سما من 11-20
علشان كدة أنا وأنس قررنا نعرف إيه سبب إنفصالكوا ونحاول نرجعكوا لبعض
بس سما ماتعرفش حاجة غير إني هساعدها علشان تعرف سبب بعدك عنها
نور. / طيب أنس بيساعدها لأنه بيعتبرها أخته أنت بتساعدها ليه
أنس / لأنه هو كمان بي
نور / بعد أذنك يا أنس أستني أنت
إيه يا أستاذ ساهر مش عايز تتكلم ليه
ساهر / مش مهم بساعدها ليه
نور قاطعه / بتساعدها لأنك بتحبها صح
أنس / أنت بتقول إيه
نور / بقول إنه بيحبها علشان كدة بيساعدها لأنه مش قادر يشوفها بالحالة اللي هي فيها دي
أنس / ما تتكلم يا ساهر ساكت ليه
ساهر / أيوة أنا فعلا بحبها لكن أقسملك إني عمري ماأتكلمت معاها في أي حاجة ولا في بيني وبينها أي حاجة
نور / عارف ومافيش حاجة أنا معرفهاش تحب أقولك أنت كنت بتقابلها سما كام مرة في اليوم ولا بلاش دي تحب أقولك سما كانت بتروح البيت الساعة كام وبتخرج الساعة كام وبتقابل مين وبتتكلم مع مين
أنس / يعني أنت كنت بتراقبها
___________
رواية ) الفصل السادس عشر بقلم :-
__________________________________
أنس / معنى كدة إنك كنت بتراقبها
نور / لا ماكنتش براقبها بس سما طيبة زيادة عن اللزوم وكنت خايف عليها وأنا وعدت أبوية أني أطلع من حياتها بس موعدتهوش أني أطلعها من حياتي
أنس / أنت يمكن كنت عارف هي بتروح فين وبتيجي منين بس أنت متعرفش هي كانت عايشة أزاي
نور / لا عارف فاكر يوم ما سما تعبت وإنتوا أخدتوها على المستشفى في اليوم دا أنا أول ما عرفت ماقدرتش أستحمل وسافرت دبي وقلت هروحلها ومش هرجع من غيرها ولما وصلت كنا الصبح وهي كانت صحيت وشوفتها وهي بتعيط وانتوا كلكوا حواليها
كان نفسي أجري عليها وامسحلها دموعها وأخدها في حضني بس قبل ما اعمل كدة سمعتها وهي بتقول إنها خلاص مش هتعيط تاني أبدا وهتكون أقوى من الأول وقتها عرفت إنها خلاص مش محتجاني ورجعت مصر تاني ودلوقتي لما مبقاش في حاجة تمنعني منها مبقيناش ننفع لبعض
أنس / يعني إيه
نور / يعني كفاية كدة أنا عذبتها كتير خليها تعيش حياتها زي ماهي عايزة
ساهر / بس
نور قام وقف/ مابسش خلاص أنا مش هقدر أشوفها بتتعذب تاني عن أذنكم
( بعد ما نور مشي )
أنس / إيه يا ساهر هنعمل إيه دلوقتي
ساهر / مش هنعمل حاجة هما الاتنين بيحبوا بعض بس للأسف بيعندوا في بعض وعندهم هو اللي هيرجعهم لبعض في الآخر ويلا بقى نروح علشان ميعاد طيارتي بعد ساعة
أنس / إيه دا أنت مسافر
ساهر / أيوة مسافر لأن في شغل كتير متعطل هناك وبعدين أنا وجودي هنا هيلغبط الدنيا اكتر لازم أبعد
( ساهر وأنس رجعوا على البيت وساهر جهز شنطته وأنس وصله للمطار وبعد كدة رجع على البيت والساعة 11 ونص ولسه سما ما روحتش على البيت وسهرانة مع صحابها )
سلوى / البنت أكيد جرالها حاجة دي عمرها ما أخرت بره البيت للوقت دا
أنس / ماتقلقيش يا طنط أنا نازل أدور عليها
( أنس خارج علشان يدور عليها بس قبل ما يخرج سما فتحت الباب ودخلت )
أنس / كنتي فين يا سما وإيه اللي أخرك لحد دلوقتي
سما ببرود / أنت عارف انا كنت فين وبعدين أنا مأخرتش ولا حاجة لسه الساعة مجاتش 12 يعني
سلوى / وأنتي من أمتي بتخرجي ولا تسهري بره لحد دلوقتي
سما / هو دا السؤال اللي أنا سئلته لنفسي
مديحة / قصدك إيه يا بنتي
سما / قصدي إني ليه عمري ما خرجت وأتفسحت وسهرت زي صحابي ما بيعملوا ليه مش عايشة زيهم
سلوى / أنتي بتقولي إيه
سما / بقول أني عايزة أعيش يا ماما خلاص تعبت ‘ تعبت أوي وعايزة أعيش حياتي وأستمتع بيها ومش هسمح لحد يدخل في حياتي تاني أبدا
أنس / وهي حياتك يا سما مش هينفع تتعاش غير بالحفلات والسهر برة لنص الليل
سما / ياريت تسيبوني أعيش حياتي براحتي وماحدش ليه دعوة بيا
تالين / طيب والشغل
سما / مايهمنيش أنا كل اللي يهمني نفسي وبس
( سما سابتهم ودخلت أوضتها وبعدها الكل دخل نام وتاني يوم سما صحيت بعد الظهر كان أنس وتالين راحوا الشركة فأخدت شور ولبست جيبة قصيرة فوق الركبة وقط فوق منها وجابت شعرها على جنب واحد ونزلت راحت النادي )
رنيا كانت زميلة سما في الجامعة / ساسو مشيتي أمبارح من الحفلة بدري ليه
سما / لا أبدا أنا مشيت الساعة 11
رانيا / هههه دي كانت الحفلة أساسا لسه مابدأتش
سما / سوري بس أصل ماما بتقلق عليا فكنت مضطرة أمشي
رانيا / طيب أوك المرة دي سماح بس بعد كدة مش هتمشي غير لما الحفلة تخلص
سما / أوكية يا قلبي
رانيا / طيب تعالي بقى أعرفك على الشلة بتاعتي
( رانيا عرفت سما على شلتها وقعدوا مع بعض طول النهار وبالليل راحوا ديسكوا وكل دا وسما ما أتصلتش بحد من البيت ولا حتى بترد على تليفونها والساعة 10 وسما في الديسكوا وأهلها في البيت قلقنين عليها وبيتصلوا بيها بس سما مابتردش وفين وفين لما سما شافت المكالمات في موبايلها لقيتها كتير فردت عليهم وقالتلهم إنها هتأخر شوية لأنها سهرانة مع صحابها وقفلت علطول وماروحتش غير الساعة 12 نص الليل )
أنس / تقدري تقوليلي كنتي فين لحد دلوقتي يا سما
سما / كنت مع صحابي في الديسكوا
سلوى / وفي بنت محترمة تروح أماكن زي دي وترجع البيت نص الليل
سما / أيوة في وبعدين أنا كلمتكوا وعرفتكوا إني هتأخر
سلوى / أنتي لكي عين تردي
سما / لأ أنا برد بلساني مش بعنية
أنس / سما أنتي أزاي تتكلمي بالطريقة دي
سما / والله هي دي طريقتي ولو مش عجباكوا محدش يتكلم معايا
( فضلت سما على الحال دا يومين ومحدش عايز يتكلم معاها علشان خايفين تنهار منهم وفي يوم الساعة جت 10 وهي بردوا مارجعتش البيت فأمها أتصلت بنور وطلبت منه يقابلها في الكافية اللي جنب البيت ووصلوا هما الاتنين )
نور / أذيك يا طنط
سلوى عيطت / مش كويسة خالص يا نور
نور / ليه بس يا طنط في إيه
سلوى / سما بتضيع مني يا نور
نور أتخض / مالها سما جرالها حاجة
سلوى / سما بقت بتعمل حاجات غريبة عمرها ما عملتها أبدا وبقت بتتكلم بطريقة غريبة
نور / طيب أهدي بس وأحكيلي كل حاجة
( سلوى حكيتله كل حاجة سما بتعملها وكلامها ولبسها ورجوعها البيت متأخر )
نور / طيب هي فين دلوقتي يا طنط
سلوى / معرفش والله يا أبني ومابتردش على تليفونها
نور / طيب يلا علشان أوصلك البيت وأنا هعرف هي فين
( نور وصل سلوى البيت وبعد كدة أتصل بمعارف ليه في شركة الاتصالات وعرف مكان سما عن طريق موبايلها وراحلها )
سما في الديسكوا واقفة مع الشلة بترقص وبيهزروا وشوية ولقيت نور بيشدها من وسطهم من زراعها
سما / إيه دا أنت أتجننت
نور مابيردش عليها ومستني يخرجوا من الديسكوا لأن صوت الموسيقى عالي وأول ماخرجوا وراحوا عند العربية
سما / أنت أزاي تسمح لنفسك تعمل كدة
نور / أنتي إيه اللي جابك هنا وإيه اللي مسهرك بره البيت لحد دلوقتي الساعة 11
سما / وأنت مالك أنت أنا حرة أعمل اللي أنا عايزاه
نور / ماتعليش صوتك وأنا بكلمك وردي على سؤالي بدل ما أعمل حاجة تخليني أندم عليها
سما / أنت بتكلمني كدة بصفتك إيه
نور / أركبي يا سما العربية وخلي يومك يعدي أنتي عارفة غضبي وحش
سما / أنا معايا عربيتي ومش هركب مع حد
نور / عربيتك هتلاقيها قصاد بيتكوا الصبح أركبي بقى علشان أنا ماسك نفسي عنك بالعافية
سما خافت من نور بس ماحبتش تبين حاجة علشان مايعرفش إنها خافت منه وركبت معاه العربية وطول الطريق ساكتين ما بيتكلموش ونور بيبص على الطريق وسما بتبص على ملامح نور اللي كلها مليانة غضب وقلقانة لأن هي عارفة إن نور لما بيتعصب مابيشوفش أدامه وفجأة سما أفتكرت أخر مرة كانت راكبة مع نور عربيته في اليوم اللي سابها فيه وتحول أحساس القلق لاحساس تاني خالص وفي الوقت دا وصلوا أدام العمارة اللي شقة سما فيها وسما نزلت من العربية و طلعت جري على شقتهم ونور طلع وراها
سما فتحت باب شقتهم وجاية تقفل الباب وراها نور منعها ودخل
سما / عايز إيه أنا مش روحت أهوه أتفضل بقى
أنس / سما في إيه ‘ نور هو أنت اللي جبت سما وأنا اللي أستغربت إنك جيتي قبل 12
سما بصوت عالي / والله أنا حرة وماحدش له حاجة عندي
نور / ماتعليش صوتك قولتلك وأنتي مش حرة ولو روحتي المكان دا تاني ولا أتأخرتي برة بعد كدة ماتلوميش غير نفسك
سما / وأنت بتقولي الكلام دا بصفتك إيه
نور / بصفتي خطيبك وقريب أوي هبقي جوزك
سما / ومين اللي قالك إني أنا هوافق على كدة أنت بتحلم
نور / أنتي سمعتيني كويس وأنتي عرفاني مابحبش أعيد كلامي كتير عن أذنكوا
( نور مشي وكل واحد دخل علشان ينام خصوصا أنس وساهر اللي طول اليوم بيفضلوا يشتغلوا في الشركة علشان يعوضوا غياب سما من الشغل أما سما فضلت تفكر طول الليل وقالت في نفسها ماشي يا نور أنا هوريك )
تاني يوم سما قاعدة في أوضتها لحد الساعة 5 المغرب وبعد كدة قامت غيرت هدومها ولبست بنطلون جينس وقط عليه وخرجت قابلت الشلة في النادي وبعد كدة راحوا حفلة في ديسكوا كبير الساعة 9 بالليل
وفي الحفلة كان في فرقة بتغني راب
وشاب بيغني أغنية عجبت سما جدا
وسما واقفة جنب الاستيدج اللي الشاب بيغني عليه الشاب راح مسك أيد سما وطلعها معاه على الاستيدج
وأداها مايك وقالها
الشاب اللي بيغني / تحبي تغني
سما / هقول إيه
الشاب / قولي اللي في قلبك قولي كل اللي أنتي عايزة تقوليه
_____________________
رواية ( ) الفصل السابع عشر بقلم أ
____________________________________
دي الأغنية اللي سما غنيتها لما طلعت على الاستيدج ( الأغنية دي أهداء منى لكل الفريندز لتوعية ومتابعين الرواية)
قررت خلاص النسيان
قررت نسيان الأحزان
وبرجلي هدوس على اللي باع وخان
واللي ظلمني هسيبه للزمان
يعلمه معنى الوفا والإحسان
واللي سرقوا مني الأمان
بكرة يعرفوا طعم الحرمان
مش أي حد يبقى أنسان
دا احنا لو بصينا بأمعان
هنلاقي جواه حيوان
نصيحة مني لكل بنت وكل مان
أحذروا من غدر الزمان
( عيني عليكي يا أنا أنفع مغنية راب 😂😂)
سما بعد ما خلصت الأغنية اللي عجبت الموجودين كلهم نزلت مع الشاب من على الاستيدج وراحوا عند البار
الشاب / تشربي إيه
سما / أي عصير فرش
الشاب / لا عصير إيه ( بص للجرسون بتاع البار ) هاتلينا أتنين وسكي لو سمحت
سما / لأ أنا مابشربش
الشاب / كاس واحد بس مافيش منه مشكلة
سما / مش هقدر صدقني
الشاب / مش هتقدري إيه بس بعد ما كسرتي الدنيا كدة
سما / طيب خلاص كاس واحد بس
( سما شربت شوية صغيرين من الكاس وخرجتهم تاني على الأرض )
الشاب / إنتي أول مرة تشربي
سما / أيوة أنا قولتلك مابشربش
الشاب / لا بس بجد كسرتي الدنيا
سما / ماتبالغش أوي كدة
الشاب / لا أنا ماببالغش أنا ماكنتش متوقع أنك تتغنى كدة
( سما سكتت وقلبها وقف مرة واحدة وحاسة كأن في عاصفة جاية عليها لأنها شافت نور داخل الديسكو ورايح لها )
نور وهو متحكم في غضبه / قومي معايا
الشاب / تقوم إيه أنت مش شايفها قاعدة مع راجل
( الله يرحمه الشاب طار في الهوا لأن نور ضربه بالبوكس في وشه وقعه على الأرض )
سما / إنت أتجننت أزاي تعمل كدة
نور / أخرصي خالص دورك جاي بعدين
وأنت ( بص للشاب ) أنا مكلمتكش من الأول لأني كنت فاكرك عيل بس لما قلت على نفسك راجل يبقى أنت اللي جبته لنفسك
نور شد سما من زراعها وخرج بيها من الديسكو
سما / أنت إيه اللي انت بتعمله دا
نور ماأتكلمش وقرب أوي من سما وكأنه بيشم ريحتها وبعدها عنه شوية وساب زراعها
نور / إنتي شربتي خمرة
سما / وإنت مالك أنا أعمل الل
( سما مكملتش ووقعت من طولها على الأرض لأن نور ضربها كف خماسي الأبعاد
نور شال سما حطها في العربية وركب ولما وصلوا أدام البيت نزل وشالها نور لاحظ إنتظام أنفاسها وضربات قلبها فعرف إنها نايمة وطلعها على شقتهم وخبط وهو شايلها
أنس فتح الباب / إيه دا سما مالها
سلوى / بنتي جرالها إيه
نور / ماتقلقوش هي مافيهاش حاجة أنيمها بس على السرير وبعد كدة هحكيلكوا كل حاجة
تالين / طيب تعالى دي أوضتها
( دخلوا ونور حط سما على السرير وتالين غطيتها وخرجوا )
مديحة / خير يا أبني إيه اللي حصل لسما
نور / محصلهاش حاجة أنا ضربتها بالألم
أنس / نعم وأنت أزاي تعمل كدة
سلوى / أهدي يا أنس. هي سما عملت إيه يا نور علشان تضربها
نور / سما كانت واقفة مع شاب شكله غريب في ديسكو. و ‘ وشربت خمرة
سلوى قعدت على الكورسي اللي وراها من الصدمة وعيطت / بنتي ضاعت
مديحة / أستهدي بالله يا سلوى متقوليش كدة
سلوى / خلاص خلاص سما هتروح مني
نور / متقوليش كدة يا طنط أنا مش هسيبها
سلوى / نور إنت لسه عايز سما
نور / إنتي عارفة كويس يا طنط ردي
سلوى / خلاص يبقى بكرة الساعة 11 الصبح تيجي أنت وأبوك وتجيب معاك مأذون علشان تكتب على سما
الكل / إيييييه
___________________
ال18
____________________________
الفصل السابق خلص لما سلوى طلبت من نور يتجوز سما
أنس / إيه يا طنط اللي أنتي بتقوليه دا
سلوى / اللي سمعتوه كتب كتاب نور وسما بكرة
مديحة / يا سلوى أهدي الأمور دي متجيش كدة وبعدين عادل ميت مابقلهوش 3 شهور
سلوى / أنا بقول كتب كتاب مش فرح
نور / بس يا طنط سما عمرها ماهتوافق خصوصا بعد اللي أنا عملته أمبارح معاها
تالين / أيوة يا طنط أستاذ نور معاه حق
سلوى / ملكوش دعوة بيها أنا هخليها توافق بطريقتي
نور / بس يا طنط
سلوى / مابسش يا نور لو عايز سما ولسه بتخاف عليها زي الأول. تيجي بكرة أنت وأبوك والمأذون وتجيب شاهد تاني معاك وأنس هيكون هو وكيل سما
( ماحدش قدر يقنع سلوى تغير رأيها ومشي نور وكل واحد دخل علشان ينام وطبعا سلوى ومديحة بيناموا في أوضة واحدة فمديحة حاولت تتكلم مع سلوى شوية يمكن تغير رأيها وتقنعها تأجل الموضوع دا شوية )
مديحة / يا سلوى اللي أنتي بتعمليه دا غلط
سلوى / صدقيني يا مديحة مافيش حل تاني
مديحة / طيب انتي واثقة في نور دا
سلوى / أيوة طبعا ‘هو الوحيد اللي هيقدر يرجع بنتي زي الأول وأحسن
مديحة / طيب وسما هتقنعيها أزاي
سلوى / أنا هقنعها بطريقتي
( طلع النهار والكل صحي ومتجمعين والساعة 9 ونص دخلت سلوى تصحى سما وبعد ما سما فتحت عنيها لقيت نفسها نايمة بلبس الخروج بتاع أمبارح وأفتكرت اللي حصل ولسه هتسأل أمها هي جت البيت أزاي بس امها قالتلها )
سلوى / قومي غيري هدومك وأجهزي علشان كتب كتابك بعد شوية
سما قامت وقفت بسرعة ومش مسؤولية هي سمعت إيه / نعم إنتي بتقولي إيه
سلوى / كتب كتابك إنتي ونور بعد شوية
سما / ومين اللي قال كدة إن شاء الله
سلوى / أنا اللي قولت كدة
سما / وأنا مستحيل أوافق على كدة
سلوى / لا يا سما هتوافقي وغصب عنك
سما / لا يا ماما مش هوافق
سلوى بدموع / يبقى أنا هموت نفسي يا سما
سما / ماما أنتي بتقولي إيه
سلوى / بقولك لو موافقتيش هقتل نفسي يا سما
سما / بس أنا مش عايزة أتجوز
سلوى بعياط وصوت عالي / أومال عايزة تشربي خمرة وتسكري وبعد كدة تبقى تروحي مع كل راجل شوية
سما / ماما أنتي بتقولي إيه
سلوى / خلاص يا سما بعد شوية نور والمأذون جاي وهنكتب الكتاب
( سلوى قالت كدة وخرجت وسابت سما لوحدها وسما قعدت على السرير مش عارفة تفكر ولا عارفة تعمل إيه نفسها تعيط بس مافيش دموع مش عارفة تعيط وبعد ساعة سمعت جرس الباب بيرن وهي لسه مكانها ما اأتحركتش )
في الصالون دخل المأذون ونور والمحامي بتاعه وأنس وبيجهزوا الأوراق وكل حاجة وقبل ما المأذون يبدأ نور طلب من سلوى يتكلم معاها في الصالة اللي بره
نور / طنط لو سمحتي لو رجعتي في كلامك أنا مش هزعل وتأكدي إني بردو مش هسيب سما وهفضل أساعدها
سلوى / نور لو أنت اللي غيرت رأيك ومش عايز بنتي قول ولو عايزها أدخل كمل إجراءات كتب الكتاب
( نور دخل وكتب الكتاب أتكتب ونور مضى على القسيمة وباقي أمضت سما وأنس أخد الدفتر بتاع المأذون علشان سما تمضي وسلوي طلبت منه يستني ودخلت على المطبخ جابت سكينة وخبيتها ورا ظهرها ودخلوا عند سما
أنس / أتفضلي أمضي يا سما علشان نتمم الإجراءات
سما / أنا مش همضي على حاجة
سلوى طلعت السكينة وحطيتها على شرايين أيديها / أمضي يا سما
سما ماردتش على أمها ولا أخدت القلم من أنس وكل دا أنس واقف مذهول من اللي سلوى عملته
أنس / طنط إيه اللي أنتي بتعمليه دا
سلوى قربت السكينة من زراعها أوي فنزل من أيديها دم
سلوى / أمضي يا سما قبل ما أغرز السكينة
سما أترعبت من المنظر وعرفت إن أمها مش بتهددها بس ومسكت القلم بسرعة ومضت على الورق وبصمت بصباعها
سما / نفذت اللي أنتي عايزاه سيبي بقى السكينة حرام عليكي متعمليش فيا كدة
سلوى / خلاص يلا يا أنس
( خرجوا وراحوا عند المأذون اللي أعلن إن كدة سما زوجة نور وبعد شوية مشي المأذون وأبو نور أخد المحامي ونزلوا على الشركة )
نور / طنط أنتي مال أيدك
سلوى / ماليش دا خدش بسيط وأنا ربطته ماتقلقش
نور / طيب أنتي أقنعتي سما أزاي ممكن أعرف
سلوى حكت كل حاجة لنور ونور طلب منها يقابل سما وتالين دخلت تناديلها بس سما مارديتش تخرج فسلوي قالت لنور أدخلها أنت وفعلا نور دخل لسما لقاها قاعدة على السرير بنفس اللبس اللي كانت لبساه أمبارح فقعد جنبها
نور / بصي يا سما أنتي دلوقتي بقيتي مراتي يعني دخولك وخروجك بحساب والأماكن اللي زي بتاع أمبارح دي ماينفعش تروحيها تاني واللبس دا مايتلبسش تاني
سمعاني
سما بصت لنور بكل غضب وصوت عالي / أطلع بره برااااااااااااه أطلع برررررررررررررره
نور / أنا هسيبك دلوقتي بس ياريت كلامي يتسمع
( نور مشي والكل قاعد في البيت وأنس وتالين حاولوا يتكلموا مع سما لكن هي ماكنتش بترد عليهم ولا كأنها سمعاهم
وعدى اليوم وسما رفضت تاكل أو تشرب أي حاجة
وتاني يوم سلوى أتصلت بنور الصبح وقالتله إن سما مأكلتش حاجة أمبارح ولا عايزة تاكل ورفضت تنزل الشركة مع أنس وتالين
ونور ساب شغله وراح لسما البيت وأخد صنية الأكل ودخل لسما أوضتها
سما / أنت أزاي تدخل هنا ومن غير ماتخبط
نور / والله ماحدش بيستأذن قبل ما يدخل أوضة مراته
سما / أنت صدقت نفسك ولا إيه اللي حصل دا غلط وأنا هصلحه
نور / أنا بصدق نفسي لأنك فعلا مراتي
وأتفضلي كلي يلا
سما / مش هاكل وأتفضل أطلع بره
نور / لا هتكلي يا سما ودلوقتي
سما بصوت عالي / مش هاكل أنت مابتسمعش أطلع بره
نور بغضب / سماا قولتلك قبل كدة وأنا بكلمك صوتك مايعلاش ولو مكلتيش بمزاجك هأكلك غصب عنك ماتفتكريش إني نسيت اللي أنتي عملتيه أول أمبارح لأ دا أنا فاكره كويس ولو مش عايزاني أعقبك عليه دلوقتي أتفضلي كولي بالزوق
( سما خافت من نور لأنها عارفة عصبيته وحشة وفعلا كلت بس وهي بتاكل فكرت وعرفت هي هتعمل إيه وبعد ما أكلت )
نور / كملي أكل
سما / خلاص شبعت مش قادرة
نور / ماشي يا سما
( نور أخد الصينية وخرج وقبل مايخرج لف وشه وقالها )
نور / أنا منعتك تروحي ديسكوهات وحفلات بس ما منعتكيش تروحي شغلك
( مشي نور وسما فضلت في أوضتها وكلمت المطار وحجزت على أول رحلة لدبي واللي هي الساعة 6 الصبح
وفعلا سما صحيت الساعة 4 الفجر وجهزت شنطتها بهدوء وبشويش علشان تالين متصحاش وأخدت شنطتها وجواز سفرها (الباسبور) بتاعها ونزلت الساعة 5 وراحت على المطار بعد مالقيت تاكسي بالعافية في الشارع
ووصلت سما المطار الحمد لله بالسلامة
_______________
رواية ( ) الفصل التاسع عشر بقلم:-
________________________________
على فين يا بشمهندسة سما
سما بصت وراها في صالة المطار هي عارفة الصوت دا كويس
نور / ممكن بكل هدوء تمشي معايا
سما / لا يا نور مش هرجع أنا هسافر وهسيبلك البلد كلها
نور / ومحدش قالك إن الزوجة ماينفعش تسافر بره مصر من غير موافقة جوزها
سما / أنا هسافر يعني هسافر ومش مستنية إذن من حد
نور قرب على سما جامد وملامحه كلها بتوحي بغضب شديد وسما طبعا بتقدر تقرأ ملامح نور بسهولة لأنه كان في يوم من الأيام كل ماليها وقالها
نور / سما مش هشدك من زراعك لأ أنا بقولك أمشي أدامي لأن أيدي لو مسكت زراعك مش هتسيبه غير مكسور
سما أترعبت خلاص وهي عارفة نور كويس لما بيقول حاجة بيعملها فسمعت كلامه ومشيت أدامه وهو جاب شنطتها وركبوا العربية ونور أخد سما وراحوا المكان بتاعهم وقالها
نور / إنزلي
سما / مش هنزل أنا عايزة أروح
نور بصلها بطريقة خليتها تفتح باب العربية وتنزل من غير ما تحس وأول ماراحوا وقفوا مكان مابيقفوا
سما / ممكن أفهم إنت جايبني هنا ليه
نور / بصي يا سما الكلام اللي هقولهولك دلوقتي مش هعيدو تاني وعقلك في رأسك وأنتي اللي هتحددي لنفسك عايزاني أتعامل معاكي أزاي
سما / مش فاهمه حاجة
نور / اللي أنتي عملتيه دا مش هعديه بسهولة بس في نفس الوقت مش هعقبك عليه دلوقتي وهكتفي بتحزيرك للمرة التانية إنما صدقيني يا سما مافيش تحزير تالت لأن أنا صبري قرب ينفذ
سما / أنت بتهددني يا نور
نور / أنتي عرفاني كويس مابهددش لما بقول حاجة بعملها
سما / يعني هتعملي إيه يا نور هتضربني تاني
نور / لا يا سما مش هقولك أنا هعمل إيه لو غلطتي تاني بس يا سما أتقي شري اللي أنتي عمرك ماشوفتيه واللي أنا أتمنى إنك ماتشوفيهوش
سما بستهزاء / هههه وهو أنا لسه مشفتهوش
نور / لا يا سما مشوفتيهوش ولا شوفتي حاجة منه حتى فيا ريت ماتحوليش تشوفيه
سما / بص إنت قولت اللي عندك وأنا هقولك اللي عندي
أنا مش سما اللي أنت عرفتها و حبيتها
أنا واحدة تانية محدش يعرفها ولا يعرف هي بتحس بأيه ولا هي نفسها عارفة هي عايزة إيه بس اللي أنا متأكدة منه إني خلاص عمري ما هفرح ولا أضحك من قلبي زي باقي الناس حتى العياط مابقتش أعرف أعيط وكأن دموعي نشفت وبحور دموعي جفت
نور / وأنا مش هسيبك كدة لازم ترجعي زي الأول وأحسن
سما / ههههههه عارف يا نور أنا أستنيتك أد إيه بكيت عليك أد ايه تعرف إني مافيش ليل كنت بنامه غير وأنا غرقانة في بحر زكرياتنا تعرف إني كنت بعيط ومستنياك تيجي علشان تمسحلي دموعي وتقولي بس علشان مابحبش أشوف دموعك
بس للأسف كل دا كان وهم
نور أتأثر بكلامها / أنا جنبك هنا أهوه يا سما و
قاطعته سما / وأنا مش عايزاك جنبي ولا حتى عايزة حد غيرك أنا هكمل حياتي لوحدي وصدقني هتعبك معايا أوي فريح نفسك وريحني وسيبني
نور / وأنا مش هسيبك يا سما أنتي مراتي وهتسمعي كلامي وأنا حزرتك وعملت اللي عليا. يلا علشان أروحك البيت
سما / ماشي يا نور
نور / قبل ما تمشي هاتي جواز سفرك
سما / ليه يا نور
نور / مين غير أسئلة هاتيه بدل ما أخدوا منك غصب عنك
( نور أخد الباسبور بتاع سما وبعد كدة وصلها للبيت وأول ما وصلوا أدام باب الشقة )
نور / مستنية إيه ماتطلعي المفتاح وأفتحي
سما / أنا ما أخدتش المفتاح معايا كنت هعمل بيه إيه
نور بستهزاء / أنا مش عارف إنتي كنتي متخيلة أزاي إني هسيبك تمشي بالسهولة دي ولا كأني موجود
سما بترن جرس شقتهم / كل ده نايمين
سلوى فتحت الباب / إيه دا أنتي كنتي فين على الصبح كدة
سما / بقولك إيه مش ناقصه أنا تحقيقات على الصبح أوعى لما أدخل أوضتي
( بعد ما سما أخدت شنطتها ودخلت )
سلوى / هي كانت فين وإيه الشنطة اللي معاها دي
نور / كانت في المطار مسافرة
سلوى / إيه. الحمد لله إنك لحقتها
نور / الحمد لله بس ياريت حضرتك ماتتكلميش معاها في حاجة علشان مانبقاش أنا وأنتي قاسيين عليها
سلوى / حاضر يا نور طيب أتفضل أقعد
نور / لا أعذريني بس لازم أمشي لأني عندي شغل
( نور مشي و سلوى قررت إنها هتسيب نور هو اللي يتعامل مع سما براحته أما سما فدخلت أوضتها تاكل في نفسها شوية )
سما بغيظ / ماشي ماشي يا نور إن ماكرهتك في عيشتك زي ما انت خليتنى أكره الدنيا كلها ماااااااااشي
تالين صحيت على صوت سما / إيه دا سما إنتي بتكلمي نفسك
سما مازالت على حالها / ماشي هوريك مش أنا اللي أستسلم بسهولة ماااااااشي
تالين بخضه 😨/ لأ بقى كدة خطر أنا أخرج أشوف في ايه بره
( تالين قامت وغيرت هدومها وجهزت نفسها علشان تروح الشركة وخرجت بره وسابت سما على حالها وخرجت لقيت سلوى ومديحة بيحضروا الفطار وأنس قاعد على السفرة مستنيهم )
تالين / هو في إيه
أنس بأستغراب / هو إيه اللي في إيه
تالين / سما مالها
مديحة / مالها يا بنتي أنتوا مش لسه صاحيين من النوم
تالين / لا يا طنط أنا صحيت على صوتها وهي بتكلم نفسها ولقيتها لابسه هدوم خروج أفتكرتها بتجهز تنزل معانا الشركة وبسألها ولا كأنها هنا
أنس / إيه لحسن يكون فيها حاجة
سلوى بهدوء / لا ماتقلقوش هي كويسة
مديحة / كويسة أزاي بتقولك بتكلم نفسها
سلوى / الهانم قامت الفجر وراحت المطار كانت عايزة تسافر من ورانا
أنس / إيه وحصل أزاي ده
سلوى / معرفش أنا صحيت على جرس الباب فتحت لقيت نور جايبها وقالي على اللي هي كانت هتعمله وطلب مني ما اتكلمش معاها في حاجة
تالين / فعلا معاه حق ماينفعش حد يتكلم معاها خالص دلوقتي
أنس 😁/ تالين أنا حاسس إنك خايفة
تالين 😆/ ليش لحتي أخاف أنا
أنس /هههههههههه طالما فيها ليش تبقى خايفة
( فطروا كلهم ومحدش أتجرأ يدخل ينادي لسما علشان تفطر ونزلوا على شغلهم ونور أتصل بسما كتير بس هي ماردتش عليه ورن عليها الساعة 3 العصر كان مشغول وفضل يرن تاني بس الفون إداله أنتظار وبعدها رجعت ماتردش عليه )
سما نسمه صحبتها كلمتها في الفون الساعة 3 وقالتلها إن هي نزلت أجازة من شغلها وطلبت من سما يتقابلوا في النادي وسما وافقت لأن نسمه كانت وحشاها جدا وغيرت سما هدومها ولبست بنطلون جينس ( معرفش دخل فيها أزاي بصراحة ) ولبست تيشرت أبيض
( بربع كوم وديق بردو ) ونزلت أخدت ركبت العربية وطارت بيها على النادي
سما أول ماشافت نسمه قاعدة مستنياها في النادي جريت عليها حضنتها
نسمه / إنتي صاحبه ندلة أساسا لا بتردي عليا لما أتصل ولا حتى بتتصلي بيا
سما / والله غصب عني كنت مشغولة شوية علشان أنا وأنس وتالين فتحنا شركة هنا
نسمه / بجد طيب قولي دا أنا هفرحلك
( أستمرت القاعدة نص ساعة وسما طلبت من نسمه تسيب شغلها في مرسى مطروح وتشتغل معاهم في الشركة ونسمه وافقت فورا علشان تكون مع صحبتها
وبعد شوية جه الطوفان اللي هيشيل أي حاجة في وشه
سما / هو يوم مش معدي النهاردة
نسمه / في إيه يا بنتي مالك
سما / بصي وراكي كدة وأنتي تعرفى مالي
نسمه / إيه دا نور طيب وأنتي مالك بيه وهو جاي علينا هنا ليه
( قبل ما سما ترد على نسمه كان نور وصلهم)
نور بعصبية / مابترديش على التليفون ليه وأزاي تيجي هنا من غير ما تستأذنيني
نسمه / إيه حيلك حيلك أنت أزاي بتتكلم معاها كدة وتتصل عليها بتاع إيه ماخلاص كانت صفحة وقفلناها وبعدين تستأذنك قبل ما تخرج ليه إن شاء الله كنت مين حضرتك أخوها ولا أبوها
( نسمه نازلة زعيق في نور وسما مستمتعة ونور بيبصلها عايز يقتلها بعنيه بس رد على نسمه وقالها )
نور / أنا لا أخوها ولا أبوها
نسمه / طيب ولما أنت
نور قاطعها / أنا جوزها
( نسمه من الدهشة فتحت بؤها مترين وبصت لسما وساكته )
نور / إيه يا سما أنتي مقولتيش لصاحبتك إن حضرتك تبقي مراتي
سما / وأقولها ليه أذا كنت أنا مش معترفة بكدة لأنك عارف إني أتجوزتك غصب عني
نسمه / نعم هي حصلت يعمل معاكي كدة
نور / أمشي أودامي يا سما علشان يومك يعدي
نسمه / صاحبتي مش هتمشي أنت بتهددها عيني عينك كدة
نور خلاص ودانه بتطلع شرار / سكتي صاحبتك يا سما
نسمه / وإن ماسكتش
نور والغضب باين على وشه أتكلم بطريقة رعبت نسمه / أنا هسكتك بطريقتي
( نور بص لسما ) أمشي أدامي أخلصي
سما / خلاص يا نسمه أشوفك الصبح في الشركة سلام
( سما جريت بسرعة وركبت عربيتها قبل ما نور يمسكها يركبها معاه غصب عنها
ومشيت بسرعة البرق نور كان يقدر يوقفها قبل ما تمشي بس سابها لانه متعصب وخاف عليها من عصبيته وغضبه. بس لما لقاها بتسوق العربية بالطريقة دي وكمان مش لابسه حزام الامان راح وراها على البيت وقال في نفسه
يومك ملهوش ملامح النهاردة يا سما😠😠😠😠😡😡😡😡😡
__________________
ف) الفصل العشرين بقلم :- أ
______________________________________
الفصل اللي فات خلص ونور راح ورا سما على البيت وسما كانت سايقة العربية بسرعة جنونية ووصلت وطلعت على شقتهم جري ونور وراها على السلم ودخلت بسرعة لدرجة إن هي ماقفلتش باب الشقة وراها وقبل ما تدخل أوضتها كان نور دخل وراها ومسكها من زراعها
سلوى ومديحة قاعدين في الصالة قاموا وقفوا أول ماشافوا المنظر ده
سما / سيب زراعي يا نور
نور / قولتلك قبل كدة ماتحوليش تعصبيني
مديحة / في إيه يا أبني أنت ماسكها كدة ليه
سلوى / سيبيه يا مديحة هو حر مع مراته أكيد هي غلطت
سما / كدة يا ماما ماشي
مديحة / يا أبني سيب زراعها هيتكسر في أيدك اللي انت بتعمله دا غلط
سما بحزن من كلام أمها / سيبيه يا طنط خليه يكسره علشان دا اللي يرضي ماما
نور أخد من سما شنطة اليد بتاعتها وساب زراعها وفضي الشنطة في الأرض وأخد منها الموبايل ومفاتيح العربية
سما / أنت بتعمل إيه سيب حاجتي
نور بصوت عالي / الموبايل دا ملهوش لازمة معاكي طلاما مابترديش على المكالمات لما بتصل عليكي ومفاتيح العربية هخدها لأنك مش هتسوقي عربيات تاني فاهمه
مديحة بهدوء / طيب يا أبني أهدا بس كدة ماينفعش اللي أنت بتعمله ده
نور / أتفضلي أدخلي على أوضتك وأياك اللي حصل دا يتكرر تاني يا سما
سما / هيتكرر يا نور وهنزل الشغل الصبح وهركب عربيتي
( سما قالت كدة وجريت على أوضتها )
نور / أبقي فكري تعمليها يا سما فكري كدة تسوقي تاني وشوفي هيحصلك إيه
مديحة / طيب يا أبني هتروح الشركة أزاي وتخرج أزاي لما أنت تمنعها تسوق بس
نور / بكرة الصبح هيكون في عربية بسواق تحت البيت علشان توصلها وهيكون معاها خطوة بخطوة
مديحة / طيب و التليفون يا ابني لما نعوز نكلمها نطمن عليها هنكلمها أزاي
نور / ماتقلقيش حضرتك تقدري تكلميها يا على تليفون الشركة يا على تليفون العربية وهبقي أدى الرقم لانس
( نور قرب من أوضة سما وقال )
لأنها مش هتروح في أي حتة برة البيت غير يا في الشركة يا في العربية
سمعاني يا بشمهندسة
( نور قال كدة ومشي وسما قاعدة في أوضتها هتنفجر من الغيظ وهتفرقع )
سما / أنا يعمل معايا كدة أنا عايز يضربني لا وكمان أمي بتشجعه على كدة إيه اللي بيحصل ده يارب أنا هفوق إمتى من الكابوس ده يارب
بره في الصالة
مديحة / إنتي أزاي يا سلوى تقولي كدة وتقويه على البنت وتقفي معاه ضدها
سلوى / علشان متأكدة إن أكيد بنتي غلطت
مديحة / وأفرضي إنها غلطت هي طول ماهي هنا هو ملهوش حكم عليها وحتى لو هي في بيته ماينفعش يمد إيده عليها دي سما مش حمل كف منه
سلوى / هي مراته وهو أدرى بالطريقة اللي يعاملها بيها
( بالليل أنس وتالين رجعوا من الشركة وتالين دخلت الأوضة عند سما تغير هدومها ولقيت سما قاعدة ساكتة وسرحانة وباين عليها الحزن والغضب في نفس الوقت فسابتها وما أتكلمتش معاها وخرجت لقيت أنس و مديحة قاعدين سوى
مديحة / إيه يا حبيبتي جعانة أجيبلك حاجة تاكليها على ما العشا يجهز
تالين / لا يا طنط بس أصلي لقيت سما لسه على حالها من ساعة ما سبتها الصبح
أنس بهزار / ماما خلي تالين تبات معاكي أنتي وطنط سلوى لحسن تلاقيها خايفة تنام مع سما في أوضة واحدة
تالين / لا يا أنس أنا قلقانة عليها أنت ماشفتش شكلها عامل أزاي
مديحة / والله يا بنتي دي صعبانة عليا خصوصا بعد ما نور أخد تليفونها ومفاتيح العربية بتاعتها
أنس / نعم ودا حصل أمتي
( مديحة حكت لانس على اللي حصل بس ماقلتلهوش إن نور مسك سما من زراعها وكان هيكسره )
أنس / لا يا ماما دا كدة عدى حدوده أوي أزاي ياخد منها موبايلها ومفاتيح العربية
تالين / لا وغير كل ده يا أنس طنط بتشجعه على كدة كمان
مديحة / والله يا بنتي أنا كلمتها وهي قالتلي جوزها ويعمل اللي هو عايزه
أنس / هي وصلت للدرجة دي دا بسبب كلام طنط ممكن يمد أيده عليها
تالين / أنا هقوم أتكلم معاها شوية علشان ماتتعبش
أنس / أدخلي يا تالين وعرفيها أني داخل وراكي
( دخلت تالين وأنس دخل وراها وقاعدين بيتكلموا معاها وهي ولا بترد )
أنس / سما هتفضلي ساكتة كدة كتير
سما بكل غضب / يعني عايزني أقول إيه يا أنس ها أقولك أنه بقى بيتحكم فيا وإنه أخد منى الباسبور بتاعي علشان معرفش أسافر ولا أقولك أخد موبايلي ومفاتيح العربية ومنعني أسوق ولا أقولك إن أمي هي السبب في كل اللي بيحصل
أنس / قولي كل اللي جواكي يا سما
سما / اللي جوايا إذا كنت معرفش إيه اللي جوايا هقوله إزاي كل اللي أنا فيه دا صعب عليا يا أنس
تالين / بس مافيش صعب عليكي انتي يا ساسو دا أنتي تقدري تخليه زي اللعبة في أيدك
سما / ساسو مين يا أما اللي مافيش صعب عليها إنتي لو شوفتي شكله وهو متعصب هيجيلك ساكتة قلبيه
أنس بيحاول يضحك سما / طيب أنتي يا سما لما شوفتيه أول مرة كان نظرك فين يا حبيبتي مافكرتيش ساعتها دا لو أتدايق منك هيعمل فيكي إيه
سما / بس هو ياما أتدايق مني بس عمره ما قسي عليا
( فضلوا يتكلموا شوية مع بعض وبعدين خرجوا علشان يتعشوا وسما رفضت تخرج مع العلم إنها أساسا مأكلتش حاجة خالص طول اليوم ولا حتى أكلت أمبارح غير مرة واحدة لما نور غصب عليها ومع ذلك هي مش حاسة بالجوع ومحدش يعرف إن هي ما أكلتش والكل نام )
طلع النهار وتالين وسما صحيوا وجهزوا نفسهم للشغل
سلوى / أومال فين سما يا تالين مش قولتى إن هي صحيت ماجتش تفطر ليه معانا
تالين / هتبقي تفطر في الشركة يا طنط
سلوى / يعني إيه يعني الهانم مش عايزة تاكل معانا في البيت
سما خرجت من الأوضة / أه فعلا مش عايزة أكل معاكي في حاجة هتتصلي بنور علشان ييجي يخليني أكل غصب عني ولا هتمسكي السكينة وتحطيها علي شرايين أيدك تاني وتعوري نفسك
سلوى / بنت أيه اللي أنتي بتقوليه دا
مديحة / خلاص يا سلوي سيبيها على راحتها
( نزلت سما مع أنس وتالين وكان في عربية سودة ضخمة مستنية سما تحت وواقف أدامها واحد ضخم جدا وده السواق اللي بعته نور )
السواق / حضرتك البشمهندسة سما مدام نور بيه
سما / نعم
أنس / أيوة هي مين حضرتك
السواق / حضرتك أنا نور باشا بعتني علشان أوصل حضرتك الشركة
سما / روح قوله متشكرين أنا هركب مع أنس
السواق / مش هينفع حضرتك
سما / هو إيه دا اللي مش هينفع
السواق / حضرتك نور بيه أمرني أوصلك
أنس / خلاص هي هتركب معايا وأنا هوصلها
السواق / طيب ممكن تستنى حضرتك دقيقة واحدة
( السواق أتصل بنور وقاله على اللي حصل ونور وافق بس نور قاله خليك وراهم بالعربية وسما ماتيغبش عن عنيه والسواق نفذ ووصلوا الشركة وطول الطريق محدش بيتكلم وسما دخلت مكتبها ونسمه صاحبتها جت وأستلمت شغلها وفي أستراحة الغدا الكل متجمع عند سما اللي ماكنتش عايزة تاكل بس هما أصروا عليها )
أنس / هههههههههه هو قال لما أجيبلها واحد ضخم زيي علشان لما أنا أبقى مش موجود يرعبها هو
تالين / لا بجد الجسم دا كله سواق لا دا قتال قتلة
نسمه / أنا مش عارفة بجد يا سما أنتي مستحملة البني آدم دا أزاي
أنس / هههههههههه زي السكر في الشاي
تالين / لا بجد يا نسمه إنتي ما بتشوف
قاطعتها سما / أه أنا شكلي كدة هيتحفل عليا منكوا كلكوا
( قعدوا يهزروا شوية وبعد كدة كل واحد راح على مكتبه بس أنس قال لسما إنه عايزها في موضوع )
سما / خير يا أنس في إيه
أنس / أنا لقيت شقة حلوة هشتريها علشان أتجوز فيها أنا وتالين بس أنا لسه ماقولتلهاش هعملهلها مفاجأة
سما / طيب هو أنا ممكن أقولك حاجة
أنس / طبعا قولي
سما / إيه رأيك لو تاخد الفلوس اللي معايا تكمل على اللي معاك وتشتري فيلا صغيرة
أنس / لا يا سما ماينفعش أخد منك فلوس أنا عايز أشتري من فلوسي أنا ولولا إننا حطينا الفلوس اللي كانت معانا في الشركة كنت أشتريت فعلا فيلا
سما / يا أنس أنا وأنت واحد وبعدين أعتبرهم سلف وأبقى رجعهم
( أنس وافق فعلا على أقتراح سما وبعد يوم طويل من الشغل والتعب روحوا على البيت وقعدوا في الصالة وشوية وجرس الباب رن بطريقة تخض وأنس قام فتح )
أنس / في إيه أنت بتخبط كدة ليه
نور / فين سما يا أنس
سلوي خرجت من المطبخ / إيه يا نور في إيه
نور / فين سما
مديحة / في إيه يا أبني هي سما عملتلك ايه
نور / قولي هي معملتش إيه
___________________
