رواية جديدة كاملة للنهاية
“البارت1”
استيقظ شاب فى منتصف العقد الثالث من عمره على صوت الهاتف الخاص به زفر بضيق ثم حرك يده ليتناوله ونظر به وجده رقم غير معلوم اعتدل سريعا على فراشه وأجاب عليه قائلا
-السلام عليكم
أتاه صوت أنثوي غاضبا قائلة
-ايوه ما أنت نايم ولا على بالك
تكلم باستغراب وقال بتساؤل
-لقاء !! رقم مين ده
تكلمت بغضب وقالت
لقاء :-هو ده كل اللى همك رقم مين !؟
زفر بضيق وقال بنفاذ صبر
-لقااااااء اصطبحي على الصبح وقوليلي رقم مين ده وبتتكلمي منين
أجابته بصوت مختنق وقالت
لقاء :-بنتك ليان فى المستشفى المدرسة اتصلوا بيا وقالولي اجي اخدها المستشفى ضروري
تكلم بقلق شديد وقال بتساؤل
-ليه ليان مالها فيها إيه انطقي
تكلمت بغضب وقالت
لقاء :-اللي يشوفك وانت بتسأل عليها كده يقول انك خايف عليها بجد
نهض من على فراشه وهدر بها بغضب وقال
-إنتِ في أنهي مستشفى اخلصي
أجابته بضيق وقالت
لقاء:-فى مستشفى (…)
وقبل أن يسمع منها كلمة واحدة اغلق الخط وبدل ملابسه سريعا وركض إلى الخارج أخذ مفاتيح البيت واغلق الباب خلفه وهبط إلى الأسفل اوقف سيارة اجرة واتجه إلى المشفى وبعد وقت وصل أمامها وهبط سريعا وركض إلى الداخل سأل عن الغرفة الخاصة بها واتجه إليها فتح الباب ونظر إليها بقلق وهى نائمة على السرير وجلس بجوارها اخذها بحضنه وقال بصوت حنون
-عاملة ايه يا حبيبة قلب بابا ايه اللي حصلك فى المدرسة
تكلمت بصوت مختنق وقالت
لقاء :-قعدت ترجع وحراراتها ارتفعت جدا وكانت مش قادره تفتح عيونها ولما الميس شافتها كده بلغونى اجي أخدها اوديها المستشفى
نظر لها بغضب وقال
-ولما اتصلوا بيكي علشان حاجة زي كده ليه مصحتنيش من النوم اجي معاكي
نظرت الإتجاه الآخر وقالت بعدم رضا
لقاء :-قولت اسيبك تاخد راحتك فى النوم مرضتش اصحيك واعكنن عليك نومتك
صر على أسنانه بغضب وقال
-إنتِ ايه اللي بتقوليه ده دي بنتي وحاجة زي كده لازم اكون معاكي فيها
نهضت وقالت بغضب
لقاء :-وانت لازم تفتكر بنتك ساعة التعب بس لكن فى الأيام العادية طول الوقت يا في الشغل يا نايم حتى يوم اجازتك تعبان ومش قادر لما أنا والأولاد خلاص نسينا وجودك فى حياتنا خالص
نظر إلى ابنته المريضة وقال بغضب
-مش وقته الكلام ده يا لقاء البنت مريضة واحنا فى المستشفى
هدرت به بغضب وقالت
لقاء :-لا وقته يا هشام انا خلاص تعبت وزهقت طول الوقت شايلة الحمل لوحدي أودي مدارس ودروس ومستشفيات وارجع اعمل البيت والأكل قبل ما البيه يرجع من الشغل أذاكر وأغير وأاكل واشرب وانيم وفى الاخر ببقى طول الليل وحيدة وانت نايم جنبي وبتشخر أنا خلاص مبقتش قادرة استحمل اكتر من كده
