طلاق ايه 2اخير
و خرجوا ركبوا العربيه و مشوا….و وصلوا عياده الدكتوره و فضلوا مستنيين دورهم …و يحي قام يدخل الحمام..بس راح للممرضه بسرعه و طلب أنه يدخل للدكتوره..و ده كان بعيد عن الأوضاع اللي إسعاد و فريده فيها…و دخل يحي للدكتوره و اتفق معاها علي اللي هتقوله…و خرج قعد جمب فريده و جه دورهم و دخلوا و كانت فريده متوتره لأنهم بالتأكيد هيتكشفوا…و كانت الدكتوره بتعملها سونار و بابتسامه:الف مبروك المدام حامل!! و بصت ليحي باستغراب بأنه ازاي طلب منها أنها تقول حامل و هي فعلا حامل…
إسعاد بضيق:في الكام؟! الدكتوره:في نهايه التاني حضرتك… و قامت و كذلك فريده..و عرفت أن يحي كده اتفق مع الدكتوره… إسعاد بعدم اقتناع:بس مظهرش عليها اي اعراض حمل لا ترجيع و لا دوخه… الدكتوره بهدوء:فيه ستات حملها بيكون كده يا حاجه… و كتبتلهم دوا و ادت الروشته لفريده. و بابتسامه:اشوفك كمان اسبوعين يا مدام… فريده:إن شاء الله… و خرجوا….و إسعاد عاوزه تولع في فريده…و نزلوا ركبوا العربيه….يحي بيسوق:ديدا هاتي الروشته يا ماما عشان انزل اجيب الدوا…
فريده ادتهاله…و يحي وقف العربيه ادام صيدليه و نزل…و فتح الروشته لأنه لمح الدكتوره بتكتب فيها حاجه… (مدام فريده حامل يا استاذ..مكانش ليها لازمه بقي انك تدخل و تطلب مني اني اقول انها حامل) يحي اتصدم من المكتوب!!. يحي بصدمه:ح..حامل!!!! و بص للعربيه و شاف فريده قاعده بتبصله…و مستغربه….و رجع بص تاني للروشته…و دخل يجيب الدوا عشان أمه متلاحظش حاجه… . الفصل الثاني و العشرون: جاب الدوا و ركب العربيه…و دور العربيه و بقي يسوق…و بعد شويه…
فريده بإستغراب:يحي ده مش طريق البيت…. يحي:ايوا يا فريده..ما انتي هتروحي عند بباكي لحد ما الحفله تجهز… فريده سكتت…إسعاد بتساؤل:حفله ايه؟؟ يحي مركز في السواقه:احتفال بحملهم هما الاتنين إسعاد:امممم… و بصوت واطي:اللي يعيش ياما يشوف…. فريده كانت قاعده ساكته و ضامه حواجبها دليل علي انها بتفكر…بس متقدرش تتكلم…..و بعد نص ساعه كانوا وصلوا لبيت أبوها..يحي نزل و راح عند فريده فتحلها الباب و نزلها…و قفل الباب تاني…. و لإسعاد:مش هتأخر يا أمي… و مشي بفريده و طلع بيها للعماره…و ركبوا الاسانسير…و في الدور التاني عطل يحي الاسانسير..و كان عارف ان تليفون فريده في الشنطه..و بصوت واطي قرب منها:انتي حامل!!!
