مريم الفصول الاخيرة
طارق:انت فين يافارس؟؟اتاخرت ليه مش قايلك تعالى هتتغدا معانا انت لسا زعلان يابنى. يارا:انااا..انا مش فارس. طارق بص فى موبايله بيتاكد انه رقم فارس وقالها:حضرتك مين؟؟هو مش ده موبايل فارس؟؟ يارا:ايوه..بس..انا يارا. طارق:اه اه عرفتك انتى الانسه يارا البحيرى..اهلا يا انسه..بس هو فين فارس؟؟ يارا بدموع:فارس فى المستشفى وانا معاه. طارق بخضه:ايه..فى المستشفى ليه؟؟حصله ايه؟؟ يارا:فى عربيه خبطته الصبح قدام النادى. طارق:انتو فى مستشفى ايه؟؟ يارا:مستشفى ال……… طارق:طيب انا جاى حالا. وقفل معاها..وكان قاعد معاه عادل ومصطفى وكمال.
كمال:ايه ياطارق مين اللى فى المستشفى؟؟ طارق:فارس. كمال:ايه..ايه اللى حصله؟؟ طارق:مش عارف اللى رد عليا يارا وقالتلى خبطته عربيه الصبح قدام النادى انا هروحله. كمال:استنى هنيجى معاك. وقامو كلهم وراحو المستشفى. …………………………………………………………………………………………………………………………………………………………………………………………………………………………………………. اما عند يارا لما قفلت فاق فارس وهو بيتئاوه. يارا بلهفه:فارس..فارس انت كويس؟؟ فارس بتعب:يارا..انتى هنا ياحبيبتى. يارا بدموع:اه..اه هنا معاك. فارس:يارا ابوس ايدك متسبنيش..انا مليش غيرك. يارا مسكت ايده وقالت ببكاء:مش هاسيبك يافارس..مش هاسيبك. فارس:يايارا والله انا رجعت كل حاجه سـ,ـرقتها من الناس بس لسا فاضل مبلغ كبير شويه لما اطلع من هنا هرجعه ومش هعمل كده تانى.
يارا:طب كفايه كلام استريح انت دلوقتى. وهنا الباب اتفتح..ودخلو صحابه. طارق بلهفه:فارس مالك ياخويا ايه اللى حصلك؟؟ فارس:متقلقش ياطارق..دى حـ .ــادثه بسيطه. كمال:حمدله على سلامتك يافارس. فارس:الله يسلمك ياكمال. مصطفى:خضيتنا عليك والله..قولى بس مين اللى عملها فيك وانا اروح اجبهولك من قفاه. فارس:هههههههههه ليه ياعم الشرانى الطيب احسن..وبعدين انا بقيت تمام. عادل بص على يارا واستغرب انها لسا معاه رغم انها عرفت حقيقته..وعرف انها فعلا بتحبه ففكر فى خطه تانيه. عادل:فارس..حمدلله على السلامه ياغالى كده تخضنا عليك.
فارس بعتاب:الله يسلمك ياعادل..وشكرا لمحبتك ياصديقى. طارق:بقولكو ايه احنا مش عيال بقى عشان تفضلو زعلانين من بعض كده دى عشرة سنين ده احنا اخوات ياض انت وهو. فارس:طبعا اخوات..وانا عارف كده قوله هو. طارق:يلا ياض ياعادل روح احــ . ــضن فارس وبوس على راسه. عادل بشر من جواه:والله لاوريك يافارس. عكس اللى قدامهم كلهم عامل انه طيب وبيحبه ورح حــ . ــضنه. وهنا الكل خد باله من يارا. كلهم:ازيك ياانسه. يارا بابتسامه:الحمدلله. طارق:احنا متشكرين اوى انك خدتى بالك من فارس.
