مريم الفصول الاخيرة
سماح:ماشى ياماما اما اشوف حنيتك دى هتوصل ل فين. الداده:طب اسكتى بقى وخليكى قاعده هاروح اطلعلها الاكل وهجيلك تانى. سماح:ماشى. وراحت الداده تحضر الاكل وحطت فى الشوربه الحبوب اللى ادتهالها ناهد عشان تحطها فى الاكل ل مريم. سماح:انتى بتحطى فى الاكل ايه ياماما؟؟ الداده:ده يابنتى الست ناهد قالتلى بروتين او حاجه كده ادتهولى عشان احطه للست مريم فى الاكل عشان تخف بسرعه والله تتحسد بقت طيبه معاها اليومين دول. سماح قامت من مكانها وقالتلها:ورينى كده.
وخدت منها شريط الدوا. واتصدمت بعد كده وقالتلها:هى بتستغل جهلك وبتخليكى تحطى حبوب منع الحمل فى الاكل لمرات ابنها. الداده:………………………………………. البارت التاسع عشر: الداده بصدمه:انتى بتقولى ايه ياسماح؟؟ سماح:بقول اللى سمعتيه ياماما..الست دى مجرمه ازاى جتلها الجرائه تعمل كده. الداده:يابنتى الست مريم اساسا مش بتخلف..وناهد هانم جوزت باسل بيه عشان السبب ده. سماح بضحكه ساخره:م هى دى اللعبه ياماما..كانت بتحطلها الحبوب من زمان عشان متخلفش..وانتى قولتيلى انها نفسها تطفشها من هنا باى شكل..اه يابنت ال…وليا شيطانه ماما انتى لازم تقولى ل باسل ده.
الداده:لا يابنتى انا ماليش دعوه. سماح:يعنى ايه..هتسكتى على الجـ,ـريمه دى؟؟ الداده:يابنتى الله يخليكى انا مش فاهمه كلامك وبعدين احنا مش اد الناس دول…بوصى انا ممكن اقول للست مريم لكن باسل بيه لاء..كده البيت كله ممكن يولع. سماح:ماشى ياماما..بس المهم حد يعرف المصيبه دى..زنبها ايه مريم دى عشان الست دى تعمل فيها كده..ربنا ينتقم منها. …………………………………………………………………………………………………………………………………………………………………………………………………………………… فى اليوم التالى..صحيت يارا وراحت ل فارس..خبطت ف اذن بالدخول..ف دخلت لقيت معاه طارق صاحبه. يارا بابتسامه:صباح الخير. فارس\طارق:صباح النور.
يارا:ازيك؟؟ فارس بابتسامة حب:مدام شوفتك يبقى اكيد كويس. يارا بصت فى الارض بكسوف. طارق:احم طيب انا هاروح اجيب حاجه نشربها من تحت..عن اذنكو. فارس\يارا:اتفضل. وخرج طارق..وقعدت يارا على الكرسى جمب فارس. يارا:كويس انك عندك صحاب بيهتمو بيك. فارس:بس كلهم الا طارق..طارق ليه معزا خاصه عندى وهو كمان على فكره..تقدرى تقولى ان انا وهو وجهين لعمله واحده. يارا:اممممممممم..فارس انت رجعت المبلغ اللى سـ,ـرقته من شركتنا ازاى؟؟اصلى انا عرفت انه كان مبلغ كبير 750 الف جنيه..جتهم منين؟؟
