طلاق ايه 2اخير
*فلاش باك* كان راجع يحي من شغله و فريده كانت مجهزه ليه العشا..لسه متجوزين من شهرين و بقت حامل ف طفل ليهم…و فتحت الباب ليحي و هي بتبتسم… يحي:ديدا وحشتيني اووي.. و حـ,ـضنها… فريده بحب:و انت كمان يا حبيبي…يلا تعالي اتعشي… و اخدته لحد السفره…و قعد يحي و هي كمان.. فريده بتذكر:اووبس هقوم اطفي البوتجاز… يحي هز رأسه و ابتسم..بس لمح بوكس صغير جمب طبقه..مسك البوكس و فتحه…لقي فيه اختبار حمل و النتيجة اجابيه..يحي فضل دقيقه بيبص للاختبار مش مستوعب أو مصدوم و بعدين بص ادامه و ابتسم…و فريده جات قعدت جمبه بهدوء و ابتسمت…
يحي بتأكيد: حامل؟!! فريده بفرح:اه… يحي وقتها دمع و شدها لحـ,ـضنه…. يحي بجديه و فرح:مفيش شغل مفيش اي حاجه لحد ما اطمن عليكي و عليه..و لو هتوصل اني مش هنزلك الشغل لحد ما تولدي هيحصل… فريده بضحك:هههههه..يبني بالراحه شويه مش كده… يحي قاطعها:لا كده ونص… و حـ,ـضنها تاني و هو فرحان… *باك* كانت لسه علي حالتها منهاره…بقي ده يحي اللي عرفته و اتجوزته…لا مستحيل…. ليه بتجنني كده علي الحب ليه..أنت عارف قبله معني الحب ايه..حب ايه اللي أنت جاي تقول عليه..إنت ما بينك و بين الحب دنيا..و أنت بتخون الوداد من كل قلبك..بعت ودي و بعت حبي ليه بعت قلبي…
كان بيتردد كلامه في دماغها اكنها بتسمعه منه تاني. كل وعد قالهولها..كل كلمه..كل فعل شافته تاني و حست بيه اكنه بيحصل تاني… أشتاق لقربك ليه..ظـ,ـالمه ليه دايماً معاك..كان هواك خلاك ملاك..ظالمه ليه دايماً معاك..أنت عارف قبله معني الحب ايه..بعتني و فاكرني ليه..أنت فين و الحب فين..ليه بتجنني كده علي الحب ليه..حب ايه اللي أنت جاي تقول عليه.. كان قاعد معاها و بيأكلها بحنان…و كذلك هي بتأكله و بتبتسم… أميره حطت ايديها علي بطنها:هنسميه ايه؟!! يحي بتفكير:امممم..
و بصلها: أنتي الأول نفسك يكون ايه.. أميره بأبتسامه: ولد… يحي بأبتسامه:مالك… و باستعراض:مالك يحي صباح… لما داب أملي و أنا بتمني ودك..و أنت في قربك ناسيني زي بعدك..ظالمه ليه دايما معاك..كان هواك خلاك ملاك..ظالمه ليه دايما معاك..أنت عارف قبله معني الحب ايه.. أميره بابتسامه:و لو بنت؟!
يحي بحب: أميره!! أميره بصت ليحي بفرح و حـ,ـضنته و بحب:ربنا يخليك ليا يارب..و متحرمش منك أبدا… ياما طول عمري رضيت منك آسيه..كل شكوه كنت بتشوفها بعنيا..
