رواية جديدة كاملة للنهاية
إجابة عليه بعدم اهتمام وقالت
لقاء :-هكون فين يعنى عند بابا وانا مستنيه لما يصحى هخليه يتصل بيك علشان تتفقوا على الطلاق
ضغط بقوه على الهاتف وقال بغضب
هشام :-وانا كلامى معاكى انتهى كلامى مع الرجاله
واغلق الخط قبل أن يستمع منها رد وضع يده على وجه بغضب وقال
-نفسي افهم ايه فى دماغك بالظبط
ونهض بضيق وغادر الشقة واتجه إلى عمله.
…………………………………………………………… بالظبط
ونهض بضيق وغادر الشقة واتجه إلى عمله.
……………………………………………………………
“بريق خادع”
“البارت 2”
جلس هشام على مكتبه وبدأ يتابع عمله دون تركيز اغلق عينيه بغضب وتراجع إلى الخلف وزفر بضيق وقال
-منك لله يا لقاء مش قادر اركز فى شغلي بسببك
نظر له صديقه وقال باستغراب
-مالك يا هشام شكلك مضايق النهاردة
حرك رأسه بالرفض وقال بصوت مختنق
هشام :-مافيش يا صاحبي شوية مشاكل فى البيت بس
رد عليه سريعا وقال بغضب
-اكيد مراتك ما هى الستات كده مش وراها حاجة غير تنكد علينا ربنا ينتقم منهم
تكلم بضيق وقال بتحذير
هشام :-اتكلم على مراتي كويس مش هسمحلك تغلط فيها دي حاجة تخصني أنا وهي ومهما زعلنا من بعض ملناش غير بعضينا
رد عليه بأسف وقال
-أسف يا صاحبي متزعلش مني انا بقول كده علشان اخرجك من المود ده شوية
زفر بضيق وقال
هشام :-مش على حساب مراتي لأن كرامتها من كرامتي
ابتسم له وقال بنبرة هادئة
-ربنا يخليكم لبعض ويهدي سركم
أجاب عليه بنبرة هادئة وقال
هشام :-تسلم يا غالي
وبدأ يتابع عمله مرة اخرى.
……………………………………………………………
جلست على السرير وهى تتكلم بالهاتف نظرت امامها بتوتر وقالت بتساؤل
لقاء:-طيب افرضي طلقني بجد اعمل ايه
أتاها صوت أنثوي قائلة
-مش إنتِ بتقولي إن هو بيحبك!؟ لو هو بيحبك بجد مش هيطلقك مهما طلبتي الطلاق منه
زفرت بضيق وقالت بقلق
لقاء:-انا خايفة اوي يا ليلى يا ريتني ما سمعت كلامك وعملت كده
ردت عليها بغضب وقالت
ليلى :-وانا مالي ياختي إنتِ اللي كنتي بتشتكي من أنه مش بيهتم بيكي وطول الوقت فى الشغل وانا قولتلك تعملي كده لمصلحتك بس مضربتكيش على ايدك
تكلمت سريعا وقالت بتوضيح
لقاء:-انا عارفة انك عايزة مصلحتي بس حاسة أننا زودناها اوي معاه هو طيب وبيحبني بجد وعايز يعمل ما في وسعه علشان يكفينا أنا وعياله فى المصاريف وما نحتاجش لحد بس ده جاي على حساب حياتنا أنا وهو مبقاش يهتم بيا زي زمان وقته بقى على طول يا في الشغل يا نايم حتى يوم الاجازة يا بينزل شغل اضافي يا بينام أنا ببقى محتاجاه فى اوقات كتير بس مش بلاقيه نفسي يهتم بيا يحسسني بأنوثتي زى زمان حتى يكون عندي طاقة استحمل تعب الاولاد وحمل البيت اللي على كتافي ده
