مريم الفصول الاخيرة
مريم:ايوه عندك حق طلعها لحسن ممكن ياكلوها..ولو انى حبتها خالص. باسل مسك القطه وطلعها من القصر ورجع ل مريم لقاها بتقاوم النعاس وبتفرق فى عيونها. باسل:روما ..عايزه تنامى ياحبيبتى؟؟ مريم:بصراحه اه. باسل:طب تعالى نطلع. مريم:اه هنطلع بس انت هتروح الاوضه التانيه وانا هروح اوضتنا. باسل:ليه بس ياروما..ليه انتى عارفه احنا بعدنا عن بعض اد ايه..من ساعة م اتجوزت البتاعه اللى فوق دى. مريم:معلش ياباسل..يعنى هنروح من بعض فين م انا معاك اهو رهن اشارتك فى اى وقت.
باسل بعتاب:مش باين. مريم:ههههههههههههههههه انت قلبك اسود اوى. باسل:بوصى..انا هسمع كلامك وهتنيل انام عند نيهال دى النهارده..بس بكره هاجيلك ومش هسمح باى اعذار كفايه عليكى كده انا مش هصبر عليكى اكتر من كده. مريم:هههههههههههههه ماشى. باسل بابتسامه:طيب يلا نطلع. وطلعو ووصلو للطابق العلوى..وكل واحد مشى عكس اتجاه التانى..ودخلت مريم الاوضه ولسه هتروح السرير..الباب خبط..مريم ابتسمت لانها عارفه انه هو اللى بيخبط. مريم وهى رايحه تفتح:انت مش ممكن انا مش قولتلك م تجيش ههههههههه. وفتحت لقيت الداده.
ياترى ايه اللى هيحصل؟؟؟؟؟؟؟؟؟؟؟؟؟؟؟؟؟!!!!!!!!!!!!! . البارت العشرون: مريم فتحت الباب لقيت الداده. مريم:نعم ياداده..جايه تسالينى على الغسيل تانى ههههههههههه. الداده دخلت وقفلت الباب وراها ومريم مستغربه من تصرفاتها. مريم:فى ايه ياداده؟؟ الداده:بوصى يابنتى والله لولا غلوتك عندى وانك اطيب واحده فى البيت ده انا عمرى م كنت فتحت بؤى وقولت حرف..بس انتى اتظلــ . ــمتى ظلــ . ــم كبير اوى ولازم تعرفى الحقيقه. مريم:اتكلمى ياداده علطول فى ايه؟؟ الداده:انتى يابنتى زيك زى اى واحده ست .. تقدرى تخلفى.
مرم بابتسامه حزينه ساخره:ياريت..بس للاسف انا اتحرمت من النعمه دى. الداده:لا يابنتى..انتى متحرمتيش ولاحاجه. مريم:لا ياداده..هى دى الحقيقه اللى قالهالى الدكتور واللى اثبتلى جواز باسل يبقى فين متحرمتش دى. الداده:لا متحرمتيش وانا معرفش ايه حكاية الدكتور ده بس انا اللى اعرفه انك كويسه اوى بدليل اللى انا عرفته النهارده. مريم:عرفتى ايه؟؟وقصدك انا مش فاهمه حاجه!! الداده بتنهيده:بوصى يابنتى..انتى عارفه ان انا بنتى سماح دكتوره صيدلانيه. مريم:اه حكتيلى عنها قبل كده..بس انا برده لسا مش فاهمه اى حاجه!!
