مريم الفصول الاخيرة
فارس فتح عينه على اخرها وقاله بذهول:حضرتك بتقول ايه..بعد كل اللى حكتهولك ده ولسا مسر على كده!! حسن بتنهيده:بوص يافارس..انت يابنى لو وحش عمرك م كنت هتحكيلى اى حاجه..وكنت هتستغل الفرصه دى وتعمل كل اللى انا قولته وانت مغمض..بس انا دلوقتى اتاكدت انى كنت صح لما قررت القرار ده..وبعدين انت مش قولتلى انك رجعت كل اللى سـ,ـرقته؟؟ فارس:اه..بس لسا فى مبلغ. حسن:كام؟؟ فارس بذهول:هاه!! حسن:بقولك كام ياولد؟؟ فارس بلغبطه:ممم مت متين الف. حسن كتبله شيك وقاله:روح خدهم من خزنة الشركه ورجعهم لاصحابهم وتجيلى بكره الفيلا زى م قولتلك.
فارس مد ايده بذهول وتفاجئ وحاسس انه بيحلم وقام عشان يمشى..حسن نده عليه ف التفتله فارس..وقام حسن وخده بالحــ . ــضن وقاله:من النهارده اسمى بابا متندينيش يافندم دى..انت فاهم. فارس بدموع ممزوجه بابتسامه وقاله وهو كان متعطش للكلمه دى من زمان:حاضر..يابابا. وحــ . ــضنه تانى..وراح يصرف الشيك واثر الفرحه عليه ولسا مش مصدق. ……………………………………………………………………………………………………………………………………………………………………………………………………………………………………………………………………… اما فى قصر البحيرى بداء الروتين اليومى. ناهد ونيهال قاعدين مع بعض. وجلال قاعد فى مكتبه بيتابع شوية اعمال. يارا قاعده فى اوضتها فى ملل وزهق.
اما باسل راح الشركه….ومريم نزلت تسقى الزهور بتاعتها هى وباسل..وفى عز اندمجها جه صوت من وراها..صاحب الصوت”مكرم” مكرم بابتسامه:صباح الخير. مريم التفتت لمصدر الصوت ولما شافت مكرم ردت باقتضاب:اهلا صباح النور. مكرم:انا اسف ياانسه قصدى يامدام..انا م كنتش اعرف والله انك تبقى مرات باسل لتكونى زعلتى منى امبارح. مريم:لا ابدا..حصل خير. مكرم:بس بصراحه انا مستغرب..ازاى باسل يبقى قدامه الجمال ده كله وبيص بره. مريم اتضايقت من كلامه وفى نفس الوقت حزنت من كلمة”يبص بره” وسابته ومشيت ف وقف قدامها وقال:انتى زعلتى تانى والله انا بهزر معاكى عادى..انااسف.
مريم بدموع:خلاص يااستاذ حصل خير. مكرم فى باله:اااه ياناس على الرقه والعيون الخضر دول يااااااه الرجاله اتعمت بقى دى حد يتجوز عليها..ياخساره يامريم لوكنت قبلتك قبل باسل. مكرم:انا سمعت انك بتعرفى تلعبى شطرنج وسمعت انك بتقطعى عمو جلال. مريم:ههههههههه يعنى على ادى اللى قالك بقطعو ده بيبالغ. مكرم:طيب بس انتى لو لعبتينى هغلبك. مريم:لا انت شكلك مش بتعرف اساسا. مكرم بتحدى:طب تعالى وهوريكى. وراحو فى الليفنج وكان جلال قاعد بيقرا فى الجرنال. مكرم:مساء الخير يااونكل.
