الهمس 1

في احد المنازل البسيطة ذات الاثاث المتهالك دلفت سيدة في نهاية القرن الثالث من عمرها الى احد الغرف واتجهت الى الفراش رباب: همس يا همس همس بنوم: ايوا يا ماما رباب: قومي يلا يا حبيبتي قبل ما عم حسين يتزخم قومي همس: طب سيبني انام شوية دماغي فيها صداع من امبارح رباب: خلاص يا حبيبتي هصحي مليكة تروح تجيب الفطار هي

همس وهي تنهض من الفراش: لا يا ماما سيبها هي بتذاكر طول الليل هروح انا
رباب: طب بسرعة يا حبيبتي عشان اسلام يفطر قبل ما ينزل الورشة
همس: حاضر يا ماما هصلي بس وهنزل على طول باذن الله
رباب بابتسامة رضا: طيب يا حبيبتي ومتنسيش تدعي لاختك واخوكي
همس بابتسامة وهي تقبل يدها: بدعيلكم كلكم يا امي وانتي قبلنا كلنا
ابتسمت رباب قائلة: طب يلا قبل ما اختك تصحا
وبالفعل خرجت السيدة من الغرفة حتى لا توقظ ابنتها الاخرى
اما همس فقامت واغتسلت وارتدت جلباب اسود رقيق للغاية وارتدت حجابها ثم ادت فريضتها
وانصرفت لتحضر طعام الافطار المعتاد لديهم
فتوجهت الى منزل جارتها المسنة وطرقت الباب بهدوء فتحت سيدة كبيرة بالعمر وما ان رات همس ارتسمت على وجهها ابتسامة كبيرة
السيدة بضعف: اذيك يا همس
همس بابتسامة: الله يسلمك يا حبيبتي عاملة ايه
السيدة: الحمد لله يا بنتي فضل ونعمة من ربنا
همس: تستاهل الحمد حبيبتي
صفاء باستغراب: انتي خارجه ولا ايه
همس: ايوا كنت راحة اجيب عيش وطعمية وقولف افوت عليكي اخد البطاقة بتاعتك اجيبلك معايا
ابتسمت صفاء وقالت: تسلمي يا حبيبتي مش عايزة اتقل عليكي
همس: ايه الكلام دا يا صوفا كدا انا زعلت
ضحكت السيدة العجوز على حديث تلك الفتاة التي تجعل الابتسامة تعرف دائما الطريق لوجهها

بمنزل همس
استيقظ اسلام (الاخ الاكبر لهمس وهو العائل الوحيد للعائلة ومن اهم ابطالنا بطل رئيسي للناس اللي عايزة قصص من الواقع)
ارتدا اسلام ملابسه وادا فريضته ثم خرج من الغرفة ليجد والدته تستقبله بابتسامة حب رغم الفقر الشديد لهم ولكنه لم يقطع الحب فالحب ليس بالمال
اسلام وهو يبادلها نفس الابتسامة: صباح الخير يا ماما
رباب: صباح النور يا حبيبي
استيقظت ملكية وخرجت لتجد اخاها بالخارج فقالت بنوم وهي تفرد ذراعيها بكسل: صباح الخير يا اسلام
اسلام: صباح النور ملكية ها اخبار الامتحانات ايه
ملكية: والله يا اسلام الدكاترة دول حسبي الله ونعم الوكيل فيهم
اسلام: ليه بس
ملكية بغضب: في بعض الدكاترة بتقول الامتحان بالنص للطلاب اللي بيخدوا عندهم دروس اما احنا بقا فربنا يتولانا
اسلام: للأسف يا ملكية الزمن دا عاد ماشي بالرشوة والفساد بقا اكتر عشان كدا الثقة انعدمت
ثم احدث كي لا يشعر اخته بانها اقل من احد: اسمعي شوفي عايزة تروحي في مادة ايه وروحي
ملكية: بس الحصة غالية قوي يا اسلام
اسلام: وانتي مالك هتدفعي من جيبك حاجة مالكيش فيه اهم حاجة عايزك تركزي في دراستك
رباب: لا مش هترروح يا اسلام
اسلام باستغراب: ليه بس يا ماما
رباب: احنا كدا بنغضب ربنا يا بني وكدا احنا بنشجع على الفساد دا
ملكية بعد تفكير: لااا كله الا اني اغضب ربنا
اسلام بقناعة: ذكري واعملي اللي عليكي ومش هيضيع تعبك
ملكية: عندك حق يا سوسو
اسلام بغضب: سوسو ايه دا يا بت احترمي نفسك
ملكية: اعمل ايه مش لقية دلع غير دا
اسلام بجدية: يبقا متدلعنيش خالص
ملكية: خلاص متزعلش مش هدلعك تاني
قاطع حديثهم دلوف همس قائلة: السلام عليكم
رباب: وعليكم السلام ورحمة الله وبركاته
ملكية وهي تركض باتجاهها: همس كنتي فين كل داا
همس: الفرن كان زحمة موت
اسلام بغضب: انا مش قولتلك ميت الف مرة متروحيش الفرن دا تاني ولا تخرجي من البيت من الأساس
همس بتوتر: انا كان لازم اروح
اسلام: انتي ليه بتحبي ديما تكسري كلامي
همس: انا مكسرتش كلامك يا اسلام بس ماما طلبت مني انزل اجيب الفطار وانا نزلت
اسلام وهو يوجه حديثه لرباب: ينفع كدا يا ماما انا مش قولت لحضرتك ميت الف مرة انا هنزل اجيبليكم كل حاجة
رباب: يا بني انت هعمل ايه والا ايه كفيا الحمل التقيل اللي انت شايله
اسلام بصوت مرتفع للغاية: وانا كنت اشتكيت لحد انتو مش عارفين ايه ممكن يحصل لو حد عرف مكانا منهم طول ما انتم هنا فانتم بأمان غير كدا مش هعرف اكون حمايع ليكم
همس: يا اسلام هنا مستحيل حد يوصلنا
اسلام بصوت يحمل حارقات الغضب بانواعه: هي كلمة ومش هتتكرر تاني خروج من هنا وبذات انتي يا همس لانك كل مرة بتكسري كلامي خروج من هنا لاااااا فاهمين
ملكية بخوف: حاضر
اقترب اسلام من همس قائلا: فاهمة ولا اعيد الكلام تاني
همس وعيناها ترقرقت بالدموع: فاهمة
وتركتهم وركضت الى غرفتها فهي لا تحبذ ان يرى احد دموعها حتى ولو كان القريب لقلبها
رباب: كدا يا بني تكسر بخاطرها كدا انا السبب انا اللي طلبت منها تنزل
اسلام وهو يزفر بقوة قائلا: يا ماما الخطر الاكبر على همس ما تنسيش ان الحيوان دا عايز يوصلها باي طريقة وانا مش هسمح بدا حتى لو اخر يوم بعمري
ملكية بلهفة وخوف: بعد الشر عليك يا اسلام ربنا يخليك ليناااا يارب
رباب بعصبية: اخر مرة اسمعك بتقول كدا يا اسلام والا والله ما اكلمك تاني
ابتسم اسلام واحتضنها وقال: حبيبي الاعمار بيد الله ربنا يباركلنا فيكي يارب
ملكية: وانا يا اسلام
ملكية: انتي مع همس جوا اما ندخل نصالحها
ملكية بابتسامة: طب يلااا
وبالفعل دلف الاخوة الى الداخل فوجد اسلام همس تبكي بصمت
اقترب منها وجلس على الفراش قائلا في اسف: سامحيني يا همس بس غصب عني انتو متغرفوش حاجة عن الناس دي دول مش بني ادمين زينا دول اقذر مخلوقات انا شوفتها انتي مش متخيلة هم ممكن يعملوا ايه لو وصلوا لينا او لمكانا
نظرت له همس بحزن وقالت: هم مين دول يا اسلام وعايزنا ليه
تبادلت ملامح اسلام الى الغضب عندما تذكر ما ارتكبوه تلك الوحوش المجردة من الرحمة وقال: مش مهم تعرفي يا همس
همس بغضب: لحد امتي يا اسلام انا لازم اعرف في ايه انت مخبي ايه علينا ليه بنهرب من مكان لمكان
اسلام بهدوء مميت: هقولك بس في الوقت المناسب
ثم وضع يده على راسها وقال: همس انتي عارفة معزتك بقلبي وعارفة انك اقرب واحدة ليا ارجوكي محاول ما تخلينيش اتعصب عليكي تاني لاني بتجرح قبل ما بجرحك بموت وانا بشوف دموعك دي
همس بلهفة: بعد الشر عليك يا اسلام ربنا يخليك لينا حبيبي
احتضنها اسلام بحبا بالغ فهمس تستحق ان يعشقها الجميع فهي ليست ملكة جمال فهي جمالها بسيط للغاية ولكن قربها من الله جعل محبتها بالقلوب كبيرة ولكن ستحتاج الدعاء القوي لدخولها وكر الشياطين
ملكية بغضب مصطنع: الله الله وانا فين يا استاذ اسلام من كل دا انا كنت عارفة انك بتحبها اكتر مني
اسلام وهو يقب جبينها: مين قال كدا انتي الحتة اللي في الشمال يا بت
ملكية بفرحة: بجد يا اسلام يعني لو اتجوزت ما هيجي واحدة تاخد مكاني وتغيرك كدا وتقلبك علينا
اسلام: ومين قالك اني ضعيف الشخصية عشان دا يحصل
دلفت رباب وقالت: بس يا بت اكيد هيحب مراته امال يكرهها
اسلام: انتو بتكلموة على حاجة مستحيل انها تتحقق حاليا
همس بتعجب: ليه بقا
اسلام: مش عندي بنتين ولازم اطمن عليهم الاول
حزنت همس على ما مرت به فالجميع يبحث عن الجمال الخارجي
اما ملكية فقالت: ايوا بقا اوعدنا يا رب بشاب عسل وحليوة ذيك كدا بعيون رمادي كدا وأبيض وشعره الأسود و
اسلام: اييييه حيلك بتعكسيني وانا واقف
ملكية: اصل الصراحة مستغرابة انت طالع حلووو اووووي كدا لمين مانا اهو عيني عسلي والبت همس عيونها سودا وماما عسلي انت بقااا ابيض لمين وعيونك ملونة لمين
رباب: هههههه اسلام طالع لباباه الله يرحمه كنت ببصله على طول لما طلع شكله بالضبط
ثم اجمات بحزن: الله يرحمه ويجعل مثواه الجنة
همس: امين يارب
اسلام: ايوا انتو اجتمعتم عشان تعطلوني عن الورشة اوعي يا هانم انتي وهي انا عندي شغل كتييير اوي النهارده
رباب: ربنا يرسع عليك يا بني ويحميك
اسلام بابتسامة: ربنا يباركلنا فيكي يا أمي ملكية بعد ما توصلي الجامعة كلميني فاهمة
ملكية: والله حفظت التعليمات
اسلام بجدية وهو يتجه للخروج: فاهمة
ملكية: حاااضر
اسلام: السلام عليكم
رد الجميع السلام وغادر اسلام الى عمله اما همس فقامت لتعد الغداء وتوجهت ملكية الى مصيرها المجهول الذي سيجعلها تدخل الوكر الذي طالما حاول حمايتهم منه
اما همس فمصيرها الاصعب لانها ستصبح ملكا للشيطان نفسه