ريم 2
محمد:معلشي يا ريم انا نسيت وانهارده اول يوم شغل ليا
ريم وهى تضع يدها حول رقبته:وحشتنى اوى ايه موحشتكش كده متتصلش بيا والا مره ايه نسيتنى خلاص
محمد :لا والله بس انا كنت مشغول شويه
ريم باغراء وهى تحرك يدها على خصلاته:ايه مش هتيجى نفطر سوا زى عادتنا
محمد وهو يبعد يدها عنه :ريم انا قولتلك كذا مره اننا فى الشغل ومينفعش كده
ريم بحزن مصطنع:خلاث انا آسفة يا حبيبي تعالى بقى نفطر سوا
محمد:انا فطرت قبل ماجى الشغل مش جعان
ريم وهى ترفع احدى حاجبيها بسخريه قائله:اه صح نسيت انك متجوز واكيد الهانم ميرضهاش تنزلك من غير فطار
محمد بعصبية:ريم متجبيش سيره ايه بالطريقة دى تانى
ريم بداخلها:اه محموق على الهانم ماشي يا محمد انا هوريك
ريم وهى تضع يدها على صدره قائله :انت زعلت يا حبيبي انا مقصدش ازعلك بس انت عارف انى مبفطرش من غيرك
محمد: خلاص يا ريم تعالى وانا هقعد معاكى وانتى بتفطرى
(متاهه القدر) بقلم/هبه الله عوض (بوبا)
تجلس بالكافتيريا الخاصة بجامعتها شارده تتذكر ما حدث منذ قليل
فلااااش
حينما استيقظت لتجد نفسها بين احضانه تنهض وتتجه الى المرحاض لتتحمم وبعد دقائق تنتهى من حمامها وتوقظه ليجهز لاول يوم عمل له
ايه:محمد …محمد…اصحى يا حبيبي
يفتح عينيه وينظر اليها قائلا :عايز انام
ايه بضحك:اتعودت ع الكسل يا دكتور قوم بقى
محمد:تعالى ناخد انهارده كمان اجازه
ايه وهى تضع شعرها فوق وجه ليقع على وجهه قطرات الماء من شعرها قائله:قوم يا كسلان
محمد وهو وهو يهجم عليها ويحملها ويضعها على السرير وهو فوقها قائلا:انتى الجبتيه لنفسك ويقوم بتقبيلها بنهم ليبتعد عنهاوليلتقط انفاسه
ايه بانفاس متقطعه:قوم ..بقى.. كفايه نوم
…محمد:خلينا نكمل النهارده اجازه
ايه وهى تدفعه وتفر هاربه الى المطبخ:قوم يا كسلان هدومك اهى انا جهزتهالك
ينهض وياخذ ملابسه ويتجه الى المرحاض ليستحم وبعد لحظات يخرج ليجدها تضع الفطور على السفره ويجلسون لتناول الطعام معا وبعد ذلك يقوم بتوصيلها الى الجامعه ويذهب الى عمله
باااااك
يقطع شرودها صوت صديقتها منال
منال بضحك:ايه عروستنا سرحانه فى ايه ؟
ايه:بفكر فى كرم ربنا يا منال انا مش مصدقة انى اتجوزت محمد حاسه بخوف مش عارفه ليه خايفه ليسبنى فى يوم
منال:ليه بس كده متفكريش كتير وسبيها لله يا حبيبتي
