رواية جديدة كاملة للنهاية
-نام على طول مافيش سهر على التليفون فاهم
اومأ رأسه بالموافقه وقال
حمزه :-حاضر يا بابا
خرج من الغرفه واغلق الباب خلفه واتجه إلى غرفته دلف إلى الداخل وجد لقاء تجلس على السرير تنتظره زفر بضيق وقال
هشام :-مغيرتيش هدومك ليه
نهضت بغضب وقالت
لقاء :-انا جيت معاك اهو زى ما قولتيلى بس انا مستحيل اكمل معاك حياتى مهما حصل طلقنى يا هشام
اقترب إليها ونظر لها نظره حنونه وقال بنبره هادئه
هشام :-يا لقاء بلاش جنان طلاق ايه ده اللى عايزه تطلقى محصلش حاجه لكل ده احنا مش صغيرين على الكلام العبيط ده يلا يا حبيبتى روحى غيرى هدومك ونامى اليوم النهارده كان طويل وبكره هنصحى بدرى
دفعته بعيد عنها وقالت بغضب
لقاء :-لا مش كلام عبيط أنا اتخنقت من العيشه معاك مبقتش قادره استحمل
نظر لها بنفاذ صبر وقال بغضب
هشام :-لا بقى انتى فعلا اتجننتى رسمى محصلش حاجه يعنى علشان تعملى كده ما الدنيا كلها كده انتى عايزانى اعملك ايه يعنى اسيب اكل عيشى واقعد جنبك علشان اعجب الهانم طيب مصاريفك ومصاريف عيالك ومصاريف البيت المفتوح ده اجيبها منين اقول لاهلى يصرفوا علينا حطى عقلك فى راسك واهدى شويه وربى عيالك
ثم تحرك بأتجاه خزانة الملابس أخذ منها ملابسه وخرج من الغرفه وتركها
نظرت إلى أثره بغضب وقالت بتوعد
لقاء :-براحتك يا هشام انت كده كده الخسران مش انا
وتسطحت على فراشها وظلت تنظر إلى الأعلى بتفكير .
…………………………………………………………….
باليوم التالى
استيقظ هشام من نومه على صوت رنين المنبه اغلقه واعتدل على الأريكة ظل ينظر أمامه بضيق ثم نهض واتجه إلى المرحاض وبعد وقت خرج منه واتجه إلى الغرف نظر على السرير لم يجد لقاء ظن أنها أخذت الأبناء وذهبت المدرسه لكنه تفاجئ بالخزانه فارغه تماما من ملابسها خرج سريعا واتجه إلى غرفة الاولاد وجد أيضا خزانة ملابسهم فارغه زفر بضيق وركل الباب بقدميه بغضب وقال
هشام :-لقااااااء اللى فى دماغك برضه نفذتيه
وعاد مره أخرى إلى غرفته بدل ملابسه وأمسك الهاتف الخاص به وجلس على السرير وأجرى اتصالا بها وانتظر الرد
إجابة عليه بصوت مختنق وقالت
لقاء :-نعم عايز ايه!؟
تكلم بصوت غاضب وقال
هشام :-افهم بس ايه اخرة اللى انتى بتعمليه ده اخدى الاولاد وروحتى فين
