رواية جديدة كاملة للنهاية
-مش وقته الكلام ده يا لقاء البنت مريضه واحنا فى المستشفى
هدرت به بغضب وقالت
لقاء :-لا وقته يا هشام انا خلاص تعبت وزهقت طول الوقت شايله الحمل لوحدى أودى مدارس ودروس ومستشفيات وارجع اعمل البيت والاكل قبل ما البيه يرجع من الشغل اذاكر واغير واكل واشرب وانيم وفى الاخر ببقى طول الليل وحيده وانت نايم جنبى وبتشخر أنا خلاص مبقتش قادره استحمل اكتر من كده
اقترب إليها وصر على أسنانه بغضب وقال بصوت هامس
هشام :-وانا بعمل ايه؟ بلعب!! مش شقيان طول النهار علشان أوفر ليكم كل اللى تطلبوه منى مستحمل قرف واهانه من كل واحد شويه كل ده علشان مين!؟ مش علشانكم انتى تعرفى أنا بتعب قد ايه مستحمل ايه وساكت فى سبيل سعادتكم نوم بليل ده مش نوم رفاهيه ده شقى وكسرت ضهر من الشغل طول النهار ، بس لا ازاى لازم نعظم فى الست والراجل ابن كل/ب بيدلع طول يومه الظالم الأنانى اللى سايب الست شايله الشيله وهو بيتفرج عليها
عقدت ذراعيها على صدرها وقالت بعدم اهتمام
لقاء :-انت مبتعملش حاجه زياده عن الرجاله ما كل الرجاله بتعمل زيك وبتتعب وتشقى واخر اليوم بيقعدوا فى البيت وسط ولادهم ومراتتهم يحسسوهم بوجودهم بيساعدوهم شويه فى الاولاد والبيت
ابتسم بعدم تصديق وقال بغضب
هشام :-وانتى بقى دخلتى كل بيوت الناس وشوفتى أن الرجاله كلها بتعمل كده !؟
ردت عليه بضيق وقالت
لقاء :-مدخلتش بس سمعت بودنى
وضع يده على وجه بنفاذ صبر وقال
هشام :-يعنى انتى من الاخر عايزه ايه يا لقاء !؟
تكلمت بغضب وقالت
لقاء :-تطلقنى
نظر لها بصدمه وقال بعدم تصديق
هشام :-انتى ايه اللى بتقوليه ده انتى اتجننتى
حركت رأسها بالرفض وقالت بغضب
لقاء :-لا أنا عقلت يا هشام كان لازم اخد الخطوه دى من زمان اوى بس يلا مش مهم اهو جه وقتها طلقنى
صر على أسنانه بغضب وقال
هشام :-ماشى يا لقاء بعدين نبقى نشوف موضوع الطلاق ده المهم دلوقتى البنت تبقى كويسه
هدرت به بغضب وقالت
لقاء :-انا مش مجنونه علشان تخدنى على قد عقلي بقولك طلقنى يا هشام
وضع يده على وجه بغضب شديد ثم نظر لها بغضب وقال بصوت مختنق
هشام :-انا ماشى هروح اجيب حمزه من المدرسه
وخرج سريعا من الغرفه وتركها
نظرت إلى أثره بغضب وقالت
لقاء:-اهرب زى ما انت عايز هطلقنى يعنى هطلقنى
جلست بجوار ابنتها على السرير واخذتها داخل أحضانها.
………………………………………………………………
بالمساء عادوا إلى المنزل ووضع ابنتهم على السرير الخاص بها وقبل رأسها ونظر إلى حمزه وقال
