مريم الفصول الاخيرة
وكلهم طلعو من الاوض ونزلو جرى. جلال:فى ايه؟؟فى ايه ياناهد؟؟ ناهد:شوفت الكارثه والمصيبه اللى كانت هتحصلنا. جلال:كارثة ايه اتكلمى. وحاكتلهم على كل حاجه قالهالها عادل. يارا اتصدمت من معرفة ناهد الحقيقه واعصابها باظت وانفاسها تسارعت ومش عارفه تعمل ايه. باسل:اه يا ابن ال….وانا اللى بقول شوفته فين قبل كده ياابن ال…وانتى عرفتى منين ياماما؟؟ ناهد:فى واحد جه وقالى كل حاجه..كتر خيرهم الناس انقذونا من الاشكال دى. جلال:بس حسن الطحان راجل اشهر من النــ . ــار على العلم ويحتكم على ملايين..ايه اللى يخليه يتبنا الولد ده ويخليه وريثه الشرعى و يعنى اكيد لازم يكون عرفه كويس..انا مش فاهم حاجه.
ناهد بقولك:بقولك تفهم م تفهمش الموضوع انتهى وكويس اننا عرفنا الحقيقه..وبعدين انت عايز تعرف ايه..م اكيد الولد ده خدعه ورماله طعم عشان يسـ,ـرق فلوسه هو كمان. وهنا يارا اتكلمت:لا ياماما..فارس تاب..واونكل حسن عارف عنه كل حاجه..وهو لما عرف كل حاجه وعرف ان فارس تاب وبطل يعمل كده كتبله كل املاكه واتبناه. ناهد:احنا ملناش دعوه خلاص يصتفلو هما مع بعض..المهم اننا عرفنا الحقيقه قبل م يحصل وتتجوزيه. يارا:م هو ياماما انا هتجوز فارس. ناهد:نعم..بتقولى ايه؟؟قولى تانى عشان مسمعتكيش.
يارا بدموع:انا بحب فارس..وهتجوزه. ناهد بصتلها بغيظ وغضــ . ــب وراحت ضــ . ـربتها بالقلم وكانت هتضــ . ـربها تانى باسل حاش ايدها قبل م تنزل بقلم تانى على وش يارا. ناهد بزعيق وعصبيه:اوعى انت كمان..م هى ناقصه انت تتجوز واحده من الشارع طمعانه فينا وفى فلوسنا واختك تتجوز حرامى ونصاب و جاى من ملجئ..انتو عايزين تمــ . ــوتونى انتو اييييه.. ليه بتعملو فيا كده ده جزائى بعد م كبرتكو وعلمتو احسن علام وتعبت فى تربيتكو ترودولى الجميل بالشكل ده..اسمعى يابت انتى جواز من البنى ادم ده لاء..انتى فاهمه والا هسيبلكو البيت وهغور فى داهيه.
وسابتهم وطلعة الاوضه ويارا انهارت فى العياط وباسل خدها فى حــ . ــضنه وحاول يهديها. وجلال بص على اولاده باشفاق..وتنهد وسابهم وطلع برا القصر خالص. ……………………………………………………………………………………………………………………………………………………………………………………………………………………………………………………………………. اما فى اليوم التالى بعد م يارا كلمت فارس وقالتله اللى حصل اتصدم هو كمان وقعد حزين لا بياكل ولا بيشرب..لحد م رجع حسن وقعد معاه. حسن:ايه يافارس مالك قاعد كده ليه. فارس سرحاااااااان. حسن بصوت عالى:فارس. فارس:هاه. حسن:ايه يابنى مالك؟؟ فارس حكاله اللى حصل. حسن:امممم..طب مين اللى له مصلحه يعمل فيك كده..مين يعرف عنك كل الحاجات دى وراح قالها هيستفيد ايه.
