طلاق ايه 2اخير
كانت فريده واقفه ف الحمام قدام المرايه و بتعيط…بتعيط بقهر و وجع الدنيا كله..حاسه انها خلاص مبقاش ليها لازمه ف الدنيا…و لا ليها أي اهميه..كلبه و محبوسه..و حبيبها و حبيب قلبها هو اللي حكم عليها ب ده…قررت الانتـ,ـحار..ما خلاص هتبقي لمين..و كرامتها اللي بقت ف الأرض..و الست ملهاش إلا كرامتها..و حبيبها ضيعها…مسكت موس و قربته من شرايين ايديها…و هي بتعيط بندم…عقلها بيقولها فوقي ده كفر…بس قلبها بيقولها انتي خلاص مينفعش تعيشي و لو عيشتي يا فريده..هتعيشي لمين….و لأيه..لا عندك حبيب و لا عندك ابن….و فضلت كده محتاره بين صوت عقلها و قلبها..و فجأه رمت الموس من ايديها..و مسكت ازازه برفان علي
الحوض الكبير و رمتها علي مرايه الحمام كسرتها…و حطت ايديها علي وشها بأنهيـ,ـار و بقت بتترعش من اللي كانت هتعمله… أنت فين و الحب فين..ده أنت لو حبيت يومين..كان هواك خلاك ملاك..أنت فين و الحب فين..ليه بتجنني كده علي الحب ليه..حب ايه اللي انت جاي تقول عليه.. ……………………. تاني يوم الصبح…كانوا نايمين..و يحي واخد أميره في حـ,ـضنه..فاق علي صوت جرس الباب..ف قام و نزل يفتح الباب…و أول ما فتح الباب وقع علي الأرض بسبب البوكس اللي اخده..و دخل أنور من برا و بصوت عالي:بقي أنت تضـ,ـرب بنتي و تحبسها…ليه بتتشطر عليها شايف أن مفيش راجل وراها يجيبلها حقها…
و شد يحي من التيشيرت بتاعه قومه… أنور بغضب:ده انا هخلي أيامك كلها سوداا يا كلب يا ابن الكلب…هي فييين… يحي زقه بعيد و بحده:غلطت و بتتربي..بنتك المحترمه شتمت امي و حماتي و مراتي و ضـ,ـربتهم كمان.. أميره نزلت من فوق و اول ما شافت وش يحي اللي ورم من البوكس و عينه المزرقه..صرخت بخوف و جرت عليه…. أنور بصوت عالي و حده:هي فيييين؟؟!!! و طلع بسرعه علي الدور اللي فوق و راح علي الأوضه بتاعه فريده و يحي..و فتح الباب و ملقاش فريده…
أنور:فريده…فريده… و دخل الحمام لقي ازاز المرايه متكـ,ـسر و فيه موس مرمي علي الحوض…اتخض لما لقي ده… و خرج بسرعه و نزل جري و مسك ف يحي و بجنون:البت فين…فريده فيييييين…انطق… يحي زقه بعيد و بصوت عالي:انا اللي أسألك دلوقتي بنتك المحترمه فين..انا كنت قافل عليها باب الأوضه و الاكل دخلها امبارح بس…راحت فين بقي..هرربت فين… أنور بتعود:الاقيها بس وديني يا يحي لاخليها تخلعك… يحي بسخريه:ده لو لحقت.. و بصوت عالي:لأن بعد ما انت تمشي انا هكلم المحامي بتاعي و اطلبها ف بيت الطاعه و يجيبوها هما بقي…
