ريم 2
محمد :اين تعبانه مش عارف ليه مش راضيه تروح للدكتور
ايه وهى تمسك راسها:صدقنى انا كويس…….
محمد يقطع حديثها قائلا :لا مش كويسه ومش هسكت على تعبك دا يا ايه كده كتير انتى مش عيله عشان تخافى من الحقن
مختار:خلاص بكره تروحو للدكتور
ايه:صدقونى انا كويسه دا مجرد برد
محمد:برد؟برد ايه المخلى وشك اصفر ومفيش حاجه تقعد فى بطنك
ايه:خلاص نروح نكشف وخلاص كده كويس
محمد:اه كويس انا بكره هاخد اجازه ونروح سوا
ايه : ماشى
يرقصان سويا على انغام الموسيقي ويتمسكان ببعضهما فاخيرا جمعهم الحب واصبحا زوجين
سمير:يااااااه انا بجد انهارده مبسووووووط محدش مبسوط قدى انهارده
نسمه:لا فيه انا كمان مبسوطه جدا
سمير:ولسه هتنبسطى اكتر لما تعرفى المفاجأة
نسمه:ايه هى المفاجأة؟
سمير:ههههههه بعينك
نسمه:طيب انا بقى هخصمك ومش هكلمك
سمير:لا مقدرش دا انا امو.ت
نسمه:بعد الشر عليك يا حبيبي قولى بقى ايه المفاجأة
سمير:هنسافر انا وانتى تركيا
نسمه بسعاده:بجد ؟
سمير:طبعا مش كان نفسك تسافرى تركيا من زمان
نسمه:اه دا حلمى من زمان بس معقوله احلامى تتحقق كلها مع بعض انا مش مصدقه نفسي
سمير:صدقى يا نسمتى خلاص هنكمل مع بعض باقي عمرنا
نسمه وهى تحتضنه:بحبك بحبك اووووووى
سمير بعلو صوته :وانا بحبببببببك بحبببببببك
وعلى الجهه الاخرى تجلس مع زوجها ووالدته وينهض ويتركهم ليسلم على احدى اصدقاءه ويتركهم بمفردهم
سحر:انتى بقى عروسه ابنى ؟
هدير باسمه:ايوه يا طنط
سحر بسخريه:طنط؟انتى يا بيئه تتجوزى ابنى انا ؟
تبتلع ريقها وتنظر اليها بدهشه:انا بيئه؟
سحر باسمه:الف مبروك يا حبيبتي ربنا يسعدكو طارق ابنى فعلا نقى احلى البنات
تنظر اليها بدهشه فمنذ قليل سخرت منها واهانتها والان تمدحها وتقدم لها مباركتها فمن المؤكد ان هذه المراه تعانى من اضطراب نفسي
اما عند مريم وعادل يرقصا سويا تحدثه ولكنه شاردا فمخططه كله سيتم الليله فاخيرا اصبحت زوجته وسيفعل ما يريد فيبتسم بخبث قائلا:مبروك يا عروستى
مريم:الله يبارك فيك يا حبيبي
عادل:انا مبسوط اوى انهارده احلامى كلها هتتحقق
مريم:ربنا يسعدك دايما يا حبيبي
يقف مع خطيبته مصدوما لما يراه فهذا مريضه الذى حذره كثيرا من زواجه فهذا سيجعل حالته تسوء اكثر ولكنه لم يستمع اليه
فتون:مالك يا حبيبي؟
اسلام:عادل دا تعرفوه؟
فتون:انا معرفهوش بس طارق وشادى بيقولو انو شاب كويس ليه في حاجه
