طلاق ايه 2اخير
*فلاش باك* الليل راح و الشمس بدأت تشرق و هو سايق عربيته و بيلف ف الشوارع و هو زهقان و مخنوق..مش عارف ازاي ده حصل..و لا فاهم…و وقف عربيته و سند علي الدركسيون و نزلت دمعه من عينه..دمعه ندم..حزن..قهر..ندم علي اللي هو عمله..حزن علي اتهام اهله ليه..قهر علي حب عمره اللي كسره..و اتفزع علي صوت فتح باب العربيه و لقي ادامه اخر حد ممكن يتوقعه…. يحي اتصدم و بصوت واطي:انت بتهزر…افرض حد شافنا!!! أنور ركب:عيب عليك… أمان…
يحي بخوف:هو..هو حصل حاجه فعلا بيني و بينها… أنور:تؤ….اشتغاله… يحي بصوت عالي:و طالما…. و بعدين انتبه أن صوته عالي ف وطاه:و طالما هي اشتغاله معرفتش فريده ليه.. أنور بحده:انت أهبل يلا اعرفها ازاي و تليفونها متراقب و بيسجل صوت و صوره.. يحي:كويس انك نبهتني لحوار التليفونات ده…انا سبت تليفوني هناك… أنور:الحمد لله..بص بقي عاوزك كمان شويه كده تروح لفريده البيت و تعرفها بس لو تليفونها مش موجود و تتأكد أن مفيش كاميرا أو ميكرفون… و بص ادامه و بخفوت:ابن الصايعه بيلعب ع العالي!!!
و بص ليحي و بجديه:تروح ع البيت لفريده هي مش هتستحمل قعده عندنا بنتي و انا عارفها..و فهمها كله… و نزل أنور من العربيه… ………………… نزل فريده علي الأرض…و بابتسامه:تعالي يلا ناكل…الا وحشني الاكل معاكي… فريده بابتسامه:هروح اغير بس… يحي:هو فيه حد غريب تعالي اقعدي يلا…و راح اخد الصينيه حطها علي الارض و قعد و فريده قعدت جمبه.. و بدأوا يأكلوا… فريده:بس انت ليه يا يحي قولت أن انا حامل!! يحي أكلها:كان لازم ده اللي يتقال يا ديدا..كده انا لخبطت كل تخطيطهم….
فريده ابتسمتله و رجعت تكمل اكلها…. فريده:تعرف انا اتجننت لما دخلت عليك لقيتها في حـ,ـضنك..و مقدرتش امسك نفسي وقتها…بس الحمد لله انك وضحتلي اللي حصل… *فلاش باك* فريده صرخت بقهر:انا يا يحي… يحي وقتها كل حصونه انهارت و بقي يعيط و كذلك فريده… فريده بسخريه:دلوقتي بتعيط!قلبك حس بالوجع دلوقتي!كان فين قلبك وقت اللي عملته… و مسكت ازازه برفان كسرتها و وراها التانيه و التالته… فريده بحده:بررررااا…اطلع بررراا… و راحت ليحي و بقت تزقه تقومه… فريده بتعيط: امشي..قوم مش عاوزه اشوفك ادامي..يلاااا…
يحي قام و نزل..و فريده قعدت علي السرير و فضلت تعيط….بس اتفاجئت ب يحي داخل عليها الاوضه تاني و لسه هتتكلم حط ايده علي بوءها…و اخدها…و راح بيها علي الاوضه اللي قدام أوضتهم(حاليا أوضته هو و أميره)و قفل الباب عليهم…. فريده زقته و ببكاء:اووعي..ابعد عني بقي انت عاوز ايه.. يحي برجاء:اهدي يا فريده عشان افهمك احنا في لعبه… فريده بصوت عالي:لعبه ايه و كلام فاضي ايه انت مفكرني برياله عشان تضحك عليا بالهبل ده…. يحي:يبنتي ابوكي كان عارف بكل اللي بيحصل!!!
