طلاق ايه 2اخير
فريده بصتله باستنكار و لسه هتتكلم بصوت عالي يحي حط ايده علي بوءها و منعها تتكلم…فريده ضمت حاجبها بتساؤل.. يحي أداها الروشته و همس جمب ودنها:فريده انتي حامل يقلبي… فريده اول ما خدت منه الروشته فتحتها و لقت كلام الدكتوره ليحي…فريده نظراتها الورقه كانت نظرات صدمه..و كذلك بصت ليحي و بدأت عيونها تدمع و تعيط…يحي ابتسم و شدها لحضـ,ـنه…و فضلوا كده لمده دقيقه لحد ما فريده هدت…و شغل الاسانسير تاني….و طلعوا لشقه أبوها…و فتحت لهم مروه…و أول ما شافت فريده خدتها في حضـ,ـنها…و بقت تبص ليحي بزعل…
يحي بهدوء:هبقي اطمن عليكي يا ديدا… فريده:تمام… يحي:سلام… و راح للاسانسير و نزل لتحت…… فريده بمرح:عامله كفته رز صح؟! مروه ضحكت:صح..تعالي يلا… و قفلت الباب.. فريده بصوت عالي:فين بابا عشان عملالكم مفاجئه.. مروه في المطبخ:مفاجئه ايه؟! فريده دخلتلها:لا اما بابا يجي بقي… مروه بتدوق الكفته:هو في السكه اهو يعني غيري هدومك يكون هو جه… فريده اخدت خياره من ادامها علي التربيزه و قطمت منها: اوك.. و خرجت من المطبخ لأوضتها.. …………………………. نزل يحي و ركب تاني..و دور العربيه…و بدأ يسوق…
إسعاد بجديه:جبتها هنا ليه؟! يحي بهدوء: اديكي يا ماما شوفتي امبارح بعينك اللي حصل..و اهو كل يوم من ده..و دي حامل و دي حامل و انا خايف علي عيالي عشان كده جبت فريده هنا..عشان متحصلش مشاكل..و أميره في البيت معايا… إسعاد ببرود:و أنت مفكر أن حملها ده هيكمل… برغم ان يحي كان متوقع ده بس الجمله وجعته جدا… يحي بيحاول أن صوته يكون هادي:بأذن الله يا ماما..ما…ما انا هقول للدكتوره الزياره الجايه.. إسعاد بصت للشباك:تمام…
……………………………. غيرت فريده هدومها و لبست بيجاما من بتوعها و لقت الباب بيتفتح و دخل أنور بسرعه و شدها لحـ,ـضنه… أنور خرجها من حـ,ـضنه:انتي انتي كويسه..عمل معاكي ايه المتوحش ده.. فريده بابتسامه مطمئنه:اهدي يا بابا اهدي يا حبيبي..انا اهو مفياش حاجه… أنور اتنهد براحه و شدها لحـ,ـضنه تاني…. مروه من برا:الاكل لو برد مليش فيه… فريده:يلا بقي يا بابا إلا انا جعانه اوي… أنور بابتسامه:يلا يا حبيبتي…. و خرجوا و كانت مروه بتحط اخر طبق علي السفره و قعدوا..و فريده حطت موبايلها جمبها و قعدت تاكل…
فريده بتاكل:عندي ليكم خبر يجنن.. مروه بتحط لأنور كفته في طبقه:قولي بسرعه الا همـ,ـوت من الفضول. أنور بص لفريده بتساؤل… فريده كملت اكلها تغيظهم.. أنور بغيظ:بت..بت.. و مسك المعلقه اللي بياكل بيها و مثل أنه هيضـ,ـرب فريده… و فريده بعدت و بهزار:هههههه…طب يا جماعه ابني جعان و مش مستحمل أنه يسيب اكل نناه… مروه سكتت..و كذلك أنور..بيحاولوا يستوعبوا…. فريده ضحكت علي شكلهم و بصوت عالي:هييييه..انا حامل يا جماااعه… مروه:ده بجد!!!و بفرحه:الف مبروك يا حبيبتي و ربنا يتمملك حملك بخير يارب..
