مريم الفصول الاخيرة
وقامت بزهق وطلعت اوضتها. …………………………………………………………………………………………………………………………………………………………………………………………………………………………………………………………….. يارا لما طلعت الطابق العلوى اللى فيه الاوض سمعت باسل بيتكلم فى اوضته ف خبطت م ردش عليها ف دخلت لقيته نايم بس شكله بيحلم وبيتملل فى السرير وعلى وشه علامات الضيق. ف قربت عليه بقلق وهزته عشان يصحى وهو كان بيقول:استنى ياحبيبتى…متمشيش …متسيبنيش….عشان خاطرى خليكى. ف زاد قلقها وهزته اكتر وندهت عليه فقام فى خضه..واعتدل فى جلسته وقالها بعصبيه:انا مش قولت محدش يدخل الاوضه دى..عايزه ايه؟؟ يارا بدموع:ياباسل حرام عليك اللى بتعمله ده..هيفيد ب ايه..خلاص ياباسل صدق بقى اللى حصل..مريم مات…
باسل مقاطع بغضــ . ــب وبكاء:اخرسى بقى..سيبينى فى حالى. يارا قربت عليه وطبطت عليه بحنان وقالتله:انا عارفه انك زعلان..مش هقولك متزعلش..مش هقولك م تبكيش..مش هقولك متحزنش..بس هقولك م تزعلهاش لانها اكيد بتبقى حواليك وشيفاك وانت بتعمل فى نفسك كده ف بتزعل. باسل بدموع:يايارا هى مشيت وم سابتليش غير اختيارين..يا امــ . ــوت يا اتجنن..انا مصدق. يارا:بعد الشر عليك ياحبيبى من ده ومن ده. باسل:يارا ممكن اطلب منك طلب. يارا بسرعه:اامرنى ياباسل. باسل:انزلى اسقى الورد بتاعى انا وروما عشان متزعلش منى انى مش بهتم بيهم.
يارا بابتسامه من بين دموعها:حاضر..حاضر هنزل اسقيه. ونزلت يارا….وبعد شويه دخلت الداده على باسل ومعاها الاكل وبصتله باشفاق. باسل بصلها وقالها:لوسمحتى ياداده اخرجى بره وخدى معاكى الاكل ده. الداده:يابنى حرام اللى بتعمله فى نفسك ده ميرضيش ربنا. باسل قالها مره تانيه:لوسمحتى ياداده اخرجى بره وخدى معاكى الاكل ده. الداده فى اللحظه دى قررت انها تقوله عشان مستحملتش شكله كده. ف سابت الاكل على ترابيزه موجوده فى الاوضه وراحت وقفت قدامه وقالتله:والله يابنى انا تعبتلكو..وماثر فيا اوى اللى بتعملوه فى نفسكو ده.
باسل:احنا مين. الداده بتنهيده:مراتك عايشه يابنى. باسل حاول ياكد اللى سمعه وغمض عينه اكتر من مره وقالها:قولتى ايه؟؟ الداده:بقولك مراتك عايشه ممتتش..وهى قاعده عندى. باسل قام من مكانه بسرعه وقالها:انتى بتهزرى معايا ولا انا بحلم ولا ايه بضبط. الداده حكتله كل حاجه حصلت من يوم م مشيت مريم من القصر. باسل قالها ودموعه مليا عينه:انتى بتتكلمى بجد هى عايشه؟؟ الداده بابتسامة بحزن على حاله:ايوه يابنى. باسل شدها من ايدها وقالها:تعالى ودينى بيتك ده حالا. وخرجو من القصر ووصلو بيت الداده.
