العروسة 4اخير
. وعد مني اكون ليكي العزوة والضهر والسند اللي اتحرمتي منه طول عمرك .. هعوضك عن كل دمعة نزلت من عينك، وعن كل كلمة قاسية سمعتيها في بيتي أو بره بيتي! أنا هجيبلك حقك من أبوكي ومن كل بني آدم فكر يظلــ,,ـــــمك أو ييجي عليكي، وهخلي اللي اذاكي يتمنى الرحمة وما يلقاهاش!
أنتِ بقيتي في حمايتي وفي قلبي.. بس سامحيني … سامحيني على كل كلمة قولتها ليكي جرحتك و كل ظن سوء ظنيته فيكي … سامحيني يا حبيبتي .. انا اسف … اسف !” ليلى بصت له، و اخيرا فهمت ان كل شيء مرت بيه لحد اللحظة دي كانت طريق عشان تلاقي الراجل اللي يحميها ويحبها بجد من قلبه.
ابتسمت بدموع وقالت: – “أنا مسامحاك في اللي فات يا حمزة.. و واثقة فيك … كفاية الأمان اللي بقيت احسه و انا معاك … مسامحاك من قلبي ” بعد كام يوم، حمزة نزل للقاهرة زي العاصفة، وقابل محمود الشاذلي في بيته وسط ذهوله من وجوده المفاجيء.
حمزة رمى على المكتب ملفات التزوير واستيلاء الشاذلي على ميراث ليلى وأمها، وأوراق المحاضر اللي تثبت قضية التزوير. بص للشاذلي بنظرات شيطانية مرعبة وقدم له إنذار أخير: – “قدامك خيارين ملهمش تالت .. يا إما تتنازل حالاً و فورا عن كل ما يخص أم ليلى ل ليلي و تكتبلها نصيبها بالكامل في الشركات والممتلكات رسمياً، يا إما الورق ده هيكون قدام النائب العام خلال نص ساعة، والشرطة هتكون واقفه بره بوابتك تاخدك بهدومك اللي عليك على السجــ,,ـــــن بتهم النصب والتزوير!
” الشاذلي بلع ريقه بتوتر ورعب، وجسمه بدأ يترعش لما شاف عينين حمزة اللي مش هترحمه … و في ثواني وقع على كل عقود التنازل والمستندات ، وأجبره حمزة يسلم صندوق مجوهرات الأم بالكامل .. ، وبقى محمود الشاذلي رجل منبوذ ومفلس ومكسور لا يملك أي سلطة.
أما أختها (لِيلي)، فحمزة حسم موضوعها بقطع أي خيوط أو اتصال بينها وبين ليلى، وسابها في ظروفها بعيداً تماماً عن حياة زوجته النظيفة. مرت الأشهر.. وفي سرايا آل الهواري، تبدلت الأحوال تماماً وعمت البهجة في كل الأركان. في الشرفة الواسعة للجناح الملكي، كانت الشمس بتشرق بنورها الدافي على الأراضي الخضراء.
كانت ليلى واقفة ساندة بإيديها على السور الخشبي، لابسة فستان ناعم وواسع باللون الوردي، ووشها منور بجمال ورضا غريب، وبطنها بقت بارزة بشكل خفيف وجميل يعلن عن حملها في شهرها السابع. قرب حمزة منها من ضهرها، ولف دراعاته بحنان حوالين وسطها، وحط إيديه فوق بطنها البارزة برفق، وباس رقبتها بابتسامة دافية مليانة عشــ,,ـــــق وقال: – “صباح الخير يا حبيبتي.
