طلاق ايه 2اخير
أنور صرخ في يحي:عملتلها ايه.. يحي بجمود:و لا حاجه..بس هي فاقت للجريمه اللي عملتها… أنور بيشيلها:تعالي يلا…. يحي:علي فين!!! أنور بحده:بقولك ايه…انت متفتحش بوءك و كفايه اللي حصل لحد كده..و انت من طريق و احنا من طريق بس اخد حق بنتي منك الاول… يحي بصوت عالي:لو حاولت بس تخرج بيها من هنا لأكون قاتلك انت و هي….. …………………. أميره كانت سامعه ده كله..و جرت بسرعه علي تليفونها…و اتصلت علي جاسم…. أميره بتوتر:الله يخربيتك ده هيقـ,ـتلوا بعض…
جاسم ببرود:و لا اي حاجه هتحصل اقل من دقيقه و هتعرفي….انتي بس اللي مكبره الموضوع… و بهدوء:بكره تيجي العنوان ده……..علي أساس انك عامله مفاجئه ليحي و عاوزه تجهزي نفسك…هتلاقيني الشقه اللي فوقيه… أميره اتنهدت و بخوف: ماشي…
و قفلت مع جاسم..و راحت فتحت الباب فتحه صغيره تشوف ايه هيحصل..بس لقت راجل غريب داخل اوضه يحي و فريده….. ……………………… مهدي دخل و بجديه:سيبها يا أنور…مينفعش تاخدها خلاص.. أنور بجنون:انت بتقول ايه يا مهدي .. مهدي بصوت عالي:حضرته طالبها في بيت الطاعه يعني لو خدتها و مشيت بيها بعد دخولك البيت هتلاقي قوه جايه تاخدها من عندك…و كفايه فضايح بقي يا جماعه لحد كده… و ليحي بحده:و انت طلقها بقي و كفايه لحد كده…ايه مش هتستريح الا لما تقتـ,ـلوا بعض….
أنور بصوت عالي:انا مش هسيب بنتي يا مهدي…. مهدي بجديه:انت رجل قانون و عارف خطوره اللي انت عاوز تعمله… فريده في الاخر اتكلمت و بجديه: سيبني يا بابا… أنور بحده:بتقولي ايه انتي! يحي بجديه:لو سمحتوا انا جاي من سفر و عاوز ارتاح…. مهدي بصله بحده..و كذلك أنور… أنور قام وقف و راح ليحي و بجمود:مش هتتهني كتير… ………………….. كانت أميره في اوضتها بتكلم دولت… دولت:يالهووي..و ايه اللي حصل… أميره لاحظت أن الصوت بره سكت:مش عارفه يا ماما بس مفيش صوت بره..بصي هقفل و هكلمك واتس…سلام…
………………….. نزل مهدي و أنور.. أنور لمهاب بحده:انت اللي كلمته… مهدي:ايوا و كويس أنه كلمني عشان الحق اتصرف…لو كنت خدتها و جه هو و معاه قوه و جرجرها من بيتك..كنت هتفرح ب الفضيحه دي…اركب يا أنور انا جوعت تعالوا نتغدي و نفكر بهدوء…. ………………… دخل يحي اوضته مع أميره…و أميره عملت أنها زعلانه منه..بس يحي تجاهل ده…..و دخل ياخد شاور…. أميره بغل:حلال فيك اللي بيحصل…. و طلبت دليفري ليهم…. …………………. دولت هاتفياً:و في الاخر جه واحد اخد أبوها و مشي…
