طلاق ايه 2اخير
يحي بصوت مكسور:ليه!!ليه كده؟!عملتلك ايه عشان تجـ,ـرحيني و تمـ,ـوتي ولادي!! و بجـ,ـرح: ولادنا!! فريده بصوت عالي:انت اللي بدأت و البادي اظلم… يحي شد اكتر علي شعرها:انا برضه.. فريده بصراخ:اااه… أميره دخلت تجري عليهم..و بعدت فريده عن يحي… و برجاء:خلاص يا يحي سيبها دي متستاهلش تضيع نفسك بسببها.. يحي شخط في أميره:اطلعي بره يا أميره… أميره اتخضت و خافت من يحي و خرجت بسرعه… فريده جرت علي التسريحه و اخدت مقص من الدرج… فريده بحده:و اقسم بالله لو قربت مني لأكون قـ,ـتلاك يا يحي.
يحي ضحك بصوت عالي و بسخرية:و انتي لسه مقتـ,ـلتنيش… و بوجع:انتي قتـ,ـلتيني في كل مره كنتي بتجهضي نفسك… و بصوت عالي:كان فين وعيك و انتي بتعملي كده…. و بحركه مفاجئه هجم علي فريده و لوي دراعها وري ضهرها و نتر المقص من ايدها…. فريده بصراخ:اااه…سيبني….. …………….. كان مهاب قاعد في العربيه مع أنور…و حاسس ان الوضع هيخرج عن السيطره…في طلع تليفونه…و بعت رساله لمهدي… ………………. مهدي كانت قاعد في مكتبه و شغال علي ملف قدامه..و سمع رنه تليفونه….برساله واتساب….و لقاها من مهاب..
(مهدي باشا انا مع أنور بيه و باقي اقل من نص ساعه و نوصل القاهره و نطلع علي فيلا يحي و فريده معاه هناك..و الموضوع كبير و انا مش عارف اتصرف و امنع سياده اللواء) مهدي قفل الملف بسرعه:مينفعش ده طالبها في البيت الطاعه…و بعت لمهاب.. (انا هحصلكم علي هناك) و قام بسرعه و لبس جاكت بدلته و اخد سلاحه و خرج… ……………………
يحي مازال لاوي دراع فريده و بخفوت قـ,ـاتل:انا مش هاجي جمبك..انا هسيبك لضميرك و ندمك علي عيالنا اللي قـ,ـتلتيهم..مختلفتيش في أي شئ عن واحده غلطت مع واحد و قتـ,ـلت اللي في بطنها علشان الفضيحه…هسيبك لامومتك اللي لغتيها و قتـ,ـلتي ولادنا…. و زق فريده وقعت علي الارض…و باللي عمله يحي ده كشف فريده ادام نفسها…و اول ما وقعت مقدرتش أنها تدير وشها ليحي و فضلت تعيط علي ولادها اللي قـ,ـتلتهم….. ……………………….. كانت أميره قاعده في اوضتها مضايقه من اللي يحي عمله و زعيقه ليها ادام فريده
(اومال فريده تعمل ايه ده ضـ,ـربها و هزقها امامك يا قادره🙂) و سمعت صوت قوي فجأه…في قامت تجري علي البلكونه تشوف فيه ايه… ………………………. كسر أنور باب الفيلا بمساعده مهاب…و طلع يجري علي فوق… ……………………… أميره جرت علي باب اوضتها تتسنط ع اللي بيحصل.. ……………………… يحي اكنه عارف ان ده هيحصل ف متحركش من مكانه…و الباب اتفتح عليهم و دخل أنور…و جري علي بنته…و حـ,ـضنها و بخوف:عملك ايه الحيوان ده….. فريده مكانتش بترد كانت ساكته و بتعيط…و باصه في الأرض…
