ريم 2
سماح:ممكن يكون صور متركبه دا انتى من البندر يعنى والمفروض تكونى فاهمه الحاچات ديه
ايه:طب والعقد العرفى والحمل
سماح:يالهوتى يانا ياما انتى عايزه تلابسيهالو وخلاص انتى دخلتى بطنها وشوفتي فيها عيل ؟والعجد دا ممكن يكون مزور
ايه:طب وايه اليخليها تعمل دا كله
سماح:عشان اكده كان لازم تستنى وتحكى معاه وتعرفى ايه البيناتهم ولو فعلا متچوزها ساعتها نعرفو هنعمل ايه واياه ولو لا يبجى مظلمتيهوش والا ظلمتى نفسك واياه فهامتى يا ام مخ تاخين
ايه بفرح:يا رب يا سماح يكون كلامك صح بس اعمل ايه بعد مقفلت فى وشه السكه ؟
سماح :كلاميه والا اجولك روحي شوفيه الكلام جدام بعض احسن كتير بتعرفى الصادج من الكذاب
ايه :ربنا يسهل
سماح:كلميه دلوجت يالا انا هخرج واسيبكو
بعد خروج ابنت خالتها امسكت بهاتفها وطلبت رقمه بعد قليل استمعت لصوته
محمد بلهفه:ايه
ايه :انا كلمتك عشان تقولى ايه الدليل اليثبت انها كذابه
محمد :انا عايز اشوفك انتى فين ؟
ايه:انا هاجى عند خالتو بكره وتقول كل الانت عايزه
محمد:قوليلى انتى فين يا ايه طمنينى عليكى
ايه:انا بخير وفى مكان امين
محمد بحزن :قدرتى تسبينى يا ايه كنتى بتقوليلى متسبنيش وانتى السبتينى
ايه:انا عمرى مفكرت اسيبك بس مدام سعادتك مع غيري لازم اسيبك
محمد:وانتى ازاى تحكمى ان سعادتى مع غيرك انا بحبك انتى واللهى يا ايه اى حاجه قلتهالك كذب
ايه: يعنى انت مكنتش بتحبها ؟
صمت قليلا :اه كنت بحبها
ايه بصدمه:اتجوزتنى ليه مدام بتحبها
محمد: بصراحه عشان عمك مياخدكيش امى فاجئتنى لما قالت قدامه ان احنا متجوزين وكمان مكنش فى حل غير اننا نتجوز
ايه بصدمه:يعنى اتجوزتنى غصب فعلا ؟
محمد:لا مش غصب يعنى بس كان واجبى انى اقف جمبك
ايه بصدمه:واجب ؟والا شفقه ع البنت اليتيمه ؟
محمد:مش مشكله اتجوزتك ازاى المهم اننا اتجوزنا والمهم انى بحبك وانتى كمان بتحبينى
ايه:ويوم فرحنا مفتحتنيش فى موضوعكو ليه مقولتليش انك بتحب غيري ليه ؟
محمد:مقدرتش …حكتيلى عن حبك ليا واد ايه بتحبينى مقدرتش ابعد
ايه بضحكه حزينه:هههههه فرضت نفسي عليك
محمد:لا متقوليش كده كل لحظه عشتها معاكى حبيتك فيها
ايه ببكاء:انا حاسه انى رخيصة اوى
محمد برجاء:ايه بالله عليكى متقوليش كده
ايه ببكاء:لو بتحبنى بجد طلقنى يا محمد
محمد:لو طلقتك هترتاحى
