روايه رهيبه ج،2

الحلقة الثالثة عشر انقبض قلب أدهم داخل صدره وهو يرى حالة من الهرج والمرج خارج المطعم وتجمع لعدد من الناس يصرخون بضرورة الاتصال بالاسعاف ووسط كل هذا اختفت ياسمين من أمامه صدم لثواني لكن سرعان ما عاد عقله للعمل واندفع وسط التجمع ليرى المصاب ويحاول انقاذه فصدم بابنة روحه وياسمينة قلبه كما كان يلقبها هي الملقاة في الطريق أمام أحد السيارات والتي كان يصرخ صاحبها انه لا ذنب له وانه حاول التوقف قبل ان يصل اليها بكل قوة وسيارته لم تلمسها حتى ثواني قليلة كان عقل أدهم يحلل الموقف حتى خرج من جموده واندفع اليها صارخا باسمها وكأن صرخته تخرج من أعماق قلبه الملهوف(قلب الرفاعي بقلمي لميس عبد الوهاب ) عليها فلم يصله رد فنزل سريعا على ركبتيه جانبها وبقليل من الكشوفات الاولية عرف ان حالتها هي المستمرة معها دوما عند انفعالها مجرد الضغط اللعين فسارع بحملها بين يديه وتوجه بها لسيارته ومنها للمستشفى التي كان يعمل بها ليتلقفه منها مروان الطبيب المشرف على حالتها لم يدخل معهاادهم غرفة الطوارئ فقد كان استنفذ كل طاقته القى بجسده على أحد المقاعد في الخارج دافنا رأسه بين يديه محاولا الضغط عليها عل هذا الصداع الفتاك يقل قليلا ويتركه... دقائق وخرج مروان من الغرفةرابتا على كتف أدهم الذي انتبه اليه فهب واقفا في مكانه يسأله عن حالتها فرد مروان مبتسما : _متقلقش يا أدهم انت عارف ياسمين ومشكلة الضغط اللي بينزل وقتي مع أي توتر او قلق زيادة ان شاء الله عشر دقايق وهتفوق أدهم بزفرة ارتياح : _الحمد لله ....متشكر يا مروان مروان بتأثر : _مفيش شكر بينا ...انت اخويا قبل ما تكون صاحبي الوحيد ....ابقى اتصل بيا يا أدهم انت بتوحشني قوي أدهم مبتسما بارهاق وهو يربت على كتفه : _ربنا يديم الاخوة بينا ....حاضر يا مروان ...بس اديك شايف الظروف فودعه مروان وانطلق أدهم لغرفة ياسمين وجلس على مقعد قريب من فراشهاوهو يشعر بالتعب والارهاق تملك من جسده ولم تمر سوى عدة دقائق وبدأت ياسمين تهذي بكلمات غير مفهومة دليل على بداية تبه عقلها وصحوتها فاقترب أدهم منها ليفهم كلماته الغير مترابطة وكما توقع كانت كلها على من شغلها لشهور حتى وان كانت تضع قناع البرود أمام الجميع ياسمين بهمس : _ليه ...يوسف ...أنا ...لالالالا أدهم بهمس رابتا على يدها بحنية : _ياسمين ..اهدي حبيبتي ..أنا جنبك آهو ...سمعاني ياسمين ياسمين بتوهان ونصف وعي : _أنا فين ؟...ايه اللي حصل ؟ أدهم بمرح : _ولا حاجة ياستي قلتي شوية كلام أهبل كدة وبعدين قلتي تشوفي غلاوتك عندي اد ايه فحبيتي تخضيني عليكي وتوقعي قلبي في رجليا بالشكل ده ياسمين بحرج مبتسمة : _انا أسفة يا أدهم ...حقك عليا أنا عارفة انك راجع من السفر تعبان ومرتاحتش ....بس خلاص انا بقيت كويسة خلينا نروح واتبعت كلماتها بان حاولت القيام من الفراش ولكن يد أدهم وحزمه كان الاسبق اليها : _بقولك ايه ...هي كلمة واحدة مش هتقومي من هنا دلوقتي لحد ما أطمن ان ضغطك اتظبط ومش عاوز مناهدة ياسمين بطاعة : _حاضر أدهم بابتسامة وهدوء : _أيوا كدة أحبك وانت مطيعة ..بس أنا عاوز أقولك حاجة ....يوسف مظلوم ياسمين وقد تغيرت معالم وجهها للضيق : _ممكن منتكلمش في الموضوع ده دلوقتي أدهم : _زي ما تحبي ..بس بردو بأكد ان يوسف مظلوم يا ياسمين ...اسمعيه مش هتخسري حاجة وحكمي عقلك عشان مترجعيش تندمي بعد فوات الأوان وهنا رن هاتف أدهم برقم والده فسارع للرد : _السلام عليكم ...أيوة يا بابا إبراهيم : _وعليكم السلام ورحمة الله...انت فين يا أدهم ...احنا في البيت من مدة هات ياسمين وتعالى يالا أدهم بتوتر : _حاضر ...بس ...بس إبراهيم بقلق : _بس ايه ياسمين مالها ...اتكلم يا أدهم أدهم بهدوء : _متقلقش يا بابا ..هي بس ضغطها نزل شوية ..ما انت عارف مشكلة الضغط دي ...ان شاء الله ساعة كمان وهجيبها واجي إبراهيم : _تيجي منين ؟....انتم في المستشفى ؟ أدهم : _ايوة يا بابا يوسف مندفعا بمجرد سماع كلمة مستشفى : _مستشفى ايه ياعمي ؟ارجوك طمني إبراهيم بقلق : _أدهم طمني على أختك يابني أدهم : _اطمن يا بابا والله هي كويسة حتى خد كلمها اهي التقطت ياسمين الهاتف من يد أدهم وفي داخلها شعور يجلدها لكلماتها المتهورة التي القت بها في وجه شقيقها ونصفها الاخر ياسمين بمرح : _بابا حبيبي متخافش عليا أنا كويسة ...طب هو ينفع اتعب وليا اتنين اخوات دكاترة ؟؟؟؟ ده حتى تبقى عيبة في حقهم أدهم بغضب مصطنع : _والله تبقى عيبة في حقنا ...طب ايه رايك بقى أنا هروح اكلم مروان يكتبلك علاجك كله حقن ياسمين بطفولة محببة لقلبه : _لالالا قلبك ابيض يادكتور ...دا انا ياسو حبيبتك بردوا فضحك أدهم وهو يجذب منها الهاتف : _ايوة كدة اتعدلي ثم وجه كلامه لوالده : _متقلقش يا بابا زي ما قلتلك هي ساعة ان شاء الله وهنكون عندك إبراهيم بمكر : _ابعتلك يوسف يا أدهم ؟ أدهم بارتباك ناظرا لياسمين فأجاب بغموض : _ياريت يا بابا إبراهيم متفهما : _تمام يا بني مع السلامة دلوقتي اغلق ابراهيم الهاتف والتفت ليوسف الذي يجلس بجواره وكأنه يجلس على صفيح ساخن من قلقه قائلا بمكر : _أدهم محتاجك يايوسف معاه فهب يوسف واقفا في حين رد أحمد : أنا هروح ليه يا بابا ... فقاطعه يوسف : _لا معلش يا دكتور أحمد أنا اللي هروح ....ياسمين خطيبتي ومسؤلة مني ...عن اذنكم وخرج يوسف سريعا ليذهب راكضا لمن خطفت قلبه بحبها وستفقده عقله بجنونها في حين رد أحمد : _طب انا كمان هروح ليهم إبراهيم بجدية : _لا متروحش ..ياسمين كويسة انا قصدت ابعته ليهم عشان فهمت ان اخوك بيحاول يجمعهم ببعض أحمد بارتياح : _طيب الحمد لله ان اطمنا عليها إبراهيم : _قوم انت يا أحمد خد مراتك وروح على اوضتك ارتاحوا من السفر على ما اكلم الهانم والدتك اشوفها فين فأومأ احمد براسه وهو يشير لمها الجالسة في جنب كفأر مزعور فقامت معه خجلة من وجودها هنا معهم ...همهمت بكلمات بسيطة مستئذنة من عمها ثم ذهبت مع أحمد الذي اطبق على يدها وكأنها كنزه الثمين الذي يخشى ضياعه منه بعد ان وجده أخيرا أحمد ناظرا لعينيها بحب جارف : _حقك عليا يا مها ....ان شاء الله في اقرب وقت هغير كل حاجة في الاوضة دي عشان تليق بيكي مها وهي تحيط وجنتيه بين يديها ناظرة لعينيه سلامها وبر أمانها : _لا يا أحمد متتأسفش ...أنا فرحانة جدا اني هشاركك ذكرياتك في اوضتك ده كان حلم بعييد قوي بالنسبة ليا ...والحمد لله ربنا اكرمني بتحقيقه أحمد وهو يحيطها من خصرها بذراعيه ليقربها منه أكثر : _ياااه يا مها أد كدة بتحبيبني ؟!! مها بحب : _لا أكثر والله يا أحمد انت حلم عمري أحمد بهيام سيطر على كل جسده : _وانت حياتي اللي فاتت واللي جاية يا قلب أحمد وروح أحمد و..... فضحكت مها محاولة ان تبتعد عنه هامسة بخجل : _كفاية يا أحمد احسن حد يسمعنا أحمد بجدية وهو يطبق بذراعيه عليه مانعا ابتعادها : _محدش له حاجة عندي ....واحد وبيحب في مراته حد شريكه ؟!! مها بهمس : _بجد يا أحمد بتحبني أد ما بحبك أحمد بتأكيد : _انا معرفتش طعم الحب غير ليكي يا مها ..انت وبس حبيبتي وروحي ومالكة قلبي ...بقولك صحيح .. مها بانتباه : _خير يا أحمد قول أحمد هامسا : _كنت عاوزك في موضوع مهم وسري للغاية مها وقد تلون وجهها بحمرة الخجل التي تفقده عقله : _أحمد ....عيب كدة ...حد يجي ... أحمد بجدية : _مها لازم تفهمي انك مراتي ...ملكي ...فاهمة يعني ايه ؟؟ يعني محدش له حاجة عندنا مها بهمس : _طيب خلاص اهدى حقك عليا أحمد بجدية زائفة : _ايوة كدة ...تعالي بقى نتفاهم في موضوعنا واغلق بابهم ليبدأا حياتهما والتي كان أحمد يعلم تمام العلم انها لن تكون سهلة ابدا وهذا ما كانت تعلمه مها علم اليقين دون ان يواجه احدهما الاخر بطبيعة علمهما داعين الله ان يخلف ظنهم وتمر ايام حياتهما معا على خير **************** ضغط إبراهيم على عدد من الارقام في هاتفه ثم انتظر الرد بملل وضيق واضح : _السلام عليكم ورحمة الله رقية بسعادة : _وعليكم السلام ورحمة الله وبركاته ...ازيك يا إبراهيم ..عامل ايه ؟ إبراهيم بهدوء : _الحمد لله كويس انت فين يا رقية ؟ رقية : _انا في النادي مع مدام سوسن زوجة اللواء جمال الرشيدي ...ليه فيه حاجة ولا ايه ؟ إبراهيم بضيق : _فيه اني في البيت من الصبح يا ست رقية وانت ولا هنا رقية هاتفة بسعادة كانت جليه في صوتها ووصلت بسرعة البرق لجمود قلبه فحطمته وأذابت شراينه باندفاع دمه بقوة كادت توقف قلبه عن النبض : _بجد يا إبراهيم ...انت رجعت خلاص ...حالا هكون عندك ...مع السلامة فاغلق إبراهيم الهاتف وهو يغمض عينيه هاتفا بتضرع لله ان تعود اليه رقيه شريكة عمره التي عشقها في شبابه وكانت نعم العون له في مشوار حياته وليست تلك المسيطرة الآمرة التي ستدمر حياة ابنائها بتسلطها ******************* زفر أدهم بارتياح وهو ينظر لجهاز الضغط هاتفا بارتياح : _الحمد لله الضغط اتظبط اخيرا ياسمين بطفولة : _تمام ...ممكن بقى نروح ولا لسة حاجة انت عارف انا بكره المستشفيات ازاي أدهم ضاحكا : _عيب يبقى اخواتك دكاترة وتقولي كدة ...امال الناس العادية تقول ايه ؟ طرقات على الباب قاطعت ردها عليه ليأذن أدهم بالدخول للطارق فيفتح الباب ليظهر من ورائه رأس مدحت هاتفا بمرح كالعادة : _أنا قلت طالما البرنس أدهم هنا لازم اجي بنفسي اسلم عليه أدهم وهو يحتضنه بقوة : _ازيك يا مدحت ....وحشتني قوي والله عامل ايه ؟وازي نجلاء والبيبي ؟ نجلاء هاتفة من خلفه : _نجلاء تمام الحمد لله ...بس البيبي بقى متعب جدا زي ابوه بالظبط أدهم ضاحكا وهو يسلم عليها : _أكيد طبعا انت عاوزة ابن مدحت يجي عادي كدة زي باقي الاطفال مدحت بمرح وغرور مصطنع وهو يعدل قبة قميصه : _يا جماعة نحن نختلف عن الاخرين فضحكوا جميعا بمرح وحب وأخوة كانت اقوى الروابط التي زرعتها فيهم ماما فاطمة ... وعرفهم أدهم على ياسمين التي بدأت تشاركهم الحديث بمرح هي الاخرى حتى توقف كل هذا بدخول يوسف عليهم الذي عرفه أدهم على مدحت ونجلاء على انه خطيب ياسمين وهذا ما أغضب ياسمين جدا جعلها تهتف به غاضبة : _أدهم !! يوسف بقلق لم يسطع اخفاؤه : _عاملة ايه يا ياسمين طمنيني عليكي ؟ لم ترد ياسمين واكتفت بنظرة غاضبة لو كانت تحرق لاحرقته حيا فاستأذن مدحت ونجلاء وخرجا من الغرفة ومعهم أدهم الذي أراد ان يتحدث معها يوسف بنفسه ليشرح لها كل شيء ياسمين بقلق : _أدهم انت رايح فين ؟ أدهم: _متخافيش هروح اشوف مروان واجيبلك علاجك واجي ياسمين بلهفة : _أدهم انا مش عاوزة حاجة خليك معايا انا بقيت كويسة أدهم : _بلاش عند واهدي وغمز لها ضاحكا وهو يكمل : _ومتخافيش هجيبلك اقراص بلاش حقن فاحتقن وجهها غضبا في حين خرج أدهم ليلتفت لها يوسف هاتفا : _وحشتيني قوي يا ياسمين ...والله العظيم انا مظلوم ..أنا مريت بأسوأ أيام حياتي في الفترة اللي بعدت عنك فيها وربنا العالم بيا كانت حياتي عاملة ازاي ياسمين بضيق : _مش عاوزة اعرف حاجة ...انا عاوزة امشي من هنا واتبعت كلماتها بمحاولتها القيام من الفراش ليجلسها يوسف بقوة هاتفا بشراسة : _وبعدين بقى في عندك ده ...اسمعي الكلام مفيش خروج من هنا غير لما أدهم يجي وهتقعدي وهتسمعيني غصب عنك ايه رايك بقى ياسمين برهبة حاولت مدارتها ولكن رعشة يدها كشفتها لعينين يوسف الفاحصة لها فأراد طمأنتها ولكنه علم انها لن تسمعه الا بتلك الطريقة فتحامل على قلبه الذي يدفعه دفعا لاحتوائها وواصل في شراسته ياسمين بتلعثم : _انت ... يوسف مقاطعا بقوة : _هي كلمة ...هتسمعيني يعني هتسمعيني فنظرت له بغيظ وحنق وصمتت لتترك له المجال ان يحكي مايريده عملا بنصيحة أدهم لها يريدها أن تسمعه حسنا ستسمع ولكنها أبدا لن تسامح مرت لحظات كان خلالها يوسف بدأ يشرح لها كل ظروفه وما حدث له ولوالده في تلك الفترة العصيبة من حياتهم لحظات واندفعت دموعها تغرق وجنتيها وهي تحاول ان تتخيل كم المصائب التي كان يحاول مواجهتها وحده كانت تتمنى ان تكون معه تسانده وتقف بجانبه كما كانت تتمنى دوما فهمست من بين دموعها : _وما اتصلتش بيا ليه وحكيتلي كنت وقفت معاك يوسف بشرود : _ملحقتش كل حاجة مرت بسرعة يا ياسمين متخيلة سرح بالكبر ده مجموعة شركات عالمية ...تعب والدي لمدة 30 سنة ...كله اصبح دخان رماد انهيار انهيار الشركة وانهيار والدي وانهيار اختي واخيرا انهيار مشاعري ...انا كنت عامل زي التايه يا ياسمين تايه مش لاقي بر ولا عارف اتصرف صمت قليلا ليعلو صدره ويهبط بانفاس متلاحقة وهو يكمل : _واخيرا اضطراري لبيع شركتي حلمي من وانا طفل ...الحلم اللي عشت عمري كله بجهز له ولما اتنفذ على ارض الواقع اضطريت بايدي انهيه عشان والدي مش يتسجن جلس يوسف على مقعد بالغرفة بعد ان كان يحكي لها وهو يتحرك في الغرفة بحركات عصبية وكأن نهاية ظروفه كانت باستنفاذ كل طاقته فما عاد يستطيع حتى الوقوف فجلس شاردا ولم ينتبه الا على صوت مالكته : _أنا اسفة يايوسف ..مكنتش اعرف ان كل ده حصلك ...حقك عليا يوسف بابتسامة مجهدة : _الحمد لله يا ياسمين ان والدي لسة معايا وبخير وانت كمان ياسمين بخجل : _وانا كمان ايه ؟ يوسف بصدق : _انا بحبك يا ياسمين ...ومش هسيبك تاني ...انا هسافر بكرة الصبح هجيب بابا ونرمين اختي من امريكا وهنرجع كلنا نستقر هنا ياسمين بضيق : _سفر تاني يا يوسف يوسف : _اوعدك المرة دي مش هتأخر هجيبهم بس ونرجع على طول متقلقيش ياسمين : _انا خايفة يا يوسف يوسف مقتربا منها : _متخافيش يا حبيبتي ...طول ما انا معاكي متخافيش من أي حاجة أدهم الذي دخل الغرفة وسمع اخر جملة بهتف بجدية مصطنعة : _لا هتخاف يا يوسف انا عارف ياسمين كويس فالتفت له يوسف هاتفا بجدية : _لا مش هتخاف ..انا هبقى حمايتها وامانها أدهم بابتسامة : _كويس كدة بقى تاخدي الحقنة وانا مطمن انك مش هتخافي كالعادة ياسمين بغضب : _أدهم انت عارفني كويس ...مش هيحصل ...انسى يوسف بعدم فهم : _هو فيه ايه انا مش فاهم حاجة ياسمين بارتباك : _مفيش حاجة يايوسف تقدر تروح عشان ترتاح عشان سفر بكرة أدهم ضاحكا : _خلاص يايوسف روح انت ..اصلها مش عاوزاك تشوفها وهي طفلة بتخاف من الحقن ياسمين بغضب : _وبعدين يا أدهم يوسف مهدئا : _خلاص ياحبيبتي اهدي ...انا هخرج اهو ...بس هو انت فعلا بتخافي من الحقن ياسمين بتوتر : _مش بخاف منها ...انا بكرهها فيه فرق أدهم : _تصدقي صح فيه فرق ...طب يالا عشان تاخديها عشان نروح احنا كمان ياسمين بحنق : _ماليش دعوة انت قلت هتجيب اقراص أدهم بغيظ : _هو بمزاجي ..مروان الدكتور اللي بيتابعك هو اللي بيحدد مش انا ياسمين ببرود : _يبقى خليه ياخدها هو انا ماشية من هنا يوسف وهو يقف امامها يسد عليها الطريق بجسده : _لا مفيناش من كدة ...انا ممكن اسكت على أي حاجة واطاوعك في أي حاجة الا صحتك يا ياسمين أدهم : _متخافيش يا ياسمين انا اللي هدهالك ياسمين بعند : _لا يعني لا وهمت ان تقوم من الفراش فنظر أدهم ليوسف نظرة ذات معنى التقطها يوسف وفهمها مباشرة واشرع في التنفيذ عندما جلس بجانبها هاتفا بجدية : _اسمعيني يا ياسمين لوسمحتي فاسترعى انتباهها فامسك بكلا يديها بهدوء في حين اقترب أدهم من الناحية الاخرى وما هي الا لحظات كانت ياسمين مكبلة من يوسف وتحت سيطرة أدهم الذي أسرع باعطائها دوائها ليحد من ألمها فلم يأخذ اكثر من ثواني فقط ولكنها كانت أكثر من كافية لتكون سبب في هطول دموعها من جديد ليس من الالم ولا كرهها للحقن ولكن خجلا من ذلك الموقف واحساسها بضعفها الذي تكرهه بشدة والذي ظهر واضحا جليا وهي تحت سيطرة الاثنين مارد فعل ياسمين ؟ ومارد فعل رقية على زواج احمد ومها ؟ وما مصير أدهم مع كارثة ستكاد تودي بقلبه وعقله معا ؟ انتظروني في الحلقات القادمة باذن الله الحلقة الرابعة عشر لم تستطع ياسمين مقاومة دموعها وهي تشعر بالعجز تحت سيطرة أدهم ويوسف فنظرت لكلاهما نظرة ألجمت الاثنين للحظات كانت خلالهم قد اندفعت مغادرة الغرفة الا أن أدهم استطاع اللحاق بها وضمها ضد ارادتها لصدره محاولا تهدئتها وهويهتف : _كله الا صحتك يا ياسمين ..وبعدين بلاش دلع ده أنا حتى ايدي خفيفة والله ياسمين بغضب : _ابعد عني يا أدهم انت وهو حالا يوسف بمحايلة وكأنه يتحدث مع طفلة صغيرة وهذا ما أثار اعجاب أدهم انه استطاع فهمها لتلك الدرجة : _يعني أسافر وانت مش بتكلميني وزعلانة مني افرضي حصلت حادثة مثلا وانا م..... أسرعت ياسمين تقاطعة بوجع ظهر جليا في نبرات صوتها : _لا أرجوك متكملش ...بعد الشر عنك يوسف بحب يفيض من عينيه قبل قلبه : _خايفة عليا أدهم متدخلا في الحوار مصطنع الجدية والغضب : _طب ما أجيبلكوا شجرة واتنين لمون احسن في ايه يا جماعة ما تعملوا حساب لوجودي ...دا أنا واقف في وسطكوا يوسف متنحنحا بحرج : _عندك حق ...انا اسف ...عموما انا اتأخرت ولازم أمشي الصبح باذن الله هسافر وكلها يومين وارجع مع والدي واختي أدهم بابتسامة : _تروح وترجع بالسلامة يا يوسف ياسمين بخجل من أثار كلمات أدهم : _مع السلامة يايوسف ...متتأخرش عليا ...وابقى كلمني طمني عليك يوسف وهو يصافحهما : _ان شاء الله ...لا اله الا الله ياسمين وادهم : _محمد رسول الله وانطلق يوسف في طريقه بينما عاد أدهم مع ياسمين للفيلا وهما يتمازحان بعد ان عاد قلب ياسمين لمكانه في السيطرة على حياتها واذابة طبقة الجليد التي كانت تتعامل بها وهذا ما طمأن أدهم على ياسمين وجعله يركز بالغ عقله الان على مها ومصيرها فهي بالتأكيد اخته الأخرى التي أقسم وعد مع نفسه الا يتركها لهوى أمه **************** دخل الاثنان الي المنزل ليجدا إبراهيم الغارق في أفكاره هو الاخر فلم ينتبه لهما الا بعد فترة وياسمين تحتضنه بقوة فضمها لصدره وهو يسالها عن صحتها فأجابت : _الحمد لله يا بابا متقلقش انا كويسة إبراهيم بتوجس : _امال فين يوسف ؟ ياسمين : _روح يرتاح قبل سفره بكره عشان يجيب والده واخته من أمريكا ويستقر هنا فنظر إبراهيم لأدهم نظرة متسائلة في غفلة من ياسمين فغمز له ادهم مع تحريك رأسه بإماءة خفيفة فهم منها إبراهيم ان ياسمين فهمت كل شيء وسامحت يوسف فا اطمأن قلبه إبراهيم بهدوء : _طيب روحوا ارتاحوا يا ولاد تصبحوا على خير فرد كلاهما التحية وانطلقا كل الى غرفته ياسمين متقوقعة داخل أحلامها الوردية التي عادت لتنعش قلبها وحياتها من جديد أما أدهم فعاد بذاكرته لأسود يوم بحياته وانقلبت غرفته لمسرح الجريمة تعاد وتكرر مرارا أمام عينيه(قلب الرفاعي بقلمي لميس عبد الوهاب ) حتى كاد ينهار وهو يدفن رأسه بين أصابعه يضغطها بشدة لعل الألم يهدأ ولكن ان هدأ ألم رأسه متى يتجاوز الحادث ويهدأ ألم قلبه ولم تمر سوى لحظات حتى هبت العاصفة المدمرة التي ستأخذ في طريقها الأخضر واليابس في حياتهم جميعا ....... ***************** كان يجلس شاردا في أحوال بنته التي ما عادت تعجبه أو يرضى عنها كان في بادئ الأمر يساندها حتى تهدأوتخرج ألم محنتها في مساعدة المحتاجين ولكن الأمر تعدى المساعدة بل صار لها كما الهوس والوسواس .... صارت تدفن حياتها وحياة ابنتها في مشاكل وقضايا الجميع دون الالتفات لحياتها ولا عمرها الذي يتسرب من بين يديها دون ان تنتبه ... ضرب على الارض بعصاه العاجية وهو يحدث نفسه : _سكت كتير ياسلمى عشان ترجعي لحياتك وعقلك من نفسك مبترجعيش لكن خلاص كفاية قوي كدة وزي ما كنت سندك ومساعدك في كل حاجة انا اللي هقف في وشك واما اشوف انا ولا انت يا بنت عبد العزيز أخرجه من شروده هتاف كاد يقتلع قلبه من مكانه وهو ينتفض واقفا متلقفا الحبيبة التي اندفعت لحضنه ...قطعة قلبه وروحه هدى هدى : _جدوووووو....انا جيت عبد العزيز وهو يكاد يعتصرها بين يديه : _يا روح جدو ...وحشتيني يا هدي ...وحشتيني قوي سلمى بنبرة مفعمة بالاشتياق : _وانا يا بابا موحشتكش التفت عبد العزيز لها ليضمها هي الاخرى في صدره مع هدي وكأن الاثنتين كنزه الغالي الذي لا يرغب في ابتعاد أحدهما عن مكانهما في قلبه : _وحشتيني يا بنتي ...كدة بردو يا سلمى كل ده غياب وسيباني لوحدي كدة سلمى : _خلاص يا بابا اديني جيت اهو انا وهدي وهنقعد معاك كام يوم قبل رحلتنا الجديدة عبد العزيز وهويضع هدى في الارض ببطء متجهم الوجه : _نعم !!! كام يوم ؟؟يعني ايه انت هتسافري تاني ؟؟ سلمى بتوتر فهي تعرف جيدا رفض والدها لمشروعها والحاحه الذي بدأيظهر جديد ويزيد تدريجيا في العودة لحياتها الطبيعية من جديد ولكنه لايعلم ان شغلها أصبح كل حياتها والبديل يعني الموت لها فوجهت كلامها لهدى : _هدهد يالا روحي حبيبتي على اوضتك غيري هدومك على ما اجهزلك العشا هدى بطاعة : _حاضر عن اذنك يا جدو وانطلقت لتنفذ ما أمرتها به والدتها في حين التفتت سلمى لذلك الغاضب منها ومن تصرفاتها التي ماعادت تعجبه تحاول قدر استطاعتها احتواء غضبه الذي ان خرج من عقاله لن تنجى لا هي ولا فريقها ولا مشروعها بأكمله فتحدثت بهدوء ينافي طبيعتها الشرسة : _بابا حضرتك عارف طبيعة شغلي ودي مش أول مرة أسافر عبد العزيز بضيق بالغ : _وبعدين يا سلمى وأخرة كدة ايه ؟هتعيشي حياتك كدة على طول من غير استقرار سلمى بهدوء وتعب : _بابا انا كدة مرتاحة جدا وحياتي مستقرة والحمد لله ..من فضلك بلاش تفتح الموضوع اياه لاني مش قادرة للنقاش والمناهدة دلوقتي عبد العزيز بهدوء غريب عليه : _ماشي ياسلمى ...روحي ارتاحي وبعدين نتكلم فأومأت برأسها وانطلقت لغرفتها وهي تعلم في قرارة نفسها أن طبيعة والدها التي لا تمت للهدوء بصلة وتتنافي مع هدوءه معها الان لا يعني الا أمر واحد فقط وهي أبدا لن تطيعه ولن تستحق لقب لبؤة المحاماة في محافظتها ان سمحت له بتنفيذه .... في حين ردد عبد العزيز لنفسه : _خلي بالك اجازتك المرة دي يا سلمى غير كل مرة ويا انا يا انت يا بنت عبد العزيز واسرع لهاتفه يطلب عدة ارقام ويستمع : _السلام عليكم فاطمة : _وعليكم السلام ورحمة الله ازيك يا حاج ..وازي سلمى وهدى عبد العزيز : _الحمد لله يا حاجة في فضل ونعمة ..اخبارك انت ايه ؟ فاطمة : _رضا من عند ربنا الحمد لله عبد العزيز : _صحيح يا حاجة انا كنت رحت النهاردة ازور أدهم في بيته بس ملقتش حد هم الجماعة فين فاطمة : _سافروا القاهرة ياحاج...أدهم كلمني وقالي ان فيه مشاكل حصلت في شركتهم وكان لازم كلهم يرجعوا بسرعة على هناك عبد العزيز بتعجب وضيق : _سافروا من غير ما حد يقولي ؟!! فاطمة : _اللي حسيته يا حاج ان فيه كفى الله الشر مصيبة كبيرة كانت هتقع وكان لازم كلهم يسافروا فجأة كدة بس متقلقش أدهم قالي انه يومين ثلاثة بالكثير وهيرجع عبد العزيز : _خير يا حاجة فاطمة ربنا يهديله الحال والله انا حبيته زي ما يكون ابني فاطمة بتصديق : _عندك حق يا حاج والله الواد أدهم ده بيدخل القلب على طول ربنا ينجيه ويكتب له الخير وانتهت المكالمة وعبد العزيز يكاد ينفجر من غضبه لسفر أدهم في الوقت الذي يحتاجه بشده ************************ جلس شارد يدعو الله ويبتهل اليه ان تمر تلك الليلة على خير لا ينكر ابدا انه يشتاق اليها لقد مر على غيابه عنها اكثر من شهرين ولكن رغم حبه الشديد لها الا انه يخشى ظهورها يعلم تمام العلم انها لن ترحمهم وخاصة اليتيمة مها والتي لن يسمح ابدا بخروجها من تحت جناحه انها أمانه اخيه الراحل والتي ابدا لن يفرط فيها حتى لو على حساب قلبه وعشقه لها عاد من شروده على اندفاع رقية لحضنه تحتضنه بقوة ولهاث وكأنها كانت تجري من فرط انفعالها الذي غلبها وغلب برودها الذي تحتمي به منه حتى لا تظهر بالضعيفة أمامه يكفيها ما فعل بها ضعفها أمام والدته منذ سنين وما نالته من اهانة اجبرتها ان تدفن قلبها تحت طائل من الجليد متسلحة به امام مشاعره الفياضة والتي لم يبخل عليها بها يوما رقية : _حمد الله على السلامة يا ابراهيم...وحشتني قوي ايه الغيبة دي كلها ابراهيم وهو يضمها بين ذراعيه : _الله يسلمك يا رقية انت كمان وحشتيني قوي ...طمنيني عنك رقية بابتسامة بعد ان ابتعدت عنه وتمالكت انفاسها : _انا الحمد لله بخير ...احم امال فين أحمد ...ده وحشني قوي وانا عملاله مفاجأة هتفرحه قوي ابراهيم بتوتر بعد ان صحا من مشاعره على الكارثة التي على وشك الحدوث : _أحمد ....إيه ...هو أصل ....يعني رقية بسعادة : _اكيد في اوضته ..انا هروح اشوفه وافرحه بنفسي صاح بها ابراهيم محاولا جذب اتنباهها : _استني يارقية ...اسمعيني بس ولكنها لم تنتظر بل اندفعت تجاه غرفة ولدها وطرقت الباب طرقتين ثم سارعت بفتحه لتفاجأ بما جمد الدماء في عروقها وجعلها تشهق بعنف وهي ترجع للخلف بصدمة واضعة يدها على فمها كاتمة صرخة كادت تخرج منها . فلم يكم أمامها سوى مها تردي منامة سوداء اللون كاشفة عن ذراعيها وبنطال قصير يصل لركبتيها نائمة في سرير ابنها والذي للحق لايوجد بالغرفة . انتفضت مها من غفوتها على صوت الطرقات التي اعقبها فتح الباب لتجذب الغطاء اليها وهي تنتفض رهبة ورعب محاولة التبرير وهي تتلعثم : _أنا ....أنا ....كنت رقية صارخة بقوة وغضب : _انت ايه ؟ انت واطية وسافلة ورخيصة و.... فقاطعها ظهور أحمد الذي خرج مندفعا من حمامه على اثر الصراخ لا يرتدي الا بنطال منامته وصدره عاري تماما وشعره يقطر ماء : _ماما ....مها مراتي شعرت رقية بالغدر كيف يتزوج ابنها دون علمها وبتلك الطريقة ؟كيف يحدث ذلك دون رأيها وهي التي ظلت طوال شهرين متكاملين ترتب له زيجة ترفعه لاعلى مستوى ؟كيف الجميع يتخطاها بذلك الشكل المهين وكأنها لا تفرق معهم ؟لكن لا لن تكون رقية اذا لم ترجع كل شيء لوضعه كما كانت تخطط بالظبط خرجت رقية من الغرفة ووقفت امامها في الممر وهي تصرخ : _انت بتكذب اكيد ...ازاي ده يحصل من غير ما اعرف وامتى حصل ؟ أحمد محاولا تهدئتها : _اهدي يا ماما بالله عليكي وانا هفهمك كل حاجة مها بعد ان ارتدت عباءتها السوداء وحجابها وبدموع : _والله يا طنط ... فقاطعتها رقية بشراسة : _انت تخرسي خالص ...كفاية انك ضحكتي على ابني وخدتيه ....طب اعملي حساب لابوكي اللي لسة مكملش سنة ميت ...ايه ما صدقتي ..ولا كنت عاوزاه يداري على مصيبتك يا ... ابراهيم بغضب بعد ان جاء على الصراخ : _رقيييية ....ولا كلمة زيادة انتهينا اتفضلي قدامي رقية بتحدي وصراخ جذب أدهم : _لا يا ابراهيم مها هي اللي هتخرج من بيتي ودلوقتي حالا أدهم محاولا تهدئتها : _يا ماما اهدي مينفعش اللي بتعمليه ده التفتت اليه رقية بغضب كان كالغشاوة على عينيها وقلبها وحواسها : _انت بالذات متتكلمش خالص ....انت مش بعدت ونسيت ان ليك أهل ...خلاص ارجع من مطرح ماجيت أدهم بذهول مخلوط بالألم : _انت بتطرديني يا ماما ؟ ابراهيم باندفاع : _اعقل يا أدهم امك متقصدش ..وانت يا رقية اهدي بقى وخلي يومك يعدي على خير والا والله ما هيحصل طيب مها بقهر : _لا يا عمي انا هخرج من هنا حالا أحمد بضيق : _انت اتجننتي يا مها تخرجي تروحي فين ؟ ابراهيم بانفعال : _محدش هيخرج من هنا وانا كبير العيلة دي واللي اقوله يمشي على رقبة الكل رقية بتحدي : _واذا قلتلك ياكبير العيلة يا أنا يا مها في البيت ده هتعمل ايه ؟ ابراهيم ناظرا اليها بتحدي هو الاخر واسوأكوابيسه يتحقق امامه ولكن لا مفر : _يبقى .... مها مقاطعة له : _يبقى حضرتك يا طنط عن اذنكم اندفعت مها من الممر لتهبط السلم الداخلى للفيلا بسرعة رهيبة وكأن شياطين الأرض تطاردها وكادت تصل لباب الفيلا ولكنها وجدت أدهم يسد عليها الطريق بجسده في الوقت الذي اسرع فيه أحمد لغرفته ليأخذ من دولابه ما تطاله يده ويرتديه على عجلة ليلحق بها أدهم : _استني يا مها مينفعش انك تمشي من البيت كدة مها ببكاء : _ومش هينفع طنط رقية تخرج من بيتها يا أدهم أدهم محاولا تهدئتها : _طب اهدي و.... قاطعه أحمد وهو يجذبها من ذراعها لتستقر داخل حضنه : _ده بيتك يا مجنونة ...طول ما انا موجود انت معايا فين ما اكون ...انت لوسبتيني اموت يا مها .... مها مقاطعة بنوبات شهقات عالية : _بعد الشر عليك ...عشان خاطري معنتش تقول كدة يا أحمد ....أنا كل ..... وزادت شهقاتها ولفها دوار شديد أخذها في دوامة سوداء فقدت فيه الوعي بين يدي أحمد الذي سارع بحملها ووضعها على احدى الارائك وقلبه يكاد يخرج من مكانه خوفا وقلقا عليها في حين اندفع اليها أدهم وبعد عدة دقائق التفت اليه أدهم مبتسما : _رب ضرة نافعة يا دكتور أحمد بقلق : _طمني يا أدهم الله يكرمك ...اوديها المستشفى ؟ أدهم : _اهدى يابني ...هو فيه اب اعصابه فلته كدة أحمد بتعجب وكأنه يتذوق الكلمة : _أب ....أب ...أنا ....ادهم انت بتتكلم بجد أدهم : _اه والله شوفت خلاص هبقى عم ياسمين التي جاءت على هرجلة احمد ومها وادهم ولم تسمع من السابق أي شيء : _في ايه ؟مالها مها ؟ ادهم ضاحكا : _انت لسة فاكرة ...ولا حاجة ياستي هتبقي عمتو يامفعوصة ياسمين بسعادة وهي تنطلق للسلم : _اللله ...هتبقى اب يا أحمد ..الحمد لله ..ده بابا وماما هيفرحوا قوي لحظات وبدأت مها في فتح عيونها ببطء مشوشة الرؤية والعقل أحمد بلهفة : _حمد الله على السلامة حبيبتي مها وهي تحاول حجب الضوء عن عينيها : _ايه اللي حصل ؟؟ أحمد بحب : _هتبقي ماما يا مها ..انت حامل ...لسة بردوا عاوزة تسبيني دون تردد كانت مها تحاوط بطنها بيديها وكأنها تريد حماية جنينها وهي تشهق بالبكاء : _غصب عني يا احمد أدهم متدخلا بمرح : _لا بقول ايه ...مينفعش كدة...انا مش عاوز ابن اخويا نكدي ...لا والله هضربكوا انتوا الاتنين فابتسمت مها رغم دموعها لذلك الاخ الذي انعم الله به عليها في حين ضحك أحمد وهو يحمد الله على نعمة الاخ والسند ونعمة الابن والولد ************* في الوقت الذي مازال ابراهيم مع رقية في الممر يحاول التفاهم معها برغم اعصابه الثائرة من غضبه الجامح من تصرفاتها التي خرجت عن الحد والمنطق ابراهيم : _انت عاوزة ايه يا رقية ؟ رقية بغضب : _عاوزة ابني ...ازاي تجوزوا من غير ما تقولي ...هو انا مش امه ابراهيم محاولا التمسك باخر ذرات هدوءه : _ابنك بيحبها انا ما غصبتش عليه رقية : _ولو بردوا هيطلقها وهيجوز اللي انا اخترتها ابراهيم بتحدي : _مش هيحصل يا رقية واعلى ما في خيلك اركبيه قاطعت ردها عليه انطلاق ياسمين نحوهم تهتف بمرح وسعادة : _بابا ...ماما ....مها حامل هتبقوا جدوا وتيته ابراهيم بارتياح : _يافرج الله ...اللهم لك الحمد رقية بصدمة : _ايه ؟ازاي ...دي مصيبة ...هو اتجوز امتى ؟ تركها ابراهيم ولم يكلف نفسه عناء الرد عليها واتجه لابنائه في الدور الارضي ابراهيم : _مبروك يا أحمد مبروك يا مها ...ربنا يكملك على خير يا بنتي رقية بغضب : _مش هيحصل يا ابراهيم ...الحمل ده مش من أحمد ....تروح تشوف مين ابو ابنها ذهول وصدمة جمدت الجميع ماعدا واحد انفلت غضبه الذي كان يحاول السيطرة عليه من عقاله وتحكمت به ذكرياته فانطلق بكلماته كالسهم الخارق لصدر رقية : _كفاااااية ....كفاااية بقى .....حرام عليكي انت ايه ؟....دمرتي حياتي زمان وكرهتيني في الدنيا كلها ودلوقتي جه الدور على احمد ومها يشوفو قسوتك ....انت لا يمكن تكوني امنا ابدا ان كان ما فات كان صدمة وذهول فالان توقف الجميع عن التنفس وبردت اطرافهم وتوقفت عقولهم عن التفكير وهذا بالطبع بعد ردة فعل رقية على ادهم والتي لم يتوقعها أحد حيث خرج غضبها هي الاخرى عن حدوده فهوت بيدها على وجه ادهم بصفعة مدوية ارجعته خطوة للخلف فتعثر باحدى التحف ليسقط ارضا وهو ينظر اليها وكأن الزمن توقف به كليا وتوقف معه عقله عن العمل أتلك أمه ؟ نبض قلبه وروحه التي كان يعشقها ونال بسبب عشقه لها ما نال كاد يفقد حياته بسببها ولم يذكرها يوما انها السبب في ضياعه ؟؟؟ ان كان ماشعر به ادهم في تلك اللحظة هو الالم فان رقية شعرت بالموت يتسرب بين حنايا قلبها وهي تكمل معزوفة موتها بان همت بجذبه من قبة قميصة بقوة لا تدري كيف امتلكتها ليطاوعها ادهم وهو يقف على قدميه لتجذبه معها حتى بابا المنزل وتفتحه وتلقي به في الخارج صارخة به : _طالما انا مش امك يبقى مشوفش وشك هنا تاني برااااا واغلقت الباب خلفه بقوة وصدرها يعلو ويهبط من قسوة مامرت به ولم تفق من غشاوتها الاعلى صوت ابراهيم صارخا بها : _انت اتجننتي فنظرت له كمن سلب عقلها ثم اتسعت عينيها فجأة وضربتها الحقيقة في الصميم لتصرخ بكلمة كانت الناهية لها : _أدهممممممممم مجرد ان اغلقت الباب خلفه خرج احمد من جموده وانطلق على اثره ليحاول اللحاق به كما اندفعت معه ياسمين هي الاخرى وهي تبكي بمرارة ولكنه اختفى اخذ احمد سيارته وحاول اللحاق به لكن لم تمر لحظات حتى دق هاتفه برقم مها فسارع بالرد ليصله بكائها هي الاخر تستنجد به فلقد سقطت رقية فاقدة للوعي عقب صرختها باسم ادهم والذي علمت وقتها انها حقا فقدته فلم يتحمل قلبها وانهار حاولت مها مع ابراهيم نجدتها ولكن لم يستطيعا فتصلت به مها فغير احمد سريعا وجهته فامه تحتاجه الان اكثر من ادهم واتصل بالمستشفى لترسل له سيارة اسعاف مجهزة لاسعاف امه أما أدهم فكان ............... ماذا حدث لادهم ؟واين اختفى ؟وما مصير رقية هل ستنجو ؟ وما مصير مها مع احمد ؟ وماذا سينال يوسف هو الاخر من ..عيلة الرفاعي تابعوني في الحلقة القادمة باذن الله الحلقة الخامسة عشر مر اسبوع وحياة الجميع من سيء لأسوء رقية لازمت غرفة العناية المركزة لسوء حالتها والتي قاربت فيها على الموت بعد اصابتها بذبحة صدرية كادت تودي بحياتها أما إبراهيم فكان ألمه مضاعف رغم ثباته أمام الجميع الا انه كان يتألم ويكاد صدره يحترق ألما على ابنه وضميره أدهم كما كان يلقبه وكذلك رفيقه دربه وحبيبة عمره رقية يعلم انها مخطئة ولكنها ليست الوحيدة فهناك جانب من الخطأ يقع عليه لخذلانه لها سابقا وسلبيته أمام تسلط أمه ما جعلها تغيرت لتلك الصورة البشعة من التسلط والتحكم وهناك يقبع الثنائي أصحاب المشكلة الأساسيين والتي لا يعلمان حتى الان ما مصيرهما أحمد يحاول التماسك لمساندة الجميع وخاصة مها وهو من يحتاج للدعم والمساندة الان ..لكم يتمنى الان وجود أدهم معه ليسانده ويحمل معه هذا الحمل الثقيل . وعلى الجانب الاخر كانت مها التي اصبحت شاردة طوال الوقت تحاول التوصل لحل يرضي الجميع قبل ان تقذف بها رقية الى الشارع لتواجه اسوأكوابيسها والتي حذرها منها والدها ..وياليته كان هنا . وهناك كان الثنائي الحالم برغم الوجع في بعد الغالي ومرض الام الا ان يوسف كان نعم السند والعوض لياسمين الذي لم يتخلى عنها دقيقة واحدة منذ هذا الحادث الأليم . ********************* _اعمل ايه بس ؟اتصرف ازاي ؟بقاله اسبوع لا بياكل ولا بيشرب غير بالعافية ومش راضي انه يتكلم ولاحتى يخليني اعرف حد انه عندي ؟طب اعمل ايه قلبي وجعني عليه قوي ...حلها ياارب من عندك هكذا حدثت فاطمة نفسها وهي تعد الفطور لأدهم القابع عندها منذ ذلك اليوم المشئوم وهي لا تدري مابه ..فوجئت به يطرق بابها فجرا وهو لا يشعر بأحد وكأنه في عالم اخر جلس لديها ناسيا كل من حوله زاهدا في كل شيء حتى الطعام والشراب لا يأخذ منه الا ما يجعله على قيد الحياة تنهدت فاطمة بتعب وهي تفكر في طريقة تجعله يتكلم بها فهو لن يخرج من حالته تلك الا اذا أخرج ذلك الهم الجاثم فوق صدره ليرتاح دخلت اليه فاطمة غرفته مبتسمة مرحة كعادتها : _صباح الخير على اللي تعبني انتبه لها أدهم وابتسم بشحوب هامسا : _صباح الخير يا ماما فاطمة وهي تضع صينية الاكل أمامه : _يا لا عشان نفطر انا مستنياك تصحا عشان نفطر سوى أدهم بضيق : _ماليش نفس افطري انت يا ماما فاطمة متصنعة الغضب : _واد يا أدهم اوعى تكون مفكرني كبرت وعجزت ومش هقدر عليك ...كل بالذوق بدل ما اقوم اضربك وهتاكل بالعافية ..ها قلت ايه ؟ ضحك أدهم مسايرها : _لا خلاص والله ما انت قايمة هاكل طيب فضحكت فاطمة هي الاخرى مستبشرة خير بضحكه : _أيوة كدة اضحك ..وسيبها لله ...ربنا يحلي أيامك ويسعد قلبك فأخفض أدهم رأسه متهربا من عينيها حتى لا ترى ألمه الذي ارتسم سريعا في عينيه وهو يتذكر والدته والتي تمنى هذا الدعاء منها ولكن للاسف لم يصله منها الا الألم والوجع واخيرا الصفعة تنحنحت فاطمه لتجذبه من شروده متحدثة برفق : _ادهم تنبه لها فرد بهدوء : _نعم يا ماما فاطمة بهدوء : _مش هتحكيلي مالك أدهم متهربا : _مفيش داعي أوجعك كفاية وجعي أنا فاطمة : _حبيبي انا زي أمك اندفع أدهم هادرا : _لا مش زي أمي ....متقوليش كدة تاني انتفضت فاطمة من صراخه وتوجست من عنفه لكنه التفت اليها ليكمل بنيرة محملة بأطنان من الألم : _انت مش زيها ابدا ....ماما فاطمة انا ماليش أم غيرك ..لالالا انا ماليش حد غيرك ...انت بس قامت اليه فاطمة رابته على كتفه بحنان اموي : _طيب اهدى واقعد وصلي على النبي .....احكيلي يا أدهم على اللي حصل فضفض يا بني وخليني اشيل معاك من حملك التفت اليها أدهم وملامحه تحمل كل معاني الألم وعينيه تغشاهما دموع القهر ولكن تحبسها عن الهطول رجولته التي اندهست من قبل تحت أقدام من لا تستحق صرخ أدهم بوجع : _ااااااه...... وكور قبضة يده ليهبط بها على صدره موضع قلبه بعنف وهو يصرخ لها : _قلبي اتكسر مرتين بسببها ....ده بيوجعني قوي ..قوي يا ماما ....ااااه ..لو يقف عن النبض ويريحني فسارعت فاطمة كتسارع دموعها لتضمه لصدرها وهي تصرخ به : _اسكت بعد الشر عليك ...ربنا يحفظك ليا ******************** جلس على مائدة الفطور ينتظر ابنته وحفيدته ليفطرا معه لحظات وجاءت سلمى تحمل حقيبة سفرها فانتفض عبد العزيز من مكانه : _على فين يا سلمى ؟ سلمى بتوجس من ردة فعله : صباح الخير يا بابا عبد العزيز بتجهم : _صباح النور ...رايحة فين ياسلمى ؟ سلمى بتوتر : _على فين يعني يا بابا على شغلي عبد العزيز بضيق : _وبعدين يا سلمى ..انا سايبك براحتك سنين ..بس خلاص انا فاض بيا سلمى بهدوء : _لو سمحت يا بابا ..انا متأخرة ولازم اخرج عبد العزيز : _والمرة دي على فين العزم ان شاء الله سلمى : _على اسيوط ان شاء الرحمن ..عندنا هناك 6 قضايا ادعيلي يا بابا عبد العزيز بتعب : _أنا بدعيلك بالهداية وان ربنا ينور بصيرتك وتبصي لنفسك شوية ...يا بنتي انت مش هتصلحي الكون ...كفاية لحد كدة سلمى : _بابا من فضلك لما ارجع نبقى نتكلم عبد العزيز : _وهترجعي امتى ان شاء الله سلمى : _مش عارفة ..عموما متقلقش عليا انا معايا الفريق بتاعي وهبقى اكلمك على طول اطمنك ...اشوف وشك بخير يا حبيبي وقبلته على وجنته وهمت ان تخرج فاوقفها صوته المتعجب : _مش هتسلمي على بنتك يا سلمى ؟ سلمى بدموع متحجرة : _مش هقدر يا بابا ..ابقى انت بوسهالي ...عن اذنك واندفعت سلمى لتخرج قبل ان يضعف قلبها وتعود لهدى حياتها مرة اخرى ....وتقابلت مع فريقها النسائي /رشا &سحر &مروة /واتجهن جميعا لممارسة عملهن في محافظة أسيوط ***************** تنفست فاطمة الصعداء وهي ترى أدهم قد بدأيهدأ رويدا رويدا بعد ان أجبرته على احتساء عصير الليمون الذي صارعت باعداه من أجله فاطمة بهدوء : _أدهم رفع اليها انظاره وهويسألها بهدوء طفل صغير يطلب الحماية من أمه : _عندك استعداد تسمعيني ؟ فأومأت برأسها وهي تجلس بجانبه فزفر هو بضيق مما سيحكيه ثم بدأبهدوء يحكي لها ماحدث في الفيلا في ذلك اليوم وما تعرضت له مها من والدته وما قاله واخيرا ما ناله من رقية فنظرت له فاطمة تحاول كبت جماح غضبها منه ومن أمه في تعديهم على تلك الضعيفة اليتيمة مها : _ممكن تسمعني بهدوء ومن غير عصبية فسكت أدهم متنهدا بضيق وهو يعلم تمام العلم انها ستحمله اسباب تلك الكارثة فاطمة بهدوء متوتر : _اولا والدتك غلطانة جدا وكان لازم والدك واخوك يوقفوها عند حدها ثانيا انا مش فاهمة هي بتكره مها ليه دي البنت طيبة وغلبانة ليه الافترا ده زفرت بضيق وهي تكمل : _عموما كل ده انا معترفة بيه بس فيه حاجة مهمة مهما حصل مكنش المفروض ابدا انك تنفعل على والدتك وتقول لها الكلام ده يا بني دي امك بردو فانفعل ادهم : _لا متقلقيش حضرتك هي مش بيفرق معاها انها امي او لا فاطمة محاولة امتصاص غضبه : _طب ماشي هي قاسية انا معاك بس ليه انت اللي انفعلت بالطريقة دي برغم وجود ابوك واحمد وانا واثقة انهم مكنوش هيسكتوا ابدا أدهم بغموض : _عشان انا اكتر واحد عارف تفكيرها وعارف انهم في الاخر هيرضخوا لطلبها فاطمة باندفاع : _وانت مين قالك ؟دخلت في علم الغيب أدهم بضحكة ساخرة مؤلمة : _لا عشان مجرب قسوتها دي وتحكمها واللي كان نهايته اني كنت نزيل في المستشفى عند اخويا ...مريض نفسي اتسعت عيني فاطمة مما تسمع والصدمة جعلتها صامتة للحظات حتى انتبهت من شرودها على أدهم وهو يضحك ضحكة صاخبة تحمل كل انواع المرار بداخلها : _شوفتي اتصدمتي ازاي ....هي بقى ولا اتأثرت وجاية تكمل على مها واحمد بنفس الطريقة ابتلعت فاطمة ريقها بتوتر وهي عاجزة عن الاستيعاب ولكن عاجلها أدهم بان القى بجسده على الفراش ووضع يده على عينيه وكأنه في حالة نوم هامسا : _ارجوكي يا ماما سبيني ...محتاج اناام قامت فاطمة من جلستها بغضب تلبسها على ذلك الشاب الذي يبدو انه عانى الامرين من تلك الام الظالمة وهدرت به : _لا لا مش هتنام واتبعت كلامها بان جذبته من يده ليجلس امامها وهو تتحدث بجدية : _لازم تتكلم وترمي الحمل اللي على اكتافك ده ورا ظهرك اتكلم واحكيلي يمكن ترتاح زفر ادهم بضيق وهو يعاود الاستلقاء لنفس وضعه السابق فقامت من مكانها وعندما همت ان تخرج من الغرفة سمعته بدأ يحكي ما حدث له من عام ...... فعادت وجلست تسمع بانتباه .... flash back عاد أدهم لارض الوطن بعد غياب شهرين كان في السعودية لامرين احدهما كان اداء العمرة شكرا لله على توفيقه في الحصول على رسالة الماجستيروالامر الثاني كان زيارة الدكتور طارق العريني صاحب المركز الطبي العالمي بالسعودية وعرض عليه ادهم ابحاثه في القضاء على مرض يدعى جرثومة المعدة(قلب الرفاعي بقلمي لميس عبد الوهاب ) والتي انبهر بها الدكتور طارق وقرر فورا مشاركة ادهم بها على ان يعمل لديه هناك فوافق ادهم على المشاركة ولانتفاع بالابحاث دون وجوده وذلك ما ادهش الدكتور طارق انه لم يستغل الفرصة ليشترط عليه وانما كان بالغ هدفه هو تخفيف الالم عن المرضى وخاصة بعد ان تم رفض ابحاثه في مصر بدعوى الروتين وضرورة احترام المناصب وهذا لم يكن ابدا الا نوع من الغيرة والحقد الاعمى تلبس رؤسائه في الجامعة وبعد اصرار من الدكتور طارق وافق ادهم مرغم على تحويل نسبة من الارباح السنوية للمركز له مجرد ان خطى ادهم لداخل الفيلا سارع الجميع اليه لاشتياقهم اليه الا رقية التي سلمت عليه وضمته وهي تهتف به : _حضرتلك مفاجأة انا واثقة انها هتعجبك جدا أدهم ضاحكا : _ماما كل مفاجائتك عرايس وانا مش هتجوز بالطريقة دي رقية هاتفة بضيق : _معتش ينفع انا كلمت ام البنت وخدت منهم ميعاد يوم الجمعة الجاية انفعل ابراهيم : _والله عال يا ست رقية بتصرفي من دماغك وكأني مت مش كدة رقية بغضب : _ابنك بيماطل ولو كنت استنيت كان ممكن البنت تروح من ادينا دي فرصة انت عارف ابوها مين أدهم مقاطعا بغضب : _وانا هتجوز ابوها ...ازاي يعني تاخدي خطوة زي دي من غير ما اعرف يا ماما إبراهيم مكملا بسخرية : _لا ما احنا مالناش لازمة عند الست والدتك عموما ابقي اتفضلي روحي ميعادك لوحدك لا انا ولا ابنك جاييين وابقي شوفي هتقوليلهم ايه رقية بغضب جامح : _والله يا ابراهيم لو عملتوا كدة لاكون سيبالكم البيت ومش هتعرفوا طريقي ابدا ابراهيم بتحدي : _طب فكري بس تعملي كدة عشان اقتلك بايدي و.... أحمد هاتفا : _يا جماعة اهدوا شوية في ايه ..وانت يا أدهم روح وشوفها يا أخي مش يمكن تعجبك ونظر لادهم نظرة مفادها ارجوك حجم انفعالهم بكلمة منك فزفر ادهم بضيق : _عندك حق يا أحمد ...انا هروح واشوف يمكن فعلا تعجبني واتبع كلماته بمرح مصطنع : _وانا واثق في ذوق سيدة الذوق الراقي رقية هانم الرفاعي فتنهد ابراهيم بتعب وهو يعلم سبب قبول ادهم وهذا ما اتعبه ولكنه اضطر للقبول مرغما كما ابنه حتى لا تنفذ المجنونة تهديدها هذا في الوقت الذي اندفعت فيه رقية بحماس تعدد صفات تلك الفتاة والتي لن يجدها عند غيرها من البنات مهما بحث فيكفي والدها اكبر رجل اعمال في مصر بل وفي العالم العربي كله وهذا مالم يسمع منه ادهم كلمه وهو يدعو بداخله ان يرزقه الله الصبر والبصيرة والحكمة ليتعامل مع ذلك الموقف بحكمة دون جرح والدته . ****************** مر الوقت سريعا وتلك الجلسة والتي اجبرتهم فيها رقية على قراءة الفاتحة وتحديد ميعاد الخطوبة والتي اصر والد الفتاة انها عقد قران لانه انسان محافظ جدا ولا يعترف بمسمى الخطوبة وحدث ما كان ورضى ادهم بالتضحية به في سبيل اسعاد امه والتي لم تكلف خاطرها لتستعلم جيدا عن الفتاة واكتفت بكلمات من بعض عضوات النادي التي ترتاده يوميا وبعد شهور من تلك الخطبة السريعة انكشف كل شيء امام ادهم ووالده فالرجل برغم غناه الفاحش كان شديد البخل حتى على أهل بيته وهذا ظهر جليا من طلبات الفتاة لادهم التي لا تتوانى عنها كأحدث هاتف مثله وأحدث لاب مثله وأخيرا أحدث سيارة ولكن أدهم تمهل في طلبها الاخير واقنعها انه سيشتري لها السيارة بعد زواجهم كهدية للزواج امتعضت ولم ترد اما ابراهيم فعندما علم كل ذلك عن ذلك الرجل وابنته التي اضاعت نصف رصيد ولده في البنك في شهور قليلة طلب من ادهم ان يتركها فهي لا تشبع ولا تتوانى عنه وكأنه اصبح البنك الخاص بها ولكن أدهم رفض واقنع والده انها ليس ذنب في ذلك انما السبب هو شح والدها وانه سيحاول بعد الزواج ان يحجم من كم طلباتها تلك باللين والحب وليس بالقسوة والعنف الذي ينتهجهم والدها مع اهل بيته مرت الايام وبدأ ادهم في تجهيز شقته بكامل تجهيزاتها دون تدخل احد فقط هو وزيزي خطيبته فقط كان يحاول بقدر امكانه ان يعوضها عن قسوة والدها الغير مبررة من وجهة نظره بان يجعلها ملكة متوجه تأمر فتطاع حتى ذلك اليوم ... ********************* صباحا اتصل بها أدهم ليعلمها ان الشقة اصبحت جاهزة وانتهت كل اعمال الديكور التي طلبتها بها وطلب منها ان تذهب لتراها وتعلمه برأيها لانه لديه عدد كبير من العمليات الجراحية ولن يستطيع الذهاب معها اعترضت في بادئ الامر ثم سرعان ما وافقت واخبرته انها ستحادثه في المساء لتعلمه برأيها وانتهى الاتصال وذهب ادهم لعمله ومن جراحة لاخرى حتى ارهق فعليا حتى عاد لغرفته مرهق الفكر والجسد فاسرع الى دورة المياة المرفقة لحجرته ووضع راسه اسفل المياة علها تعيد قليلا من نشاطه ليكمل جدول جراحاته لكنه تفاجيء باخيه في غرفه مكتبه ينادي عليه : _أدهم انت هنا ؟؟ فرد أدهم مازحا : _لا هناك أحمد متصنع الضيق : _خفة دمك ملهاش حل فضحك أدهم بصخب ليغيظ اخيه أكثر ولكنه قطع ضحكه عندما رن هاتفه واخبره اخيه انها زيزي فطلب منه ادهم ان يفتح الاتصال ويفتح السماعة الخارجية فكان يعلم في قرارة نفسه انه الاغلب ان الهاتف هو الذي طلب اخر رقم عليه كالعادة فهي ابدا لن تتكرم وتطلبه الا في الوقت المتفق عليه بينهما وكأنها مغصوبة على الارتباط به نفض تلك الافكار من رأسه واسرع بالخروج من دورة المياة ليتحدث اليها لكنه تجمد على الباب من الصدمة التي نفذت اليه لتضربه في مقتل عندما انفتح الاتصال كان هذا هو الصوت على الهاتف حوار كالتالي الشخص: _زيزي ...الشقة جميلة قوي وفرشها راقي مين اللي منقي العفش ؟ زيزي بضحكة خليعة : _على ذوقي طبعا ...وعشان كدة اخترتك ياقلبي الشخص : _طب ماتيجي بقى ياقمر ..وحشتيني قوي زيزي بمياعة : _اصبر على رزقك ثواني فاصلة قبل ان يهتف ذلك الشخص : _اللهم صلي على النبي ...يابختك ياعم ادهم هتاخد الحلويات دي كلها لوحدك زيزي بدلال وضيق مصطنع : _ولزمتها ايه السيرة النكد دي افتكر لنا حاجة عدلة تعالى صدر أدهم صعودا وهبوطا دليل على صعوبة التقاطه لانفاسه وكأن الهواء يشق صدره بمشرطه الجراحي ونبض قلبه بعنف هادر وتحولت عيناه للاحمر الدامي تحول أدهم لتلك الصورة كان كفيل بارباك احمد الذي سارع بالتقاط الهاتف لاخراسه وغلقه نهائيا ولكنه عندما التفت لاخيه لم يجده امامه فقد انطلق ادهم مكتسحا من يراه ليصل باقصى سرعة لتلك الخائنة والتي لن تنفد منه ابدا تحرك احمد سريعا في اثر اخيه وهو يعرف وجهته جيدا وعندما استقل سيارته اسرع بالاتصال بوالده : _الحقنا يا بابا ابراهيم بزعر : _في ايه يا احمد ؟ اعطاه احمد سريعا موجز لما حدث وهذا كان اكثر من كفيل لان يسارع ابراهيم هو الاخر مهرولا لخارج الشركة مستقلا سيارته الى ابنه لنجدته من جريمة يعلمون جيدا انه سيرتكبها وهذا بعد ان هدر ابراهيم في احمد الا يترك اخيه حتى يصل اليهم ********** اما ذلك الغاضب فكان بداخله بركان يستطيع احراق كوكب الارض بما عليه وعندما وصل لمقر شقته اسرع اليها قافزا الدرجات حتى الدور الرابع واسرع بفتح الباب وتأكد من اغلاقه خلفه حتى لا يتدخل احد دخل بعنف الى غرفة النوم الكبرى والتي كانت معدة لاستقبال العروسين بعد عدة اسابيع ولكنها تستقبل مشهد من اقذر واقبح المشاهد في العالم تلك الفعلة التي يهتز لها عرش الرحمن والعياذ بالله دخل ادهم هاجما على ذلك الشخص جاذبا اياه من شعره ملقيا به على الارض بعيدا عن الفراش ووجه له عددكبير من اللكمات والركلات والتي لم يستطع الصمود امامها ليتحول جسده سريعا لاودية من الدماء المتفجرة من كل انحاء جسده ففقد وعيه انتبه ادهم على تلك التي ارتدت سريعا ملابسها وكادت ان تفتح باب الشقة لتهرب بعمرها من هذا الوحش الكاسر ولكنها لم تلحق فقد عاجلتها يد ادهم التي التقطت بسرعة خصلات شعرها ليعيدها بقوة وعنف الى غرفة النوم وهو يكيل لها الكثير من الصفعات واللعنات حتى القاها على الفراش وسارع بفك حزام بنطاله ليلف احد اطرافه على يده ويترك الطرف الاخر حر ليهوى به على جسدها المسجى امامه ينتفض رعبا والما في ذلك الوقت كان احمد قد وصل الى الشقة حاول الطرق عليها والتوسل لاخيه ليفتح له ولكن ادهم لم يكن يسمع سوى عبارات تلك القذرة امامه فما تزيده الا عنفا الصوت الصارخ لزيزي وصوت توسلات احمد لاخيه استرعى انتباه عدد كبير من الجيران الذين جاءوا مهرولين محاولين مساعدة احمد في خلع باب الشقة من مكانه وبعد عدد كبير من المحاولات استطاع احمد وعدد من الجيران في خلع الباب واندفعوا جميعا لغرفة النوم ومن منظر أدهم الغاضب والذي لم يشعر بهم وزيزي التي فقدت وعيها بعد تمزق جسدها بالكامل وذلك الملقى على الارض يسبح في بركة من الدماء عاري الجسد كل ذلك كان كفيلا ليفهم الجميع ماذا حدث بالضبط هنا اسرع احمد لاخيه محاولا السيطرة عليه وابعاده عنها ولكنه لم يستطع فعاونه عدد من الرجال في محاولة لتكبيل ادهم وهو يصرخ بهم هائجا ان يتركوه ليقتلها اما البعض الاخر فسارعوا لذلك الرجل المسجى ارضا يحاولون اسعافه ومساعدته في ارتداء بعض الملابس التي تستره في حين اتصل احدهم بالاسعاف لتدهور حالة الرجل وزيزي اما ادهم فكان يصرخ كالاسد الجريح الذي نال سهم الخيانة من قلبه ورجولته أدهم هادرا وهو يتلوى بين الايدي التي تحاول تكبيله : _سبني يا احمد ....ابعدوا عني ...لازم اقتلها أحمد محاولا تهدئته : _ادهم اهدى ارجوك انت اكبر من كدة ....انت انسان قوي مش هيضعفك موقف زي ده أدهم بصراخ : _لاااااااا...مش هرتاح الا لما اقتلها....سبوني وهنا وصل الاسعاف الذي اخذ الرجل وعندما حاولوا اخذ زيزي جن جنون ادهم فكان كالثور الهائج وهو يصرخ بقوة وعنف حتى تعب كل الرجال من محاولة السيطرة عليه : _لاااااا .....سبوها ....محدش ياخدها من هنا .....انا هقتلها ....اوعوا ابعدوا عني وهنا وصل ابراهيم وتفاجئ بشكل ادهم فهرول اليه محاولا عبثا تهدئته : _ابني ...ادهم حبيبي اهدى واسمعني .... أدهم مقاطعا بصراخ : _لاااااااا سمعتكم كتير ودي كانت النتيجة ....ابعدوا عني فاشار احمد لوالده الذي فهم الاشارة واسرع لاخراج هاتفه واجراء المكالمة الاخيرة : _مروان ابعتلي عربية اسعاف على شقة ادهم بسرعة يا مروان ادهم منهار مروان بجدية : _حالا ياعمي وما هي سوى دقائق لم يكف فيها ادهم عن الصراخ ومحاولة التملص ممن يكبلوه حتى وصل مروان مع سيارة الاسعاف والذي حاول جاهدا مساعدة ابراهيم في السيطرة على ذلك الثائر الغاضب وهنا اسرع احمد بكشف احد يديه لاعطائه حقنة مهدئة ولكن تفاجئ الجميع من منظر عروقه البارزة والتي تدل وبوضوح على قرب انفجارها فسارع احمد بغرز الحقنه بعروقه ليدوم يصارعهم للحظات حتى استسلم اخيرا للمهدئ ليدخل في سبات عميق ويترك المجال لذلك الظلام ان يلف عقله كما حياته ليأخذه من دنيا الخداع والخيانة ***************** ظل ادهم يعاني المهدئات التي كان احمد حريص على حقنه بها كلما استيقظ من غفوته في المستشفى لما كان يعانيه من نوبات عنف وصراخ هستيرية وهو ينادي باسمها ليقتلها ليسارع اليه احمد مهدئا اياه بالادوية حتى يهدا قليلا فيبدأ معه مرحلة اخرى من العلاج النفسي في محاولة من احمد لاعادة ترميم ما حدث له ومحاولة اعادته لحياته شيئا فشيئا كان هذا في الوقت الذي تولى فيه ابراهيم كافه الامور القانونية والتي اظهرت ان والد الفتاة كان يعلم بكل مصائبها ولذلك كان شديد القسوة معها وبعد تلك الفضيحة تنازل عن القضية التي سجلت في المستشفى التي تعالجت فيها زيزي واخذها وسافروا جميعا خارج البلاد اما ذلك القذر الذي كان معها استطاع ابراهيم تهديده بالمصير الاسود الذي ينتظره ان اشار من بعيد مجرد اشارة لادهم وهذا مافهمه ذلك الحثالة جيدا عندما عرف من هو ابراهيم الرفاعي في مصر بل والعالم كله فخرس وفضل الصمت والنجاة من براثن ابراهيم الذي كاد ان يفتك به بمجرد نظرات دبت الرعب في اوصاله **************** ومرت الايام وعاد ادهم شيئا فشيئا لحياته ولكنه انقلب للنقيض بعد ذلك المرح الفكاهي الهادئ صار عنيف همجي شرس في تعامله مع الاخرين وانعزل عن الجميع لكنه ابدا لم يحاول ولو لمرة واحدة ان يحمل والدته الذنب ويخبرها ان تسرعها كاد يقضي على حياته عمل خاطر لها ولم يرد جرحها لكنها جرحته في الصميم ولم تكتفي بما فعلت معه من قبل back عاد ادهم من ذكرياته ليفاجئ بفاطمة ..... توقعاتكم تهمني .. الحلقة السادسة عشر عاد أدهم من ذكرياته المؤلمة على يد فاطمة الحانية التي كانت تربت على يده بمحاولة منها لدعمه فرفع يده التي على عينيه لينظر لها ففوجيء بدموعها التي تغرق وجهها دون قدرة لديها على التوقف فسارع بالاعتدال جاذبا يدها ليقبلها بامتنان صامت لمجرد انها شعرت بألمه وكسرته جذبت فاطمة سريعا يدها من يده لتحاوط وجهه بين يديها لتثبت عينيه في عينيها لعلها تستطيع بث الثقة له : _اللي حصل ده هيتنسى هنا في اللحظة دي ...وهتبدأ تشوف حياتك ومستقبلك ....وهترمي الماضي كله ورا ظهرك تملص منها أدهم بألم مردد بانكسار : _ياريت أقدر انسى ....ياريت الموضوع بالسهولة دي جذبته فاطمة بقوة وهي تمسح دموعها بعنف هادرة به: _انا ابني مش ضعيف ....ومش ابن فاطمة اللي يسمح لواحدة زي دي انها تهز ثقته بنفسه ولو شعرة تعجب أدهم من كلماتها فعاجلته : _انت طلبت تكون ابني ...وانا ابني اقوى من أي حد وهترجع شغلك وتشوف مستقبلك سامعني للحظة شعر أدهم بالمرارة في حلقه تمنى من قلبه ان يكون هذا رد رقية على ألمه وليس مزيد من الاختيارات الخاطئة تحت مسمى المصلحة شعرت فاطمة بما يدور بخلده فحاولت تطيب خاطره ومد الجسور مع والدته : _أدهم حبيبي كل أم في الدنيا بيكون هدفها الاول والاخير في حياتها هو سعادة اولادها ...اوقات بتكون الظروف قاسية او مش ملائمة او بتخدعنا لكن في الاخر الهدف واحد ابتسم أدهم ساخرا : _مدام رقية الرفاعي هدفها الاول والاخير المستوى المادي والاجتماعي مش اولادها ابدا يا ماما فاطمة : _يا بني ...... أدهم مقاطعا : _ارجوكي يا ماما انا تعبان ومحتاج ارتاح ومش عاوز اتكلم عنها تاني هي طردتني ونستني وانا هنساهم كلهم وهخرجهم من حياتي فاطمة بذهول : _تطرد مين من حياتك يا مجنون دول أهلك !!! محدش بيعيش من غير أهله أدهم غاضبا : _وكانوا فين أهلي وانا بانضرب واطرد من البيت والكل واقف مش بيتحرك ....ليه متحركوش ومنعوها عندما لاحظت فاطمة انتفاضه جسده الغاضب سارعت بتهدئته : _طيب خلاص اهدى ....اقولك ارتاح دلوقتي وبعدين نتكلم التفت اليها أدهم وكأنه شخص أخر فكلماتها كانت كمفعول السحر على عقله وكالبلسم الشافي لقلبه : _انا هرجع شغلي من بكرة وهرجع لحياتي اللي بنيتها هنا بعيد عنهم هواصل في دراستي ومش هضعف ....وهغير تليفوني مش عاوز اكلم حد منهم علمت فاطمة انه بقدر ضيقه منهم الا انه مازال قلبه متعلق بهم لكثرة ما ذكرهم ففضلت عدم الضغط عليه الان وموافقته حتى يهدأ وتعيد مناقشته : _تمام كدة قوي ...كدة فعلا انت ابن فاطمة فابتسم أدهم بهدوء فعاودت مشاكسته : _بتضحك ليه انت متعرفش المثل اللي بيقولك مين اللي ميحبش فاطمة فتعالت ضحكات أدهم وكذلك فاطمة وهو يخبرها بمرح : _لا اعتقد كان مسلسل تليفزيوني يا ماما (مسلسل تليفزيوني مصري للفنان احمد عبد العزيز ) فاطمة بضيق مصطنع : _مثل ولا مسلسل المهم ان محدش يقدر ميحبش فاطمة أدهم مبتسما : _عندك حق ربنا يخليكي ليا يااارب فاطمة بحب أمومي فياض رابتة على كتفه : _ويحفظك ليا يا نور عيني وهنا دق هاتف فاطمة لتخرج من الغرفة لترد على المتصل ******************* خيم الحزن سريعا على فيلا الرفاعي وساد الصمت بين افراده كل شارد في حاله وحال تلك العائلة التي على وشك التمزق شرد ابراهيم في حياته وحياة تلك التي امتلكت قلبه ولكنها آلمته كثيرا يوما بعد آخر لم تعد كما كانت عند زواجهم(قلب الرفاعي بقلمي لميس عبد الوهاب ) منذ سنوات وكأن تعاقب السنوات كان يزيدها قوة وشراسة غلفت قلبها وشوهت روحها فما عاد يعرفها انتبه ابراهيم من شروده لجلوس أحمد بجانبه فنظر اليه بلهفة : _فيه اخبار عن اخوك يا أحمد ؟ أحمد آسفا بضيق : _للاسف لا يا بابا ...سألت كل أصحابه اللي هنا واللي في المنيا محدش يعرف عنه حاجة ابراهيم بألم : _انا خايف يكون عمل في نفسه حاجة مها بتعقل : _لا يا عمي أدهم عاقل لا يمكن يعمل حاجة زي كدة هو بس تلاقيه لسة مصدوم من اللي حصل واما يهدى ان شاء الله هيرجع إبراهيم بتعب : _يارب يا بنتي ....يارب يرجع اديكي شايفة حالتها عاملة ازاي هي والسرير واحد أحمد بهدوء : _الحمد لله اننا قدرنا نوصل لكدة وخرجت من العناية ....انا مش عارف ايه اللي بيحصلنا ده ابراهيم : _انا السبب يابني انا اللي سبتها تتحكم في كل حاجة من الاول كنت فاكر اني كدة بعوضها عن اللي جدتك عملته فيها مكنتش اعرف انها هتتحول وهتبقى زيها وتفرض عليكم اللي جدتكم فرضته علينا زمان مها : _خلاص ياعمي ان شاء الله كل حاجة هتتحل ...بس انت قول ياارب أحمد بضيق : _ماهو لو اعرف بس هو فين هطمن حتى لو مش هشوفه المهم اطمن انه كويس أطرق إبراهيم رأسه في ألم على ضياع ابنه لكنه انتبه سريعا عندما صاحت مها : _أحمد ..انا عرفت هو فين أحمد بأمل : _فين يا مها ؟ إبراهيم بلهفة : _فين يا بنتي اتكلمي ابوس ايدك مها بعجالة : _ثواني هعمل مكالمة واطمنكوا ان شاء الله وابتعدت مها قليلا بالهاتف واجرت المكالمة لعدة دقائق كان ابراهيم واحمد خلالها وكأنهم يصارعون للتنفس من شدة التوتر والقلق وعادت باسمة الوجه مستبشرة : _متقلقش ياعمي هو كويس قوي وصحته كويسة أحمد بضيق : _ما تقولي هو فين يا مها مها بتلعثم من غضب أحمد الواضح : _انا ....انا اسفة يا أحمد ...مم....مش هقدر اقولك لانه حلفني اني مش اقولكم على مكانه وطلب اني اطمنكم عليه واقولكم انه كويس وانه لما نفسيته تهدى هيرجع إبراهيم بارتياح : _الحمد لله ...الحمد لله ياارب انه كويس ...طب ماقولتيلوش يا مها على امه مها : _مدانيش فرصة يا عمي بمجرد ما قلتله ....أدهم طنط رقية ....انهى المكالمة وقفل الفون خالص انا اسفة ابراهيم : _لله الامر من قبل ومن بعد لتنضم اليهم ياسمين بعد دقائق فسارع أحمد بسؤالها : _ماما عاملة ايه دلوقتي يا ياسمين ؟ ياسمين بحزن : _كويسة يا احمد ....أكلتها وادتها العلاج وسبتها تنام بس هي دايما بتسأل على بابا أحمد بضيق : _يا بابا من فضلك ادخل لها مينفعش كدة ابراهيم بوجع : _مش قادر يا أحمد كل اما افتكر نظرة اخوك وهي بتطرده قلبي بيوجعني ...مش قادر اشوفها ...سبوني براحتي وتركهم ابراهيم ليدخل لغرفة أدهم والتي اصبح مقيم بها ...يطمئن على زوجته من ابنائه ولكنه لا يخاطبها او يدخل لها نهائي . ********************* نظرا لتلك الاحداث وتلك الازمة التي تمر بها عائلة الرفاعي حمل يوسف على عاتقه هموم الشركة وكانت ياسمين تساعده من حين لاخر كان وجوده في ذلك الوقت هو الشيء الوحيد الجيد وسط تلك الفوضى التي تعم حياة الجميع أما أحمد كان يتألم لبعد أخيه ومرض أمه ولكن مايهون عليه وجود حبيبته معه وانتظارهما معا لثمرة عشقهما الحفيد الاول لعائلة الرفاعي أما رقية فكانت هي الاخرى تتألم وبشدة ليس فقط لمرضها ولا لتباعد زوجها وحب عمرها وانما لاشتياقها لوليدها ابنها وقرة عينها الابن الغالي والاقرب لقلبها والذي جرحته وابعدته بغبائها ..... وغضبها الاعمى من ابراهيم واحمد وتلك الشيطانة مها دفع ثمنه الغالي ولكن ....لا لن تكون رقية الرفاعي الا اذا دفعت مها الثمن وغالي جدا وهناك كان أدهم الذي منذ مناقشته الاخيرة مع فاطمة وهو عمد الى غلق الموضوع نهائي واحترمت فاطمة رغبته وعمدت على دفعه لعمله ودراساته المتوقفة من مدة وهذا ماحدث استمع لها وعاد لعمله ولشقته حاولت معه كثيرا ان يظل معها فاطمة بحزن : _اخس عليك يا أدهم عايز تسبني لوحدي تاني ....دا انا ما صدقت انك قاعد معايا مونسني أدهم : _معلش يا ماما محتاج اعود نفسي على الوحدة كفاية كدة ....وان شاء الله هجيلك على طول مش هسيبك فاطمة : _يابني بلاش وحدة وانت في السن ده أدهم : _ما هو لازم اتعود وانا في السن ده ...انا هقوم اتمشى شوية وبعدين هرجع على شقتي ...صحيح انا سجلتلك رقمي الجديد على تليفونك لاني رميت رقمي القديم خلاص وخرج أدهم ليمارس حياته من جديد بقلب محطم ولكنه كان داخله اصرار انه لن يستسلم وسيخرج كل كبته وغضبه في عمله ودراساته ...سيبدأ من جديد حياة أخرى هنا في المنيا قاطعا كل علاقته بالقاهرة ********************** مرت الايام وتماثلت رقية للشفاء وعادت لحياتها الطبيعية من جديد لمزاولة سلطتها على الكل رقية : _اتأخرت ليه يا ياسمين كل ده ؟ ياسمين بتعب : _معلش يا ماما أصل كان عندي اجتماع مهم رقية : _انا مش عارفة انت بتروحي الشركة ليه ؟هو مش فيه مدير جديد ليها ؟ ياسمين بتوجس : _ما انا معاه يا ماما احنا الاثنين بندير الشركة سوى رقية بابتسامة لا تظهر الا لياسمين : _طيب يا حبيبتي روحي اغسلي وشك وتعالي عشان نتغدى ياسمين : _حاضر يا ماما ...امال فين الجماعة مش شايفة حد يعني رقية بضيق : _ابوكي في اوضة ادهم كالعادة مقاطعنا وقاعد فيها لوحده واخوكي في المستشفى والسنيورة اللي ابتلينا بيها في اوضة احمد ياسمين بضيق بالغ : _ما خلاص بقى يا ماما احنا مش هنخلص من الموضوع ده رقية بغضب : _لا مش هنخلص ادعي ربنا اننا نخلص منها عشان نرتاح فنظرت لها ياسمين نظرة بمعنى (مافيش فايدة )واتجهت لغرفتها بتعب تفكر ان الحال في تلك الفيلا صار من سيء للاسوء ولكن اهناك ما هو اسوء من حالهم الان لا تعلم الحمقاء ان المصائب الحقة لم تحدث بعد ويا ويلكم يا عائلة الرفاعي من القادم ... ********************** كان كعادته في الاونة الاخير ة يجلس شاردايفكر في حل ليعيد ربط عائلته قبل ان يفقد زمام الامور وينفرط العقد من بين يديه ولكنه تنبه على هاتفه فسارع بالرد عندما لاحظ المتصل عبد العزيز : _السلام عليكم ...ازيك يا ياحاج ابراهيم كدة بردو من يوم ماسافرت متتصلش بيا ولا مرة ابراهيم بحنين لذلك الصديق الاخ : _وعليكم السلام ..حقك عليا يا حاج عبد العزيز غصب عني والله كان فيه شوية مشاكل في الشركة بس الحمد لله ربنا ستر ...قولي انت خبارك ايه واخبار صحتك عبد العزيز : _انا الحمد لله تمام وانت اخبارك ايه ابراهيم : _الحمد لله على كل حال عبد العزيز : _مالك يا ابراهيم صوتك مش عاجبني فيك ايه ؟ ابراهيم : _مفيش يا حاج سلامتك عبد العزيز: _بتخبي عليا يا ابراهيم ..دا انا اخوك قول يا راجل في ايه مش يمكن اقدر اساعدك ابراهيم بحزن : _مفيش يا حاج بس ادهم وحشني قوي ونفسي اشوفه عبد العزيز : _طب ماتيجي تقعد معاه يومين حتى اشوفك ...والله وحشتني قعدتنا سوى ابراهيم بلهفة : _انت بتقول ايه يا عبد العزيز ..أدهم عندكم في المنيا ..انت متاكد؟! عبد العزيو بتعجب : _هو انت مكنتش تعرف !!ده هنا من مدة ابراهيم بعجالة : _خلاص تمام ي حاج هشوف ظروفي كدة ...بس ارجوك لو كلمته بلاش يعرف اني عرفت انه عندك ...مع السلامة وسارع بانهاء المكالمة ما اثار الدهشة في نفس عبد العزيزونظر للهاتف بتعجب محدثا نفسه (هو مكنش يعرف ان ابنه هنا !! ...حاجة غريبة قوي ....انا مالي دي اسرار وكل واحد حر في حياته ) ******************* دلف ابراهيم لغرفة المعيشة حيث يجلس احمد مع والدته وبعيدا عنهم كانت تجلس مها في احد الاركان بناء على رغبة احمد لمحاولة التقريب بينهما ابراهيم بلهفة : _احمد ...احمد عرفت اخوك فين ؟ احمد بفرحة : _بجد ..فين يا بابا ابراهيم : _في المنيا ...يالا قوم اجهز عشان نسافر له دلوقتي رقية بغضب : _يعني البيه رجع لحياته وشغله واحنا هنا دايخين عليه وهو ولا على باله ابراهيم بغضب : _قوم يا احمد بسرعة قبل ما افقد اعصابي احمد : _حاضر يا بابا اهدى بس وانا هجهز بسرعة واجي واتبع كلماته بان اتجه الى غرفته لكنه تجمد مكانه عندما صدح صوت رقية بقوة بما جمد الدم بعروقه رقية : _استنى يا احمد ...محدش هيسافر له مش هو عايز يبعد خليه يبعد وبعدين انت هتسافر ازاي وعيلة خطيبتك وخطيب اختك معزومين عندنا على العشا ؟ أحمد بصدمة : _نعم!!بتقولي مين ؟ رقية وهو تنظر لمها بشماته ولا تعلم ان كلماتها كحد السكين الذي يشق قلب تلك المسكينة بلا ذرة رحمة : _خطيبتك هايدي بنت اللواء جمال الرشيدي ابراهيم : _انت اتجننتي ازاي خطيبته وهو متجوز اصلا رقية : _انا فهمت سوسن ظروف مها وهما موافقين ابراهيم : _انت مجنونة انت لازم نوديكي نكشف على قواكي العقلية رقية ببرود : _ابراهيم احمد هيتجوز هايدي وياسمين هتتجوز تامر اخوها وده اخر كلام عندي ابراهيم بغضب : _ده على اساس اني مت أحمد مقاطعا : _لو سمحت يا بابا اهدى شوية ...يا ماما من فضلك انا بحب مراتي ...ومش هتجوز عليها رقية بتحدي : _والله ده اللي عندي لو كنت عايز مها تفضل على ذمتك انما لو رفضت هطلقها غصب عنك ياسمين ببكاء : _حرام تعملي فيا كدة رقية بغضب : _انت هتتجوزي تامر شاب طول بعرض وغني وابن لواء شرطة عايزة ايه تاني ؟ ياسمين بشهقات بكاء متتالية : _ويوسف !! رقية : _مين يوسف ده ؟ اتاها الرد من خلفها عندما جاء يوسف لمناقشة بعض الامور الخاصة بالشركة مع ابراهيم واستمع دون قصد لحوارهم لم يشأ التدخل ولكن عند ذكر ياسمين كان عليه التدخل حتى لا تضيع منه للابد يوسف من خلفها : _انا يوسف الجندي حضرتك مدير الشركة وخطيبها رقية : _اه دا انت داخل على طمع بقى ...يعني متفرقش كتير عن الهانم اللي احمد بلانا بيها يوسف : _انا اسف ..بس انا عمري ما كنت طمعان في حاجة ولو على الشركة مش هدخلها تاني بس ياسمين انا هتجوزها ومش عايز منكم أي حاجة غيرها رقية بتحدي : _وانا بقى بقولك اطلع برا أنا ..... ولم تكمل كلامها حيث تلقت صفعة مدوية طرحتها ارضا من ابراهيم الذي بلغ منه الغضب مبلغه هاتفا بها : _انت ايه ؟ محدش مالي عينك ..انا راجل البيت ده وانا اللي اقوله يتنفذ من سكات انت فاهمة ؟ سارع احمد بالوقوف بينهما ليمنع والده عن تكرار التعدي مرة اخرى هاتفا به : _يا بابا ارجوك ده مش اسلوب نحل بيه مشاكلنا ابراهيم بتحدي : _يوسف روح يا بني هات ابوك والمأذون عشان هتكتب كتابك على بنتي دلوقتي ياسمين : _وادهم يا بابا ابراهيم : _ادهم كويس انا اطمنت عليه لسة انت يالا يا يوسف رقية بعد ان عاونها احمد على الوقوف : _والله يا ابراهيم لو عملت اللي في دماغك وجوزت ياسمين للبني ادم ده ما انا قاعدة في البيت دقيقة واحدة أحمد بعصبية : _يا ماما اهدي بقى ده مش اسلوب ...في ايه بتتخانقوا على تحديد مستقبلنا واحنا فين ..كل واحد حابب يمشي كلامه وبس من غير ما يفكر احنا عايزين ايه بنحب ايه او بنحلم بايه ...كفاية بقى كفاية رقية بصدمة : _والله عال بتعلي صوتك عليا يا احمد ..ده اللي اتعلمته جديد من الهانم مراتك مها ببكاء : _والله يا طنط .... فسارعت رقية لاخراج غيظها من ابراهيم واحمد ويوسف في تلك المسكينة فوجهت لها صفعة قوية صارخة بها : _انت تخرسي خالص ..انت سبب المشاكل دي كلها ...ابني عمره ما رفع صوته عليا غير لما اتجوزك يا وش المصايب كاد احمد ان يخرج عن اعصابه صارخا بامه واخذا مها وتاركا ذلك الجحيم خلفه لولا صرخة مدوية جمدته وجمدت كل مخططاته حتى انسته مها وما تعانيه من امه حينما ...... هل سيخضع احمد لامه ويتزوج هايدي ويضحي بمها ؟ ما رد فعل مها ؟ هل سيتزوج يوسف ياسمين ام اخرى ؟ هل انتهت علاقة ادهم باهله للابد ؟ ما الازمة التي سيمر بها عبد العزيز ويكاد يفقد عقله بها ؟ الحلقة السابعة عشر شعر أحمد بأن قدرته على الجدال والمناقشة قد انتهت فأغمض عينيه بيأس وفي داخله قد عمد الى الاطاحة بكل شيء وترك هذا الجحيم خلفه ...نعم سيرحل ومعه مها متخليا عن كل شيء ولكن قطع خططه صرخة نطقها يوسف بفزع فالتفت ليرى والده مسجى ارضا بين يدي يوسف وياسمين التي تحاول بشتى الطرق افاقته ثواني قليلة حتى عاد عقله للعمل ليسرع اليه ويعاون يوسف في حمله للسيارة ومنها للمستشفى . جلس بانهيار على احد مقاعد الانتظار وراسه بين يديه لا يعلم ماذا يفعل وكيف يتصرف ...على بعد خطوات منه كانت تجلس رقية شاردة كأنها بعالم اخر لاتنكر في قرارة نفسها انها مخطئة ولكنها تعلم ان ابراهيم يعشق ابنائه وسيترك لهم الاختيار وهي ابدا لن تعرضهم لاي مشقة في حياتهم مبررها الوحيد انها تعشقهم ولكن على طريقتها الخاصة تحميهم حتى لو من انفسهم اما ياسمين فكانت تبكي على حالها وكأن السعادة ليست من حقها فهي لم تهنأ بعد برجوع يوسف لتعاجلها امها بتلك المصيبة وكأن حياتها لا تكتفي ببعد الغالي والرفيق والاخ لتبعد والدها ايضا الظهر والسند تعالت شهقاتها لتعاجلها(قلب الرفاعي بقلمي لميس عبد الوهاب ) يده المربتة على كتفها بحنان هامسا لها ببعض عبارت الثقة في الله والذي ابدا لن يخذلها ان اخلصت الدعاء فلهث لسانها بالدعاء لله ان ينجيه وتمر تلك الازمة على خير كل شارد في حاله ونسوا جميعا تلك اليتيمة التي انزوت في ركن تنعي حظها وتدعو الله الا يكتب عليها فراق عمها الاب الثاني لها كفراق والدها دعت وبكت بحرقة ذلها وهوانها شعرت بقوتها تستنزف وروحها تكاد تخرج من جسدها فوجدت من يربت على كتفها بلمسة حانية ..رفعت عينيها لترى الماثل أمامها والذي نزل على ركبتيه أمامها ناظرا لها دون كلام مسح بيديه دموعها وكأنها كانت اشارة لها لتلقي بنفسها بحضنه متشبثة به باكية ربت برفق على ظهرها وهو يطمئنها ان الله عز وجل ارحم بهما من جميع خلقه وانه ابدا لن يضيعهما استقام احمد واقفا عندما خرج مجموعة من الاطباء من غرفة العناية الماثل بها ابراهيم ليسألهم بلهفة عن حاله فيجيبه رؤؤف بعملية : _الحالة حرجة يا دكتور احمد ....بس املنا في ربنا كبير ...ادعوله يعدي ال 24 ساعة الجاية على خير وربت على كتفه ثم رحل وتركهم في حالة صدمة فجلس احمد باهمال على المقعد لا يستوعب ما حدث ولاول مرة تعرف الدموع طريق عينيه فقطع قلب مها التي اسرعت لتحتضنه محاولة التخفيف عنه وهى واكثر منه حاجة للاطمئنان فخرج صوته بحشرجة : _مها ...اتصلي بأدهم لازم يعرف فاومأت مها برأسها ثم اسحبت لبعيد واتصلت بفاطمة وابلغتها بما حدث وطلبت منها تعريف ادهم بحالة والده ترددت فاطمة كثيرا خوفا من ردة فعله ولكنها حسمت امرها بضرورة اخباره فاتصلت به فاطمة : _السلام عليكم ادهم : _وعليكم السلام ورحمة الله ..ازيك يا ماما ..عاملة ايه طمنيني عنك فاطمة بتلعثم : _انا كويسة الحمد لله بس .. بس .. أدهم بقلق : _في ايه يا ماما ؟...انت كويسة ؟ ارجوكي اتكلمي متقلقنيش فاطمة : _يابني اطمن انا والله كويسة بس ...والدك ... أدهم بفزع : _بابا!!...بابا ماله ؟اتكلمي يا ماما عشان خاطري فاطمة : _يابني اهدى هو كويس بس تعب شوية ونقلوه المستشفى أدهم : _طب انا هطلبهم سلام يا ماما دلوقتي **************** اسرع أدهم بالاتصال بصديقه المقرب ليفهم منه حالة والده بعد ان اخذ طريقه للمنيا باقصى سرعة أدهم : _السلام عليكم مروان : _وعليكم السلام ورحمة الله ازيك يا ادهم ادهم : _انا كويس ..طمني على بابا يا مروان مروان : _.......................... أدهم : _مروان رد عليا ...بابا ماله ؟ مروان : _اهدى طيب واسمعني ....الضغط ارتفع جدا وبنحاول نسيطر عليه على اد ما نقدر أدهم بصدمة : _بابا!!!....وحالته ايه دلوقتي مروان : _للاسف دخل في غيبوبة لم يستطع ادهم الكلام اكثر فوقع الهاتف منه بصدمة فزاد من سرعته بشكل جنوني على الطريق وهو يضغط على مقود السيارة بغضب جامح حتى صرخ فجأة : _ليه ...ليييييه بتعملي فينا كدة ليه .....بتموتينا بالبطيء ليه ....الله يلعن الفلوس على المستويات العالية اللي مالكيش تفكير غير فيها ....بس خلاص انا راجع وحق الله ما حد هيفشل تخطيطك غيري بس بابا يقوم ....يااارب يااارب وظل يلهث بالدعاء والرجاء لله ان ينجي والده من محنته ***************** جلست تبكي بصمت وهي تسند رأسها على كتفه في حين يدها ترتاح داخل يده يحاول بقدر امكانه بث شعور الامان لها وهو في داخله يتألم بصمت من إهانة رقية له وتعب ذلك الشخص الذي اعتبره يوسف والده لما لمسه من حنيته وطيبته اللامحدودة وعلى مسافة بعيدة نسبيا كان يجلس أحمد والذي لم تتوقف دموعه لحظة وفي داخل صدره كان يحتضن مها التي انكمشت برعب داخل حضنه وفي المقابل كانت تجلس رقية تتابع ابنتها قليلا ثم تتابع مها وفي داخلها بركان من الغضب تود احراق يوسف ومها في لحظة واحدة لابعادهما عن تخريب مستقبل اولادها الذي طالما حلمت به ولكن صبرا فليس هذا الوقت المناسب لذلك . عدة ساعات قليلة كانت تمر كالدهر على الجميع حتى انتبهوا على صرخة ياسمين واندفاعها لاول الممر لتلقي بنفسها في حضنه السند والرفيق والاخ الصديق ادهم ياسمين ببكاء حار : _بابا يا أدهم ....بابا بيموت احتضنها ادهم بقوة رابتا على ظهرها محاولا طمأنتها ولو قليلا : _شششش اهدي ....ان شاء الله هيقوم لينا بالسلامة يوسف رابتا على كتفه : _حمد الله على السلامة يا أدهم احتضنه أدهم هامسا : _الله يسلمك يا يوسف اندفع اليه أحمد محتضنا اياه بعنف : _ادهم شوفت اللي جرالنا فربت ادهم على كتفه بهدوء ناظرا اليه بلوم : _ان شاء الله خير تطلع أمامه وراها منكمشة على نفسها تبكي بصمت فاقترب منها هامسا : _ازيك يا مها ..عاملة ايه ؟ مها ببكاء متقطع : _تعبانة قوي يا ادهم مش حمل فراق تاني كفاية بابا الله يرحمه فربط ادهم على كتفها مردفا : _ادعيله يا مها ربنا ينجيه لينا كلنا والتفت فوجد امه امامه جالسة على مقعد امامه تنظر له بلهفة واشتياق قلبها له واضح ولكن كبريائها الاعمى يمنعها من ان تحتضنه وتشبع روحها منه فبادلها ادهم النظرة بنظرة لوم وعتاب وقهر ثم تركهم واندفع لغرفة العناية المركزة دخل غرفة التعقيم اولا ومن ثم اتجه لوالده حاول الثبات قدر استطاعته وهو يجلس على مقعد بجواره ويتحدث اليه بنهم واضح واشتياق لسند العائلة وكبيرها ومرت الساعات وهو على وضعه حتى انفكت رباطة جأشاه فأجهش بالبكاء وهو يتوسله ان يقوم ويعود لوضعه ومكانته فأولاده برغم كبرهم الا انهم حتما سيضيعون من غيره بكى وبكى وما عاد استطاع التوقف حاولت الممرضة اخراجه من الغرفة ولكنه لم يتزحزح من مكانه ظل منكبا على يد والده يرويها بدمعه فأسرعت لجلب الاطباء المشرفين لاخراجه فاسرع عدد من الاطباء ومنهم مروان الذي حاول التفاهم معه ولكنه لم يكن يستمع يشعر بنار تحرق روحه وحياة هذا الرجل هي البلسم الشافي فلجأ مروان لمحاولة جذبة بقوة ليترك والده ليرتاح فتمسك ادهم بيد والده اكثر وعندما قاربوا على اخراجه وتركها تمسك به والده هامسا بضعف : _ادهم ... الصدمة جمدت الجميع الا ذلك الذي اندفع لمكانه مرة اخرى مقبلا جبين والده ويده صارخا بفرحة ودموع ابت ان تتوقف : _انا اهو يابابا ...انا معاك ارجوك قوم احنا من غيرك ولا حاجة في حين اسرع الاطباء للكشف عليه والاطمئنان على الضغط الذي بدأ يعود لوضعه الطبيعي بسماع مريضهم لصوت ابنه الغالي وضميره المتيقظ دوما ادهم عندما اطمأن ادهم على وضعه وبدأ الاطباء في نقلة لغرفة عادية ساعدهم ومن ثم ارسل ليطمئن الجميع على وضعه وما هي سوى لحظات كانت غرفة ابراهيم مملوءة بهم كلهم ياسمين ومها منكبتين عليه كل واحدة من جهه تقبل يده بدموعها ورقية جلست على احد المقاعد باخر الغرفة يوسف واحمد وادهم يقفون عند الباب منتظرين هدوء الفتاتين ليتحدثوا اليه وعندما طالت المدة جذب كل واحد منهم من تخصه لاخر الغرفة حتى لا يتعب اكثر اما ابراهيم تحدث هامسا مع الجميع ولكن نظره كان معلق على اثنين الاولى عتاب والم لرفيقه دربه والاخرى حب واشتياق للغالي حتى همس : _ادهم فاسرع اليه ادهم رابتا على يده بحنان : _انا معاك يا بابا متتكلمش ارتاح عشان خاطري فهمس ابراهيم بما لا يسمعه احد : _حقك عليا يا بني ...مقدرتش ادافع عنك واجيبلك حقك بس ... فقاطعه ادهم هامسا هو الاخر : _بابا انت عارف انك قوتي وحمايتي يكفيني وجودك في حياتي ....عشان خاطري يا بابا خلي بالك من صحتك علشانا كلنا .....انا هروح دلوقتي وهجيلك بكرة الصبح باذن الله فشدد ابراهيم على يده اكثر هامسا بتعب : _لا متسبنيش يا بني انت عارف ان انت ضميري ...انا مش عايزك تبعد تاني علشان خاطري فربت ادهم على يده مهدئا اياه : _بابا انت محتاج ترتاح ....نام دلوقتي والصبح باذن الله هكون عندك ونتكلم براحتنا اضطر ابراهيم للموافقة على كلامه بعدما بدأ سريان الادوية المهدئة في عروقه فدفعته للنوم واستغل ادهم تلك الفرصة ليخرج من المستشفى سريعا فهو لا يريد المواجهه مع احد لكنه تفاجأ بمن يجذبه من ذراعه فالتفت ليجد يوسف امامه : _انت رايح فين ؟ ادهم بهدوء : _هروح ارتاح في أي فندق وهكون هنا الصبح ان شاء الله فشدد يوسف على يده قائلا : _لا مفيش فنادق ...انت هتيجي معايا تبات عندي والصبح هنيجي سوى أدهم بتعب : _يا يوسف .... يوسف مقاطعا بقوة : _مفيش يوسف قدامي من سكات فابتسم ادهم من تصرفات هذا العنيد الذي يشبه كثيرا عنيدته الصغيرة واضطر ان يستسلم له ولكن لم يخطو خطوتين حتى نادى عليهما احمد ليقفا له احمد : _ادهم استنى انا عايزك يوسف : _انا هسبق على العربية وهستناك فيها يا ادهم ...بعد اذنكم ادهم : _نعم احمد : _انت زعلان مني يا ادهم ؟ ادهم ببرود : _لا ابدا وهزعل من سيادتك ليه احمد بغضب : _في ايه ما تتكلم عدل ادهم بغضب : _عايزني اتكلم اقول ايه ؟اقول اضربت واطردت من البيت واخويا الكبير واقف يتفرج عليا ومتحركش من مكانه احمد محاولا تمالك اعصابه : _والله انا خرجت وراك انا وياسمين بس ماما ... فقاطعه ادهم بحدة : _هي دي ..ماما كلكم خايفين منها حتى لو على حسابي وايه يعني ما انا طول عمري كبش الفدا ليكم كلكم احمد بذهول : _انت بتقول ايه ؟..انت اتجننت أدهم : _لا متجننتش بس بقولك على اللي انا حاسس بيه منكم كلكم احمد بهدوء : _ادهم ارجوك اسمعني وبعدين اعمل اللي انت عايزه...10 دقائق بس علشان خاطري تردد ادهم قليلا ولكنه سرعان ما انصاع لرغبة اخيه واتجه معه لكافتيريا المستشفى وبدا احمد في سرد تفاصيل ما حدث يوم مأساته وما حدث لرقية بعد خروجه فاندفع سائلا بقلق : _ازاي ماما تصاب بذبحة صدرية ومحدش يبلغني ؟طب هي حالتها ايه طمني يا احمد ارجوك احمد بهدوء : _اطمن الحمد لله عدت على خير..وصحتها اتحسنت ما انت لسة شايفها فوق وده اللي اخرني اني الحققك يومها صمت قليلا ثم اردف : _المشكلة مش في كدة فيه كارثة جديدة ومش عارف اتصرف فيها لوحدي ادهم بشك : _والكارثة دي هي سبب حالة بابا مش كدة ولا انا غلطان احمد : _لا مش غلطان فعلا هي السبب فزفر ادهم بضيق : _خير في ايه تاني ؟ فسرد له احمد تفاصيل اخر مشاحنة حدثت مع الجميع والتي كانت احدى نتائجها مرض ابراهيم ادهم ساخرا : _والله كويس ان ابوك فاق من الغيبوبة دا طلع جبل ما شاء الله انه استحمل كل ده احمد بغضب : _انت بتهزر يا ادهم واحنا في المصيبة دي ادهم بغضب : _والله حل المصيبة دي في ايدك ..اعتقد ان العصمة في ايدك مش في ايد الست والدتك يعني مش هي اللي هتطلق مها وبالنسبة لياسمين ملكش دعوة بيها انا هتصرف احمد : _يعني ايه هتتصرف ادهم : _يعني هتصرف واحلها زي ما بحل كل حاجة دايما ايه جديدة يعني احمد : _طب ....وانا يا ادهم اعمل ايه ادهم : _انت راجل يا احمد ولازم تختار يا هايدي وامك يا مها وابنك احمد : _امك مش حمل زعلة تانية دي ممكن تروح فيها ادهم : _بالعقل والسياسة ممكن نحلها ..انا ممكن .... قاطع كلامه عندما رأى والدته متجهة اليهم فانتفض واقفا واخذ هاتفه ومفاتيحه واسرع بالخروج حاولت ان تنادي عليه الا انه لم يلتفت بل اسرع بالخروج فنزلت دمعة حارة من عينها تعكس النار المشتعلة بقلبها على ولدها والذي دفعت كبريائها جانبا وحاولت ان تتحدث اليه لكنه لم يعطيها الفرصة فسارعت بمسح دموعها واتجهت لاحمد وجلست معه غاضبة : _شايف اخوك العاق احمد بضيق : _يا ماما ادهم مش عاق ..ادهم مجروح من اللي حصل ارجوكي اديلو شوية وقت لحد ما يهدى وينسى رقية بسخرية : _حاضر يا بية أي اوامر تانية احمد بضيق بالغ : _في ايه بس يا ماما ؟ ليه بتكلميني كدة؟ رقية بغضب : _لاني حاسة اني مخلفتش رجالة ..خلفت شوية عيال احمد بغضب : _ايه لزمة الكلام ده بس ياماما حرام عليكي انا فيا اللي مكفيني رقية بوضوح : _اسمع يا احمد انا اتفقت مع الناس على كل حاجة ومش هرجع في كلامي فاهم ولا لاء احمد بغضب بالغ : _يعني ايه ؟هو بالغصب يعني انا بحب مراتي ومش هسيبها رقية بهدوء : _تمام وهما موافقين على ان مها تفضل على ذمتك مع هايدي احمد بتذكر : _ايوة ...هو ده بالظبط اللي انا عايز افهمه ...ليه وافقوا على ان مها تفضل مراتي مع بنتهم رقية بتوتر : _اصل ....اصل بصراحة انا قولتلهم انك اتجوزتها علشان ....تتستر عليها..بعد ....... احمد بصدمة وذهول : بسسسسسس ...كفاية مش عايز اسمع انت ازاي تعملي كدة ؟انت عندك بنت مش خايفة كلامك ده يترد عليها رقية بغضب : _اخرس ...اياك تجيب سيرة اختك بنص كلمة اختك دي اشرف من الشرف فهب احمد واقفا هادرا بها : _ومها مراتي واللي في بطنها ابني من لحمي ودمي وقسما بربي اللي هيجيب سيرتها بنص كلمة لاكون دفنه حي ايا كان هو مين وتركها وغادر لوالده وهو يشعر ببركان من الجحيم يتفجر بداخله قادر على احراق هايدي وكل عائلتها ان همس احدهم بحرف على شق روحه مها اما رقية فظلت مكانها تفكر كيف يمكنها التخلص من مها ويوسف في ضربة واحدة ليهنأ ابنائها ولا تعلم انها الخاسر الوحيد من سينتصر في الاخر مها ام رقية ؟ هل سيرضخ احمد لرغبة والدته ويتزوج هايدي ؟ هل سيستطيع ادهم انقاذ ياسمين ومها ام سيكون هناك ضحايا؟ خطة ادهم لخلاص ياسمين ومها والتي ستنقلب عليه ليكون هوالضحية من جديد الحلقة الثامنة عشر يراه راقدا على الفراش ينظر لسقف الغرفة بشرود لساعات دون ان يتحرك حركة واحدة فاستقام من رقوده ملتفتا له محاولا التخفيف عنه ولو قليل يوسف بهدوء: _وبعدين يا أدهم هتفضل ساكت كدة مش عمي ابراهيم كويس الحمد لله ادهم دون ان يتحرك من موضعه : _اه الحمد لله يا يوسف يوسف بتوجس من ردة فعله : _طب انت مش ناوي ترجع بقى هنا ادهم بابتسامة ساخرة ملتفتا له : _ارجع فين يا يوسف يوسف : _ترجع بيتك لاهلك وشغلك ادهم : _لا معلش انا مرتاح كدة ...المهم خلينا فيك انت يوسف زافرا بضيق : _اكيد عرفت اللي حصل ادهم بجدية : _عرفت ومش عايزك تقلق انا بس عايز اتاكد منك ..انت لسة متمسك بياسمين ؟ يوسف بغضب : _انت لسة بتسال يا أدهم انا ممكن احارب الدنيا بحالها عشانها ادهم ببتسامة : _طيب خلاص من غير انفعال بس اهدى ومتقلقش انا هتصرف وياسمين مش هتتجوز حد غيرك يوسف بفرحة : _بجد يا أدهم !! ادهم : _عيب عليك انا عمري وعدتك بحاجة وخلفت وعدي معاك يوسف : _الشهادة لله لا عمرك راجل وكلمتك واحدة ادهم : _خلاص اتوكل على الله ثم عليا ******************* في صباح اليوم التالي فتح ابراهيم عيناه وبداخله شوق جارف للحديث مع ادهم وتمنى وجوده معه وكأن الله اراد التخفيف من ألمه فجعله يفتح عينيه على وجه ادهم البشوش وهو يهتف به بمرح : _لالالالا ايه يا ابو خليل ما شاء الله صحتك بقت زي الفل ..انت كنت بتضحك علينا ولا ايه ؟!! ابراهيم بحزن : _بضحك ايه يا بني هو الضحك لسة هيعرف طريق لقلبي بعد اللي حصل ادهم بهدوء محاولا التخفيف عنه : _ليه بس كدة يا بابا ان شاء الله كل شيء هيتحل وزي ما انت عايز بالظبط ابراهيم بكسرة : _ازاي بس يا بني وامك مصممة واتفقت مع الناس على يوم الجمعة الجاي يعني بعد اسبوع هتم خطوبة احمد وياسمين سوا وانا حاسس اني عاجز ومتكتف ومش عارف اتصرف ادهم : _يا بابا عشان خاطري ارتاح انت ومتفكرش في حاجة وسيب كل حاجة على الله ثم عليا وانا باذن الله هحلها ولا انت مش شايفني راجل واد المسئولية ؟ ابراهيم مسرعا : _لا يابني راجل وسيد الرجالة كمان بس ... ادهم مقاطعا : _من غير بس ..قولي انت اوامرك وانا اوعدك كلها هتتنفذ باذن الله ابراهيم بحب : _ربنا يباركلي فيك يا بني ..انا كل اللي انا عايزه اني اطمن عليكم انت واخواتك قبل ما اموت ادهم سريعا : _بعد الشر عليك يا بابا متقلقش وبكرة تشوف انا هعمل ايه ثم اردف بغرور مصطنع : _ده انا ابن ابراهيم الرفاعي بردوا مش أي حد يعني فضحك ابراهيم وشاركه ادهم الضحك ولكنهما توقفا فجأة على فتح الباب ودلوف رقية للغرفة لتطمئن على زوجها رقية وعيناها على ادهم : _السلام عليكم ...ازيك يا ابراهيم عامل ايه دلوقتي ابراهيم بضيق : _الحمد لله ادهم بعجالة : _طيب يا بابا انا هسيبك بقى عشان ورايا مشاوير كتير قبل ما ارجع المنيا مش عايز حاجة ؟ ابراهيم بحنان : _عايزك طيب يابني ...ربنا يهديلك الحال ويوفقك مع السلامة يا غالي فخرج ادهم من الغرفة دون ادنى كلمة والدته التي شعرت بالقهر من جفائه المتعمد معها رقية بغضب : _شايف ابنك يا ابراهيم عجبك اللي بيعمله ده ؟ ابراهيم بتعب : _انا عايز ارتاح يا رقية ومعنديش طاقة للمناهدة معاكي فخرجت رقية سريعا من الغرفة وهي تشعر بقلبها جمرة نار وحدثت نفسها بألم مكبوت : (ليه كدة يا أدهم بتعاملني كدة ليه ..بتحملني ذنب غيري ليه ؟...كان نفسي اشوفك متجوز واحدة بنت ناس ومن مستوى عالي ترفعك لفوق وتكون معاها مرتاح ومتهني مكنتش اعرف انها هتدمرك كدة ومكنتش اعرف انك هتحملني الذنب كدة ...وقلبك الحنين هيقسى على امك كدة ....اااه يا وجع قلبي في بعادك يا ابن قلبي) اما ادهم بمجرد خروجه خلع قناع الهدوء والابتسامة الذي كان يحاول يتقنه امام والده وعادت ملامحه المتجهمة لترتسم على وجهه بوضوح محدثا نفسه بألم بالغ : (ليه يا ماما تعملي فيا كدة ...فادني بايه المستوى العالي اللي هيرفعني اهو وقعني على جدور رقبتي وكسرني ....نفسي ارمي نفسي في حضنك تضميني واحس بحنانك زي ما كنت بتعملي وانا صغير قبل ما يتغير تفكيرك ويصبح كل شيء حوالينا اصله الفلوس والمستوى الاجتماعي ....نفسي احس بقلبك بيطبطب على جرحي ...ااااه يا ماما وحشتيني قوي يااارب يااارب رحمتك اديني الصبر والقوة على اللي جاي يااارب ) ************************* انكبت على الملف امامها تراجعه وتفند الادلة به وتدون كافة ملاحظاتها في مفكرة بجانبها حتى تنبهت من دوامة تلك القضية على يد تربت بهدوء على كتفها مردفة رشا بهدوء : _كفاية يا سلمى قومي ارتاحي شوية انت ماسكة الملف بتدرسيه من 4 ساعات تقريبا متواصل ارحمي نفسك شوية عادت سلمى بظهرها للخلف لتحاول فرد ظهرها الذي تقوس بفعل تلك الجلسة وهمست بتعب : _حاضر يا رشا انا اصلا خلصت كل حاجة فيه وكتبت لسحر كل الملاحظات اللي هتساعدها في القضية دي ....اما اقوم اتفرد شوية على السرير فأومأت رشا برأسها متفهمة مقدار تعبها واتجهت لتلملم هي الملف وتعيد ترتيبه مع المفكرة المتضمنة ملاحظات محور القضية اما سلمى فرقدت على السرير ولكنها لم تستطع النوم فأخرجت هاتفها باحثة عن صور طفلتها وأملها في الحياة هدى وظلت لفترة من الوقت تجوب كل صورها سواء معها او مع جدها وهي معلقة برقبته فأخذها الحنين اليهما فطلبت الرقم وانتظرت صوته الحنون ملاذها الوحيد وأمانها الدائم عبد العزيز : _السلام عليكم سلمى بلهفة : _وعليكم السلام ورحمة الله ازيك يا بابا وازي هدى عاملين ايه ؟ عبد العزيز بضيق : _توك ما افتكرتي ان ليكي اب وبنت يا استاذة سلمى بتعب : _يا بابا حرام عليك مش كل شوية تسمعني الكلمتين دول ...هو انا بلعب ولا في رحلة انا بشتغل يا بابا عبد العزيز : _وان شاء الله الشغل ده هيخلص امتى ؟ سلمى : _لسة شوية يا بابا معلش انا عارفة انني مقصرة معاك بس هانت ان شاء الله هخلص اللي .... عبد العزيز مقاطعا : _بس يا سلمى انا شبعت خلاص من كلامك ده واسمعي بقى دي اخر رحلة هتروحيها.... بعد كدة هتقعدي هنا في المنيا ومفيش خروج برا المحافظة تاني ...انت سامعة سلمى : _يا بابا انا ... عبد العزيز بغضب : _هي كلمة واحدة ومش هتنيها خروج من المحافظة تاني مش هيحصل سلمى : _طيب يا بابا اهدى عشان خاطري وان شاء الله اما ارجع نبقى نتكلم ...معلش مضطرة اقفل دلوقتي ابقى سلملي على هدى مع السلامة يا حبيبي عبد العزيز بتعب : _مع السلامة يا وجعة قلبي وقلة راحتي دلفت رشا للغرفة لتطمئن على سلمى عندما سمعت صوتها رشا وهي تجلس على الفراش بجوار سلمى : _مالك يا سلمى ؟انت كلمتي عمي عبد العزيز سلمى بضيق : _ايوة يا رشا ونفس الموال بتاع كل مرة رشا بهدوء : _معلش يا حبيبتي ان شاء الله نخلص شغلنا هنا وابقي طولي الاجازة معاه شوية عشان يهدى سلمى بضيق : _مش هيهدى يا رشا انا عارفة بابا كويس ...شكله كدة بيدبرلي في حاجة ربنا يستر قاطع كلامهما دخول سحر ومروة سحر بمرح : _مساء الخير على الحلوين بزيادة رشا ضاحكة : _اهي الرايقة جت ....خير يا رايقة كنت فين من الصبح ؟ سحر بمرح : _كنت في سوق البلد بستطلع الاخبار وجبتلكوا اخر اخبار ابن ال....ولا بلاش المهم انا عرفت عنه اللي يخلينا نخلص من امه في جلسة واحدة رشا وهي تحرك يد سلمى : _ها يا سلمى فوقي كدة معانا خلينا نخلص من القضية دي بقى سلمى : _ها اه انا معاكوا اهو سحر ساخرة : _معانا ...معانا فين يا بنتي دا انت في التوهان مروة : _خفي يا سحر على سلمى هي مش في المود دلوقتي سحر : _هو انا قلت حاجة ....المهم اقعدوا بقى علشان نلم ورق القضية دي خلينا نخلص منها بقى ****************************** جلست في صالون فيلتهم شاردة تحلم بحبيبها الذي خطف قلبها من اول نظرة لكنه لم يهتم بها بل لم يراها من الاساس حاولت التقرب من والدته لتقترب خطوة منه لكنه قابلها بتجاهله المعتاد لكل فتيات النادي ولكنها ابدا ليست كباقي الفتيات ولن تكون هايدي بنت اللواء جمال الرشيدي ان لم تجبره على الزواج منها رغم انفه ابتسمت من تلك الفكرة وهي ترى نفسها معه في حفل زفافهم تعلو وجهه ابتسامة فرحة بها يرقص معها ثم يحملها ويدور بها وسط تصفيق الجميع لهم عادت من احلامها الوردية على ادهم وهو يدلف لفيلتهم وترحب به والدتها سوسن بترحاب : _اهلا اهلا يا ادهم نورت يابني ادهم بابتسامة هادئة : _متشكر يا طنط ازي حضرتك سوسن : _الحمد لله يابني بخير ...طمني على والدك اخباره ايه ؟ ادهم : _الحمد لله في تحسن سوسن : _طب الحمد لله احنا كنا ناوين نزوره النهاردة في المستشفى ان شاء الله ادهم : _وماله يا طنط تشرفوا ولم يمر سوى لحظات كانت خلالها قد اعلمت الخادمة اللواء جمال بحضور ادهم ورغبته في مقابلته فحضر على الفور جمال : _السلام عليكم ازيك يا ادهم يابني ادهم وهو يقف يصافحه باحترام شديد : _وعليكم السلام بخير يا عمي الحمد لله ازي حضرتك جمال : _بخير يابني الحمد لله اتفضل اقعد سوسن : _طب عن اذنكم انا ادهم وجمال : _اتفضلي جمال بنظرة رجل شرطة محنك : _خير يا ادهم شكلك بيقول في حاجة حصلت وانت جاي تبلغني بيها ادهم باحراج : _بصراحة يا عمي في موضوع كدة كنت عايز اكلم حضرتك فيه بس بصراحة محرج شوية جمال بابتسامة مطمئنة : _عيب يا ادهم محرج مني انا ...دا انت ابني ولا نسيت لما كنت معايا خطوة بخطوة في شغلي على اساس انك هتكون خليفتي وتدخل شرطة بس بعد كدة بقى غيرت رايك ودخلت طب فاكر فابتسم ادهم لذكريات هذا الرجل معه والذي يعتبره كوالده فهو الصديق الاقرب لوالده وكان المثل الاعلى له طوال حياته ادهم بصدق : _عمري ما اقدر انسى حضرتك ياعمي بس هي الدنيا اللي بتاخدنا بمشاكلها شوية جمال : _خلاص اتكلم انا سامعك ادهم بجدية : _ انا عرفت ان ماما اتفقت مع حضرتك على خطوبة ياسمين وتامر واحمد وهايدي بعد اسبوع صح ؟ جمال بجدية هو الاخر : _ايوة يابني حصل وانا مردتش اني اصمم على ان والدك اللي يكلمني علشان صحته وتعبه ...ليه فيه حاجة ادهم : _بصراحة يا عمي فيه واحد كان متقدم لبابا وطلب يتجوز ياسمين من مدة وكلنا كنا موافقين ما عدا ماما وعشان تحطنا كلنا قدام الامر الواقع اتفقت مع حضرتك علشان تجبرنا نسكت احتراما طبعا لحضرتك ومكانتك عندنا جمال بتعجب : _انت بتقول ايه يا ادهم ازاي ده يحصل وليه ابراهيم ماقليش ادهم بحزن : _بابا اول ما عرف وقع من طوله وعشان كدة اتعرض للازمة اللي بسببها لسة في المستشفى لحد دلوقتي ...بس انا قلت ان حضرتك اكيد هتتفهم الموضوع جمال بتفهم : _لا يا بني وانا ميرضنيش ان ابني يتجوز واحدة غصب عنها وعن ابوها دا حتى يبقى الجواز باطل ادهم : _انا كنت متأكد ان حضرتك مش هيعجبك اللي حصل جمال : _اكيد يا ابني هو فيه حد يرضى عن كدة ...بس الازمة دلوقتي اني عزمت الناس على الخطوبة هنعمل ايه ؟ ادهم : _حضرتك احنا فعلا هنعمل الخطوبة وكل شيء هيمشي طبيعي بس هيبقى احمد وهايدي وياسمين ويوسف منعا للاحراج وعشان نلم الموضوع جمال : _خلاص تمام انا هتكلم مع تامر وهتفق معاه على كل حاجة متقلقش وقول لبابا ميقلقش خالص الموضوع كدة منتهي ادهم : _لسة فيه نقطتين مهمين جدا لازم اوضحهم لحضرتك جمال : _خير يا ادهم اتكلم ادهم : _اولا هو رجاء مني بعد اذن حضرتك مش عايز ماما تعرف أي شيء عن اتفقنا ده عشان متحاولش تغيره والموضوع يعدي بسرعة ومن غير كلام كتير جمال : _تمام وانا موافق وليك وعدي والدتك مش هتعرف حاجة عن كلامنا ده ادهم بامتنان : _متشكر جدا لحضرتك ...ثانيا بقى والدتي كانت قالت لطنط سوسن عن ظروف جواز احمد من مها بنت عمي و.... جمال مقاطعا : _ايوة يا بني احنا عرفناومتعرفش اد ايه اخوك كبر في نظري عشان ستر بنت عمه ولم الموضوع ادهم محاولا كبت غضبه والسيطرة على اعصابه : _يا عمي لو سمحت اسمعني الاول مها بنت عمي لما احمد اتجوزها كانت بكر والطفل اللي هي حامل فيه حاليا ابن احمد اخويا ومن صلبه جمال بعدم فهم : _انا مش فاهم حاجة يا ادهم ولما هو ابنه ليه والدتك قالت كدة ؟ ادهم : _بعد اذن حضرتك اسمعني وانا هفهم حضرتك على كل حاجة وبدأ ادهم في سرد كل حكاية احمد ومها بدءا من صغرهما وقصة حبهما الوليدة منذ الطفولة ومرورا بمشاجرة والده واخيه على الميراث وما خلف عنها من قطيعة استمرت سنوات بين الشقيقين ونهاية بموت عمه شريف وملابسات رجوع العاشقان لبعضهما جمال بغضب : _انا عايز افهم لما اخوك بيحب مراته بالشكل ده وحامل كمان منه عايز يتجوز بنتي ليه ؟ ادهم : _انا اتعودت اني اكون صريح مع حضرتك وملفش وادور بصراحة مش احمد اللي عايز يتجوز بنت حضرتك دي بردوا ماما وده اختيارها جمال بغضب اشد وهو يهب واقفا : _واخوك ده ايه راجل ده ولا مش راجل ولا ابن امه ولا اقول ايه بس مش عارف اوصفه ؟ ادهم واقفا هو الاخر ومحاولا امتصاص غضبه : _يا عمي ماما تعبت من مدة قصيرة واتعرضت لذبحة صدرية كانت هتروح فيها علشان كدة احمد متكتف ومش قادر يعترض على قراراتها خوفا على صحتها جمال بضيق وشراسة : _طب وبنتي ومستقبلها وحياتها ملهمش ادنى اعتبار ولا اهمية عن اخوك ...طب انا لو وقفت كل حاجة الناس هتقول علينا ايه ؟احنا عزمنا الناس وجهزنا كل حاجة ..اعمل ايه ؟ ادهم بهدوء : _من فضلك يا عمي اهدى وانا هقول لحضرتك نعمل ايه علشان نخرج بس من الموقف ده من غير خسائر جلس جمال على اقرب مقعد بتعب واضح : _قول يا ادهم قول ما انا مفيش في ايدي حاجة اعملها ادهم : _اسمع يا عمي احنا هنعمل الخطوبة عادي جدا وبعد كام شهر نفركش ونقول انهم مش متفاهمين او ان احمد عصبي زيادة عن اللزوم واظن دي حاجة بتحصل كل يوم مش جديدة جمال بتوهان : _تفتكر الموضوع بالبساطة دي ادهم : _اكيد يا عمي وضح بس حضرتك ملابسات الموضوع للانسة هايدي وان شاء الله كل شيء هيمشي زي ما احنا عايزينه جمال بقلة حيلة : _ماشي يابني اما اشوف اخرتها ايه ادهم : _طب استأذن انا بعد اذن حضرتك جمال بشرود : _مع السلامة خرج ادهم من الفيلا وهو يشعر بالسعادة لاستطاعته انقاذ ياسمين ومها من مخطط رقية وما يعلم انه سيكون له نصيب الاسد من الالم كالعادة نظير مافعل ومن اقرب الناس اليه في حين جلست سوسن بجانب زوجها الشارد في عالم اخر سوسن : _خير يا جمال ادهم كان عايز ايه ؟ جمال بحزن : _مش خير ابدا يا سوسن سوسن بخوف : _ياساتر يارب في ايه ؟ فسرد لها جمال مختصر ما حكاه ادهم عن احمد وياسمين سوسن : _وانت صدقت ما لازم يقولو كدة على البنت عشانها بنت عمهم وتخصهم جمال بغضب : _طب البنت وبنت عمهم طب واحمد اللي ادهم قالي انه مغصوب على الخطوبة دي عشان امه العيانة سوسن بحيرة : _مش عارفة يا جمال هنعمل ايه طيب جمال بتعب : _احنا اتفقنا اننا نكمل الخطوبة كام شهر وبعد كدة نفركش كل حاجة وهنا ظهرت هايدي بعد ان استمعت لكل كلام والدها : _وانا موافقة على كدة يابابا جمال بتعجب : _هايدي!!!..انت هنا من امتى ؟ هايدي : _من اول الكلام يا بابا وفعلا هو ده الحل الوحيد دلوقتي جمال بتنهيدة : _خلاص تمام لما يجي تامر ياسوسن خليه يجيلي اوضة المكتب واتجه جمال لغرفة مكتبه فهمست سوسن لابنتها : _والله ما انا عارفة ايه اللي بيحصل لينا ده هايدي ببرود : _عادي يا ماما مفيش حاجة متكبريش الموضوع سوسن بغضب : _يعني ايه مفيش حاجة ؟ هايدي بمكر : _يعني الخطوبة هتكمل لجواز وانا بقى اللي هطفش الست مها هانم وساعتها احمد مش هيكون قدامه غيري سوسن بخوف : _تفتكري ده الحل يا هايدي هايدي بتصميم : _اكيد يا ماما انا مش هسيب احمد ابدا ولا هدي الفرصة لمها انها تاخده مني دي بتحلم بس انا بقى هخليهولها كابوس ***************** دلف احمد الى بيته بعد يوم عمل شاق جدا جعله مرهق لابعد حد عندما دخل حمد الله كثيرا ان والدته في غرفتها ولن تنال من اعصابه مثل كل يوم فاسرع خطاه لغرفة ادهم والتي يمكث بها الان والده فاقبل اليه بوجه باسم ليزيح عنه قليل من هموم قلبه ولكنه وجده نائما فقبله على جبينه ثم اتجه بهدوء لغرفته ليجد مها قابعة على الفراش تضم ساقيها لصدرها وتسند راسها فوقهم بشرود ودموعها تنزل دون وعي منها فآلمه قلبه عليها فنادى عليها بهمس فانتبهت له فاسرعت بمسح دموعها حتى لا يراها ورسمت بسمة هادئة على ثغرها وهبت واقفة اليه احمد : _السلام عليكم مها باسمة وهي تساعده لخلع بدلته : _وعليكم السلام ورحمة الله..حمد الله على السلامة يا احمد احضرلك العشا ؟ احمد هو يجذبها لصدره محاوطها بيديه : _لا يا مها انا مجرد اني اشوفك قدامي وبين ايديا بحس اني شبعت وارتحت مهما كان تعبي مها وهي تتشبث به كطفلة صغيرة تتشبث بوالدها : _ربنا يخليك ليا يا احمد احمد بهدوء وحنان : _ويخليكي ليا يا قلب احمد ..مها انا عارف انك مضغوطة جامد واني مقصر معاكي في موضوع الخطوبة ده بس .... مها واضعة يدها على شفتيه مانعة اياه من الكلام : _انا عشان راحتك يا احمد مستعدة ارمي نفسي في النار يا حبيبي احمد مقبلا اصابعها بحب واحدا تلو الاخر : _انت نعمة كبيرة من ربنا يا مها ...اوعدك يا حبيبتي هي فترة بسيطة كدة علشان ماما بس وهفركش كل حاجة وهاخدك من هنا ونسافر المنصورة نعيش هناك مها بسعادة غامرة : _بجد يا احمد هنرجع المنصورة تاني ؟!!!!! احمد بتأكيد : _اكيد ان شاء الله بس نخلص من الموضوع ده على خير مها بتضرع : _يارب يسهلنا امورنا ويتحل الموضوع ده ياارب احمد بمكر : _ان شاء الله يا حبيبتي هانت ..المهم انا كنت عايزك في موضوع كدة مها بخجل : _احمد احمد هائما : _عيون احمد وقلب احمد ..تعالي بس دا الموضوع كبير ********************** عاد ادهم فرحا بما يعتقد انه حققه من انجاز فقابل عبد الرحمن على كرسيه المتحرك يتلو ما تيسر من ايات الله فاقبل عليه باسما ادهم : _السلام عليكم ازيك يا عمي ؟ عبد الرحمن : _وعليكم السلام الحمد لله يابني طمني ايه الاخبار ؟ ادهم بفرحة : _الحمد لله يا عمي جهزت كل حاجة وربنا يوفقنا ويعدي بكرة على خير عبد الرحمن بامتنان : _بجد يابني ربنا يباركلك ..يوسف لو كان له اخوات مكنوش هيعملوا معاه اللي انت بتعمله ده ادهم بضيق مصطنع : _ايه ياعمي ما انا اخو يوسف ولا ايه يا جو ؟ لم ينتبه ذلك الجالس باحد الاركان وكأنه في عالم اخرفنادى عليه والده يوسف بشرود : _ها ..اهاه ربنا يخليك لينا يا ادهم ادهم بقلق : _مالك يا يوسف في ايه ؟ _يوسف بتوتر : _خايف قوي يا ادهم ان بكرة ميعديش على خير ادهم بهدوء : _يابني سبها لله ثم ليا انا جهزت كل حاجة متخافش ان شاء الله خير عبد الرحمن : _قوم يابني صلي لله وادعيله ..وان شاء الله ربنا يوقف معاك يوسف باستسلام : _حاضر يا بابا أدهم : _استنى يا يوسف خدني معاك وقاما الاثنين متوجهين لمن بيده ملكوت السموات والارض داعين متأملين في رحمته ان يمر اليوم التالي على خير وكلاهما لا يعلمان ما ينتظرهما في الغد احدهما سيكون اليوم التالي له بداية حياة والاخر بداية ألم من نوع جديد تفتكروا يوم الخطوبة هيمر بسلام ؟ تامر هيسكت على حقه في ياسمين ؟ رقية ما فعلها عندما ترى يوسف بجانب ياسمين في القاعة بدل تامر ؟ من أي شخص ستكون الضربة الجديدة لقلب الرفاعي ؟ الحلقة التاسعة عشر كان يزرع الغرفة ذهابا وايابا بتوتر وغضب بالغ حتى دلف اليه رجله الامين وذراعه الايمن باخر الاخبار التي ينتظرها على احر من الجمر عبد الله بغضب بالغ : _انت فين يازفت من الصبح ؟ الرجل بتوتر : _كنت بجيبلك اخر اخبار بنت الرفدي يا جناب البيه عبد الله : _ما تنطق على طول يا بجم هي فين ؟ الرجل بخوف : _في اسيوط يا جناب البيه تحب ننفذ هناك عبد الله صارخا : _لا لالا قلت ميت مرة لا ضربتي ليها وكسرتها مش هتكون غير وسط اهلها عشان اذلها زي ما عملت فيا وضيعت مني وردة.. واردف بتصميم شيطاني : _لكن وحق الله لاكون مخلص منها كل حاجة وكسرها في بلدها وجوه بيتها استني عليا انا هوريكي ياسلمى مين هو عبد الله السيوفي ***************************** في اليوم المنتظر يوم الخطوبة والاحتفال بانهيار قلب مها وتتويج ياسمين ملكة على عرش يوسف, كان العمل على قدم وساق من اجل التجهيزات التي اتفق عليها ابراهيم وادهم دون علم أي شخص حتى احمد العصبي جدا والذي قارب على الفتك بمن حوله وكذلك يوسف المتوتر جدا الفاقد لاعصابه وكلاهما متواجد باحدى غرف الفندق الذي ستتم به الحفلة من اجل تجهيزهم كان الجو السائد مشحون بعصبية احمد المفرطة فلم يحاول احد الاقتراب منه . على الجانب الاخر كانت هناك غرفتان لتجهيز العروستان هايدي المتألقة والتي كانت تحلم بذلك اليوم منذ شهور عديدة لذلك كانت ترغب ان تكون متميزة لابعد حد كما انها علمت ان مها في الفندق فارادت ان تريها كم هي فاتنة وهذا ماحدث بالفعل مع فستان كهذا اما ياسمين فكانت تتصبب عرقا من توترها من اتجاهين مختلفين تماما اولهما خوفها الشديد من امها حينما تعلم ان عريسها المنتظر هو يوسف وليس تامر والاخر هو رهبتها من تحقيق حلمها وسؤال ملح كان يراود فكرها باستمرار هل يمكن ان تكف الدنيا عن ملاحقتها بالصفعات الواحدة تلو الاخرى ؟اترضى عنها اخيرا ؟ايتحقق حلم عمرها وترتبط بمن امتلك قلبها وعقلها وكل حياتها ؟ زفرت بضيق من خوفها ودعت الله بقلبها ان يكمل فرحتها على خير ولكنها انتبهت لمن كانت معها في الغرفة تساعدها يد بيد مع فتيات التجميل لتجهيزها ياترى كيف تشعر مها الان وهى تعلم ان بعد ساعات قليلة سيكون زوجها مع اخرى احتفالا بارتباطهما حقا شعور صعب لا تتمنى ابدا تجربته حتى لاشد اعدائها ولكن على العكس كانت مها باسمة تجهز ياسمين كأخت لها ولا احد يعلم مدى الألم بداخل صدرها تم تجهيز ياسمين التي تخلت عن تفكيرها القديم الموضة والتميز وكان مايشغلها ان ترتبط بيوسف ولو كانت سترتدي فستان بيتي لذلك لم تهتم بشيء وكان اختيار فستانها على ذوق مها ورغم بساطته لكنه اظهر جمالها وجعلها كأميرة هاربة من الاساطير القديمة وكان هذا ما اراده يوسف البساطة وهو ما حققته مها بذلك الفستان *************************** مرت الساعات وتم تجهيز العروستين في انتظار خروجهما حاولت مها الهروب من الفندق حتى لاترى شيء ولكن ياسمين تشبثت بها بقوة لتكون معها في تلك الليلة ونست تماما ان مها بالذات اكتر شخص يعاني من تلك الليلة ياسمين برجاء : _خليكي معايا يا مها عشان خاطري مها بألم تحاول كبته : _مقدرش يا ياسمين ..انا استنيت معاكي لحد ما جهزتي لكن مقدرش احضر الحفلة ارجوكي اعذريني ياسمين بتوتر : _انا خايفة قوي يا مها وماليش غيرك مها ببكاء لم تستطع التحكم به : _متضغطيش عليا ربنا يكفيكي شر اللي انا حاسة بيه دلوقتي ....انا لو حضرت هموت يا ياسمين مقدرش اشوف احمد مع واحدة غيري مقدرش ياسمين بشفقة وهو تحتضنها : _حقك عليا يا مها من قلقي نسيت موضوع احمد انا اسفة حبيبتي ...وبعدين متقلقيش هي فترة وان شاء الله كل شيء هيتصلح مها وهي تمسح دموعها حتى لا يراها عمها : _طب يالا وانسي كل حاجة العريس مستنى الاميرة بتاعتنا ابراهيم الذي جاء ليأخذ ياسمين : _السلام عليكم مها /ياسمين : _وعليكم السلام ابراهيم : _جاهزة يا ياسمين ياسمين بقلق : _جاهزة يا بابا ابراهيم وهو يطبع قبلة على جبين ياسمين : _ربنا يوفقك يابنتي ويتمم لك على خير ثم التفت لمها : _سامحيني يا مها مقدرتش احافظ على امانة اخويا شريف مها بابتسامة : _متقلقش يا عمي ان شاء الله كل حاجة هتتصلح ..انزل انت مع ياسمين ومتقلقش عليا ابراهيم وهو يضمها لصدره : _ربنا يكملك بعقلك يابنتي وما يحرمنيش منك ابدا ....يالا يا ياسمين ونزلت ياسمين متأبطة ذراع والدها الى أسفل ليقدمها ليوسف وهو يوصيه عليها فهي حبة قلبه ولن يتهاون ابدا مع من يغضبها او يكون سبب في حزنها فقدم له يوسف فروض الولاء والطاعة وهو يقسم بأغلظ الايمان انها تمتلك قلبه وانه ابدا لن يغضبها يوما مما اثار ضحك الجميع الا شخص واحد كان على وشك الفتك بهم جميعا ولم يكن سوى رقية كانت مها تتبعهم لتخرج من الفندق ولكنها وقفت لترى يوسف وياسمين وتدعو لهم من قلبها ان تتم فرحتهم على خير وعندما التفتت لتخرج وجدت نفسها امام السلم الاخر وهايدي تنزل منه متأبطة ذراع والدها ليسلمها لأحمد الذي تناول يدها وتحدث مع والدها قليلا مبتسما ثم صار معها الى القاعة طنين نغمات الموسيقى التي عمت المكان كانت مجرد طنين باذن مها الذي انهار اخر حصون قدرتها على التحمل فلو كان لكسرة القلب صوت لدوى صوت كسر قلبها في تلك اللحظة كانفجار تداعت قوتها بكت بهستيريا وهي تندفع لتخرج من ذلك المكان كانت تتنفس بصعوبة شديدة دموعها حجبت عنها الرؤية الا مشهد احمد مع اخرى فكانت فعليا تتخبط في طريقها حتى اصطدمت بشخص وكادت تسقط سارع الشخص باسنادها ومحاولة الاقتراب منها فلم يزدها هذا الا مزيدا من الهستيريا والصراخ وهي لا ترى امامها مها بانهيار : _ابعد ....ابعد عني ادهم محاولا تهدئتها : _اهدي يا مها انا ادهم ...مها سمعاني ...اهدي عشان ابنك مها محاولة التشبث به : _ادهم ...الحقني ...مش ...قادرة ...اتنفس ..أده... وسقطت مها فاقدة الوعي فكان من رحمة ربنا بها ان غلف عقلها بتلك الاغماءة ليريحها قليلا من عذابها والذي ان استمر كان سيكون الثمن جنينها ولا شك اسرع ادهم بحملها الى سيارته ومنها للمستشفى صارخا بمن حوله ان يرسلوا له طبيبة نسائية فورا ولم تمر لحظات حتى كانت نجلاء تقوم باسعافها فخرج ادهم من الغرفة محاولا تمالك اعصابه فمازال اليوم باوله وهو عليه الكثير من المسؤليات الان بعد فترة ليست بقليلة خرجت اليه نجلاء فانتفض اليها يسألها عن حالة مها الصحية نجلاء : _اطمن يا أدهم الضغط كان عالي قوي بس انت لحقتها الحمد لله في الوقت المناسب ...صحيح هي مين دي قريبتك ؟ ادهم : _دي مها بنت عمي وزوجة اخويا احمد نجلاء : _طيب حمد الله على سلامتها يا سيدي ...وهو فين اخوك صحيح مجاش النهاردة مسافر ولا ايه ؟ ادهم بحزن : _بيتجوز نجلاء بصدمة : _نعم !!! انت بتقول ايه ؟ ادهم : _نجلاء الموضوع كبير بعدين هحكيلك ...المهم دلوقتي عايزك جنبها على ما اروح مشوار مهم وارجع مش هتأخر ماشي ؟ نجلاء : _ماشي يا سيدي ولا يهمك انا بنفسي هفضل جنبها لحد ما ترجع متقلقش ادهم : _متشكر قوي يا نجلاء ربنا يكرمك ياارب *********************** كان الغضب يموج بعقلها فيكاد يقتلها كمدا وهي ترى كل تعبها وتخطيطها لضمان مستقبل ياسمين يضيع هباء بارتباطها بذلك اليوسف والذي ان استطاعت ان تقتله الان لن تتردد ولكن ذرات قليلة متبقية من عقلها جعلها تلتزم الصمت حتى لا تثير فضيحة تجعلهم محط الافواه لشهور قادمة ولكن هذا لن يوقفها عن افراغ غضبها بأحد ومن حظه الاسود كان هو من أمامها فاندفعت اليه تعاتبه بغلظه على عدم الاهتمام برأيها في تحديد مستقبل ابنتها رقية بغضب بالغ : _ايه اللي بيحصل ده يا ابراهيم ؟ازاي يوسف هو اللي يخطب ياسمين ؟هو لعب عيال وعند وخلاص ؟ ابراهيم بهمس يغلفه القسوة والغضب : _انا لا عايز اسمع صوتك ولا أشوفك قدامي ..ايه رايك ؟...ولو سمعت منك كلمة واحدة يا رقية هتكون الليلة دي اخر ليلة بينا ..واضح ؟ وتركها ذاهلة من نبرته التي لاول مرة تسمعها منه وابتعد بعيدا عنها ينظر بفرحة لفرحة ابنته وابتسامتها السعيدة بجوار من اختاره قلبها ولكن عندما ينظر للطرف الاخر يألمه قلبه على ابنه وابنة اخيه وما صار لهما من قسوة ام غافلة وبين نغمات الحفلة الصاخبة ورقص العروسين الحالمين ياسمين ويوسف ورقص الغاضب الذي يشتعل الغضب بداخله احمد مع الماكرة هايدي فجأة توقفت الموسيقى ليعودوا جميعا لأماكنهم ويظهر ادهم ومعه عدد من الاشخاص متجهين الى جانب المسرح والذي وضع عليه منضدة كبيرة والتف حولها هؤلاء الرجال واتجه ادهم لياسمين واتبعه والده ادهم بفرحة : _مبروك ياحبيبتي مبروك يا يوسف ..خلي بالك من ياسو والا هتضطر تواجهني وانت عارفني يوسف ضاحكا : _لا متقلقش يا ادهم دي في عنيا وقلبي ابراهيم بجدية : _ها يا ادهم كله تمام ادهم : _تمام يا بابا يالا يايوسف ياسمين بقلق : _في ايه ؟انت هتاخده على فين ؟ ادهم ضاحكا : _متخافيش مش هقتله الا لو زعلك ....شوية وهيرجع متقلقيش وهنا اقترب تامر ليفهم ماذا يحدث بناء على تعليمات هايدي له بمراقبتهم عن قرب لمعرفة كل تخطيطهم ومحاولة الاستفادة منه لابعد حد ولترد لتامر كرامته بتدميرهم وخاصة ياسمين تامر : _في ايه يا ادهم خير ؟ ادهم باسما : _لا مفيش يا تامر بس هنكتب كتاب ياسمين تامر بحزن : _ايه ؟!!...الف مبروك واتجه تامر لهايدي واعلمها عم ينتوون عليه فهمست له ببعض الكلمات وهي تبتسم بمكر ومدى سهولة تخطيطها فأومأ برأسه موافقا ثم اتجه لمنسق الاغاني واخذ منه مكبر للصوت وتحدث معلنا : _معلش يا جماعة ارجو الانتباة ليا شوية بعد اذنكم ...الحقيقة انا عايز اهني الانسة ياسمين والاستاذ يوسف واختي حبيبتي هايدي والدكتور احمد بعقد قرانهم واللي هيتم دلوقتي بناء على رغبة العرسان فانقلبت القاعة بالتصفيق والتصفير وفرحة من جميع المدعوين الا عدد من الافراد كادت الصدمة توقف انفاسهم اتجه جمال بغضب جامح جاذبا ابنه من ذراعه مؤنبا اياه بحدة : _ايه اللي انت عملته ده ياغبي ...انا مش مفهمك انها مدة وهننهي كل حاجة تامر بصدمة مزيفة : _ايه ده ؟!يعني انا فهمت ادهم غلط ؟انا اسف يابابا مأخدتش بالي جمال بغضب : _هعمل ايه باسفك دلوقتي ؟حسبي الله ونعم الوكيل فيك وتركه غاضبا متجها الى ادهم وابراهيم اما سوسن فاندفعت لابنتها : _ايه اللي حصل ده يا هايدي انا مش فاهمة حاجة ؟ هايدي بابتسامة ماكرة : _ولا حاجة مش قلتلك الجوازة دي هتكمل غصب عن عين أي حد منهم سوسن بصدمة : _يعني انت اللي .... هايدي مقاطعة : _ايوة انا اللي دبستهم فنظرت لها سوسن بذهول ولم تجد كلمات تعلق بها على هوس ابنتها والذي قد يوقعها في مشاكل لاحصر لها ولكنها لا تملك فرصة التحدث الان اما ذلك الغاضب والذي انتفض من مكانه بمجرد اعلان تامر واتجه بغضب جامح لاخيه وابيه وهو يكاد يفجر من امامه ببراكين غضبه المشتعلة احمد بغضب : _هو فيه ايه ؟انتم بتحطوني قدام الامر الواقع ...دي اخرتها يا ادهم ..بتعمل ليه كدة ,انت عايز تخرب بيتي يا شيخ حرام عليك انا هلقيها منين ولا منين ابراهيم : _اهدى يا احمد اخوك مالوش ذنب هو بس .... احمد بانفعال : _هو ايه ؟عايز يقضي عليا ويموت مراتي بحسرتها ؟ليه كدة ,اول مرة يا ادهم اعرف ان جواك كل الحقد ده مستخسر فيا اعيش متهني مع مراتي عشان انت مقدرتش تجرب الحب وخطيبتك خانتك, فعلا قلبك اسود ابراهيم بغضب وهو يجذبه بعيدا عن اخيه : _انت مجنون اخوك معملش حاجة ادهم بحزن : _سيبه يا بابا انا مش هحاسبه دلوقتي لما نخلص من اللي احنا فيه ده اول رقية التي جاءت غاضبة من عقد قران ياسمين وارادت توريط احمد اكثر بهايدي : _اظن دلوقتي معدش ينفع غير انك تكتب كتابك على هايدي يا احمد والا هتبقى فضيحة جمال بموافقة : _فعلا هو ده الحل الوحيد ..انااسف بس ابني فهم غلط وبالتالي لازم ننفذ ...ارجوك يا احمد الناس هتقول علينا ايه ؟ ادهم محاولا تدارك الموقف وحله : _يا جماعة من فضلكم اهدوا وكل ...... احمد مقاطعا بغضب اعمى : _ياريت لو تسكت حضرتك او اقولك فعلا زي ما ماما قالت ياريت ترجع من مكان ما جيت كفاية كدة ادهم بصدمة : _انت بتطردني يا احمد ؟!!! ابراهيم بغضب : _وبعدين بقى اعملوا احترام لوجودي انتم الاتنين ادهم بألم : _اسف يا بابا واسف يا احمد انت عندك حق انا فعلا معدش ليا مكان بينكم اوعدك معنتش هتشوفني تاني رقية وقد رق قلبها وشعرت بوجعه : _ادهم .. ادهم بحزن : _عن اذنكم واندفع ادهم خارجا من القاعة والفندق وحياة اهلة امه واخواته وقلبه يكاد يشتعل بنار القهر يكاد يخرج من بين ضلوعه بل لو كان باستطاعته لكان اخرجه بيده ليرتاح من تلك الحياة التي لا تتوانى ابدا عن طعن قلبه مرة وراء الاخرى بنصل حاد يقطع قلبه لأجزاء مفتتة فها هي عائلته تتخلى عنه واحد تلو الاخر بدءا من امه ومرورا بأخيه . خرج ادهم وهو يكاد لا يرى امامه من شدة ألمه ولكنه تماسك فهو مازال الرجل الذي دوما يلقبه والده برجل المهمات الصعبه وهو ابدا لن يخذله فاتجه بسيارته الى المستشفى التي تقبع بها مها ليطمئن عليها اولا وعندما دخل اليها وجد نجلاء معها بالغرفة لم تتركها كما وعدته ادهم : _مها اخبارها ايه يا نجلاء ؟ نجلاء : _متقلقش يا ادهم انا كل فترة بقيس الضغط والحمد لله اتظبط انا بس ادتها مهدئ عشان تنام شكلها مرهق جدا وكأنها بقالها كتير منامتش ادهم : _متشكر قوي يا نجلاء مش عارف اشكرك ازاي نجلاء : _عيب يا ادهم احنا اخوات وانا مهما عملت مش هقدر اوفي جميلك عليا كفاية انك انت اللي مراعي امي وواخد بالك منها ادهم : _بس يا نجلاء متقوليش كدة يعلم ربنا انا بحبها يمكن اكتر من امي نجلاء : _عارفة والله يا ادهم ربنا يكرمك يارب ادهم بحرج : _معلش يا نجلاء عايز منك خدمة نجلاء : _أؤمر يا سيدي خير ادهم : _الامر لله وحده انا مضطر ارجع المنيا دلوقتي بس مش مطمن على مها لان مفيش حد من العيلة يعرف انها هنا فا انا هديكي رقم احمد اخويا خليكي وراه لحد مايرد عليكي وبلغيه انها هنا ومعلش خليكي جنبها لحد ما يجي نجلاء : _حاضر من عنيا دي حاجة سهلة جدا بس ممكن سؤال ؟ ادهم : _اسألي خير نجلاء : _انت مالك يا ادهم حاسة انك متغير كدة ومش طبيعي ادهم : _ارهاق بس يا نجلاء وتعب من الايام اللي فاتت المهم انا لازم اسافر دلوقتي نجلاء : _خلاص يا ادهم سافر انت بالسلامة ومتقلقش على مها دي في عنيا ادهم : _ربنا يباركلك يا نجلاء متشكر قوي ,اشوف وشك بخير نجلاء : _مع السلامة تفتكروا ايه رد فعل احمد لما يعرف اللي عمله ادهم عشانه ؟ وايه رد فعل رقية على ياسمين ؟ وهل ستنجو مها من براثن رقية وهايدي ؟ وما حال ادهم بعد رجوعه الى المنيا ؟ وما المفاجأة التي تنتظر ادهم في المنيا والتي ستقلب حياته راسا على عقب ؟ انتظروني في الجديد الحلقة العشرون انتهت الحفلة وكل عاد الى بيته ورأسه يحمل من الافكار والهموم الكثير والكثير وخاصة أحمد وغضبه من توريط أدهم له ,وابراهيم وهو يرى بداية الخلاف والفرقة بين ابنائه تلوح في الافق ,ورقية الحزينة على جرح أدهم والغاضبة من زواج ياسمين رقية بضيق : _جوزت ياسمين ليوسف يا ابراهيم غصب عني ؟!! ابراهيم بغضب : _انت تسكتي خالص ,انت السبب في المصيبة دي من الاول ياسمين برجاء : _يا ماما ..... رقية بغضب مقاطعة : _انت تخرسي خالص انت من هنا ورايح مالكيش ام ...انت فاهمة ؟ ياسمين ببكاء : _يا ماما ارجوكي رقية بحدة : _خلصنا ,هي كلمة وخلاص ابراهيم زافرا بضيق : _روحي يا ياسمين على اوضتك دلوقتي وانت كمان يا احمد وبكرة ان شاء الله ليا معاك حساب طويل احمد بضيق وانفعال : _علشان ادهم مش كدة ,كل حاجة ادهم ,بتخافوا عليه من الهواا من النسمة ...واحنا ايه ملناش أي شيء ,كل حاجة حاسب اخوك متزعلش اخوك ...اخوك وانا فين من ده كله ؟البيه سابنا وسافر لحياته في المنيا وانا ضحيت بمراتي وابني علشان زعلكوا وفي الاخر بردوا بتيجوا عليا علشانوا ...اعمل ايه اكثر من كدة عشان تحسوا بيا ابراهيم بغضب هادر: _تخرس احمد بصدمة : _بابا !! ابراهيم بغضب : _ايوة تخرس لما تكون مش فاهم حاجة ولا عارف هو عمل ايه عشانك تبقى تخرس ومسمعش صوتك وتغور من وشي تشوف مراتك فين فاندفع احمد غاضبا الى غرفته وكذلك فعلت ياسمين وهي مكسورة من كلام والدتها السام ابراهيم بغضب : _ارتحت كدة يا رقية لما الاخوات كرهوا بعض ...ارتحت لما اولادنا اللي كنا بنفتخر بحبهم لبعض بقوا مش طايقين بعض رقية بضيق : _انت السبب ابراهيم بعنف : _انا السبب ؟تصدقتي عندك حق ما انا لو كنت جبتلهم أم حقيقية مكنش ده حصل رقية بصدمة : _أم!!!! امال انا ايه يا ابراهيم ؟ ابراهيم بقسوة علها تفيق قبل فوات الاوان : _انت قلبك حجر مفيش فيه لا حب ولا رحمة انت ..... قاطعه احمد وهو يأتي مهرولا اليهم : _الحقني يا بابا مها مش هنا وفيه دكتورة من المستشفى كلمتني بتقول مها عندهم ابراهيم بفزع : _ايه ؟!!يا لا يا احمد نروح نشوفها بسرعة رقية بسخرية : _بدأنا التمثيل بدري ابراهيم بغضب : _حسابك معايا تقل قوي يا رقية بس هانت اطمن على مها ولكل حادث حديث **************** وخرج ابراهيم واحمد الى المستشفى وهناك اندفع احمد سائلا عن غرفتها واندفع اليها وكله قلق ورعب من فكرة فقدانها وهو كم عانى ليالي طويلة ساهدا عشقا واشتياقا لها اتضيع منه بعد ان صارت ملكه ؟ احمد بخوف وهو يفحصها بعينين مشتاقتين : _مها حبيبتي ردي عليا يا مها قومي عشان خاطري نجلاء : _متقلقش يادكتور هي كويسة الحمد لله ابراهيم : _ايه اللي حصلها يا بنتي ؟وجت هنا ازاي ؟ نجلاء : _هي كان ضغطها عالي قوي وكان ممكن يسبب موت الجنين بس الحمد لله ادهم لحقها في الوقت المناسب وهو اللي جابها هنا وخلاني افضل جنبها لحد ما تيجوا احمد بذهول : _ادهم !معقول !!!! ابراهيم بنظرة عتاب لم يفهمها غير احمد فاخفض راسه خزيا ممافعله باخيه : _مش غريبة على ادهم ...بس هي حالتها ايه دلوقتي يا دكتورة ؟ نجلاء : _متقلقش حضرتك هي كويسة انا ادتها حقنة مهدئة لانها كانت منهارة جدا فا مش هتفوق غير على الصبح كدة يعني ممكن تمشوا وتيجوا الصبح تكون فاقت احمد رافضا بشدة : _لا انا مش هسيبها هفضل جنبها لحد ما تفوق ابراهيم : _ولا انا هسيبها تقدري تتفضلي انت يابنتي احنا عاجزين عن الشكر نجلاء : _متقولش كدة حضرتك ادهم خيره علينا كلنا ,انا بس كنت عايزة انبه ان بلاش تتعرض لاي انفعال لانه هيبقى خطر عليها وعلى الجنين ابراهيم : _ان شاء الله خير يابنتي وخرجت نجلاء من الغرفة في حين جلس احمد على مقعد بجانب السرير وهو يمسك بيدها بين يديه خائفا مرعوبا من فكرة فقدها كما تطرق به تفكيره لما فعله ادهم وصار عقله يحاول يحلل الموقف من جديد لمحاولة كشف لغز ما حدث في حين جلس ابراهيم على اريكة باخر الغرفة يتابع ملامح ولده الشاردة في صمت مهيب دقائق عدة حتى قرر قطعه واعلام ابنه بخطئه قبل اتساع الفجوة بين الاخوين ابراهيم : _عرفت غلطك يا دكتور يا كبير ولا لسة ؟ احمد بتعب : _ارجوك يا بابا مش وقته الله يخليك ابراهيم بحدة : _لا وقته يا احمد لازم تعرف ان اخوك راح لحماك وقاله كل حاجة واتفق معاه ان خطوبتك هتكون شهرين تلاتة بس وبعدين تسيب بنته وفضل وراه لحد ما خلاه يوافق على كدة وهو اللي جاب المأذون عشان ياسمين مش عشانك بس تامر هو اللي اتسرع واعلن ده من دماغه قدام الناس عشان يحطنا قدام الامر الواقع يعني اخوك مالوش ذنب في حاجة هو كان هدفه يجبر امك على يوسف احمد بذهول : _مش ممكن يعني عمي جمال عارف اني مش عايز بنته ابراهيم : _ايوة يا سيدي والبركة في اخوك اللي طردته قدام اللي يسوى واللي ميسواش من خطوبتك ومن حياتك وهو عمل ايه راح انقذ مراتك وابنك من الموت احمد العاقل البارد المتحكم في اعصابه لابعد حد ...بكى نزلت دموعه عندما علم مافعله اخيه عندما شعر بكم الطعنات التي وجهها بيده لقلب اخيه : _انا مش عارف انا عملت كدة ازاي ,بس انا فكرت انه عمل كدة عشان يصالح ماما على حسابي انا ومها ابراهيم بانفعال : _عشان غبي متعرفش ان اخوك بيعمل الصح حتى لو على حساب نفسه المهم ان ضميره يكون مرتاح احمد بألم : _اعمل ايه يابابا انا حاسس اني بتقطع من جوايا ابراهيم بقسوة عله يعود لرشده : _لازم تتقطع لانك الكبير اللي كنت بقول عليه هو ده اللي هيضم اخواته تحت جناحه من بعدي طلعت اول اللي فرقهم احمد بوجع : _ارحمني يا بابا عشان خاطري انا مش مستحمل ابراهيم : _خلاص اللي حصل حصل خلينا في الغلبانة دي اما نشوف هنوصلها اللي حصل ده ازاي احمد باندفاع : _لالالالا يا بابا ارجوك مها مش لازم تعرف حاجة عشان خاطري دي ممكن تروح فيها احنا هنعمل زي ما ادهم قال نستنى شوية وبعدين اطلقها ابراهيم : _ربك ييسر لنا الخير ويهدي امك ومتقولهاش احمد بتصميم : _انا هتفاهم مع ماما وهعرف ازاي اقنعها سيبها عليا ابراهيم : _ماشي اما اشوف اخرتها معاك انت وامك ************************ مرت الايام سريعا وعاد ادهم لمزاولة عمله كسير القلب والروح وطبعا لم يلحظه سوى واحدة شعرت بألمه وعلمت انه لم ينجو من براثن عائلته ولكنه أنكر ولم يحكي لها أي شيء وظل على حاله ادهم : _السلام عليكم ازيك يا ماما ؟ فاطمة وهي ترحب به في منزلها : _وعليكم السلام بخير يابني اتفضل تعالى ,مالك يا ادهم دايما كدة حزين ومش بتتكلم خالص ادهم دون النظر اليها : _لا ابدا يا ماما بيتهيألك انا كويس قوي الحمد لله فاطمة بجدية : _على ماما يا ادهم ,انت من اخر مرة سافرت فيها القاهرة وانت رجعت مش على بعضك ادهم محاولا التهرب من الاجابة : _لا ابدا صدقيني انا كويس ..المهم طمنيني عنك يا بطوط اخبارك ايه ؟ علمت فاطمة انه يريد تغيير الموضوع فسايرته ولم تشأ ان تضغط عليه فردت ضاحكة : _انت بتثبتني يا واد انت طب انا بقى ..... قاطعها رنين هاتفها الذي صدح فجأة معلنا عن اتصال من عبد العزيز فسارعت بالاجابة فاطمة : _السلام عليكم عبد العزيز : _وعليكم السلام الحقيني يا حاجة فاطمة انا بحاول اتصل بأدهم بس تليفونه مقفول متعرفيش هو فين فاطمة بقلق : _هو عندي يا حاج ..فيه ايه طمني انت بخير ؟ عبد العزيز بلهفة : _انا بخير بس هدى تعبانة قوي ومش عارف اتصرف خليه يجيني بسرعة الله يخليكي فاطمة : _متقلقش يا حاج ان شاء الله خير ,مسافة السكة وهنكون عندك مع السلامة واغلقت الهاتف وهي تسرع لترتدي عباءتها وطرحتها هاتفة بأدهم سريعا : _بسرعة يا ادهم خلينا نروح للحاج عبد العزيز أحسن هدى تعبانة قوي خرج معها ادهم ولكنه لم يستطع كبت فضوله فسألها : _مين هدى دي يا ماما بنته ؟ فاطمة وهي تسرع في الخطى : _لا حفيدته بنت بنته سلمى بسرعة يابني الله يسترك واسرع ادهم بسيارته ومعه فاطمة ولم تمر سوى 10 دقائق كان كلاهما في الفيلا ليسرع اليه عبد العزيز مستنجدا به : _الحقني يابني البنت بتصرخ من الألم وأنا مش فاهم مالها أدهم : _خير ان شاء الله يا حاج ممكن اشوفها فاتجه معه عبد العزيز لغرفتها لكنه لم يدخل معه بقدر قوته وسلطته الا انه لا يتحمل ألمها قلبه الحجر القاسي يأتي لعند هدى ويذوب ويصير هلام بين يديها وهذا ما جعل ادهم يدلف اليها وحده في حين انتظره عبد العزيز خارج الغرفة يتوجع من صراخها فوقفت معه فاطمة تحاول الهائه بالحديث عن سلمى واين هي ؟ اما ادهم فبمجرد دخوله اليها حتى تجمد مكانه للحظات لا يعلم تحديدا ما حدث له مجرد متاهة ..... شعر بالتيه بعيناها المدمعة الباكية رأى فيهما لمحات حزن متأصلة فيهما وانعكست بشدة على ملامحها الطفولية الخجولة رغم سنوات عمرها الخمس .. شعر ان تلك الفتاة ومنذ اول لقاء بينهما استطاعت سرقة قلبه وعقله لكنه تنبه على صوت صراخها فنفض رأسه من تلك الافكار واتجه اليها ليمارس عمله بعملية وجدية لم يسطع الالتزام بها لتغرقه هدى في بحور براءتها اللذيذة وتجبره على التعامل معها بعمرها وليس بعمره ابدا خرج ادهم من الغرفة بعد اجراء الكشف عليها سريعا حتى لا يألمها اكثر مع ان قلبه كان يتمنى ضمها وتهوين ألمها بقدر استطاعته لكنه خرج ليتفاهم مع جدها بشأن مرضها وهذا الاهم الان . عبد العزيز : _خير يابني طمني الله يكرمك ادهم : _لازم تتنقل المستشفى حالا عبد العزيز بصدمة وتوهان : _مستشفى!!!! البنت هتروح مني ؟ فاطمة : _استهدى بالله يا حاج ان شاء الله خير ...حالتها ايه يا ادهم ؟ ادهم : _يا جماعة اهدوا ان شاء الله خير انا بس شاكك انه ممكن يكون التهاب الزائدة الدودية ...فمحتاج اعمل لها شوية تحاليل عشان اتأكد قبل العملية عبد العزيز بتوهان : _عمليه !! هدى هتضيع مني ؟ ادهم : _يا عمي اهدى والله العملية دي بسيطة جدا اهدى انت بس وسيبها لله ثم ليا وتوكل على الله عبد العزيز : _لا حول ولا قوة الا بالله ..طب احنا هنوديها ازاي نطلب الاسعاف ؟ ادهم : _لا الموضوع مش صعب قوى كدة انا هوديها عبد العزيز : _انا مش هسيبها ادهم : _مفيش مشكلة انا هخدها معايا ومع ماما فاطمة وحضرتك حصلنا على هناك فأومأ عبد العزيز برأسه موافقا وهو يرتجف من مجرد فكرة خسارتها الغير محتملة على الاطلاق دخل ادهم مرة اخرى اليها وجدها كما تركها تبكي الألم والوجع ولا يوجد بجانبها احد حتى والدتها فأشفق عليها وحاول محادثتها بلين حتى لا تخافه ادهم : _هدى ممكن تيجي معايا مشوار هدى ببكاء قطع قلوبهم : _لااااا انا عاوزة ماما ...جدو هاتلي ماما انا بطني بتوجعني قوي همووووت ياجدو فلم يتحمل عبد العزيز رغم جبروته كلامها فنزلت دموعه فاسرع بالخروج من الغرفة وقلبه يتقطع عليها بينما اقترب ادهم منها ادهم : _هدى حبيبتي انا عارف ان بطنك بتوجعك قوي بس لو جيتي معايا هتخفي على طول صدقيني هدى بتعب : _اااااه ..مش قادرة اتحرك ادهم : _متخافيش يا حبيبتي انا هشيلك دا انت حتى صغنونة خالص اد اللعبة فتوقفت هدى فجأة عن البكاء ونظرت له بغضب نظرة لمن يعرف تلك العائلة سيدرك بحق ان تلك الفتاة جزء من لبؤة المحاماة سلمى هدى بغضب : _انا اد اللعبة ؟ ادهم مشاكسا لتنسى ألمها : _اه اد اللعبة الصغيرة كمان هدى بعند : _لا انا كبيرة حتى بص وحاولت هدى الوقوف على السرير لتثبت لادهم كبرها ولكن عاجلتها موجة جديدة من الألم جعلتها تثبت مكانها متأوهه ليستغل ادهم تلك اللحظة ويخطفها بين يديه فتعلقت هي بقميصه وهي تصرخ من الألم فضمها لصدره واسرع بها الى سيارته ومعه فاطمة التي ركبت في المقعد الخلفي ووضع ادهم هدى في حضنها لتضمها فاطمة بحنان وخوف حرمت منه تلك الطفلة سنوات عمرها كلها اما ادهم فانطلق لمقعد السائق وادار المحرك بسرعة كبيرة وخلفه كانت سيارة عبد العزيزتلتهم الطريق بسرعة كبيرة وعندما وصلا الى المستشفى اسرع ادهم بحملها وتوجه بها لاحدى الغرف ثم خرج مناديا على احدى الممرضات التابعة لقسمه (سناء ) وحدد لها كل التحاليل المطلوب عملها لها في اسرع وقت كما حدد لها العلاج الذي يجب ان تأخذه على وجه السرعة ليسكن ألمها ...ثم اتجه ادهم مع عبد العزيز لغرفة مكتب ادهم للحديث عن حالة هدى ولم تمر سوى نصف ساعة كانت تحاليلها ظهرت ووصلت لمكتب ادهم عبد العزيز : _طمني يا بني ايه الاخبار ؟ ادهم : _زي ما انا توقعت محتاجة لجراحة عبد العزيز : _لا حول ولا قوة الا بالله والعمل يابني ادهم : _ان شاء الله هنعملها العملية بكرة الصبح و..... قفاطعه طرقات عالية على الباب ثم دخول الممرضة سناء بتوتر : _دكتور ادهم الحقنا المريضة في غرفة 202 في حالة هياج شديد ومحدش قادر يقرب منها فاندفع ادهم راكضا اليها ومعه عبد العزيز والذي كان يعرف غرفة حفيدته جيدا وعندما دخلا وجداها في حالة هياج شديد عصبي يتخطى سنوات عمرها بمراحل ادهم بتعجب من حالتها : _في ايه ؟مالك ياهدى ؟ هدى بصراخ : _ابعدهم عني ياجدو عاوزين يموتوني جلس عبد العزيز بجانبها سريعا محاولا السيطرة على حركاتها الهيستيرية وحالة الهياج التي تمر بها هاتفا بلهفة : _اهدي يا هدى اسمعي الكلام محدش عاوز يموتك ..دول بيحبوكي يا بنتي هدى بانفعال : _لاااااااا انا عاوزة ماما هي اللي هتحميني منهم ..هي قالتلي كدة دول مجرمين انا عاوزة ماما ادهم: _ايه اللي حصل ياسناء ؟ سناء الممرضة : _والله يادكتور احنا حاولنا نعطيها حقنة المسكن بس هي مجرد ما شافت الحقنة بقت في الحالة دي حضرتك فهم ادهم سريعا ما يحدث : _لو سمحتوا مش عاوز حد في الاوضة كله يتفضل برا سناء : _بس حضرتك .... ادهم مقاطعا بحدة : _قلت كله برا ...خليك يا عمي هدأت هدى قليلا ونظرت له بأعين دامعة وقد شعرت من حدته انه الحماية لها فهو من ابعدهم عنها اذن ستلجأ اليه حتى عودة أمها ادهم : _هدى حبيبتي اهدي خلاص محدش يقدر يقربلك طول ما انا جنبك متخافيش خلاص هدى : _مين ده يا جدو انا خايفة قوي عبد العزيز : _متخافيش ياحبيبتي ده الدكت........ ادهم مقاطعا : _انا ادهم صاحب جدو ممكن نبقى اصحاب ونلعب سوا هدى بتعب : _انت كبير ازاي هتلعب ؟وانا كمان مش قادرة العب دلوقتي انا عيانة ادهم بحزن مصطنع : _كدة يا هدى مش عاوزة تلعبي معايا خلاص انا زعلان منك ومش هجيلك تاني هدى بلهفة : _طب خلاص متزعلش بس انا مش قادرة طب خلينا لبكرة ادهم بابتسامة : _ماشي ياهدى هجيلك بكرة وهجيبلك شيكولاته معايا اصل انا بحبها قوي هدى وقد تناست ألمها : _وانا كمان بحبها قوي يا أدهم عبد العزيز : _عيب يا هدى اسمه عمو ادهم ادهم : _لا ياعمي هو فيه اصحاب يقولوا لبعض عمو صح ياهدى هدى بابتسامة خطفت لب ادهم : _صح يا ادهم انا مش هقولك غير يا ادهم ماشي ؟ ادهم : _ماشي يا هدهد حلو كدة ؟ هدى : _اه حلو زي ما ماما بتقولي ادهم بحنان : _بصي بقى دلوقتي انا عرفت انك عيانة وحاسة بوجع في بطنك صح؟ هدى بدموع : _اه وجع جامد قوي يا ادهم ادهم : _علشان كدة انا جبتك هنا فيه دوا لو خدتيه هتلاقي الوجع راح ايه رايك هدى: _ ماشي بس بلاش حقن عشان الحقن بتموت انت عايزني اموت ادهم : _بعد الشر عليكي حبيبتي بس الحقن مش بتموت دي بتعالج هدى : _لا ماما قالتلي انها بتموت وانها وحشة هي والدكتور كمان كلهم عاوزين يموتونا ادهم بصدمة : _نعم !!! ماما قالت ايه ؟!!! ************************* مع مرور الايام لم تتحسن حالة مها فظلت طوال اسبوع كامل بعد الخطوبة بالمستشفى(قلب الرفاعي بقلمي لميس عبد الوهاب ) وحالتها من سيء لاسوء وهذا ما جعل احمد يخرج عن شعوره ليصرخ بها هادرا بنفاذ صبر : _يا مها حرام عليكي اللي بتعمليه فيا ده ابراهيم : _صوتك عالي ليه يا احمد مالك متعصب ليه ؟ احمد بنفاذ صبر وغضب : _يا بابا انا تعبت بقالنا اسبوع في المستشفى لا راضية تاكل ولا تشرب وبالتالي مفيش علاج نافع معاها والضغط مش مظبوط يا اما مرتفع جدا يا اما منخفض جدا ومش عارف اعمل ايه خلاص تعبت مها بدموع : _انا اسفة يا احمد انني السبب في تعبك انا ممكن اروح ..... ابراهيم مقاطعا : _بس يا مها تروحي فين يابنتي انت هنا وسط اهلك واحمد عصبي بس من خوفه عليكي ...انا بس عاوز افهم انت مش بتاكلي ليه ؟ مها بحرقة : _ياعمي والله ماليش نفس ..مش قادرة اكل أي حاجة والله ما قادرة احمد متنهدا بضيق محاولا كبت غضبه : _يا مها فكري في ابننا انت كدة بتموتيه بالبطيء حرام عليكي ابراهيم : _احمد تعالى معايا نشوف الدكتورة نجلاء ...دقيقة ورجعين يا مها مها : _اتفضلوا فخرج ابراهيم بغضب من ابنه من الغرفة وتبعه احمد وبمجرد ان ابتعدوا قليلا عن الغرفة حتى هدر به ابراهيم بعصبية : _انا عاوز افهم انت عصبي كدة ليه ؟ احمد : _يا بابا خايف عليها هي كدة بتموت بالبطيء ابراهيم : _بس ده مش شكل واحد خايف على مراته دا شكل واحد زهق منها وعاوز يخلص في اقرب وقت منها احمد : _يا بابا انا بتصرف معاها عادي ما هي فهماني وعارفة اسلوبي ابراهيم بغضب : _غبي ....تبقى غبي يا احمد يا دكتور يا كبير ...انت ناسي ان انت في نظرها خاطب واحدة تانية يبقى اما تتعامل معاها كدة هتفسرها انك اتغيرت ومعنتش بتحبها وعاوز تخلص منها احمد : _انا مستحيل اتغير يا بابا ابراهيم : _حلو تبقى تبين لها ده ...تاخدها بالراحة قوي وتسايسها على اد ما تقدر ووو...مش انا اللي هفهمك يا دكتور احمد مبتسما بحرج : _حاضر يا بابا عن اذنك ابراهيم : _روح يا احمد ربنا يهديلك الحال ويهديكي يا مها توقعاتكم تهمني ياترى ايه السر ورا كلام سلمى لبنتها ؟ وما مصير هدى بعد الجراحة ؟ كيف سيستطيع احمد السيطرة على الامور من جديد ؟ و مصير ياسمين ويوسف ؟

مقالات ذات صلة

حكاية من26-30

السوسيس

ترتدي 2 الاخير

الاهانة

التوام

مديرة اعمالي 3

اترك تعليقاً إلغاء الرد