الرواية 2

أومأ وهو ينتظرها تدخل وتغلق خلفها -فهو يعلم خوفها- ثم هاتف جده ليصعد لها … بينما اتجه هو للأعلى ليعالج مشكلة “يوسف” و”ريم” …

——————–

في طريقه لغرفته لم يقابله أحد .. فعرج على غرفة ابنته فقد اشتاق إليها .. لم يكن ليفارقها في غربته .. ولكن منذ وصولهما .. إما أن ينشغل هو .. أو تختفي هي مع “ريم” أو “ريحانة” .. طرق الباب ثلاثا ولم تجيب .. فتحه ودخل وجدها نائمة .. وغطاؤها وضع أرضا .. هز رأسه استنكارا .. وانحنى ليأخذه ويضعه عليها .. ثم قبل رأسها ..
ولكن عند اقترابه منها لم تستطع استكمال دورها التمثيلي .. ففتحت عينيها وهي تضحك بشدة قائلة :
– صدقت صح ..

ابتسم وهو يقول :
– لا ما صدقتش .. كنت عارف انك صاحية ..

جلست بيأس وهي تقول :
– كدة كنت فاكرة اني هضحك عليك ..

قال :
– وبعد ما تضحكي عليا هتعملي ايه ..

ابتسمت وهي تجيب :
– استناك لما تخرج وبعدين اصحى تاني ..
ثم عبست قائلة :
– مش جايلي نوم والله .. وعمتو قالت لي مينفعش تسهري .. وانا عاوزة اسهر ..

نظر لها صامتا .. فوضعت يدها على قلبها في محاولة للرجاء قائلة :
– عشان خاطري يا بابا عشان خاطري عشان خاطري …

وضع يده على فمها قائلا :
– اسكتي اسكتي صدعتيني ..

ضحكت لتقول :
– يعني مش هتخليني انام ..

هز كتفيه قائلا :
– براحتك بس انا زعلان منك …

وجمت قائلة :
– ليه ..

نظر لها قائلا :
– عشان بتكذبي …

اندهشت لتقول :
– انا .. انا مش كذبت والله ..

رد :
– لا كذبتي .. ومينفعش كل شوية تحلفي كدة ..

أومأت لتقول :
– بس انا مش كذبت ..

قال :
– يعني لما تضحكي عليا وتعملي نفسك نايمة دة مش كذب ..

نظرت لوسادتها تشير لها لتقول :
– انا كدة كذبت ..

حاول منع ابتسامته من فعلتها قائلا :
– اه طبعا .. لما تخليني اصدق انك نايمة وانتي صاحية يبقى كدة بتكذبي عليا …

نظرت له بأسف قائلة :
– مش كنت عارفة كدة والله .. انا بس كنت عاوزة اسهر ..

رد :
– كنتي تيجي تقولي لي .. وانا مكنتش هخليكي تنامي غصب عنك .. لكن تعملي كدة .. زعلتيني منك ..

تقوست شفتيها للأسفل .. وانعقد حاجبيها قائلة :
– لا خلاص انا اسفة بس مش تزعل مني ..

وقف قائلا :
– براحتك اسهري او نامي .. زي ما تحبي .. تصبحي على خير ..

تركت فراشها .. وسارت خلفه .. أمسكت يده توقفه وهي تقول :
– انا اسفة .. مش هعمل كدة تاني والله ..