الهمس 1

بالاعلى
دلف مالك الى وكر جيمس ليجده بغرفته السرية المملوءة بالاجهزة الرياضية على اعلى مستوى فتللك السبب الرئيسي لجعلة يشبه مدربي كمال اجسام فمن يراه يتاكد بانه مصارع محترف
مالك: خلصت المحاضرة بتاعت كل يوم ولا في جديد
جمال بثبات دون ان ينظر له وهو يلعب على جهاز الركض: جاي ليه
مالك: جاي اسمع لمحاضرات جيمس الشهيرة
جمال بسخرية: محاضراتي اوك اطلب الاسعاف واحجز مكان وانا جاهز للمحاهرة
مالك بخوف شديد: لا يا عم مش المحاضرة دي اقصد محاضرة كلام الله الغني عنك انا عندي محاضرة حالا هدخل اذي بوشي دا اشرح الحصة مش ناقصة سخرية
اوقف جيمس الجهاز وهبط الى الاسفل وهو يزيح قطرات العرق من وجهه الابيض المملوء بالقسوة
مالك: يا جمال اللي بتعمله دا غلط
جمال وهو يتجه الى الخزانة: وانت بقا اللي عارف الصح
مالك: لا بس عارف تصرفاتك كويس
جمال وهو يرتدي التيشرت الخاص به لتظل عضلات صدره ظاهرة: اللي هي
مالك: انت عارف انا بتكلم عن ايه لازمتها ايه الكلام دا
جمال بثباته المعتاد: انت عايز ايه من الاخر يا مالك
مالك: عايزك تفوق
جمال بسخرية: وانت بقا اللي هتفوقني
مالك: لا يا ابن عمي بس بعرفك ان تصرفاتك دي كلها غلط وهتندم عليها اكيد في يوم من الايام
جمال: مش هيجي اليوم دا اطمن
مالك: انت ا

قاطعه جمال وقال: اتاخرت على المحاضرة بتاعتك اتفضل
ليغادر مالك وهو يزفر بحنق على ابن عمه الذي اصابه لعنة الياس سويلم لعنة القسوة
اللعنة التي ستصيب همس لتصبح همس الانين
اي مصير ريناد هل فعلا الجواز دا هيتم ولا قلبها هيدق لحد تاني؟
ما المجهول لملكية؟
من سيجعل حياة همس مملوءة بالانين؟
كيف تقع همس في وكر الشيطان وبمن تحظو وبمن ستستعين لتحاربهم؟
واخيرا ما هي الاسرار المخباة؟
وصلت مليكة للجامعة لتجد رفيقتها بانتظارها ويبدو عليها الغضب
مليكة: اسف اسف اسف والله المواصلات كانت زحمة أوي
رحمة بغضب: وايه الجديد ما المواصلات كل يوم زحمة مش نزلتي بدري ليه يا هانم
مليكة: كنت بساعد همس بتحضير الغدا
رحمة بابتسامة: همس هي عامله ايه
مليكة بحزن على حال أختها: زي ما هي يا رحمة اتقدملها عرسان كتير كلهم جايين على الكلام اللي بيسمعوه عنها أنها قمة الأخلاق لكن للاسف هما عايزين الجمال الخارجي بس
رحمة: ومين قال أنها مش حلوة همس جميلة أوي كفاية محبة ربنا ليها أن كل اللي يشوفها يحبها لله دي ما شاء الله عليها حتى أحلامها بتحقق بالنص ربنا يحفظها يارب
مليكة بابتسامة: يارررب ويرزقها بابن الحلال اللي تخرس بيه الألسنة
رحمة: كل حاجة باونها وان شاء الله هيحصل
مليكة: وانا كمان يارب
جذبتها رحمة من حجابها قائلة: اه قولي كدا بقا طب قدامي ياختي زمان الدكتور طلعت دخل المحاضرة وهيورينا يوم ما يعلم بيه إلا ربنا بسبب حضرتك
مليكة: أصلا مادته صعبة أوي أنا مش بفهم حاجة منه خالص
رحمة: يا بنتي الهندسة الفراغية دي صعبة أوي ومحتاجة تركيز ومخ واحنا ما شاء الله مخنا فاصل
لتُقاطعهم إحدى من الطلبة لتخبرها أن الدكتور قد ترك الجامعة لظروف طارئة فسفر إلى الخارج
سعد الفتيات للغاية وتوجهوا إلى المدرج
قضوا أكثر من ساعة في الحديث وكانت مليكة تجلس على الطاولة وتعطي ظهرها للدكتور الذي كانت طلته كفيلة بجعل الجميع يخرسون منهم من بحالة من الصدمة على هذا الدكتور الصغير بالعمر والآخر مفتون بجمالها
مالك بصوت أخاف الجميع: أنت يا آنسة إيه قاعدة على الكرنيش
لتلتفت له مليكة لتري شاباً صغيراً للغاية ساحراً بعيناه الرمادية وشعره الأسود الطويل بعض الشيء وبشرته القمحية
مالك: اتفضلي اقعدي
جذبتها رحمة وهي تقف كالبلهتاء تنظر له بفم مفتوح
رحمة: الله يخربيتك في حد يعمل كدا الدكتور يقول إيه عليكي
مليكة: معذورة يا بت
رحمة بغضب: عيب يا مليكة هو دا اللي ربنا أمرنا عليه أننا نغض بصرنا
مليكة بهلع: لااا والله ما أقصد يا رحمة بس الأستاذ دا في شكل غريب من إسلام أخويا
نظرت له رحمة لتجد مليكة لديها الحق فهو يشبهه إلى حد كبير الفرق الوحيد لون البشرة وبعض الاختلافات البسيطة
ليقطعهم صوت مالك
مالك: أحب أعرفكم بنفسي أنا الدكتور مالك سويلم هدرسلكم مادة الهندسة الفراغية لحين عودة الدكتور طلعت في شوية تعليمات لازم الكل يلتزم بيها عشان يحضر محاضرتي غير كدا مش عايز أشوف وشها أو وشه
أولاً دخول بعدي مستحيل
ثانياً مفيش كلام جانبي بالمحاضرة
ثالثاً الفون يكون صامت بالمحاضرة
رابعاً كل اللي أنا أقوله يتنفذ بالحرف الواحد
دي شروط اللي عجبه يتفضل واللي مش متطابقة معاه يتفضل ينسحب بهدوء
لم يجد مالك أي ردة فعل منهم فقال بثقته المعتادة: أوك كدا تمام
وبدأ مالك في شرح المسائل المعقدة بالنسبة لهم بطريقة سهلة للغاية فكان يشرح الدرس بمنتهى البراعة ولكنه لمح تلك الفتاة الحمقاء لا تكف عن الحديث فقال بغضب وهو يتوجه إليها: اتفضلي أخرجي بره ومش عايز أشوفك في محاضراتي تاني
رحمة: ليه بس يا دكتور هي عملت إيه
مالك بغضب: هي عارفة كويس هي عملت إيه أخرجي أنت كمان معها لو تحبي إحنا مش قاعدين على الكرنيش هنا
مليكة بخوف شديد: أنا آسفة يا دكتور وأوعد لحضرتك أنها مش هتتكرر تاني
مالك بتفكير رغم حدته وجديته بقراراته وعدم التراجع بأي منهم المعروف عن عائلة سويلم ولكنه تراجع وأشار بيده وقال: آخر مرة فاهمة
مليكة بابتسامة: حاااضر متشكرة لحضرتك جداا
مالك بلا مبالاة: أوك
واتجه مالك وأكمل المحاضرة باحترافية فتعجب الجميع من علمه الذي نجح بإيصاله لهم بسلاسه رغم صغر سنه
ليقطع حديثه رنين هاتفه معلن عن خطيبته ريناد سويلم
التقط مالك الفون باستغراب بدا على ملامحه لأول مرة تحدثه ريناد على الهاتف ليجذبه ويتجه للخارج قائلا إنه سيعود بعد قليل
أما مليكة فكانت تشعر بانقباض قلبها شعور جديد بقلبها تشعر بأنها تعرفه جيداً لتفيق على همهمات بعض البنات
البنت 1: دا موز أوي أنا افتكرته أنه زميل معنا هنا
البنت 2: دا خاطب يا بختها بيه
البنت 1: خاطب عرفتي إزاي
البنت 2: من الدبلة اللي في إيده وكمان لما أخد الفون وخرج كان بين عليه أوي
كانت مليكة تشعر برابط غريب يجمعه بذلك الشاب ولكن لا تعلمه
بالخارج
مالك: الو
ريناد: مالك أنت فين
مالك باستغراب: بالجامعة ليه
ريناد: طب كويس ممكن تجيلي الجامعة حالا
مالك باستغراب: ليه
ريناد: خوف: العربية اتخبطت مني ولو جدي عرف أنت عارف ممكن يعمل إيه
مالك بتفهم: بس أنا عندي محاضرات كثيرة أوي يا ريناد في دكتور معنا حصلت عنده ظروف وأنا مفروض عليا محاضراته لأنه صاحبي
ريناد بخوف: طب أعمل إيه أنا بكلم جوان مش بيرد
مالك باستغراب: جوان مين
ريناد: أقصد جمال أنا مش عارفة حد يسيب اسمه الشيك دا ويسمي نفسه جمال دا جوان دا شيك وكلاسيكي كدا
مالك: دي حرية شخصية وهو حر بتصرفاته المهم أنت لازم تشوفي حد يعملك العربية قبل ما ترججي القصر بدل ما تتعاقبي
عند ذكر مالك للعقاب الذي وضعه إلياس سويلم ارتجفت وقالت: طب لو قالي كنت فين كل دا
مالك بتفكير: أنا ورايا محاضرات كتير فهرجع القصر متأخر عن كل يوم ممكن تقولي إنك كنت معايا أو نتكلم ونتقابل ونرجع مع بعض
ريناد بفرحة: شكرا يا مالك بجد
مالك بعدم اكتراث: لا على إيه مفيش مشكلة
ريناد: هشوف الواد اللي مايا بتعمل عنده عربيته
مالك: تمام
ريناد: باي
مالك: مع السلامة
وأغلق الهاتف ودلف إلى المدرج وأكمل ما كان يفعله
أما ريناد فتوجهت إلى ورشة السيارات تقابل الشاب الذي سيقلب حياتهم رأساً على عقب ليحطم قوانين إلياس سويلم ويعلن لعنة العشق التي ستحطم حصون قصره وحصونه