتور كتبلها محلولين دم بعت البت اماني مرات رامز علقتهولها ونايمه جوا وهي ونوال ادهم بهتمام: طيب والدكتور قالها عندك ايه؟ سلوي: انيميا حاده كتبلها جوز محاليل واحد الوقتي وواحد بكرا الصبح وقال نهتم بأكلها لبن وبيض ادهم برجاء : اكليها والنبي يما وشربيها لبن لو محدش عملها واجبرها تاكل عليها تفضل يومين من غير اكل عادي سلوي: والله نوال عملتلها فرخه النهارده اكلت لما شبعت وبعد الاكل عملتلها كوباية لبن ببلح اكلتها وانا معاها اهو متخافش يباا ادهم بحب: ربنا يطولنا في عمرك ويخليكي لينا يمااا ” واحد نده عليه ” اصبر يلاا جايلك اهو نزل الحموله علي ما اجيلك ” طيب يما لما تصحي خليها تفتح فونها وانا ورايا كام حاجه كدا وهكلمك تاني ………………………….. ” الساعه بقت ٥ المغرب ونهال مصدومه هي نامت كل دا ازاي، طلعت من حمام شقتها بعد ما اخدت شاور دافي ولبست بجامتها وشالت فونها من علي الشاحن فتحته كان في اكتر من ١٠ اتصالات من ادهم ومسدجات كتيره راحت اتصلت عليه ” ادهم بزعيق: اخيراااا افتكرتي ان ليكي جوز يا محترمه من صباحية ربنا برن عليكي وانتي ولا فكرتي تفتحي فونك حتي نهال اتنهدت وريحت ضهرها علي السرير: انا منمتش طول الليل من الوجع اول ما اخدت المحلول نمت محستش بنفسي لسه صاحيه يدوب اخدت شاور وكلمتك ادهم مسح وشه يحاول يهدي: طيب يا نهال مش انتي كويسه؟ نهال بموافقه: ايوا الحمدالله بخير ادهم بهدوء : تمام روحي بقا شوفي كنتي بتعملي ايه نهال بزعل : ادهم طريقتك متغيره معايا ليه ممكن افهم؟ ادهم اتنهد بقوه وقال: انا هنا رجعت لقيت الدنيا ضايعه من غيري المصنع واقع ولسه يدوب بحاول ارتب الدنيا سايبك عندك وحاسس ان سايب روحي لما تعبتي النهارده وانا مش عارف اعملك حاجه كنت حاسس بالعجز وانا مش جنبك ومش عارف اخدك في حض.ني اطمنك متعصب مضايق مخنوووق نهال اتفهمت حالته وقالت بحب: حبيب قلبي انا كويسه جدا ماما سلوي مسابتنيش لحظه الكل هنا شايلني في عينه وبعدين كل اللي انا فيه دا طبيعي اي واحده حامل بتحسه ممكن متشلش هم؟ ادهم بستغراب: ولما مشلش همك هشيل هم مين! نهال بهدوء: طيب شيل همي لكن بلاش تضغط نفسك ممكن عايزه اطلب منك طلب ادهم بحب: عيوني ليكي يحبيبي نهال بزعل: تاني مره مهما يحصل مهما يحصل متحلفش عليا بالطلاق يا ادهم.. ادهم بزعل من نفسه: حقك عليا انا غيرت عليكي منه ف معرفتش بقول ايه وانا اوعدك مش هتتكرر لكن انتي كمان ميبقاش ليكي اي تعامل بالواد دا ولا بأي راجل يا نهال وتاني مره مهما كان الخلاف اياك تقفلي الفون في وشي نهال بحب: مش شايفه غيرك ولا عايزه غيرك ولا اقدر اكون غير ليك يا ادهم ادهم بحب وتنهيده حاره: وحشني حض.نك يا نهال هموووت عليكي عقلي كل يوم بيقولي انزل وسيب الدنيا تخرب المهم تبقي في حض.ن حبيبتك نهال بحب واشتياق: لو كنت اعرف انك لما تمشي هشتاقلك كدا مكنتش ضيعت دقيقه واحده برا حض.نك يا ادهم “” انتظروو القاادم “” رحته بالكلام وهو احتواها كل مره عذبته وهو استحملها باست كتفه برقه : طريقنا كان طويل اوي يا ادهم لكن النهايه كانت تستحق كل خطوه مشيناها ادهم ضمها وضم ابنه لحض.نه بسعاده : كنت مستعد امشيلك مليون خطوه ولسه زي ما انا مستعد ربنا رضاني بيكي انتي وعيسي يا نهال نهال قالت وهي في حض.نه : ربنا يخليك ليا كل اللي فات ميهمنيش مدام النهايه كانت معاك انت.. ” وبعد كل العثرات جاءت النهايه تبتسم لهم كأنها تقول ، كنتم تستحقون هذا السلام ” ” تَـمت بنجـاح ”
