طلاق ايه 2اخير
إسعاد بحده:هو ايه اللي تروح علي أوضتها أنا بقولك طلقها… يحي بجديه:ازاي اطلقها و هي حامل في ابني!!! سادت لحظات من الهدوء و الصدمه علي معالم وشهم… إسعاد بجديه:ح..حامل…ازاي!! يحي بجديه:هو ايه اللي ازاي واحده و حامل من جوزها! إسعاد بصدمه:حصل امتي ده!!! يحي:و الله منعرفش..حصل وقت ما حصل المهم انها حامل دلوقتي! ده كله و أميره واقفه مبلمه و أخيرا اتكلمت و بلخبطه:ب..بس..بس يا يحي انت ضـ,ـربتها كذا مره..يعني اي واحده حامل تاخد الضـ,ـرب ده تسقط علي طول…غير البرشام اللي شوفناه في دولابها….
يحي ضـ,ـرب كف علي كف و بصوت عالي:إراده ربنا هتدخلي فيها هي كمان يا شيخه أميره..و بعدين مش كان وراكي مشوار لشغلك..اتفضلي يلا…. أميره بصت ليحي بغيظ..و دخلت علي أوضتهم… إسعاد بجديه:تيجي معايا للدكتوره نتأكد من حملها!!! يحي بجمود:سبقتك و الله…و للتأكيد هي معادها بكره مع الدكتوره ابقي تعالي.. و لفريده:يلا ادخلي ارتاحي…
فريده دخلت الأوضه من غير ما تتكلم..و قعدت علي السرير تفكر.. إسعاد:انا همشي مع أميره و هاجي بكره..و نزلت علي تحت…. …………………. وصلت إسعاد لبيتها و طلعت علي العنوان اللي جاسم قايلها عليه..و دخلت العماره…و طلعت الدور المطلوب..و خبطت علي باب الشقه….و فتح جاسم بسرعه و دخلها…. أميره بغيظ:شوفت اللي انا فيه!!! جاسم ببرود:ايه؟؟ و راح قعد علي كنبه…. أميره بغيظ:بنت الكلب طلعت حامل!! جاسم:نعم!!!! أميره راحت قعدت جمبه و بعصبيه:قالهالنا كده في وشي انا و أمه و بكره هيروح بيها للدكتوره و أمه معاه عشان تتأكد….
جاسم مسح وشه بغيظ في محاوله أنه يهدي…. أميره:ها هتتصرف ازاي؟! جاسم بتفكير:أسقط الحمل… أميره سكتت شويه و بعدين اتكلمت بأنكار:لا اللي ناوي عليه ده مينفعش لانه وقتها هيشك فيا أنا… و بجديه:حوار البلطجيه ده مينفعش… جاسم:تمام…هدورها في دماغي و اشوف هعمل ايه…. ………………….. كانت فريده قاعده في اوضتها..و قامت قفلت البلكونه….و أخدت الفون بتاعها و طلعت بره تشحنه في ركن بعيد…و رجعت أوضتها تاني.. …………………. دولت هاتفياً بصدمه:هي مين دي اللي حامل!! إسعاد بعصبيه:ست زفته..بس انا مش داخل عليا الكلام ده..و بكره هاخدهم لدكتوره تبعي انا…عشان تعرف الموضوع ايه نظامه…
دولت بتفكير:بس يختي يحي بعد اللي عملته فيه هيستفاد ايه بأنه يكدب علينا… إسعاد بعصبية:سحراله يا دولت!!!كلمي شيخ زفت ده يجي بسرعه و انا مسافه السكه و اكون عندك.. …………………. كان يحي في المطبخ و خلص الاكل…و جهز اكل لشخصين و حطه علي صينيه و طلع بيه علي أوضته هو و فريده….و حط الاكل علي الكومدينو و كانت فريده في الحمام بتاخد شاور…و لما سمعت صوت الباب…لبست البرنص بتاعها و خرجت بسرعه… و جرت علي يحي حضـ,ـنته و باست في خده…و يحي رفعها عن الأرض….
