رواية جديدة كاملة للنهاية

اقترب إليها وصر على أسنانه بغضب وقال بصوت هامس

هشام :-وانا بعمل ايه؟ بلعب!! مش شقيان طول النهار علشان أوفر ليكم كل اللي بتطلبوه مني مستحمل قرف و إهانه من كل واحد شوية كل ده علشان مين!؟ مش علشانكم إنتِ تعرفي أنا بتعب قد ايه مستحمل ايه وساكت فى سبيل سعادتكم نوم بالليل ده مش نوم رفاهية ده شقى وكسرت ضهر من الشغل طول النهار ، بس لا ازاي لازم نعظم فى الست والراجل ابن كل/ب بيدلع طول يومه الظالم الأناني اللى سايب الست شايلة الشيلة وهو بيتفرج عليها

عقدت ذراعيها على صدرها وقالت بعدم اهتمام

لقاء :-انت مبتعملش حاجه زيادة عن الرجالة ما كل الرجالة بتعمل زيك وبتتعب وتشقى واخر اليوم بيقعدوا فى البيت وسط ولادهم ومراتتهم يحسسوهم بوجودهم بيساعدوهم شوية مع الاولاد و في البيت

ابتسم بعدم تصديق وقال بغضب

هشام :-وانتِ بقى دخلتي كل بيوت الناس وشوفتي أن الرجالة كلها بتعمل كده !؟

ردت عليه بضيق وقالت

لقاء :-مدخلتش بس سمعت بوداني

وضع يده على وجه بنفاذ صبر وقال

هشام :-يعني إنتِ من الآخر عايزة ايه يا لقاء !؟

تكلمت بغضب وقالت

لقاء :-تطلقني

نظر لها بصدمة وقال بعدم تصديق

هشام :-انتِ ايه اللي بتقوليه ده انتى اتجننتي

حركت رأسها بالرفض وقالت بغضب

لقاء :-لا أنا عقلت يا هشام كان لازم اخد الخطوة دي من زمان اوي بس يلا مش مهم اهو جه وقتها طلقني

صر على أسنانه بغضب وقال

هشام :-ماشي يا لقاء بعدين نبقى نشوف موضوع الطلاق ده المهم دلوقتي البنت تبقى كويسة

هدرت به بغضب وقالت

لقاء :-انا مش مجنونة علشان تخدني على قد عقلي بقولك طلقني يا هشام

وضع يده على وجهه بغضب شديد ثم نظر لها بغضب وقال بصوت مختنق

هشام :-انا ماشي هروح اجيب حمزه من المدرسة

وخرج سريعا من الغرفة وتركها

نظرت إلى أثره بغضب وقالت

لقاء:-اهرب زي ما انت عايز هتطلقني يعنى هتطلقني

جلست بجوار ابنتها على السرير واخذتها داخل أحضانها.
………………………………………………………………
بالمساء عادوا إلى المنزل ووضع ابنتهم على السرير الخاص بها وقبل رأسها ونظر إلى حمزه وقال

-نام على طول مافيش سهر على التليفون فاهم

اومأ رأسه بالموافقة وقال

حمزه :-حاضر يا بابا

خرج من الغرفة واغلق الباب خلفه واتجه إلى غرفته دلف إلى الداخل وجد لقاء تجلس على السرير تنتظره زفر بضيق وقال