رواية جديدة كاملة للنهاية
هشام :-مغيرتيش هدومك ليه
نهضت بغضب وقالت
لقاء :-انا جيت معاك اهوه زي ما قولتلي بس انا مستحيل اكمل معاك حياتي مهما حصل طلقني يا هشام
اقترب إليها ونظر لها نظرة حنونة وقال بنبرة هادئة
هشام :-يا لقاء بلاش جنان طلاق ايه ده اللى عايزاه محصلش حاجة لكل ده احنا مش صغيرين على الكلام العبيط ده يلا يا حبيبتى روحي غيرى هدومك ونامى اليوم النهاردة كان طويل وبكرة هنصحى بدري
دفعته بعيد عنها وقالت بغضب
لقاء :-لا مش كلام عبيط أنا اتخنقت من العيشة معاك مبقتش قادرة استحمل
نظر لها بنفاذ صبر وقال بغضب
هشام :-لا بقى إنتِ فعلا اتجننتي رسمي محصلش حاجة يعني علشان تعملي كده ما الدنيا كلها كده إنتِ عايزاني اعملك ايه يعني اسيب اكل عيشي واقعد جنبك علشان اعجب الهانم طيب مصاريفك ومصاريف عيالك ومصاريف البيت المفتوح ده اجيبها منين اقول لأهلي يصرفوا علينا حطي عقلك في راسك واهدي شوية وربي عيالك
ثم تحرك بأتجاه خزانة الملابس أخذ منها ملابسه وخرج من الغرفه وتركها
نظرت إلى أثره بغضب وقالت بتوعد
لقاء :-براحتك يا هشام انت كده كده الخسران مش انا
وتسطحت على فراشها وظلت تنظر إلى الأعلى بتفكير .
…………………………………………………………….
باليوم التالي
استيقظ هشام من نومه على صوت رنين المنبه اغلقه واعتدل على الأريكة ظل ينظر أمامه بضيق ثم نهض واتجه إلى المرحاض وبعد وقت خرج منه واتجه إلى الغرفة نظر الى السرير لم يجد لقاء ظن أنها أخذت الأبناء وذهبت المدرسة لكنه تفاجئ بالخزانه فارغة تماما من ملابسها خرج سريعا واتجه إلى غرفة الاولاد وجد أيضا خزانة ملابسهم فارغه زفر بضيق وركل الباب بقدميه بغضب وقال
هشام :-لقااااااء اللي فى دماغك برضه نفذتيه
وعاد مرة أخرى إلى غرفته بدل ملابسه وأمسك الهاتف الخاص به وجلس على السرير وأجرى اتصالا بها وانتظر الرد
اجابت عليه بصوت مختنق وقالت
لقاء :-نعم عايز ايه!؟
تكلم بصوت غاضب وقال
هشام :-افهم بس ايه اخرة اللى إنتِ بتعمليه ده اخدتي الاولاد وروحتي فين
أجابت عليه بعدم اهتمام وقالت
لقاء :-هكون فين يعن عند بابا وانا مستنية لما يصحى هخليه يتصل بيك علشان تتفقوا على الطلاق
ضغط بقوه على الهاتف وقال بغضب
هشام :-وانا كلامي معاكي انتهى كلامي مع الرجالة
